Newyddion Diweddaraf 2021

Mae fferyllydd a fagwyd mewn cymuned lle roedd mynediad at gyflenwadau gofal iechyd sylfaenol yn rhywbeth moethus wedi sicrhau ysgoloriaeth i astudio ymhellach ym Mhrifysgol Abertawe.

Gall defnyddio technegau synhwyro datblygedig o bell helpu i ddatgelu dirywiad derw'n gynnar a rheoli llawer o glefydau eraill sy'n effeithio ar goedwigoedd ledled y byd, yn ôl ymchwil newydd gan Brifysgol Abertawe.

Pan adawodd Robert Yarr yr ysgol uwchradd, roedd yn gweld mynd i brifysgol fel mater o reidrwydd yn unig. Fodd bynnag, gyda chymorth Academi Cyflogadwyedd Abertawe, mae ef wedi cael astudio wrth feithrin ei frwdfrydedd dros newyddiaduraeth chwaraeon.

Drwy gydol mis Gorffennaf, mae creadigaethau FIRE Lab sy'n cyfuno celf a gwyddoniaeth, sef Underwater Realm, yn cael eu harddangos yn y caffi Square Peg yn Abertawe, gan ddynodi man cychwyn helfa codau QR ledled y ddinas.

Mae Prifysgol Abertawe wedi cyrraedd y 12^fed safle am foddhad cyffredinol myfyrwyr yn Arolwg Cenedlaethol o Fyfyrwyr (NSS) 2021.

Mae'n ymddangos bod llacio'r cyfyngiadau symud wedi helpu iechyd meddwl llawer o arddegwyr ym Mhrydain, ond mae unigrwydd a gorbryder yn hynod gyffredin o hyd, yn ôl gwaith ymchwil newydd gan y Sefydliad Iechyd Meddwl a Phrifysgol Abertawe.

Mae astudiaeth newydd wedi datgelu bod gwlyptiroedd arfordirol – megis morfeydd heli – yn amddiffyn rhag llifogydd hyd yn oed yn well na'r disgwyl, gan leihau'r perygl i bobl a chartrefi mewn morydau.

Mae astudiaeth newydd gan academydd o Brifysgol Abertawe wedi cyhoeddi fformiwla fathemategol newydd a fydd yn helpu peirianwyr i asesu'r pwynt pan fo deunyddiau cellog, a ddefnyddir at amrywiaeth eang o ddibenion, o awyrofod i'r diwydiant adeiladu, yn plygu ac yn ildio.

Mae Syr David Suchet, seren y gyfres deledu enwog Poirot, yn chwarae'r brif ran mewn drama newydd sydd wedi cael ei hysgrifennu gan Gyfarwyddwr Ysgrifennu Creadigol Prifysgol Abertawe, yr Athro David Britton.

Mae Academi Hywel Teifi Prifysgol Abertawe wedi cyhoeddi adroddiad dilynol i’w chynhadledd ‘Gofid neu Gyfle: Y Gymraeg yn y “Normal Newydd”’, a gynhaliwyd ym mis Mawrth eleni.

Mae myfyrwraig o Brifysgol Abertawe'n dweud ei dweud am ei phrofiadau ei hun o hiliaeth er mwyn helpu i sicrhau bod Cymru'n lle gwell i fyw ynddo.

Mae academydd o Brifysgol Abertawe wedi ennill anrhydedd dwbl oherwydd ei arbenigedd wrth addysgu systemau gwybodaeth.

Bydd cyfres ffilmiau dogfen newydd sy'n archwilio'r heriau y mae Cymru'n eu hwynebu, gan ddefnyddio ymchwil academaidd, yn cael ei lansio mewn digwyddiad rhithwir – a fydd yn agored i bawb – gan un o weinidogion Cabinet Llywodraeth Cymru.

Bydd gwyddonwyr o Brifysgol Abertawe'n rhannu eu harbenigedd gyda'r gymuned mewn penwythnos arbennig llawn digwyddiadau ar-lein.

Mae prosiect celf y Brifysgol sy'n mynd ati i dynnu sylw at y cysylltiad rhwng celf a gwyddoniaeth yn rhan o arddangosfa newydd yn Oriel Mission yn Abertawe.

Mae myfyrwraig PhD o Ysgol Feddygaeth Prifysgol Abertawe wedi ennill cystadleuaeth Thesis Tair Munud (3MT) Prifysgol Abertawe.

Mae Oriel Science Prifysgol Abertawe wedi croesawu'r ysgol gyntaf i ymweld â'i lleoliad arddangos newydd yng nghanol y ddinas.

Ar 4 Mehefin 2021, gwnaeth yr arbenigwyr technoleg o Lanelli Vindico ICS Ltd gynrychioli busnesau bach yn Stryd Downing i lansio Together for Our Planet, ymgyrch genedlaethol a gyflwynir ledled y DU yn ystod y cyfnod cyn Cynhadledd y Cenhedloedd Unedig ar Newid yn yr Hinsawdd (COP26) ym mis Tachwedd.

Mae Prifysgol Abertawe wedi cyhoeddi bod Niamh Lamond wedi cael ei phenodi i'r swydd Cofrestrydd a Phrif Swyddog Gweithredu Interim. 

Bydd Prifysgol Abertawe'n parhau i gyflawni rôl allweddol wrth hyfforddi gweithlu gofal iechyd y dyfodol dros y degawd nesaf.

Bydd Prifysgol Abertawe yn croesawu'r Athro Judith Lamie i'w huwch-dîm arweinyddiaeth fel Dirprwy Is-ganghellor newydd â chyfrifoldeb am bortffolio rhyngwladol y brifysgol.

