Cyrsiau Ôl-raddedig a ddysgir yn dod yn fuan!

Disgrifiad

Mae'r rhaglen newydd hon ar gyfer gweithwyr gofal iechyd proffesiynol a chofrestredig (wedi cofrestru gydag NMC, HCPC, GPhC) sy'n dymuno datblygu eu hymarfer clinigol mewn lleoliad gofal sylfaenol. Bydd y rhaglen yn arfogi myfyrwyr i ymgymryd â rôl ymarferydd clinigol uwch yn yr amgylchedd gofal sylfaenol. 

 

Pynciau sy'n Debygol o Gael eu Trafod

Bydd yr MSc mewn Ymarfer Clinigol Uwch: rhaglen Gofal Sylfaenol yn cynnwys modiwlau craidd sy'n cyd-fynd â Fframwaith Ymarfer Uwch Cymru.   Bydd myfyrwyr yn gallu datblygu eu hymarfer eu hunain o ran asesu clinigol, diagnosteg a sgiliau rheoli cleifion yng nghyd-destun gofal sylfaenol.    Bydd modiwlau'n canolbwyntio ar asesu a rheoli cleifion acíwt a chronig y bydd y clinigwr gofal sylfaenol yn dod ar eu traws yn ddyddiol.

Dyddiad Cychwyn Bwriededig

Medi 2023

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Mae'r MSc Gwyddor Data Gymhwysol wedi'i dylunio i ddarparu hyfforddiant priodol i fyfyrwyr sydd â chefndir nad yw'n arbenigol er mwyn eu galluogi nhw i wella eu cyfleoedd yn y dyfodol a chwarae rôl allweddol yn yr economi ddigidol.

Bydd y rhaglen yn addysgu myfyrwyr i weithio gyda data, ei ddelweddu a’i ddeall, yn annog meddwl ystadegol ac yn datblygu sgiliau penderfynu ar sail data. Yn ogystal â hyn, mae'r rhaglen yn darparu’r sylfaen angenrheidiol mewn Mathemateg, Ystadegau a sgiliau rhaglennu sylfaenol sy'n allweddol i ddealltwriaeth systemig o gymhlethdod data a'i ddadansoddiad. Y mae hefyd yn cynnig sgiliau allweddol mewn nifer o bynciau Cyfrifiadureg, megis Delweddu Data a Dysgu Peirianyddol. Mae'r rhaglen wedi'i dylunio ar gyfer myfyrwyr sydd â gradd mewn unrhyw bwnc nad yw'n hynod rifiadol, ond sydd â diddordeb mewn dysgu dulliau gwyddor data hanfodol y gellir eu defnyddio at ddibenion amrywiol.

Pynciau sy'n Debygol o Gael eu Trafod

Bydd y rhaglen yn cynnwys 60 credyd o fodiwlau Mathemateg, a fydd yn cynnig sylfaen gref mewn dadansoddi data. Yn benodol, bydd y modiwlau hyn yn cynnwys Calcwlws lefel sylfaen, Algebra Llinol, Tebygolrwydd ac Ystadegau a Modelu. Bydd sgiliau rhaglennu sylfaenol ac ieithoedd sy’n uniongyrchol berthnasol i Wyddor Data yn rhan annatod o nifer o'r modiwlau hyn. Bydd hefyd 60 credyd o fodiwlau Cyfrifiadureg perthnasol, megis Delweddu Data a Data Mawr. Bydd y rhain yn datblygu gwybodaeth am ddadansoddi data ymhellach.

Bydd y rhaglen hefyd yn cynnwys prosiect 60 credyd ar y diwedd a fydd yn canolbwyntio ar ddefnyddio'r wybodaeth a'r sgiliau gwyddor data. Lle bo'n bosib, caiff pynciau'r prosiect eu teilwra i ddiddordebau'r myfyrwyr.

