Cyrsiau Ôl-raddedig a ddysgir yn dod yn fuan

Disgrifiad

Mae'r radd MSc mewn Gwyddor Data Gymhwysol (Ar-lein) yn darparu hyfforddiant i'r rhai hynny nad oes ganddynt gefndir arbenigol, i'ch galluogi i wella eich cyfleoedd yn y dyfodol a chwarae rôl allweddol yn yr economi ddigidol.

Wedi'i chyflwyno ar y cyd gan yr Ysgol Mathemateg a Chyfrifiadureg, bydd y rhaglen yn eich arfogi i weithio gyda data, ei ddelweddu, a'i ddeall, ac yn eich annog i feddwl yn ystadegol a datblygu sgiliau gwneud penderfyniadau ar sail data.

Mae'r MSc yn darparu'r sylfaen hanfodol mewn mathemateg, ystadegau a sgiliau rhaglennu sylfaenol sy'n hanfodol i ddeall cymhlethdod data a'i ddadansoddi. Mae hefyd yn rhoi'r sgiliau allweddol i chi mewn sawl maes cyfrifiadureg, megis cloddio data a dysgu peirianyddol, gan arwain at rolau posib fel dadansoddwr data, ymchwilydd, dadansoddwr busnes neu ystadegydd.

Mae natur hyblyg y rhaglen yn darparu profiad addysgol cyfoethog, hunangyfeiriedig sydd wedi'i gefnogi gan sesiynau addysgu byw, a chymuned ymgysylltiol o gyd-fyfyrwyr, sy'n eich galluogi i drefnu eich amserlen astudio o gwmpas eich gyrfa, eich bywyd teuluol a'ch cylchfa amser.

Mae'r rhaglen hon ar gyfer myfyrwyr sydd â gradd mewn pwnc anrhifog, (ac yn briodol ar gyfer y rhai hynny nad oes ganddynt radd mewn mathemateg neu bwnc tebyg) ond sydd â diddordeb mewn dysgu dulliau gwyddor data hanfodol gyda chymwysiadau amrywiol.

Pynciau sy'n Debygol o Gael eu Trafod

Rhennir y rhaglen yn ddwy ran. Byddwch chi'n dechrau eich astudiaethau â sylfeini mathemategol a chyfrifiadol gwyddor data. Mae hyn yn cael ei ddilyn gan bynciau uwch megis dysgu peirianyddol a deallusrwydd artiffisial symbolaidd.

Bydd ail ran y rhaglen yn brosiect terfynol a fydd yn canolbwyntio ar gymhwyso eich gwybodaeth a'ch sgiliau gwyddor data. Lle bynnag y bo'n bosib, bydd pynciau'r prosiect yn cael eu teilwra i’ch diddordebau a’ch dyheadau gyrfa personol.

Mae modiwlau'n debygol o gynnwys:

• Mathemateg ar gyfer Gwyddor Data
• Tebygolrwydd ac Ystadegau ar gyfer Gwyddor Data
• Systemau Cronfa Ddata ac Apiau'r We
• Deallusrwydd Artiffisial Symbolaidd a Phrosesu Iaith Naturiol
• Modelu a Dysgu Peirianyddol, a
• Phrosiect Gradd Meistr Gwyddor Data Gymhwysol

 

Dyddiad Cychwyn Bwriededig

Ebrill 2027

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Mae ein cwrs MA Addysg (ar-lein) newydd wedi cael ei ddylunio ar gyfer addysgwyr, llunwyr polisi, a gweithwyr proffesiynol addysg, sydd eisiau cael effaith fyd-eang   a datblygu'n rym trawsnewidiol yn eu meysydd.

Os ydych chi'n angerddol am ddatblygiad a thegwch addysgol ac yn awyddus i ddyfnhau eich ymarfer, ysgogi arloesedd a llunio dyfodol addysg, mae'r rhaglen hon yn berffaith i chi.

Os ydych yn athro, yn hyfforddwr, yn ymarferydd gyda chorff anllywodraethol, yn swyddog polisi, yn arloeswr AddysgDechenegol, neu'n gweithio mewn lleoedd fel carchardai, ysbytai, llywodraeth leol neu addysg uwch, bydd y radd Meistr hon yn eich arfogi i ddyfnhau eich dealltwriaeth o addysg, gan eich galluogi i ysgogi newid ystyrlon yn eich proffesiwn.

