Bywyd Myfyriwr

Dinas fach, personoliaeth fawr

Gyda dim ond tua 300,000 o drigolion, nid Abertawe yw'r ddinas fwyaf yr ochr hon i Bont Hafren, ond mae ganddi bersonoliaeth fawr!

O'i dechreuadau diymhongar yn y diwydiant cynhyrchu copr, mae'r ddinas borthladdol fach hon wedi ffynnu i fod yn ganolfan fywiog amlddiwylliannol, sy'n cynnig amwynderau metropolitan a thirweddau naturiol hyfryd.

P'un a ydych chi’n hoffi archwilio yn yr awyr agored, yn mwynhau ychydig o ddiwylliant, neu unrhyw beth yn y canol, mae gan Abertawe rywbeth at ddant pawb.

Does dim ots sut rydych chi’n cyrraedd, byddwch chi’n ymgartrefu'n gyflym.

Bywyd Campws a Chymuned

Bywyd ar y Campws

Mae bywyd ar y campws ym Mhrifysgol Abertawe yn fywiog, yn gefnogol ac mae digon o gyfleusterau ar gael yma. Mae'r campws hefyd mewn amgylchedd arfordirol hardd â lleoedd gwyrdd awyr agored helaeth.

Gall myfyrwyr fwynhau llyfrgelloedd a mannau astudio arbennig, yn ogystal â digon o leoedd i fwyta a chymdeithasu. Mae cyfleusterau chwaraeon helaeth yn cefnogi ffitrwydd ac amrywiaeth eang o weithgareddau, a bydd Canolfan y Celfyddydau Taliesin yn cynnig digon o adloniant i chi, gyda'i rhaglen o berfformiadau theatraidd, cerddoriaeth fyw a digwyddiadau ffilm drwy gydol y flwyddyn.

Bywyd y campws

Dwy ferch yn eistedd wrth fwrdd picnic o flaen Tafarn Tawe

Clybiau a Chymdeithasau

Mae Prifysgol Abertawe'n cynnig amrywiaeth eang o gymdeithasau a chlybiau chwaraeon sy'n helpu myfyrwyr i wneud ffrindiau a theimlo'n rhan o'r gymuned.

O gymdeithasau diwylliannol, academaidd a chreadigol i ddiddordebau arbennig a grwpiau gwirfoddoli, mae rhywbeth at ddant pawb drwy Undeb y Myfyrwyr.

Ar gyfer y rhai hynny sy'n mwynhau bod yn actif, mae clybiau chwaraeon niferus Abertawe yn addas ar gyfer pob gallu, o ddechreuwyr i athletwyr cystadleuol.

Archwiliwch glybiau a chymdeithasau

Digwyddiadau

Mae bywyd myfyrwyr yn Abertawe yn dod â chyfoeth drwy raglen fywiog o ddigwyddiadau a drefnir gan Undeb y Myfyrwyr, gan gynnig cyfleoedd di-ri i fyfyrwyr gysylltu, archwilio a chael hwyl trwy gydol eu hamser yn y brifysgol.

O weithgareddau i fyfyrwyr newydd a nosweithiau cymdeithasol â thema i berfformiadau byw, dangosiadau ffilm, gweithdai creadigol, cerdded a sesiynau chwaraeon, mae rhywbeth bob amser i gadw chi'n hwyl.

Beth sydd ymlaen

Torf yn gwylio perfformiad cerddoriaeth fyw

Beth sydd gan y Ddinas i'w Gynnig

Y Celfyddydau a Diwylliant

Mae gan Abertawe sîn celfyddydau a diwylliant fywiog sy'n ychwanegu egni a chreadigrwydd at fywyd myfyrwyr.

Mae'r ddinas yn gartref i amrywiaeth o orielau celf, sy'n arddangos talent cyfoes a lleol, ynghyd â theatrau sy'n cynnig perfformiadau drama, cerddoriaeth, comedi a sioeau ar daith drwy gydol y flwyddyn.

Mae amgueddfeydd Abertawe'n archwilio hanes morwrol, diwydiannol a chymdeithasol cyfoethog y ddinas, gan roi llawer o gyfleoedd i fyfyrwyr gael blas ar ddiwylliant, rhoi cynnig ar rywbeth newydd a theimlo'n gysylltiedig â’r ddinas y tu hwnt i'r campws.

Menyw yn canu ar y llwyfan gyda cherddorfa y tu ôl iddi

Cerddoriaeth a Bywyd Nos

Mae llwyth o leoliadau'n cynnal cerddoriaeth fyw yn Abertawe, o berfformwyr lleol sy'n dod i'r amlwg i artistiaid ar daith, felly mae'r ddinas yn cynnig sîn cerddoriaeth a bywyd nos gyffrous sy'n golygu ei bod hi'n hawdd cymdeithasu a gwneud y mwyaf o fywyd y tu hwnt i ddarlithoedd.

Gyda digon o fariau hamddenol, clybiau prysur a nosweithiau â themâu rheolaidd, yn ogystal â chalendr sy'n llawn digwyddiadau a gynhelir yn lleol, mae rhywbeth bob tro'n digwydd drwy gydol yr wythnos.

Pedwar myfyriwr gwrywaidd o flaen llwyfan

Parciau, Traethau a Lleoedd Awyr Agored

Gyda chymysgedd arbennig o barciau gwyrdd, traethau tywod hir a lleoedd awyr agored, Abertawe yw'r lle perffaith i fod yn actif, gwneud ffrindiau, ac ymlacio yn yr awyr agored.

Y tu hwnt i'r ddinas, mae llwybrau cerdded drwy goetiroedd ac yng nghefn gwlad, ynghyd â'r forlin ddramatig, yn golygu ei bod hi'n hawdd mwynhau byd natur, gan roi cydbwysedd iach rhwng astudio, lles a bywyd cymdeithasol.