Dyddiad Cychwyn Bwriededig

Medi 2023

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Gwyddor Biofeddygol yw astudiaeth wyddonol integredig o faterion biolegol sy'n gysylltiedig â chefnogi diagnosis a gwaith trin gwahanol gyflyrau sy'n effeithio ar ansawdd bywyd pobl, ac mae'n broffesiwn adnabyddus a gwerthfawr wedi'i seilio ar dystiolaeth sy'n cynnwys ymagwedd gyfrannol gydol oes at ddarparu diagnosis, asesu a chefnogi ymyraethau.

Bydd y cwrs hwn yn archwilio egwyddorion sylfaenol a chyd-destun Gwyddor Biofeddygol yng nghyd-destun diagnosis a gwyddor meddygol archwiliol ym maes gofal iechyd a'r gwyddorau bywyd.

Bydd y cwrs hwn yn archwilio ac yn datblygu eich dealltwriaeth o wyddorau biofeddygol a fyddai'n cynnwys gwella trefn y sector gofal iechyd a gwyddorau bywyd, wrth gefnogi gwaith datblygu sgiliau ymarfer proffesiynol ac mae'n gyfle i archwilio un o bedwar maes arbenigol ym maes gwyddor biofeddygol.

 

Pynciau sy'n Debygol o Gael eu Trafod

Mae'r PgCert mewn Gwyddorau Biofeddygol Cymhwysol yn defnyddio ymagwedd dysgu cyfunol sy'n cynnwys addysgu ar y campws ac adnoddau dysgu ar-lein.

Ceir tri maes pwnc craidd yn y rhaglen:

• Sylfeini Gwyddor Biofeddygol
• Datblygu Ymarfer ym maes Gofal Iechyd a Gwyddorau Bywyd
• Meysydd arbenigol y Gwyddorau Biofeddygol: Biocemeg Glinigol, Geneteg Glinigol, Microbioleg Glinigol neu Batholeg Celloedd a Moleciwlaidd*
*Gan ddibynnu ar argaeledd y modiwlau hyn

Dyddiad Cychwyn Bwriededig

Medi21 & Ion22

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Gwyddor Biofeddygol yw astudiaeth wyddonol integredig o faterion biolegol sy'n gysylltiedig â chefnogi diagnosis a gwaith trin gwahanol gyflyrau sy'n effeithio ar ansawdd bywyd pobl, ac mae'n broffesiwn adnabyddus a gwerthfawr wedi'i seilio ar dystiolaeth sy'n cynnwys ymagwedd gyfrannol gydol oes at ddarparu diagnosis, asesu a chefnogi ymyraethau.

Bydd y cwrs hwn yn archwilio yr agweddau damcaniaethol ac ymarferol ar Batholeg Celloedd a Moleciwlaidd yng nghyd-destun disgyblaeth diagnosis ac archwiliol Gwyddor Biofeddygol, gan ddefnyddio ymagwedd dysgu cyfunol ac integredig sy'n defnyddio cymysgedd o addysgu ar y campws ac ymagweddau dysgu ar-lein. Hefyd, byddai'r ymagwedd arloesol hon yn eich cefnogi i ddatblygu eich profiad dysgu ochr yn ochr â datblygu sgiliau ymarferol allweddol yn y labordy.

Bydd y cwrs hwn wedi'i lunio i ddarparu profiad academaidd heriol er mwyn ichi ddatblygu gyrfa yn sectorau'r Gwyddorau Biofeddygol a Gwyddor Bywyd.

