Bod yn Actif

Bod yn ACTIF yw rhaglen Chwaraeon Prifysgol Abertawe o weithgareddau ymarfer corff sy’n hwyl ac yn hygyrch i fyfyrwyr a staff. Mae'n cynnig sesiynau rheolaidd ar y campws, gweithgareddau awyr agored, digwyddiadau dros dro, sesiynau rhagflas, heriau a digwyddiadau arbennig trwy gydol y flwyddyn.

Mae Bod yn ACTIF yn agored i holl fyfyrwyr presennol Prifysgol Abertawe ni waeth beth yw eu lefel a'u gallu.

Nac oes. Mae Bod yn ACTIF wedi'i ddylunio ar gyfer pob gallu, gan gynnwys dechreuwyr pur. Nid oes angen i chi berthyn i glwb chwaraeon neu fod â phrofiad blaenorol i gymryd rhan yn ein sesiynau - croeso i bawb.

Oes. Bydd angen i chi gofrestru ar gyfer Bod yn ACTIF cyn i chi gadw lle ar sesiwn. Mae cofrestru am ddim a dylai'r ffurflen ar-lein gymryd ychydig funudau yn unig i'w chwblhau. Dim ond unwaith bydd angen i chi gofrestru. Dylai myfyrwyr eisoes fod â chyfrif gydag Undeb y Myfyrwyr, felly dylai cofrestru fod yn syml.Dylech ddefnyddio eich cyfeiriad e-bost myfyriwr. Ar wefan Undeb y Myfyrwyr mae angen i chi ychwanegu 'Cofrestriad Myfyriwr' at eich basged a mynd i'r ddesg dalu, ateb ychydig o gwestiynau syml a chadarnhau.Byddwch yn cael cadarnhad a bant â chi. Ewch i wefan Undeb y Myfyrwyr a dilynwch y cyfarwyddiadau i gofrestru.

Unwaith i chi gofrestru, gallwch bori'r rhaglen ddiweddaraf a chadw lle mewn sesiynau drwy wefan Undeb y Myfyrwyr.

Gall nifer cyfyngedig o leoedd fod ar gael, felly rydym yn awgrymu cadw lle ymlaen llaw.

Pori a chadw lle mewn sesiynau

Mae'r rhan fwyaf o sesiynau Bod yn ACTIF ar y campws sy'n rhan o'n hamserlen graidd am ddim. Gall sesiynau Ewch i’r AWYR AGORED neu'r rhai sy'n cael eu harwain gan hyfforddwyr arbenigol neu ddarparwyr gweithgaredd allanol fod â chost isel, ond fel arfer bydd cymhorthdal yn cadw pris y rhain yn isel.

Bydd unrhyw gost yn cael ei dangos yn glir wrth i chi archebu tocyn eich digwyddiad drwy wefan Undeb y Myfyrwyr.

Mae ein hamserlen graidd yn cynnig sesiynau ar Gampws y Bae a Champws Singleton. Mae ein rhaglen awyr agored yn cynnal digwyddiadau arbennig yn yr ardal leol yn Abertawe, ym mro Gŵyr ac ymhellach i ffwrdd. Bydd manylion llawn y sesiwn, gan gynnwys a yw cludiant yn cael ei ddarparu, yn cael eu cynnwys yn nisgrifiad y digwyddiad ar wefan Undeb y Myfyrwyr.

Mae Bod yn ACTIF yn cynnal rhaglen helaeth o weithgareddau corfforol ar sail anghenion ein myfyrwyr. Mae'r rhaglen graidd fel arfer yn cynnwys gweithgareddau megis badminton a phêl foli, criced a ioga.

Mae Ewch i’r AWYR AGORED yn cynnig ystod eang o weithgareddau gan gynnwys:

• Teithiau cerdded a heicio
• Grwpiau rhedeg cymdeithasol
• Cerdded ceunentydd
• Caiacio/canŵio
• Syrffio/ phadlfyrddio wrth sefyll
• Dringo/bowldro
• Bordhwylio
• Hoci  tanddwr
• Mynd am dro gydag Alpaca

Ewch i'r dudalen digwyddiadau i weld mwy.

Darperir offer ar gyfer llawer o’r gweithgareddau. Bydd yr wybodaeth archebu ar gyfer pob sesiwn yn esbonio beth sydd wedi'i gynnwys ac a oes angen i chi ddod ag unrhyw ddillad neu offer eich hun.

Mae Myfyrwyr sy’n Actifyddion yn helpu i gynnal gweithgareddau, i groesawu cyfranogwyr, hyrwyddo sesiynau a chreu cynnwys i’r cyfryngau cymdeithasol.

Caiff y rolau eu llenwi fel arfer yn ystod y gwanwyn ac maent yn agored i fyfyrwyr israddedig ac ôl-raddedig Prifysgol Abertawe. Nid oes angen i chi berthyn i glwb chwaraeon, ond dylech fod yn frwdfrydig am helpu eraill i ddod yn fwy actif. Disgwylir i Actifyddion gyflwyno rhwng 1 a 3 awr o weithgarwch yr wythnos

Mae swyddi Actifyddion yn swyddi â thâl ac yn darparu profiad gwerthfawr o gyfathrebu, arweinyddiaeth, gwaith tîm a threfnu digwyddiadau.

Am ragor o wybodaeth cysylltwch â'r Tîm Bod yn ACTIF

Dilynwch Chwaraeon Prifysgol Abertawe ar Instagram am fanylion unrhyw sesiynau, gweithgareddau awyr agored, digwyddiadau dros dro a digwyddiadau newydd.

E-bostiwch y Tîm Bod yn ACTIF.