Bod yn Actif

Mae Bod yn ACTIF yn cynnig amserlen wythnosol o sesiynau gweithgarwch fforddiadwy a hwyliog i'ch annog i symud mwy ar y campws. Bydd yr amserlen yn amrywio yn dibynnu ar y galw a'r tymhorau a bydd yn cynnwys gweithgareddau i'ch cynnwys a'ch helpu i gwrdd â phobl newydd.

Mae rhaglen Bod yn ACTIF wedi'i hanelu at fyfyrwyr a staff a bydd yn cynnwys amrywiaeth o weithgareddau i fyfyrwyr a staff yn unig, neu sesiynau grwpiau cymysg. Gall y sesiynau gael eu cyflwyno gan un o dîm Bod yn ACTIF, neu gallant gael eu hwyluso gan hyfforddwr neu ddarparwr gweithgareddau allanol.

Mae ein Hamserlen Graidd ar gael fel a ganlyn ar gyfer 2023-24:

Semester 1

• 2 Hydref – 15 Rhagfyr 

Semester 2

• 8 Ionawr – 24 Mai

Semester 3

• Cymerwch gipolwg ar yr hyn sydd gennym i'w gynnig isod. Archwiliwch ein cynghreiriau cymdeithasol.

Nodwch:

• Bydd gweithgareddau'n parhau dros wythnosau darllen.
• Mae amserlen Bod yn ACTIF yn rhedeg drwy gydol y flwyddyn, heblaw am 2/3 wythnos dros gyfnod y Nadolig a'r Pasg.
• Ni chynhelir gweithgareddau dros wyliau banc.
• Gall y dyddiadau newid a gallant amrywio ar gyfer gweithgareddau staff.

Prisiau Sesiynau

Cynigir rhai sesiynau am ddim, a dim ond £1 yw cost rhai eraill. Ewch i waelod y dudalen i ddysgu sut i gofrestru ar gyfer Bod yn ACTIF am ddim, ac i drefnu eich sesiwn Bod yn ACTIF.

Noder: bydd cost uwch am  weithgareddau sy'n cael eu rhedeg gan hyfforddwyr a darparwyr allanol. Fodd bynnag, cynigir cyfradd ostyngol i fyfyrwyr.

Sesiynau Sydyn a Sesiynau Rhagflas

Drwy ein rhaglen Bod yn ACTIF o sesiynau sydyn a sesiynau rhagflas, cewch y cyfle i roi cynnig ar rywbeth newydd. Byddwn yn cynnal sesiynau sydyn a sesiynau rhagflas ar y campws bob wythnos, gan gwmpasu amrywiaeth o weithgareddau hwyliog, gan gynnwys;

• Pêl-foli
• Tennis byr
• Badminton
• Rownderi
• Criced Chwim
• Hunanamddiffyn
• Golff stryd
• Molkky
• Cwrlo yr oes newydd
• Boules
• Ffrisbi
• Byrddio mynydd

Ewch i dudalennau gwe Undeb y Myfyrwyr i weld y rhaglen lawn. Nid oes angen i chi drefnu lle ar sesiwn sydyn, dim ond troi i fyny a Bod yn RHAN O'R CYFAN.

Dim byd yn mynd â'ch bryd?Dywedwch wrthym beth fyddai'n eich helpu i fod yn actif a pha weithgareddau yr hoffech i ni eu cynnig drwy ddefnyddio ein ffurflen Bod yn ACTIF – Dweud eich Dweud.

Heriau Gweithgarwch

Does dim byd gwell na phennu nodau ac ymuno mewn her i'ch helpu i symud mwy.

Drwy gydol y flwyddyn, byddwn yn trefnu heriau misol i chi gymryd rhan ynddynt – gallwch hyd yn oed gystadlu yn erbyn eich ffrindiau a'ch cydweithwyr. P'un a yw'n blancio bob diwrnod, rhestr bwced y Glas neu 10,000 o gamau, byddwn yn eich gwahodd i gymryd rhan mewn heriau rheolaidd, gyda'r nod o sicrhau eich bod yn symud ac yn dychwelyd i gael mwy.

Digwyddiadau a Gwyliau

Drwy Fod yn ACTIF, byddwn yn cynnal digwyddiadau rheolaidd ar y campws, o Wythnos Hwyl y Glas i Garnifalau Chwaraeon, Diwrnodau Chwaraeon, Gwyliau Traeth a mwy. Cadwch lygad ar ein tudalennau gwe a dilynwch ni ar y cyfryngau cymdeithasol (dolenni isod) i gael y wybodaeth ddiweddaraf.

Drwy Fod yn ACTIF, byddwn yn cynnig y cyfle i chi ddysgu sgiliau newydd neu feithrin rhai newydd drwy raglen o sesiynau hyfforddedig:

• sesiynau 4-8 wythnos ar yr un pryd bob wythnos.
• Yn addas ar gyfer amrywiaeth eang o lefelau o allu, gan gynnwys dechreuwyr.
• Dan arweiniad hyfforddwyr cymwysedig a phrofiadol.
• Amrywiaeth o gyrsiau cynhwysol i bawb, gan gynnwys:
• O'r Soffa i 5K
• Tennis
• Tennis bwrdd
• Cyflwyniad i bwysau rhydd / Codi pwysau i ddechreuwyr
• Hunanamddiffyn i fenywod
• Ioga
• Dringo (oddi ar y campws)

Prisiau Sesiynau

Bydd prisiau sesiynau yn amrywio yn dibynnu ar y math o raglen hyfforddiant a'i hyd. Am ragor o wybodaeth, ac i archebu eich lle, ewch i wefan Undeb y Myfyrwyr.