 

Pynciau sy'n Debygol o Gael eu Trafod

Mae'r rhaglen yn cynnwys nifer o feysydd pwnc sy'n eich galluogi i ddatblygu a gwella eich gwybodaeth arbenigol am batholeg celloedd drwy astudio ac archwilio'r gwahanol ymagweddau sy'n galluogi gwaith archwilio microsgopig celloedd arferol ac anarferol (cytopatholeg), a meinweoedd (histopatholeg) er mwyn iddynt ddangos clefydau, megis:

• Ymchwil ac Arloesi
• Sylfeini Gwyddor Biofeddygol (gan gynnwys Ymarfer yn y Labordy, Diagnosteg, Anatomeg, Pathoffisioleg, Imiwnoleg, Hematoleg, Biocemeg, Geneteg, ymagweddau a thechnolegau arloesol ym maes gwyddor biofeddygol)
• Datblygu Ymarfer Proffesiynol
• Geneteg Canser
• Nanofeddygaeth a Therapiwteg
• Patholeg Celloedd (gan gynnwys strwythur gros a swyddogaeth celloedd arferol a meinweoedd, gan archwilio newidiadau strwythurol a allai ddigwydd mewn clefydau, gwyddor atgenhedlu, a thechnegau delweddau diagnostig a delweddu)
• Traethawd Ymchwil neu Bortffolio Datblygu Ymarfer Proffesiynol*
*Gan ddibynnu ar argaeledd y modiwlau hyn a'ch profiad gwaith blaenorol neu bresennol ym maes Gwyddor Biofeddygol

Dyddiad Cychwyn Bwriededig

Medi 2023

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Gwyddor Biofeddygol yw astudiaeth wyddonol integredig o faterion biolegol sy'n gysylltiedig â chefnogi diagnosis a gwaith trin gwahanol gyflyrau sy'n effeithio ar ansawdd bywyd pobl, ac mae'n broffesiwn adnabyddus a gwerthfawr wedi'i seilio ar dystiolaeth sy'n cynnwys ymagwedd gyfrannol gydol oes at ddarparu diagnosis, asesu a chefnogi ymyraethau.

Bydd y cwrs hwn yn archwilio agweddau damcaniaethol ac ymarferol ar Geneteg Glinigol yng nghyd-destun disgyblaeth diagnosis ac archwiliol Gwyddor Biofeddygol, gan ddefnyddio ymagwedd dysgu cyfunol ac integredig sy'n defnyddio cymysgedd o addysgu ar y campws ac ymagweddau dysgu ar-lein. Hefyd, byddai'r ymagwedd arloesol hon yn eich cefnogi i ddatblygu eich profiad dysgu ochr yn ochr â datblygu sgiliau ymarferol allweddol yn y labordy.

Bydd y cwrs hwn wedi'i lunio i ddarparu profiad academaidd heriol er mwyn ichi ddatblygu gyrfa yn sectorau'r Gwyddorau Biofeddygol a Gwyddor Bywyd.

Pynciau sy'n Debygol o Gael eu Trafod

Mae'r rhaglen yn cynnwys nifer o feysydd pwnc sy'n eich galluogi i ddatblygu a gwella eich gwybodaeth arbenigol am geneteg glinigol drwy astudio ac archwilio'r prosesau sy'n rhan o nodi treigladau ac amryffurfedd genetig a'u dylanwad ar brosesau clefydau, megis:

• Ymchwil ac Arloesi
• Sylfeini Gwyddor Biofeddygol (gan gynnwys Ymarfer Da yn y Labordy, Diagnosteg, Anatomeg, Pathoffisioleg, Imiwnoleg, Hematoleg, Biocemeg, Geneteg, ymagweddau a thechnolegau arloesol ym maes gwyddor biofeddygol)
• Datblygu Ymarfer Proffesiynol
• Geneteg a Genomeg Ddynol
• Geneteg Glinigol (gan gynnwys genomeg, proteomeg, bioleg foleciwlaidd, biowybodeg, meddygaeth wedi'i phersonoli, profi genetig ar gyfer sgrinio, diagnosis, trin a monitro clefydau ac ystyried y materion moesegol sy'n gysylltiedig)
• Traethawd Ymchwil neu Bortffolio Datblygu Ymarfer Proffesiynol*
*Gan ddibynnu ar argaeledd y modiwlau hyn a'ch profiad gwaith blaenorol neu bresennol ym maes Gwyddor Biofeddygol