Mae ein cwrs rhan-amser yn cynnig dysgu ar-lein llawn i chi, fel y gallwch ddatblygu eich gwybodaeth, eich sgiliau a'ch profiad ar eich cyflymder eich hun ac o unrhyw le yn y byd. Gallwch gydbwyso eich astudiaethau â'ch gyrfa, eich bywyd personol ac ymrwymiadau presennol, heb gyfaddawdu ar ansawdd eich addysg neu eich lefel o uchelgais.

Byddwch yn ymuno â chymuned fywiog, ryngwladol ar-lein lle bydd ysgolheigion, safbwyntiau byd-eang, astudiaethau achos o'r byd go iawn ac ymchwil arloesol oll yn dod ynghyd. Bydd yr amgylchedd cydweithredol hwn yn eich grymuso i fynd i'r afael â heriau addysgol heddiw gyda strategaethau ar sail tystiolaeth, drwy ymarfer beirniadol a myfyriol.

Pynciau sy'n Debygol o Gael eu Trafod

Byddwch yn astudio'n rhan-amser (dros 2 neu 3 blynedd) gydag amgylchedd dysgu hyblyg sy'n cynnig profiad cyfoethog, hunangyfeiriedig, sy'n cael ei gefnogi gan sesiynau addysgu byw a chymuned ysgogol o gymheiriaid. 

Bydd y cwricwlwm yn defnyddio ymchwil ryngwladol, astudiaethau achos a phrofiadau bywyd gan sicrhau bod eich dysgu'n berthnasol ar draws sectorau a gellir ei gymhwyso i'ch cyd-destun unigol.

Byddwch yn cael cyfleoedd i ddatblygu sgiliau uwch mewn arweinyddiaeth addysgol, ymchwil, polisi, dysgu digidol, cynhwysiant ac addysgeg. Gwneir hyn yn bosib gan ystod o fodiwlau sy'n berthnasol yn rhyngwladol, gan gynnwys:

• Addysg, Addysgwyr a Chymdeithas
• Cysyniadau Allweddol mewn Addysg: Addysgu, Dysgu, Hygyrchedd, ac Asesu
• Ymchwil Foesegol mewn Addysg
• Addysg mewn Byd Digidol
• Trefnu Addysg: Llywodraethiant, Polisi, ac Arweinyddiaeth
• AAA ac Ymarfer Cynhwysol a
• Thraethawd Estynedig

Dyddiad Cychwyn Bwriededig

Medi 2027

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Mae'r rhaglen MSc mewn Heriau Byd-eang mewn Iechyd a Meddygaeth yn tynnu ar arbenigedd a gwybodaeth yr Ysgol Feddygaeth i archwilio heriau iechyd byd-eang cyfoes. Bydd y rhaglen yn cynnwys pynciau megis iechyd plant, systemau iechyd, anghydraddoldeb, iechyd mamau, pŵer a gwleidyddiaeth mewn cyd-destun byd-eang. Nod y rhaglen ryngddisgyblaethol hon yw creu gwyddonwyr byd-eang a fydd yn effeithiol, yn ddadansoddol, yn benderfynol, yn greadigol ac yn croesawu newid.

Bydd myfyrwyr yn cymryd rhan mewn cymysgedd o ddysgu wyneb yn wyneb ac ar-lein, gan feithrin sgiliau mewn dulliau ymchwil, moeseg, dylunio a rheoli prosiectau, a datblygu cynigion. Bydd gan fyfyrwyr y cyfle i gydweithio ag ymchwilwyr rhyngwladol yn yr Ysgol Feddygaeth ym Mhrifysgol Abertawe drwy gysgodi ac elwa o rwydwaith amrywiol o siaradwyr gwadd, gan gynnwys clinigwyr, ymarferwyr ac ymchwilwyr rhyngwladol sydd â phrofiad helaeth o'r byd go iawn yn y maes iechyd byd-eang. Mae'r rhaglen yn gosod pwyslais cryf ar ddatblygu sgiliau ymchwil myfyrwyr a ysgogir gan effaith, yn benodol drwy ymchwil gweithredu cyfranogol, gan roi cyfle i fyfyrwyr feithrin y sgiliau sydd eu hangen arnynt i fynd i'r afael â heriau'r byd go iawn mewn amrywiaeth o leoliadau iechyd byd-eang.

Bydd y cwrs hwn yn darparu hyfforddiant a sgiliau graddedig o ansawdd uchel ar gyfer astudiaethau ôl-raddedig pellach, neu i'r rhai hynny sy'n chwilio am gyflogaeth yn y sector iechyd byd-eang, lleoliadau argyfwng dyngarol, llunio polisi, y byd academaidd, ymchwil a rolau eiriolaeth.