Cynhelir digwyddiad am ddim a fydd yn dangos yr hyn y gallai addysg mewn prifysgol ei gynnig yng nghanol dinas Abertawe ddydd Mawrth, 6 Gorffennaf.

Bydd Prifysgol Abertawe a Diamond Light Source yn manteisio ar dechnoleg pelydru nanoronynnau arloesol.

Mae awdur i blant, enillydd cyntaf Gwobr Awduron Ifanc y BBC, ac enillydd blaenorol Gwobr Ryngwladol Colm Tóibín ymhlith y 12 awdur sydd wedi cyrraedd rhestr fer Cystadleuaeth Stori Fer Rhys Davies 2021.

Mae 17 o luniau trawiadol, a'r straeon difyr sydd y tu ôl iddynt – darganfyddiad annisgwyl y tu mewn i siarc crocodeil, rhewlifoedd Antarctig sy'n symud, a defnyddio baw pryfed mewn ffyrdd anrhagweledig – wedi cael eu datgelu heddiw fel enillwyr cystadleuaeth Ymchwil fel Celf 2021.

Ym mis Mehefin 2020, gwnaeth protestwyr ddymchwel cerflun o'r caethfasnachwr Edward Colston o'i blinth ym Mryste, gan ysgogi trafodaethau am gerfluniau dadleuol a gafodd gryn sylw yng Nghymru ac ym mhedwar ban byd. Flwyddyn yn ddiweddarach, y materion hynny fydd prif destun cynhadledd ryngwladol fawr sydd wedi cael ei threfnu gan academyddion ym Mhrifysgol Abertawe.

Mae Prifysgol Abertawe wedi cael ei chydnabod am ei rhagoriaeth o ran amrywiaeth a chynhwysiant yn ystod y pandemig, wrth iddi ennill gwobr arian yng Ngwobrau Dewis Myfyrwyr Whatuni 2021.

Mae rhwydwaith ymchwil Cymru gyfan mewn peirianneg a deunyddiau uwch, dan arweiniad athro peirianneg o Brifysgol Abertawe, wedi cael cyllid am yr eildro a fydd yn ei alluogi i barhau â'i waith am ddwy flynedd arall.

Adroddiad yn cyfleu’r gwersi a’r arferion arloesol sy’n dod i’r amlwg ar draws GIG Cymru mewn ymateb i bandemig COVID-19.

Mae asffalt cymysgedd cynnes (WMA) wrthi'n denu sylw yn y diwydiant asffalt fel technoleg eco-gyfeillgar a chynaliadwy.

Bydd Jordan Morris, pêl-droediwr rhyngwladol o'r Unol Daleithiau a fu gynt yn un o sêr clwb Dinas Abertawe, yn ymuno â Phrifysgol Abertawe i drafod sut mae'n cydbwyso gyrfa ar y brig ym maes chwaraeon â gofynion diabetes math 1. 

Mae papur gan Grigory Garkusha o Brifysgol Abertawe newydd gael ei gyhoeddi gan un o’r cyfnodolion mathemateg uchaf ei fri yn y byd. 

Mae Prifysgol Abertawe'n adeiladu ar ei gwaith cydweithredol llwyddiannus gyda Phrifysgol Trent yng Nghanada drwy lansio cyfle ychwanegol i astudio ar ddwy ochr yr Iwerydd. 

Mae ymchwilwyr yn Ffowndri Gyfrifiadol Prifysgol Abertawe wrthi'n rhannu dyfais newydd, rad sy'n cyfuno cysyniad peiriant pleidleisio cyhoeddus traddodiadol â chyfleuster diheintio dwylo awtomatig.

Mae academydd o Ysgol Feddygaeth Prifysgol Abertawe wedi cael ei anrhydeddu am ei ddulliau addysgu arloesol a'i gyfraniad at y maes. 

Mae arbenigwyr gwyddorau chwaraeon ac ymarfer corff o Brifysgol Abertawe a Phrifysgol Canberra yn Awstralia wedi lansio partneriaeth swyddogol i gydweithredu ar ymchwil, addysgu a chyfnewid myfyrwyr.

Mae Prifysgol Abertawe wedi dringo i'r 440fed safle yn y rhestr ddiweddaraf o brifysgolion gorau'r byd a gyhoeddwyd gan y corff mwyaf blaenllaw ym maes graddio prifysgolion. Mae hi wedi dringo mwy o safleoedd nag unrhyw brifysgol arall yng Nghymru eleni.

Mae Prifysgol Abertawe wedi dringo i'w safle uchaf erioed yn nhablau cynghrair 2022 y Complete University Guide – gan gyrraedd y 30 uchaf.

Mae ymchwilwyr ym Mhrifysgol Abertawe yn galw ar benaethiaid ac uwch aelodau staff arwain i lenwi arolwg ynglŷn â’u profiadau yn ystod y pandemig Covid-19.

Bydd Carl Cater, arbenigwr ecodwristiaeth Prifysgol Abertawe, yn cymryd rhan mewn digwyddiad byd-eang i nodi Diwrnod Cefnforoedd y Byd y Cenhedloedd Unedig ddydd Mawrth, 8 Mehefin. 

Bydd Canolfan y Celfyddydau Taliesin yn cyflwyno Newid Popeth, cyfres o drafodaethau a digwyddiadau a fydd yn archwilio rôl creadigrwydd, meddylfryd addasol ac adrodd straeon wrth oresgyn heriau’r argyfwng hinsawdd.

