Rheoli (y Cyfryngau) , MSc

Ymwadiad: Gall dewis modiwlau newid

Sylwer y caiff modiwlau Rheoli eu haddysgu yn adeilad yr Ysgol Reolaeth ar Gampws y Bae, a chaiff modiwlau'r Cyfryngau eu haddysgu ar Gampws Parc Singleton.

Dyma gwrs trosi i fyfyrwyr sydd heb gefndir israddedig ym maes Rheoli Busnes. Caiff ymgeiswyr o unrhyw gefndir israddedig eu hystyried. 

I fod yn gymwys, rhaid cael gradd israddedig 2:2. 

Rhaid i fyfyrwyr o Nigeria feddu ar Radd Baglor gyda dosbarth is Ail Ddosbarth; neu CGPA 2.0 allan o 4.0; neu CGPA 2.4 allan o 5.0; neu CGPA 3.0 allan o 7.0. 

Rhaid i fyfyrwyr o India feddu ar Radd Baglor gyda 55% yn gyffredinol; neu CGPA 6.1 allan o 10; neu 4.5 allan o 7.0; neu 2.67 allan o 4.0. 

Cynghorir i fyfyrwyr o wledydd eraill wirio cyfwerthedd rhyngwladol â DU 2.2 

Rhaid i siaradwyr Saesneg ail iaith ennill sgôr IELTS gyffredinol o 6.0 heb unrhyw gydran yn is na 5.5. Darperir rhestr o brofion cyfwerth yma. Os ydych wedi astudio gradd israddedig trwy gyfrwng y Saesneg efallai na fydd y gofyniad hwn yn berthnasol i chi – cliciwch yma am wybodaeth bellach.

Rydym yn cynnig amrywiaeth o raglenni hyfforddi Cyn Gradd Meistr i fyfyrwyr sy’n methu’r gofyniad iaith Saesneg yn unig y gallwch ymgymryd â nhw cyn dechrau’ch Gradd Meistr.

Rydym yn cynnig rhaglen Cyn Gradd Meistr drwy'r Coleg, Prifysgol Abertawe, i fyfyrwyr sy’n methu’r gofyniad mynediad cyffredinol yn sylweddol, a fydd yn rhoi cyfle i chi gael eich derbyn ar ein rhaglenni ôl-raddedig.

Rydyn ni'n falch o gynnig profiad addysgol rhagorol, gan ddefnyddio'r ymagweddau dysgu ac addysgu mwyaf effeithiol, sydd wedi cael eu teilwra'n ofalus i gydweddu ag anghenion penodol eich cwrs. Addysgir ein cyrsiau wyneb yn wyneb, ar y campws, sy’n galluogi chi i ymgysylltu'n llawn â'ch darlithwyr a'ch cyd-fyfyrwyr. 

Mae sesiynau sgiliau ymarferol, seminarau, a gweithdai yn cael eu cynnal wyneb yn wyneb fel arfer, gan ganiatáu i chi weithio a chyflwyno mewn grŵp. Fodd bynnag, mae ein hymagwedd hefyd yn cynnwys defnyddio cymorth ar-lein i ategu ac atgyfnerthu addysgu wyneb yn wyneb traddodiadol. 

Efallai y bydd dysgu ar-lein yn digwydd yn 'fyw' gan ddefnyddio meddalwedd fel Zoom, a fydd yn eich galluogi i ryngweithio â'r darlithydd a'ch cyfoedion ac i ofyn cwestiynau. Mae recordio darlithoedd yn cynnig mwy o hyblygrwydd o ran ail-edrych ar ddeunydd a gwella’ch dysgu y tu allan i'r ystafell ddosbarth. Mae gan rai modiwlau adnoddau ychwanegol yn ein hamgylchedd dysgu rhithwir (Canvas), megis fideos, sleidiau a chwisiau sy'n galluogi astudiaeth hyblyg bellach. 