Dyddiad Cychwyn Bwriededig

Medi 2023

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Gwyddor Biofeddygol yw astudiaeth wyddonol integredig o faterion biolegol sy'n gysylltiedig â chefnogi diagnosis a gwaith trin gwahanol gyflyrau sy'n effeithio ar ansawdd bywyd pobl, ac mae'n broffesiwn adnabyddus a gwerthfawr wedi'i seilio ar dystiolaeth sy'n cynnwys ymagwedd gyfrannol gydol oes at ddarparu diagnosis, asesu a chefnogi ymyraethau.

Byddai'r cwrs MSc hwn sy'n para 2 flynedd ar sail ran-amser yn unig ar gyfer Gwyddonwyr Biofeddygol cofrestredig, er mwyn cefnogi eu datblygiad proffesiynol parhaus sydd wedi'i alinio i'r gofynion am ddilyniant mewn gyrfa ac er mwyn gwella eu Hymarfer Biofeddygol.

Fe'i cyflwynir yn unol ag ymagwedd gyfunol gan ddefnyddio ymagwedd integredig sef addysgu ar y campws (gan ddibynnu ar y dewis o fodiwlau) ac ymarfer dysgu o bell ar-lein. Byddai'r ymagwedd arloesol hon hefyd yn cefnogi datblygiad eich profiad dysgu ochr yn ochr â'ch ymarfer parhaus.

Bydd y cwrs hwn yn archwilio'r agweddau hanfodol ar Ddatblygu Ymarfer Proffesiynol drwy integreiddio ymagwedd ymarfer myfyriol, defnyddio ymchwil wrth ymarfer, arloesi, arweinyddiaeth a mentora.

 

Pynciau sy'n Debygol o Gael eu Trafod

Mae'r PgDip a'r MSc mewn Gwyddor Biofeddygol (Ymarfer Proffesiynol) yn defnyddio ymagwedd dysgu cyfunol sy'n cynnwys addysgu ar y campws ac adnoddau dysgu ar-lein.

Ceir tri maes pwnc craidd yn y rhaglen:

• Ymchwil ac Arloesi
• Ymarfer Gwyddor Biofeddygol ym maes Gofal Iechyd a Gwyddorau Bywyd
• Datblygu Ymarfer Proffesiynol.

Hefyd, mae nifer o opsiynau sydd ar gael ichi ddewis er mwyn sicrhau bod gennych gyfleoedd i gael profiad dysgu sy'n cefnogi eich swydd, eich meysydd o ddiddordeb a'ch gyrfa, megis:

• Arweinyddiaeth mewn Ymarfer
• Mentora a Goruchwylio
• Arfarnu a Gwerthuso'n Feirniadol
• Dadansoddi Data
• Biocemeg Glinigol, Geneteg Glinigol, Microbioleg Glinigol neu Batholeg Celloedd a Moleciwlaidd *
• Traethawd Ymchwil neu Bortffolio Datblygu Ymarfer Proffesiynol
*Gan ddibynnu ar argaeledd y modiwlau hyn

 

Dyddiad Cychwyn Bwriededig

Medi 2023

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Bydd y rhaglen MSc hon yn addysgu'r wybodaeth, y sgiliau a'r ddealltwriaeth i greu a defnyddio data synhwyro o bell cydraniad uchel ar gyfer y byd go iawn, cymwysiadau ymarferol, gan ddefnyddio synwyryddion a hedfanir ar blatfformau dronau.