Fel rhan o'u hymrwymiad i roi cymorth allweddol drwy gydol y pandemig, mae myfyrwyr o Brifysgol Abertawe wedi gwirfoddoli i greu pecynnau gweithgareddau i blant, pobl ifanc ac oedolion anabl yn y gymuned.

Wrth i'r pandemig barhau i gael effaith andwyol ar India, mae academydd o Brifysgol Abertawe'n ymchwilio i'r posibilrwydd y gallai te gwyrdd esgor ar gyffur i fynd i'r afael â Covid-19.

Er nad oes modd iddynt fynd i'r labordy oherwydd Covid-19, mae myfyrwyr peirianneg wedi bod yn cael profiad ymarferol hanfodol, diolch i becynnau labordy cartref sydd wedi cael eu datblygu a'u hanfon gan eu darlithwyr.

Bydd Prifysgol Abertawe'n parhau i noddi blaen crysau clwb pêl-droed Dinas Abertawe yn ystod tymor 2021-22.

Mae arbenigwyr o Brifysgol Abertawe'n helpu i feithrin dealltwriaeth ehangach o ymchwil sy’n ymwneud â Covid-19 yn ogystal â'r pwyslais pwysig ar frechlynnau. 

Mae myfyriwr o Jamaica wedi curo 40 o fyfyrwyr gobeithiol eraill i ennill ysgoloriaeth lawn gwerth £20,000 i astudio ym Mhrifysgol Abertawe.

Mae gwyddonydd blaenllaw o Brifysgol Abertawe wedi cael ei benodi'n bennaeth pwyllgor cynghori allweddol gan Matt Hancock, Ysgrifennydd Iechyd Llywodraeth y DU.

Mae ymchwil newydd wedi egluro ymhellach effaith Covid-19 a'r cyfyngiadau symud ar iechyd meddwl a lles pobl yng Nghymru. 

Mae Prifysgol Abertawe yn noddi a chydlynu un o brif atyniadau Eisteddfod-T yr Urdd unwaith eto eleni, sef llwyfan GwyddonLe, gan gynnig cyfres o ddigwyddiadau byw, adnoddau, a fideos o weithgareddau addysgiadol difyr i’r teulu cyfan. 

Bydd Prifysgol Abertawe'n cyflwyno cyfres o ddigwyddiadau yng Ngŵyl y Gelli eleni, pan ddaw llenorion a darllenwyr at ei gilydd ar gyfer llu o sgyrsiau, trafodaethau, gweithdai a pherfformiadau ar-lein ysbrydoledig o ddydd Mercher 26 Mai i ddydd Sul 6 Mehefin.

Mae astudiaeth gan ymchwilwyr o Brifysgol Abertawe'n dangos bod damcaniaethau cynllwyn, drwgdybiaeth o'r llywodraeth a siambrau adlais ynghylch Covid-19 ymysg y ffactorau sy'n peri i bobl oedi cyn cael eu brechu. 

Sut mae un golomen yn cyrraedd adref? A yw'n dewis y llwybr cyflymaf, hawsaf neu fwyaf diogel?

Mae gwyddonwyr yng Nghanolfan Arloesi a Gwybodaeth SPECIFIC ym Mhrifysgol Abertawe wedi darganfod ffordd o greu technoleg solar y genhedlaeth nesaf heb y toddyddion gwenwynig ac anghynaliadwy y mae eu hangen ar hyn o bryd.

Mae dau academydd o Brifysgol Abertawe ymhlith enillwyr diweddaraf medalau Cymdeithas Ddysgedig Cymru, a gyhoeddwyd yng nghyfarfod cyffredinol blynyddol y gymdeithas ddydd Mercher, 19 Mai.

Mae grŵp o fyfyrwyr o Brifysgol Abertawe wedi llunio Neges Heddwch ac Ewyllys Da yr Urdd eleni, sydd wedi’i seilio ar y thema ‘Cydraddoldeb i Ferched’.

Mae tîm o academyddion o Gymru wedi datblygu dull newydd o helpu gweithwyr iechyd proffesiynol i wneud penderfyniadau clinigol ynghylch pobl a all fod mewn perygl o ladd eu hunain. 

Mae Oriel Science Prifysgol Abertawe yn ôl mewn lleoliad arddangos newydd yng nghanol dinas Abertawe a fydd yn agor ddydd Sadwrn 22 Mai.

Mae safon cwrs MSc Prifysgol Abertawe mewn Seiberddiogelwch wedi cael ei hardystio’n swyddogol gan gorff arbenigol mwyaf blaenllaw'r maes yn y DU, y Ganolfan Seiberddiogelwch Genedlaethol (NCSC), sy'n rhan o Bencadlys Cyfathrebu Llywodraeth y DU.

Mae casgliad digidol llawn llawysgrifau, nodiaduron a ffotograffau sy'n gysylltiedig â'r llenor o Gymru Dylan Thomas ar gael am ddim ar-lein bellach, diolch i gydweithrediad rhyngwladol.

Mae Raven Leilani o Efrog Newydd wedi ennill un o'r gwobrau llenyddol mwyaf yn y byd ar gyfer llenorion ifanc – Gwobr Dylan Thomas Prifysgol Abertawe – am ei chyfrol gyntaf ‘feiddgar’, Luster, nofel afaelgar, bryfoclyd a phoenus o ddoniol am y profiad o fod yn fenyw ddu a ddaeth i oed ers dechrau'r mileniwm yn America.

Mae gan Brifysgol Abertawe rôl flaenllaw mewn consortiwm newydd ledled y DU i ddod â data iechyd meddwl allweddol ynghyd.

