Cyfleoedd Ariannu

Mae'r partneriaethau hyn yn rhoi mynediad i chi at arbenigedd a gwybodaeth academaidd i helpu i drawsnewid eich sefydliad neu eich busnes, datrys problemau, gwella gallu i gystadlu, cynhyrchiant a pherfformiad a thrawsnewid eich busnes yn y pen draw. Rhagor o wybodaeth.

Mae'r rhaglen hon yn helpu busnesau yng Nghymru i ddatblygu cynhyrchion, prosesau a gwasanaethau newydd, eu rhoi ar waith a'u masnacheiddio. 

Gall y cyllid hwn helpu eich busnes, ni waeth am ba gam o'r daith arloesi rydych wedi ei gyrraedd! Mae'n cefnogi gweithgarwch ymchwil a datblygu o astudiaethau dichonolrwydd, ymchwil ddiwydiannol i ddatblygu prawf o gysyniad, datblygu arbrofol i ddangos canlyniadau'r ymchwil ar waith, ac, yn olaf, y cam masnacheiddio.

Gall defnyddio taleb arloesedd SMART Cymru eich galluogi i gael gafael ar arbenigedd allanol; os hoffech gysylltu ag un neu fwy o'n hacademyddion, a wnewch chi gysylltu â ni. Rhagor o wybodaeth.

Mae'r gystadleuaeth hon, a ariennir yn rhannol gan Innovate UK, yn chwilio am syniadau trawsnewidiol a masnachol ddichonol, arloesol neu darfol. Rhaid i geisiadau gael eu harwain gan gwmni yn y DU a gallant fod yn unigol neu'n gydweithredol, gan ddibynnu ar faint y prosiect (rhaid cynnwys busnes bach neu ganolig). Rhagor o wybodaeth.

Mae'r ISCF (Cronfa Her y Strategaeth Ddiwydiannol) yn mynd i'r afael â'r heriau cymdeithasol mawr y mae busnesau yn y DU yn eu hwynebu heddiw. Mae'n cynnwys pedair thema strategaeth ddiwydiannol llywodraeth y DU: twf glân, cymdeithas sy'n heneiddio, dyfodol symudedd, a deallusrwydd artiffisial a'r economi data. 

Cefnogir y cynllun gan £2.6bn o arian cyhoeddus, ynghyd â £3bn o arian cyfatebol gan y sector preifat.

Gall busnesau, elusennau a sefydliadau ymchwil gyflwyno cais am y cyllid hwn.