O leiaf 40 credyd

Mae'n bosib astudio o leiaf 40 credyd o'r cwrs ôl-raddedig hwn drwy gyfrwng y Gymraeg. Mae nifer o adrannau'r Brifysgol yn datblygu ac yn cynnig modiwlau cyfrwng Cymraeg neu fodiwlau dwyieithog fel rhan o'u cyrsiau felly bydd angen i ti drafod y posibiliadau gyda'r Cyfarwyddwr Rhaglen perthnasol. Gelli astudio modiwl/modiwlau trwy gyfrwng y Gymraeg lle bo'r cyfle neu gyflwyno dy draethawd estynedig yn y Gymraeg gydag arweiniad gan arbenigwr pwnc trwy gyfrwng y Gymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Yr opsiwn i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Mae Ysgol Reolaeth Prifysgol Abertawe yn bartner Addysg Uwch cymeradwy y Sefydliad Rheoli Siartredig (CMI). Ar ôl cwblhau'r modiwlau wedi'u mapio, perthnasol yn llwyddiannus yn yr MSc Rheoli, byddwch yn gymwys ar gyfer Tystysgrif Lefel saith CMI mewn Rheolaeth ac Arweinyddiaeth Strategol. I dderbyn tystysgrif lefel saith proffesiynol CMI, rhaid i chi gofrestru fel aelod CMI. Rhaid talu ffi gofrestru er mwyn sicrhau cymhwysedd y dystysgrif. Ar ôl i fyfyrwyr gofrestru fel aelod, bydd myfyrwyr yn derbyn statws Rheolwr Siartredig Sylfaen (fCmgr) yn ychwanegol at y cymhwyster MSc, ar ôl cwblhau'r radd a graddio yn llwyddiannus.

I gael mwy o wybodaeth, ewch i'n tudalen  Achrediad Proffesiynol. 

Beth yw cwrs achrededig?

Cwrs sydd wedi cael ei gymeradwyo gan gorff proffesiynol perthnasol fel un sy'n bodloni ei safonau ansawdd. Mae'n amlygu cysylltiad agos rhwng diwydiant a'ch cwrs, gan gyflwyno ymarfer byd go iawn blaengar yn eich astudiaethau. Gan gyfrif tuag at gymwysterau a chofrestriadau proffesiynol, gall cyrsiau achrededig helpu i'ch rhoi chi ar y llwybr cyflym i'ch gyrfa dewisol. 

Beth yw manteision Achrediadau Proffesiynol? 
- Bod ar y blaen:  Bydd graddau sydd wedi cael eu hachredu'n broffesiynol yn eich heithrio rhag arholiadau/cymwysterau proffesiynol cyfnod cynnar penodol, sy'n golygu eich bod chi’n cael hwb i'ch gyrfa.   
- Cefnogaeth:  Cofrestrwch ar gyfer aelodaeth myfyrwyr a dechrau manteisio ar gymorth gyrfa  corff proffesiynol yn ogystal â chysylltiadau â chyfoedion ac arbenigwyr. Mae'n edrych yn dda ar eich CV ac yn helpu i'ch paratoi ar gyfer cyflogaeth.  

SYLWER:
I lawer o broffesiynau, astudio cwrs achrededig yw’r cam cyntaf yn unig i ddod yn gwbl gymwys. 

Gallwch wirio gyda'r cyrff proffesiynol perthnasol ar gyfer gofynion penodol eraill. 

Byddwch yn cael eich addysgu gan dîm o academyddion profiadol o gefndiroedd ymchwil, academaidd a diwydiant. Mae eu gwybodaeth a'u harbenigedd eang wedi'u cysylltu'n agos â chynnwys y modiwl y cewch eich haddysgu, gan sicrhau eich bod yn dysgu'r wybodaeth fwyaf perthnasol a chyfredol a datblygu'r wybodaeth, y sgiliau proffesiynol a'r arbenigedd sydd eu hangen i lansio eich gyrfa mewn rheoli.

Cewch fwy o wybodaeth am ein staff academaidd trwy edrych ar ein proffiliau staff. 