Mae'r gallu i gysylltu â phobl a meithrin ymdeimlad o berthyn yn anghenion dynol sylfaenol ond mae ymchwil newydd gan Brifysgol Abertawe wedi archwilio sut mae'r rhain yn deillio o fwy na'n perthnasoedd personol yn unig.  

Mae'r Asiantaeth Ryngwladol i Atal Camddefnyddio Cyffuriau mewn Chwaraeon (WADA) wedi cyhoeddi bod yr Athro Michael McNamee o'r Ysgol Gwyddorau Chwaraeon ac Ymarfer Corff wedi cael ei benodi'n Gadeirydd Grŵp Cynghori Arbenigol WADA ar Foeseg.

Mae Technocamps, prosiect allgymorth Prifysgol Abertawe, yn cefnogi plant ledled Cymru sydd heb fynediad at y rhyngrwyd drwy gynhyrchu 3,000 o weithlyfrau ac adnoddau llawn gweithgareddau i'w galluogi i weithio gartref ar bynciau STEM (Gwyddoniaeth, Technoleg, Peirianneg a Mathemateg) os bydd eu hysgol ar gau oherwydd Covid-19.

Mae athro o Brifysgol Abertawe wedi cyfrannu at waith ymchwil sy'n dangos bod iechyd meddwl un o bob naw oedolyn wedi bod yn wael iawn yn rheolaidd neu wedi dirywio yn ystod chwe mis cyntaf pandemig Covid-19.

Mae gwyddonwyr o Brifysgol Abertawe wedi darganfod bod rhai masgiau wyneb untro yn rhyddhau llygryddion cemegol a allai fod yn beryglus pan fyddant mewn dŵr.

Rhoddwyd hwb mawr i syniadau busnes myfyrwyr blaengar yn ystod The Big Pitch, cystadleuaeth flynyddol y Brifysgol a noddir gan y fenter Prifysgolion Santander.

Mae un o raddedigion Prifysgol Abertawe'n gobeithio y bydd ei llyfr plant newydd yn lansio cyfres o adnoddau i geisio mynd â darllenwyr ifanc ar daith synhwyraidd. 

Mae biowyddonydd o Brifysgol Abertawe wedi cymryd rhan mewn gwaith ymchwil sydd wedi taflu goleuni newydd ar effaith pobl ar fioamrywiaeth y Ddaear. 

Mae Working Families, yr elusen cydbwyso bywyd a gwaith, wedi cyhoeddi'r ymgeiswyr terfynol ar gyfer y Gwobrau Arferion Gorau blynyddol.

Mae gwefan ryngweithiol newydd wedi cael ei lansio er mwyn helpu pleidleiswyr yn yr etholiad i'r Senedd sydd ar y gweill i gymharu eu blaenoriaethau o ran polisïau â safbwyntiau pleidiau ac ymgeiswyr gwleidyddol.

Mae deg o academyddion Prifysgol Abertawe ymhlith y newydd-ddyfodiaid i Gymrodoriaeth Cymdeithas Ddysgedig Cymru.

Mae Prifysgol Abertawe'n dathlu'r ffaith bod cynllun rhannu beiciau Santander wedi cyrraedd carreg filltir 50,000 o deithiau. Mae'n profi bod y cynllun wedi mynd o nerth i nerth yn y ddinas ers iddo gael ei lansio yn 2018.

Wrth i ŵyl Tafwyl ddathlu ei phen-blwydd yn bymtheg oed eleni, mi fydd Academi Hywel Teifi Prifysgol Abertawe yn noddi llwyfan Llais yr ŵyl unwaith eto eleni, gan gyflwyno cyfres o ddigwyddiadau llenyddol rhithwir i bobl o bob oed.  

Mae hanesydd o Brifysgol Abertawe wedi cyrraedd rhestr fer Gwobr Hanes Wolfson 2021. Dyma’r wobr uchaf ei bri yn y DU ar gyfer llenyddiaeth hanesyddol, sy'n dathlu llyfrau ffeithiol hanesyddol gorau'r flwyddyn ddiwethaf ac yn cynnig gwobr sy'n werth £40,000.

Yn ogystal â bod yn llafur cariad, roedd llyfr diweddaraf darlithydd o Brifysgol Abertawe yn gyfle i dalu teyrnged i'r dyn a ysbrydolodd ei frwdfrydedd dros griced. 

Mae academydd o Brifysgol Abertawe a wnaeth helpu i arloesi ffyrdd o ennyn brwdfrydedd wrth addysgu gwyddoniaeth o bell yn ystod y pandemig wedi cael ei anrhydeddu gan y Gymdeithas Fioleg Frenhinol. 

Mae uwch-beiriannydd meddalwedd ymchwil o Brifysgol Abertawe wedi ennill y gymrodoriaeth gyntaf a gynigiwyd gan y Cyngor Cyfleusterau Gwyddoniaeth a Thechnoleg (STFC) ym maes Peirianneg Meddalwedd Ymchwil.

Mae ffisegwyr o Brifysgol Abertawe wedi cyfrannu at waith ymchwil cydweithredol rhyngwladol sydd wedi nodi techneg newydd ar gyfer profi ansawdd cydberthyniadau cwantwm. 

Gwnaeth 25 o fyfyrwyr PhD, gan gynnwys naw o Brifysgol Abertawe, gydweithio â thair elusen o'r DU i ddatrys problemau data o’r byd go iawn yn ystod digwyddiad cyntaf y rhaglen DataAid. Yr elusennau dan sylw oedd y Sefydliad Masnach Deg, The Diana Award a Chance to Shine.