Pynciau sy'n Debygol o Gael eu Trafod

Poblogaethau byd-eang sy'n heneiddio, newid yn yr hinsawdd ac iechyd byd-eang, epidemigau a chlefydau, argyfwng newyn a bwyd, mudo gorfodol a dadleoli, iechyd plant byd-eang, iechyd mewn ardaloedd o wrthdaro, iechyd meddwl, dulliau, gwerthuso a moeseg mewn iechyd byd-eang ac ymchwil meddygaeth, clefydau anhrosglwyddadwy, ymchwil gweithredu cyfranogol, rheoli prosiectau ym maes iechyd a meddygaeth byd-eang ac iechyd trefol.

Dyddiad Cychwyn Bwriededig

Medi 2026

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Mae'r cwrs PGDip Nyrsio (Oedolion) yn rhaglen 2 flynedd achrededig ar lwybr carlam, ac mae'n addas i raddedigion unrhyw ddisgyblaeth sy'n dymuno dechrau gyrfa nyrsio. Drwy gydol y cwrs, byddwch yn meithrin y sgiliau a'r profiad i fod yn nyrs dosturiol a gofalgar, sydd â’r hyder i fynd i’r afael â’r heriau cynyddol sy’n wynebu gweithwyr gofal iechyd. 

Bydd pwyslais cryf ar sgiliau ymarferol, a byddwch yn treulio 50% o'r cwrs ar leoliadau gwaith clinigol mewn amrywiaeth eang o leoliadau gan gynnwys ysbytai, y gymuned a chartrefi nyrsio.

Os ydych chi'n fyfyriwr o’r DU sy'n gallu ymrwymo i weithio yng Nghymru am ddwy flynedd ar ôl graddio, efallai gellir talu eich ffïoedd dysgu'n llawn drwy Gynllun Bwrsariaethau GIG Cymru.

Pynciau sy'n Debygol o Gael eu Trafod

Bydd eich astudiaethau'n cynnwys amrywiaeth o bynciau i ddatblygu'r wybodaeth ddamcaniaethol ac ymarferol y bydd ei hangen arnoch i roi gofal nyrsio tosturiol o safon i ddiwallu anghenion cyfannol pobl o oedolaeth ifanc, gan gynnwys:

• Hanfodion nyrsio
• Hybu iechyd
• Atal salwch
• Ymarfer ar sail tystiolaeth

Sylwch: mae'r cwrs hwn yn ddarostyngedig i ganiatâd NMC / Prifysgol

Dyddiad Cychwyn Bwriededig

Mawrth 2026

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Mae'r cwrs PGDip Nyrsio (Iechyd Meddwl) yn rhaglen 2 flynedd achrededig, ac mae'n addas i raddedigion unrhyw ddisgyblaeth sy'n dymuno dechrau gyrfa nyrsio. Drwy gydol y cwrs, byddwch yn meithrin y sgiliau a'r profiad i fod yn nyrs dosturiol a gofalgar, sydd â’r hyder i fynd i’r afael â’r heriau cynyddol sy’n wynebu gweithwyr gofal iechyd. 

Bydd pwyslais cryf ar sgiliau ymarferol a byddwch yn treulio 50% o'r cwrs ar leoliadau gwaith clinigol mewn amrywiaeth eang o leoliadau gan gynnwys ysbytai, y gymuned a chartrefi nyrsio.

Os ydych chi'n fyfyriwr o’r DU sy'n gallu ymrwymo i weithio yng Nghymru am ddwy flynedd ar ôl graddio, efallai gellir talu eich ffïoedd dysgu'n llawn drwy Gynllun Bwrsariaethau GIG Cymru.

Pynciau sy'n Debygol o Gael eu Trafod

Bydd eich astudiaethau'n cynnwys amrywiaeth o bynciau i ddatblygu'r wybodaeth ddamcaniaethol ac ymarferol y bydd ei hangen arnoch i roi gofal nyrsio tosturiol o safon i wella iechyd meddwl a lles, gan gynnwys:

• Hanfodion nyrsio (Iechyd Meddwl)
• Hybu iechyd
• Atal salwch
• Ymarfer ar sail tystiolaeth

Sylwch: mae'r cwrs hwn yn ddarostyngedig i ganiatâd NMC / Prifysgol

Dyddiad Cychwyn Bwriededig

Mawrth 2026

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.