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Bydd meddu ar eich dyfais ddigidol eich hun/pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wi-fi yn eich llety hefyd yn hanfodol i ganiatáu i chi ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac am ganllaw llawn ar sefydlu eich dyfais.

• Efallai y byddwch yn wynebu costau ychwanegol tra byddwch yn y brifysgol, gan gynnwys (ond heb fod yn gyfyngedig i):
• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. cof bach USB)
• Prynu llyfrau neu destunau
• Gŵn ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Bydd Academi Cyflogadwyedd Abertawe (SEA) yn eich cefnogi ar bob cam o'ch taith yrfa gan eich helpu i adeiladu dyfodol disglair. 

Mae ein gwasanaethau cefnogi gyrfa yn cynnwys: 

• Gweithdai cyflogadwyedd, sgyrsiau cyflogwyr, digwyddiadau pwrpasol a ffeiriau gyrfaoedd 

• Cyngor ac arweiniad unigol gan Ymgynghorwyr Gyrfaoedd â chymwysterau proffesiynol 
• Help i ddod o hyd i swyddi, interniaethau, lleoliadau gwaith a chyfleoedd gwirfoddoli 
• Mynediad at adnoddau gwybodaeth am ystod eang o bynciau rheoli gyrfa 
• Cyngor ac arweiniad ar astudio a chyllido ôl-raddedig 
• Cyllid i gefnogi cyfleoedd interniaeth i fyfyrwyr a digwyddiadau Cymdeithas/Clwb Myfyrwyr. 

Rydym hefyd yn darparu cymorth a chyngor i Gyn-fyfyrwyr Prifysgol Abertawe hyd at ddwy flynedd ar ôl i chi raddio.

Mae gan yr Ysgol Reolaeth dîm Cyflogadwyedd ymroddedig hefyd sy'n cynnig cefnogaeth ychwanegol.

Yn ystod eich amser gyda ni, bydd gennych gyfle i wneud y canlynol: 

• Ymuno â'n cynllun Mentora Cyflogadwyedd a chael eich mentora gan gyflogwr a all eich helpu gyda phontio o fod yn fyfyriwr i weithio'n broffesiynol. 
• Cael cyfle i siarad â'n Cymuned Cyn-fyfyrwyr sy'n tyfu. 
• Gweithio a rhwydweithio gyda chyflogwyr o ystod o gwmnïau cenedlaethol ac aml-genedlaethol trwy ein seminarau a digwyddiadau. 
• Rhoi hwb i'ch sgiliau a chyfarfod â chyflogwyr yn ystod ein Modiwl Cyflogadwyedd, sy'n cael ei gynnal ddwywaith y flwyddyn. 
• Cwblhau Gwobr Cyflogadwyedd Abertawe

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Yn ogystal â chymorth penodol i bwnc gan staff addysgu'r coleg a'ch mentor academaidd personol, mae’r Ganolfan er Llwyddiant Academaidd  yn darparu cyrsiau, gweithdai a chymorth un-i-un mewn meysydd fel: 

• Ysgrifennu academaidd 
• Mathemateg ac ystadegau 
• Meddwl beirniadol 
• Rheoli amser 
• Sgiliau digidol 
• Sgiliau cyflwyno 
• Cymryd nodiadau 
• Technegau adolygu, cof ac arholiadau 
• Sgiliau Saesneg (os nad Saesneg yw eich iaith gyntaf)

Hefyd, os oes gennych Anhawster Dysgu Penodol (SpLD), anabledd, iechyd meddwl neu gyflwr meddygol, mae gan y Ganolfan er Llwyddiant Academaidd Diwtoriaid Arbenigol i gefnogi eich dysgu, gan weithio ochr yn ochr â'r Swyddfa Anabledd a’r Gwasanaeth Llesiant  i gefnogi eich holl anghenion a gofynion wrth astudio ym Mhrifysgol Abertawe. 

Gwnewch gais trwy system ymgeisio ganolog y Brifysgol. 

I gael arweiniad pellach, ewch i'n tudalennau sut i wneud cais am gwrs ôl-raddedig a addysgir. 

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.