Mae bod yn actif yn yr awyr agored yn wych i'ch meddwl, eich corff a'ch enaid. Nod ein rhaglen Bod yn ACTIF yw manteisio i'r eithaf ar ein hamgylchedd awyr agored gwych, ar y campws ac oddi ar y campws.

Bydd Bod yn ACTIF yn gweithio gyda'n clybiau chwaraeon a'n darparwyr gweithgareddau awyr agored lleol, gan gynnig amrywiaeth o sesiynau awyr agored drwy gydol y flwyddyn gan gynnwys:

• Sesiynau cerdded a siarad
• Grwpiau rhedeg cymdeithasol
• Teithiau seiclo misol
• Nofio dŵr agored
• Caiacio/canŵio/rhwyfo
• Syrffio/hwylfyrddio, padlfyrddio sefyll i fyny
• Dringo/bowldro
• Beicio mynydd
• Byrddio mynydd
• Arforgampau/cerdded ceunentydd
• Cerdded bryniau
• Cyfeiriannu
• Teithiau seiclo
• Llwybrau ffitrwydd

Teithiau

Byddwn hefyd yn trefnu cyfres o deithiau drwy gydol y flwyddyn i gyrchfannau fel y Gŵyr, Bannau Brycheiniog, Afan Argoed a mwy, gan gynnig gweithgareddau fel syrffio a phadlfyrddio, cerdded bryniau, beicio mynydd, sgïo llethrau sych, dringo, cerdded ceunentydd a mwy...

Rydym am recriwtio tîm o hyrwyddwyr brwdfrydig, ymrwymedig ac uchel eu cymhelliant a fydd yn arwain ein sesiynau i annog myfyrwyr i ddod yn fwy actif.

Cliciwch yma i gyflwyno cais.

Rydym am recriwtio tîm o Actifadyddion Bod yn ACTIF brwdfrydig, ymrwymedig ac ymroddedig sy'n gallu ymgysylltu'n effeithiol â myfyrwyr, eu hysgogi i fod yn fwy actif a chreu cyfleoedd i'w helpu i gynnal eu lefelau gweithgarwch.

Gall rolau Actifadyddion fod yn rhai cyffredinol neu ar gyfer chwaraeon/gweithgarwch penodol e.e. amlchwaraeon, rhedeg, pêl-droed, cerdded, badminton. Wrth i raglen Bod yn ACTIF dyfu, byddwn yn ehangu'r gweithgareddau a gynigir gennym. Bydd disgwyl i Actifadyddion gyflwyno rhwng 2 a 4 awr o weithgareddau bob wythnos (yn ystod y tymor yn bennaf) a byddant yn cynnal amserlen o weithgareddau wythnosol, gan helpu i recriwtio cyfranogwyr newydd drwy hyrwyddo sesiynau Bod yn ACTIF a helpu i gynnal digwyddiadau hyrwyddo.

I ymuno â'n tîm o Actifadyddion, rhaid i chi:

• Bod yn un o fyfyrwyr Prifysgol Abertawe (israddedig neu ôl-raddedig).
• Meddu ar ddiddordeb mewn ffyrdd o fyw actif a brwdfrydedd ynghylch datblygu a hyrwyddo chwaraeon a gweithgarwch corfforol i fyfyrwyr eraill.
• Meddu ar sgiliau cyfathrebu ardderchog, sgiliau rhyngbersonol a rheoli amser da, ynghyd â'r gallu i weithio fel rhan o dîm, yn ogystal ag yn unigol.
• Ni fydd angen i chi fod yn rhan o glwb chwaraeon – rydym am ddenu myfyrwyr sy'n mwynhau bod yn actif ac sy'n ymrwymedig i hynny ac sydd am helpu eraill i fod yn fwy actif yn amlach.

Pam cymryd rhan:

• I fagu profiad ymarferol gwerthfawr a sgiliau y gallwch gyfeirio atynt wrth wneud cais am swyddi.
• I ddangos i ddarpar gyflogwyr bod gennych rinweddau fel bod yn ddibynadwy, yn gyfrifol ac yn ymrwymedig.
• I wella eich hun a gwneud gwahaniaeth i fywydau pobl drwy gefnogi tîm Bod yn ACTIF i ddarparu chwaraeon/gweithgareddau sy'n diwallu anghenion myfyrwyr.
• I gael cyfleoedd â thâl.

I gael rhagor o wybodaeth, cysylltwch â Shana Thomas, Rheolwr y Rhaglen Ymgysylltu, ar shana.r.thomas@swansea.ac.uk neu ar 07855 424857, neu cwblhewch ein ffurflen i ddangos diddordeb.

Oes gennych chi gwestiynau am y rhaglen na allwch gael atebion iddynt ar-lein?

Cysylltwch â Thîm Bod yn ACTIF: getactive@swansea.ac.uk.