Mae gwarchod pobl dan fygythiad wedi bod yn ganolog i'r ymateb i Covid-19, ond a yw'n effeithiol? Bydd tîm ymchwil o Brifysgol Abertawe'n archwilio'r dystiolaeth i weld pa wersi y gellid eu dysgu ar gyfer y dyfodol.

Mae academydd o Brifysgol Abertawe wedi derbyn gwobr Cyfraniad Eithriadol mewn cydnabyddiaeth o’i waith yn cefnogi Cymdeithas Cynghori a Thiwtora'r Deyrnas Unedig (UKAT).

Mae ffisegwyr o Brifysgol Abertawe, fel aelodau blaenllaw o'r grŵp cydweithredol ALPHA yn CERN (y Sefydliad Ewropeaidd ar gyfer Ymchwil Niwclear), wedi defnyddio laserau i oeri atomau gwrth-hydrogen am y tro cyntaf. Mae'r cyflawniad arloesol yn cynhyrchu gwrthfater oerach nag erioed o'r blaen ac yn hwyluso haen newydd sbon o arbrofion, gan helpu gwyddonwyr i ddysgu mwy am wrthfater yn y dyfodol.

Bob blwyddyn, amcangyfrifir bod pedwar y cant o arwyneb tir y byd sydd wedi'i orchuddio â llystyfiant yn llosgi, gan adael mwy na 250 o fegatonau o blanhigion sydd wedi cael eu carboneiddio. 

Nid yw gwaith ymchwil newydd wedi nodi unrhyw achosion o anhwylder gwaed prin ymhlith y bobl yng Nghymru sydd wedi cael eu brechu yn erbyn Covid-19.

Mae Prifysgol Abertawe wedi croesawu tri aelod newydd o staff wrth iddi barhau i baratoi i lansio ei rhaglen fferylliaeth gyntaf ym mis Medi. 

Mae tymereddau byd-eang uwch yn helpu rhywogaethau goresgynnol i sefydlu eu hunain mewn ecosystemau, yn ôl gwaith ymchwil a arweinir gan fiowyddonydd o Brifysgol Abertawe.

Mae myfyriwr o Brifysgol Abertawe ymhlith pedwar myfyriwr yn unig ledled y wlad sydd wedi sicrhau grant gwerth £10,000 ar ôl cymryd rhan mewn cynllun dysgu newydd sy'n ymwneud â datblygiad personol a phroffesiynol.

Caiff rhestr fer un o'r gwobrau llenyddol mwyaf yn y byd ar gyfer llenorion ifanc – Gwobr Dylan Thomas Prifysgol Abertawe – ei chyhoeddi heddiw ac mae'n llawn lleisiau newydd beiddgar sy'n herio disgwyliadau wrth archwilio'n afaelgar gysyniadau goroesi, hunaniaeth, perthyn ac ystyr bod yn rhywun ‘amgen’ yn ein byd cyfoes.

Mae Prifysgol Abertawe wedi cael cyllid gwerth £4.8m gan Lywodraeth y DU ar gyfer cyfarpar o'r radd flaenaf i gynhyrchu dyfeisiau lled-ddargludo pŵer silicon carbid a fydd yn creu offer electroneg pŵer mwy effeithlon ar gyfer cartrefi, trafnidiaeth a diwydiant, ac yn helpu i gyflawni uchelgais y genedl i sicrhau allyriadau carbon sero-net.

Mae tîm ymchwil ym Mhrifysgol Abertawe wedi lansio platfform digidol newydd a fydd yn trawsffurfio sut mae cadwyni cyflenwi’n gweithredu yn y diwydiant gweithgynhyrchu.

Mae tîm o ymchwilwyr ym Mhrifysgol Abertawe yn galw ar aelodau o'r cyhoedd i gwblhau arolwg am eu profiadau o wisgo masgiau wyneb yn ystod pandemig Covid-19. 

Mae ymchwilwyr o Brifysgol Abertawe wedi datblygu dyfais unigryw sy’n gallu canfod COVID-19 mewn dŵr gwastraff cyffredin.

Caiff uwchgyfrifiadur a all gyflawni 15,000 triliwn o weithrediadau fesul eiliad, sy'n 15,000 o weithiau'n fwy pwerus na chyfrifiadur bwrdd gwaith, ei osod ym Mhrifysgol Abertawe, lle bydd yn ategu ymchwil i ddeallusrwydd artiffisial mewn meysydd megis peirianneg a meddygaeth.

Caiff Tŷ Fulton ym Mhrifysgol Abertawe ei oleuo'n felyn ddydd Mawrth 23 Mawrth fel rhan o ddiwrnod cenedlaethol i gofio'r rhai sydd wedi marw yn ystod pandemig Covid-19 ac i gefnogi'r rhai sydd wedi cael profedigaeth.

Mae cysylltiad rhwng Prifysgol Abertawe a thri enwebiad ar restr fer Gwobrau Dewi Sant, sef gwobrau cenedlaethol Cymru, eleni.

Bydd archif ddigidol ar-lein sy'n llawn deunydd am brofiadau cannoedd o bobl o Covid-19 yn cael ei lansio ym Mhrifysgol Abertawe ar 23 Mawrth – flwyddyn ers dechrau'r cyfnod clo cyntaf yn y DU. 

Bydd Prifysgol Abertawe'n neilltuo cyllid ychwanegol gwerth £1.5 miliwn i dair menter a fydd yn helpu i gynnal gallu a hybu adferiad economaidd ehangach yng nghyd-destun effaith pandemig Covid-19.