Bydd myfyrwyr yn ennill y sgiliau, y profiad a'r wybodaeth i weithredu drôn yn ddiogel ac o fewn rheoliadau presennol yr Awdurdod Hedfan Sifil (CAA) ). Bydd hyn yn cynnwys hyfforddiant ac asesu hediadau damcaniaethol ac ymarferol. Caiff yr elfen hon ei haddysgu'n rhannol gan ddarparwr hyfforddiant achrededig allanol yr Awdurdod Hedfan Sifil, a bydd myfyrwyr yn graddio gydag achrediad cymhwysedd peilot o bell UAV/drôn CAA ychwanegol: Tystysgrif Gweledol Gyffredinol (GVC).

Gan adeiladu ar y sgiliau hyn, bydd myfyrwyr yn dysgu'r llif gwaith cyflawn sydd ei angen i nodi a dadansoddi data synhwyro o bell o blatfform drôn, gyda ffocws ar anghenion amgylcheddol. Bydd hyn yn cynnwys yr wybodaeth a'r ddealltwriaeth ar gyfer tynnu delweddau ansawdd uchel, dylunio a chynllunio hediadau, casglu data a phrosesu delweddau.

 

Pynciau sy'n Debygol o Gael eu Trafod

Bydd rhaglen yr MSc yn cynnwys chwe modiwl 20 credyd a addysgir yn ogystal â phrosiect traethawd hir ymchwil annibynnol.

Y modiwlau gorfodol yw:
• Gweithredu drôn (wedi ei hepgor gyda PfCO neu GVC cyfredol)
   - Damcaniaeth reoleiddiol a hyfforddiant ac asesiad hedfan ymarferol
• Synhwyro o bell â drôn
   - Casglu a dadansoddi data (Strwythur o symudiadau; data amlsbectrol; data thermol)

Hefyd, bydd myfyrwyr yn dewis 4 modiwl o'r opsiynau canlynol:
• GEGM04 Systemau Modelu’r Ddaear;
• GEGM07 Egwyddorion Deinameg Amgylcheddol;
• GEGM10 Synhwyro o Bell drwy Loeren;
• GEGM21 Newid yn yr Hinsawdd – Y Gorffennol, y Presennol a’r Dyfodol;
• GEGM22 Systemau Gwybodaeth Ddaearyddol;
• GEGM26 Gwyddoniaeth a Pholisi Hinsawdd

Yn olaf, bydd y myfyriwr yn cynnal prosiect traethawd hir ymchwil annibynnol a fydd yn atgyfnerthu ac yn cymhwyso'r wybodaeth a ddysgwyd (50% o'r cyfanswm marciau).

Dyddiad Cychwyn Bwriededig

Medi 2022

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Bydd myfyrwyr yn dilyn rhaglen MSc a chanddi sylfaen foesegol ac empiraidd sy'n canolbwyntio ar faes Seicoleg Chwaraeon. Yn benodol, trwy gyfuniad o ymchwil, damcaniaeth a mewnwelediadau ymarferol, bydd y rhaglen hon yn rhoi i fyfyrwyr ddealltwriaeth berthnasol a chyfoes er mwyn iddynt ddod yn ymarferwyr gwyddonol ym maes Seicoleg Chwaraeon. Bydd myfyrwyr yn ymwneud ag amrywiaeth o bynciau ar draws wyth maes gallu craidd seicoleg, yn amrywio o seicoleg gymdeithasol a gwybyddol i seicoleg ddatblygiadol. Rhoddir pwyslais cryf ar roi arweiniad i fyfyrwyr ynghyd â chipolwg ar weithio fel ymarferydd cymhwysol yn y maes hwn.

Pynciau sy'n Debygol o Gael eu Trafod

Yng nghyd-destun chwaraeon, ymdrinnir â'r pynciau a’r meysydd canlynol:

• Sgiliau Seicolegol a Lles
• Gwahaniaethau Unigol
• Prosesau Cymdeithasol
• Prosesau Datblygiadol
• Prosesau Gwybyddol
• Ymarfer Proffesiynol
• Cyfranogiad a Lles
• Ymchwil a Dulliau Ymchwil

Dyddiad Cychwyn Bwriededig

Medi 2024

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.