Trosolwg
Mae gan Sarah gyfoeth o brofiad o fyd diwydiant, ac mae wedi gweithio mewn swyddi rheoli marchnata gyda llawer o’r prif frandiau, gan gynnwys Hoover, Disney, a Proctor a Gamble ymhlith eraill. Aeth ymlaen wedyn i sefydlu ei chwmni ymgynghori llwyddiannus ei hun, gan gynorthwyo busnesau i sicrhau twf strategol. Teithiodd Sarah yn helaeth yn y rôl hon, gan gynnwys i’r Dwyrain Pell, Awstralia, America ac Ewrop, i gynorthwyo cwmnïau i ehangu eu marchnad ryngwladol.
Mae ganddi gymwysterau proffesiynol gyda’r Sefydliad Marchnata Siartredig, ac aeth ymlaen i ennill ei MBA. Ers hynny, mae Sarah wedi cymhwyso ar lefel rhagoriaeth yn ei chymwysterau addysgu addysg uwch. Mae ganddi 12 mlynedd o brofiad darlithio, a phrofiad sylweddol o addysgu myfyrwyr rhyngwladol ar lefelau israddedig ac ôl-raddedig.
Mae Sarah yn dysgu amrywiaeth o feysydd pwnc ôl-raddedig ac israddedig, yn cynnwys marchnata a strategaeth yn ogystal â modiwlau sy’n cysylltu â phrosiectau diwydiant.
Mae’n angerddol am ddatblygu amgylchedd dysgu rhyngweithiol ac ymgysylltiol lle gall myfyrwyr symud ymlaen i’w llawn botensial.
Ynghyd â thîm ymchwil bach, mae wedi chwarae rôl allweddol wrth arloesi’r defnydd o werslyfrau digidol rhyngweithiol i ddatblygu amgylchedd dysgu mwy diddorol, blaengar a chyfoes.
Ar hyn o bryd, Sarah yw Arweinydd Ymgysylltu â Myfyrwyr Academaidd yr Ysgol Reolaeth ac felly mae’n gweithio’n agos iawn gyda gwasanaethau proffesiynol a’r corff myfyrwyr i ddatblygu cymuned ffyniannus ar gyfer gwaith, chwarae, astudio a byw.