Mae arbenigwyr gwyddorau bywyd o Brifysgol Abertawe yn edrych ymlaen at chwarae rôl allweddol mewn cynlluniau i feithrin cysylltiadau agosach byth rhwng Cymru ac Iwerddon.

23^ain – 25^ain Mawrth 2021

Bydd y Ganolfan Ymchwil Heneiddio a Dementia (CADR) yn croesawu academyddion, pobl broffesiynol a’r cyhoedd i’w gynhadledd Zoom cyntaf i gydfynd â phen-blwydd cychwyn y cyfnod clo cenedlaethol.

Mae cyfyngiadau'r pandemig yn gwaethygu'r sbardunau ar gyfer hunan-niweidio ac iechyd meddwl gwael, yn ôl arbenigwyr. 

Mae angen criw o arddwyr amatur o bob rhan o’r DU ar gyfer prosiect ymchwil newydd i edrych ar fuddiannau tyfu planhigion, gwirfoddoli a chymunedau ar-lein – gan helpu ysbytai’r GIG i flodeuo hefyd.

Mae ymchwilwyr o Brifysgol Abertawe'n cymryd rhan mewn prosiect i dreialu dull newydd o fesur ceryntau llanw a allai weddnewid y diwydiant nwyddau adnewyddadwy morol. 

Mae Llywodraeth Cymru, Pfizer, Prifysgol Abertawe a Hwb Gwyddorau Bywyd Cymru wedi llofnodi siarter arloesol sy’n adlewyrchu’r gred gytûn y dylai Cymru fabwysiadu a darparu Gofal Iechyd sy’n Seiliedig ar Werth. 

Mae gwaith wedi dechrau i greu cyfleusterau cyfoes gwerth £2.1m ar gyfer cyrsiau fferylliaeth newydd Prifysgol Abertawe. 

Caiff effaith cyfyngiadau Covid-19 ar garcharorion a charchardai ei harchwilio mewn prosiect ymchwil a arweinir gan Brifysgol Abertawe, sydd wedi cael cyllid gwerth £251,240 gan y Cyngor Ymchwil Economaidd a Chymdeithasol, i weld pa wersi y gellid eu dysgu.

Mae ymchwil newydd gan Brifysgol Abertawe yn archwilio effaith Covid-19 ar weithgarwch corfforol, iechyd meddwl a lles plant yng Nghymru. 

Mae awdur adroddiad newydd a gafodd ei gomisiynu gan Weinidog Iechyd Meddwl, Llesiant a'r Gymraeg Llywodraeth Cymru wedi gwneud 12 o argymhellion polisi i Lywodraeth Cymru i fynd i'r afael â'r argyfwng ail gartrefi yng Nghymru a'i effaith ar gymunedau Cymraeg.

Mae Prifysgol Abertawe yn cefnogi'r Wythnos Gweithredu ar Wastraff Bwyd gyntaf erioed yn y DU. 

Gwnaeth y Gwir Anrhydeddus Mark Drakeford AS, Prif Weinidog Cymru, agor Sefydliad Astudiaethau Uwch Morgan (SAUM) yn swyddogol heddiw (dydd Gwener, 26 Chwefror) yn ystod seremoni rithwir.

Tynnir sylw at ymchwil gwyddonydd o Brifysgol Abertawe i nodweddion geometregol damcaniaethau ffisegol mewn papur newydd. 

Mae personoliaeth wedi cael ei disgrifio ar gyfer mathau gwahanol o rywogaethau anifeiliaid, o forgrug i epaod. Mae rhai unigolion yn swil ac yn sefydlog, ond mae eraill yn fentrus ac yn fywiog. Nawr, mae astudiaeth newydd a gyhoeddir yn Ecology and Evolution wedi datgelu bod dull nofio pysgodyn yn rhoi llawer o wybodaeth am ei bersonoliaeth.

Mae academyddion o Brifysgol Abertawe'n cyfrannu at astudiaeth ryngwladol sy'n archwilio effaith ymatebion llywodraethau i Covid-19 ar grwpiau diamddiffyn. 

Mae ymchwil newydd gan wyddonwyr o Brifysgol Abertawe mewn cydweithrediad â gwyddonwyr ym Mhrifysgol Bryste ac yn Sefydliad Francis Crick yn Llundain wedi awgrymu y gallai deietau sy'n cynnwys llawer o'r siwgr ffrwctos atal systemau imiwnedd pobl rhag gweithredu'n gywir, mewn ffyrdd a fu, hyd yn hyn, yn anhysbys i raddau helaeth.

Mae rhai o fyfyrwyr nyrsio Prifysgol Abertawe wedi helpu cleifion mewn ysbyty yng ngorllewin Cymru i gadw mewn cysylltiad â'u hanwyliaid. 

Mae Prifysgol Abertawe'n chwilio am wirfoddolwyr o Dde Cymru i fod yn rhan o ymchwil hollbwysig i weld a allai chwistrell i'r trwyn sydd ar gael i'w phrynu helpu i amddiffyn pobl yn erbyn Covid-19. 

Mae grant Ewropeaidd sylweddol wedi cael ei ddyfarnu i bartneriaid yng Nghymru ac Iwerddon, gan gynnwys Prifysgol Abertawe, i wneud gwaith ymchwil ar ddatblygu ceirch fel cynnyrch bwyd iach a chnwd sy'n gallu gwrthsefyll yr hinsawdd.

Mae myfyrwyr parafeddygol Prifysgol Abertawe wedi cael brechiad yn erbyn coronafeirws wrth iddynt barhau i weithio ar reng flaen y GIG. 

