Rheoli Uwch (Systemau Cymhleth) , MSc / PGDip / PGCert

Byddwch yn astudio amrywiaeth o fodiwlau cyn i chi ymgymryd â phrosiect annibynnol yn eich semester olaf.

Mae'r rhaglen yn seiliedig ar y rhyngweithiad rhwng damcaniaeth ac ymarfer a bydd yn darparu trosolwg i chi o egwyddorion damcaniaeth gymhlethdod a systemau cymdeithasol-dechnegol er mwyn i chi allu datrys problemau cymhleth a gwneud penderfyniadau effeithiol.

Fel arfer, mae'r modiwlau'n cynnwys: Archwilio Pwrpas Sefydliadol, Ymdrin ag Arloesi a Newid, Rheoli Asedau, Rheoli Gweithrediadau, Systemau Cymhleth: Pobl a Systemau ac Ymchwil ar Waith.

Rhaid i fyfyrwyr ennill 2:1 (neu gyfwerth dramor) mewn gradd israddedig a bydd unrhyw bwnc gradd yn cael ei ystyried. Byddem hefyd yn barod i ystyried y rhai sydd â chefndiroedd a phrofiad gwaith eraill yn y sector yn lle'r gofyniad mynediad i raddau.

Rhaid i fyfyrwyr hefyd gael o leiaf blwyddyn o brofiad gwaith perthnasol.  

Rhaid i siaradwyr anfrodorol gyflawni sgôr IELTS o 6.5 neu fwy heb unrhyw gydran yn llai na 6.0. Os ydych wedi astudio gradd Israddedig a addysgir drwy gyfrwng y Saesneg, efallai y cewch eich eithrio o'r gofyniad hwn – cliciwch yma i gael rhagor o wybodaeth.

Ar gyfer myfyrwyr sy'n methu â bodloni'r gofyniad Saesneg yn unig, rydym yn cynnig amrywiaeth o raglenni hyfforddi Cyn-Meistr y gallech eu cymryd cyn dechrau ar eich cymhwyster Meistr.

Mae ein rhaglen Rheoli Uwch yn radd hyblyg ac arloesol sy'n defnyddio amrywiaeth o ddulliau addysgu, yn bennaf ar ffurf darlithoedd a seminarau wythnosol, ac mae wedi ei ddatblygu gan arbenigwyr ac ymarferwyr mewn sefydliadau yn y sector cyhoeddus a'r sector preifat.

O ddechrau eich gradd, byddwch yn elwa o'n hymchwil o'r radd flaenaf a'n haddysgu a arweinir gan fyd diwydiant a bydd gennych bob cyfle i ddatblygu sgiliau trosglwyddadwy allweddol wrth i chi fodloni'r deilliannau dysgu a amlinellir ym maes llafur y modiwl.

Yn ogystal â darlithoedd traddodiadol, bydd dysgu hunangyfeiriedig, gweithdai, trafodaethau grŵp, ymarferion tîm, cyflwyniadau a arweinir gan ddysgwyr a chynnwys o'r radd flaenaf (darlithoedd a dosbarthiadau meistr anghydamseredig), seminarau rhithwir sy'n cyd-destunoli cymwysiadau diwydiannol, gweithdai wyneb yn wyneb a chyfleoedd i rwydweithio â rhanddeiliaid allanol.

Mae'r cwrs hwn yn cynnwys chwe modiwl a chaiff ei addysgu mewn modd 'cyfunol'. Golyga hyn y cyflwynir y rhan fwyaf o'r addysgu ar-lein ar gyfer myfyrwyr rhan-amser (gan gynnwys un gweithdy wyneb yn wyneb ar gyfer pob modiwl) a chynhelir y rhan fwyaf o'r darlithoedd a'r seminarau wyneb yn wyneb i fyfyrwyr amser llawn ar y campws.

2 Flynedd Rhan Amser	1 Flyddyn Llawn Amser
Yn addas ar gyfer gweithwyr proffesiynol amser llawn Yr ymrwymiad fydd tua 7 awr yr wythnos Mae dysgu hunangyfeiriedig yn agwedd allweddol ar y rhaglen Dysgu cyfunol. Prosiect ymchwil sy'n seiliedig ar gleientiaid	Darlithoedd a sesiynau seminar dwys a gafaelgar, wyneb yn wyneb ar y campws Elfennau hunangyfeiriedig atodol Gweithdai wyneb yn wyneb ar y campws Prosiect diwydiannol yn hytrach na thraethawd hir.

Diben asesiadau'r cwrs yw rhoi'r sgiliau a'r wybodaeth y mae eu hangen ar weithwyr proffesiynol i reoli cymhlethdod yng nghyd-destun eu sefydliadau. Mae pob modiwl yn cynnwys heriau sy'n benodol i'r sector ac sydd â'r nod o ddatblygu gallu'r cyfranogwyr i roi arloesi ar waith a rheoli cymhlethdod yn ddamcaniaethol ac yn ymarferol. Mae hyn yn cynnwys cyflwyno aseiniadau'r modiwl a phrosiect adroddiad ymchwil.

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffet ti roi gwybod i ni bod gennyt ddiddordeb mewn dilyn elfen o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny gan nodi'r flwyddyn mynediad ac fe wnawn ein gorau i weld beth sy'n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar dy gyfer, ac mae cefnogaeth ar gael i ti trwy Academi Hywel Teifi:

• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Byddwch yn cael eich addysgu gan dîm o academyddion profiadol o gefndiroedd ymchwil, academaidd a phroffesiynol. Mae eu gwybodaeth a'u harbenigedd helaeth yn berthnasol iawn i gynnwys y modiwl sy'n cael ei addysgu, gan sicrhau eich bod yn dysgu'r wybodaeth ddiweddaraf a mwyaf perthnasol a'ch bod yn datblygu'r wybodaeth, y sgiliau proffesiynol a'r arbenigedd angenrheidiol i lansio'ch gyrfa ym maes rheoli.

Cewch fwy o wybodaeth am ein staff academaidd drwy ddarllen ein proffiliau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.