Mae ffrindiau di-rif Hywel Francis – yr addysgwr oedolion, yr hanesydd, yr ymgyrchydd a'r seneddwr – ym Mhrifysgol Abertawe a'r tu hwnt yn galaru ar ôl iddo farw'n 74 oed.

Mae’r Coleg Cymraeg Cenedlaethol wedi penodi pum llysgennad newydd ar gyfer 2021 o Brifysgol Abertawe i rannu Sŵn y Stiwdants ac annog mwy o ddarpar fyfyrwyr i ymddiddori ym maes addysg uwch cyfrwng Cymraeg.

Mae pobl sy'n dioddef o asthma yn ardaloedd mwyaf difreintiedig Cymru 50% yn fwy tebygol o gael eu derbyn i ysbyty ac o farw o asthma na'r rhai sy'n byw yn yr ardaloedd lleiaf difreintiedig, yn ôl astudiaeth newydd dros bum mlynedd o fwy na 100,000 o bobl.

Roedd mwy na hanner y bobl y bu'n rhaid iddynt hunanynysu yn teimlo bod hynny wedi effeithio ar eu hiechyd meddwl a dywedodd mwy na chwarter ohonynt ei fod wedi effeithio'n negyddol ar eu hincwm, yn ôl ymchwil Prifysgol Abertawe. 

Mae Prifysgol Abertawe'n arwain y frwydr yn erbyn camfanteisio'n rhywiol ar blant ar-lein ar ôl cael cyllid sylweddol am brosiect arloesol newydd sy'n canolbwyntio ar atal perthnasoedd amhriodol ar-lein. 

Mae prosiect newydd ar y cyd sydd am gefnogi myfyrwyr sy'n teimlo'n unig ac yn ynysig wedi cael ei lansio gan Brifysgol Abertawe a Phrifysgol Cymru Y Drindod Dewi Sant (PCYDDS).  

Mae rhestr DataIQ 100 ar gyfer 2021 yn cydnabod bod yr Athro David Ford, Cyfarwyddwr y Grŵp Gwyddor Data Poblogaeth ym Mhrifysgol Abertawe, ymhlith y bobl fwyaf dylanwadol ym maes data a dadansoddeg.

Fel rhan o drefniant cydweithio rhwng ymchwilwyr yn y Sefydliad Ymchwil Diogelwch Ynni (ESRI) ym Mhrifysgol Abertawe a’r cynhyrchydd sment, Hanson UK, mae uned arddangos newydd ar gyfer hydrogen gwyrdd wedi cael ei gosod yng ngwaith Regen GGBS y cwmni ym Mhort Talbot, De Cymru.

Mae Academi Hywel Teifi Prifysgol Abertawe yn galw ar fyfyrwyr sydd am astudio ar gyfer gradd ymchwil ôl-radd trwy gyfrwng y Gymraeg i wneud cais am ysgoloriaeth newydd er cof am yr Athro Hywel Teifi Edwards.

Mae mamau sy'n ennill incwm isel yn benyweiddio eu plant yn y groth drwy addasu eu hormonau, ond mae mamau sy'n ennill incwm uchel yn gwryweiddio eu plant, yn ôl astudiaeth fawr sy'n seiliedig ar hyd bysedd, dan arweiniad arbenigwr o Brifysgol Abertawe.

Mae cyn-ysgrifennydd gwladol yr Unol Daleithiau Hillary Clinton wedi cyhoeddi bod Rhaglen Heriau Byd-eang Hillary Rodham Clinton ym Mhrifysgol Abertawe wedi cael ei hymestyn i gynnwys pum ysgolhaig arall.

Bydd cleifion sy'n dioddef o glefyd ar y galon ynghyd â diabetes yn gallu gwneud eu hymarferion adfer yn fwy diogel, diolch i gyfarwyddyd cyntaf y byd ar y pwnc, a gyhoeddwyd gan academydd o Brifysgol Abertawe ac arbenigwyr rhyngwladol eraill.

Wrth i'r pandemig barhau i reoli ein bywydau, gofynnir i bobl yng Nghymru rannu eu profiadau fel rhan o ymchwil barhaus i'r ffordd y maent yn ymdopi â'r argyfwng coronafeirws.

Mae astudiaeth o’r camau y mae plant yn mynd drwyddynt wrth iddynt gyd chwarae yn cael eu hamlygu mewn ymchwil newydd gan academydd ym Mhrifysgol Abertawe.

Mae disgyblion Blwyddyn 7 mewn dwy ysgol leol wedi cael eu hannog i ddarllen ac i hybu eu llythrennedd yn ystod y cyfyngiadau symud, diolch i brosiect Prifysgol Abertawe. 

Yn ôl ymchwil newydd gan wyddonwyr o Brifysgol Abertawe, mae rampiau cychod yn helpu cregyn gleision rhesog (Dreissena polymorpha) hynod ymledol i fynd ar led. Er mwyn atal y rhywogaeth hon rhag ymledu, mae Dr Marta Rodriguez-Rey a'i chyd-awduron yn awgrymu yn yr astudiaeth newydd y dylid rhoi mesurau rheoli llym ar waith a monitro rampiau cychod penodol.

Gallai miliynau o fyfyrwyr ledled y byd fod ar eu hennill pe bai eu haddysgwyr yn mabwysiadu ymagwedd fwy hyblyg ac ymarferol, yn ôl arbenigwyr o Brifysgol Abertawe. 

Mae ymchwilydd o Brifysgol Abertawe yn gofyn am wirfoddolwyr o Gymru i rannu eu hatgofion o drychinebau yn y gorffennol ar gyfer astudiaeth newydd a fydd yn edrych ar y ffordd y mae pobl sy'n byw yng Nghymru ac yn Ffrainc yn ymdrin â'r atgofion hyn.

Bydd Mark Blagrove, arbenigwr cwsg Prifysgol Abertawe, yn cyflwyno digwyddiad arbennig i gofio achlysur arwyddocaol yn hanes dadansoddi breuddwydion.

Mae Prifysgol Abertawe wedi cryfhau eu perthynas â Faradair Aerospace, a fydd yn ailgyflwyno maes cynhyrchu awyrennau ar raddfa fawr yn y DU, gyda chynlluniau i gynhyrchu 300 o awyrennau cynaliadwy wedi'u dylunio ym Mhrydain erbyn 2030.

Roedd yr hyfforddwraig rygbi Tirion Thomas yn falch o gael ei hanrhydeddu am ei hymroddiad i chwaraeon, ond mae hi bellach yn rhoi'r un ymrwymiad i'w gyrfa hirdymor ag y mae i bob gêm. 

Gwnaeth gallu rhai cobraod i boeri eu gwenwyn, sy'n unigryw ymysg nadroedd, ddatblygu fel mecanwaith amddiffynnol i achosi poen yn hytrach nag i ddal ysglyfaethau, yn ôl ymchwil newydd gan dîm sy'n cynnwys ymchwilydd o Brifysgol Abertawe.

Mae chwe gwaith cynifer o achosion o anhwylder pwysedd yr ymennydd – sy'n effeithio ar fenywod yn bennaf, gan achosi cur pen a cholli golwg yn barhaol weithiau – na'r cyfanswm 15 mlynedd yn ôl, ac mae cysylltiad rhyngddo a gordewdra ac amddifadedd, yn ôl ymchwilwyr o Brifysgol Abertawe.

Mae'r gwyddonwyr a dynnodd sylw at nodweddion trechu heintiau bacteria yn y pridd yng Ngogledd Iwerddon wedi gwneud darganfyddiad cyffrous arall yn yr ymdrech i ddod o hyd i wrthfiotigau newydd. 

Caiff y rhestr hir ryngwladol ar gyfer un o wobrau llenyddol mwyaf y byd i lenorion ifanc – Gwobr Dylan Thomas Prifysgol Abertawe – ei chyhoeddi heddiw, ac mae'n cynnwys naw llyfr cyntaf, y nifer mwyaf erioed.

Mae ymchwilwyr o Brifysgol Abertawe wedi cael eu comisiynu gan y Senedd i archwilio profiadau pobl o gael gwybod gan y gwasanaeth Profi, Olrhain a Diogelu fod yn rhaid iddynt hunanynysu.

Mae prosiect Copperopolis, sydd wrth wraidd y broses o adfywio gwaith copr yr Hafod-Morfa, wedi cael ei ddewis fel esiampl o'r ffordd y mae prifysgolion ledled Cymru yn gweithio gyda'u cymunedau, gan greu manteision cymdeithasol ac economaidd.

Mae rhaglen ASTUTE 2020, sy’n cael ei hariannu gan yr UE, ac sy’n rhan o Brifysgol Abertawe, wedi darparu cefnogaeth Ymchwil, Datblygu ac Arloesi (RD&I) diwydiannol i helpu Brother Industries (U.K) Ltd. i gynhyrchu cetrisen inc gyntaf brand Brother a gynhyrchwyd o ddeunyddiau wedi’u hailgylchu a adferwyd o gynnyrch Diwedd Oes.

Mae ymchwilydd o Brifysgol Abertawe wedi cael cydnabyddiaeth ryngwladol am ei waith ym maes datgarboneiddio diwydiannol. 

Bydd adeiladau ynni gweithredol – sy'n cynhyrchu, yn storio ac yn rhyddhau eu hynni solar eu hunain – yn cael eu hadeiladu yn India, gan helpu rhai o'r 600,000 o bentrefi yn y wlad sy'n cael problemau gyda chyflenwad trydan.

Mae prosiect o Brifysgol Abertawe wedi cael cyllid i ymchwilio i'r defnydd o alcohol gan bobl o gefndiroedd sipsiwn, Roma a theithwyr. 

Mae ymchwilwyr ym Mhrifysgol Abertawe wrthi'n datblygu'r ddyfais glyfar gyntaf a fydd yn cyflwyno brechlyn COVID-19 ac yn mesur ei effeithiolrwydd drwy fonitro ymateb cysylltiedig y corff.

Awgryma ymchwil newydd gan Brifysgol Abertawe bod system fonitro meddyginiaethau syml dan arweiniad nyrs neu ofalwr yn gallu helpu i leihau salwch yn ymwneud â meddyginiaeth ar gyfer pobl sy’n byw mewn cartrefi gofal preswyl – ac mae’r broses ond yn cymryd ychydig funudau ar gyfer pob claf.

Mae dau o gyrsiau Prifysgol Abertawe ymysg y cymwysterau ôl-raddedig cyntaf i gael eu hachredu gan y Gymdeithas Ddaearyddol Frenhinol. 

Mae'r Athro Gert Aarts FLSW, o Adran Ffiseg Prifysgol Abertawe, wedi cael ei benodi'n Gyfarwyddwr Interim Canolfan Ewrop ar gyfer Astudiaethau Damcaniaethol mewn Ffiseg Niwclear a Meysydd Cysylltiedig (ECT*)

Mae adolygiad newydd gan Brifysgol Abertawe'n datgelu bod pobl ledled y byd yn glynu wrth ffordd o addysgu sy'n aneffeithiol ac a all fod yn niweidiol i ddysgwyr.