Astudiaethau Cydymaith Meddygol, MSc

Disgwylir i fyfyrwyr astudio modiwlau gwerth 120 o gredydau ym mhob blwyddyn astudio.

Er mwyn bod yn gymwys i wneud cais am y cwrs Cydymaith Meddygol, mae'n rhaid nad ydych wedi astudio cwrs Cydymaith Meddygol o'r blaen (yn llawn neu’n rhannol). Rhaid i bob ymgeisydd allu dangos y canlynol:

• Tystiolaeth o brofiad o ddarparu gofal
• Gradd C neu'n uwch mewn TGAU Mathemateg a Saesneg/Cymraeg (neu gymhwyster cyfwerth)
• Gradd 2.2 neu'n uwch (neu ragamcan o 2.2 sydd wedyn yn cael ei  wireddu*) yn y gwyddorau biofeddygol neu ddisgyblaeth sy'n gysylltiedig ag iechyd**. Gellir ystyried ymgeiswyr sydd wedi ennill gradd dosbarth uchel (2.1 neu 1af) mewn disgyblaeth arall, ac sy'n gallu darparu tystiolaeth o brofiad gwaith perthnasol a gwerthoedd sy'n gyson â chyfansoddiad y GIG, ar sail unigol.

*Rhaid cyflwyno canlyniadau  graddau erbyn 31 Gorffennaf yn y flwyddyn gofrestru arfaethedig.

 **Gellir derbyn graddau a ddyfarnwyd mewn gwledydd ac eithrio'r DU, os cadarnheir eu bod cyfwerth â dyfarniadau system y DU. Os oes gan ymgeiswyr fwy nag un radd israddedig, canlyniad yr un ddiweddaraf fydd yn cael ei ystyried.

 Ar yr amod bod yr holl ofynion mynediad yn cael eu cyflawni, caiff pob cais ei drin yn deg ac yn gyson, ar sail ei deilyngdod a gwahoddir ymgeiswyr llwyddiannus am gyfweliad.

Nid yw'r cwrs Cydymaith Meddygol ar agor i'r canlynol:

• Ymgeiswyr sydd wedi cofrestru ar gwrs Cydymaith Meddygol o'r blaen
• Ymgeiswyr sydd wedi cofrestru ar radd feddygol o'r blaen
• Myfyrwyr sy’n trosglwyddo o gyrsiau Cydymaith Meddygol eraill

Mae'r cwrs mewn Astudiaethau Cydymaith Meddygol ar agor i ymgeiswyr o'r DU/yr UE (cartref).  Mae rhagor o wybodaeth am sut i gadarnhau eich bod yn gymwys ar gael ar dudalen Asesu Statws Ffioedd y Brifysgol.

Bydd eich addysgu wyneb yn wyneb ar y campws yn cael ei ategu gan labordai sgiliau clinigol, lleoliadau clinigol gydag asesiad, Profion Cynnydd, cyflwyniadau a thraethodau, ac arholiad clinigol gwrthrychol wedi'i strwythuro, e-ddysgu a dysgu drwy'r we. Drwy gydol eich gradd, bydd y pwyslais ar sgiliau ymarferol yn ogystal â rhai dadansoddol.

Os wyt ti'n siarad Cymraeg, mae Academi Hywel Teifi, yma i'th gefnogi gydol dy amser ym Mhrifysgol Abertawe o safbwynt dy astudiaethau a'th brofiad myfyriwr. Mae Prifysgol Abertawe yn cynnig:

• Cyfweliad cyfrwng Cymraeg wrth wneud cais am le ar gwrs.
• Dewis i gael gohebiaeth bersonol yn y Gymraeg – byddwn yn cyfathrebu yn dy ddewis iaith.
• Dewis i ysgrifennu a chyflwyno dy waith cwrs, a sefyll dy arholiadau drwy gyfrwng y Gymraeg (hyd yn oed os mai Saesneg yw iaith dy astudiaethau) a gwneir pob ymdrech i'w farcio'r gwaith yn yr iaith wreiddiol.
• Tiwtor personol sy'n siarad Cymraeg.
• Cymorth un-i-un i loywi dy sgiliau Cymraeg academaidd.

Ers 2011, mae cynnydd o 113% wedi bod yn nifer y myfyrwyr sy'n astudio trwy gyfrwng y Gymraeg ym Mhrifysgol Abertawe ac yn ôl ein data TEF yn 2017 a 2018 mae myfyrwyr Cymraeg eu hiaith yn llwyddiannus iawn o safbwynt cyflogadwyedd.

Caiff myfyrwyr Astudiaethau Cydymaith Meddygol eu haddysgu gan amrywiaeth o ymchwilwyr blaenllaw yn yr Ysgol Feddygaeth, gan roi mynediad heb ei ail i chi at ein hymchwil feddygol ddiweddaraf. 

Y prif staff addysgu ar y rhaglen Astudiaethau Cydymaith Meddygol yw: 

• Dr Wyn Harris

Y ffioedd dysgu blynyddol ar gyfer blwyddyn academaidd 2020/21 fydd:

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

40 O Leodd Wedi'u Hariannau Ar Gyfer 2019 AR GYFER 2020

Ar hyn o bryd, caiff y rhaglen PA ei chefnogi drwy fwrsariaeth Llywodraeth Cymru. Ar gyfer 2020/21, roeddem yn gallu cadarnhau ein bod yn cynnig 40 o leoedd wedi'u hariannu ar y rhaglen PA.

Mae Llywodraeth Cymru wedi dweud bod cyllid ar gyfer y cwrs hwn ond ar gael i fyfyrwyr sy'n barod i ymrwymo i gyfnod o 18 mis o gyflogaeth ôl-gymhwyso yng Nghymru. Drwy dderbyn cynnig o gyfweliad, rydych yn cadarnhau eich bod yn ymrwymo i hyn. Dim ond unigolion sy'n barod i wneud yr ymrwymiad hwn fydd yn gymwys i gael y pecyn ariannu llawn. Rhowch wybod i ni cyn gynted â phosibl os ydych yn dymuno tynnu'ch cais yn ôl neu os nad ydych am dderbyn eich cynnig o gyfweliad. Ar hyn o bryd, nid ydym yn gallu cynnig lleoedd i fyfyrwyr hunan-ariannu.

Cynllun Bwrsariaeth GIG Cymru-telerau ac amodau

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Gallwch wynebu costau ychwanegol yn ystod eich amser yn y brifysgol, gan gynnwys y canlynol (ond nid yw hon yn rhestr gynhwysfawr):

• Parcio ar y campws a theithio iddo ac oddi yno
• Costau argraffu, llungopïo, nwyddau ysgrifennu ac offer (e.e. cofau bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Bydd lleoliadau gwaith ar draws y rhanbarth a'r myfyriwr fydd yn gyfrifol am dalu costau teithio rhwng y safleoedd. Cysylltwch â Swyddfa Gwybodaeth Myfyrwyr ac Addysg yr Ysgol Feddygaeth am ragor o wybodaeth.

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Prynu stethosgop
• Llyfrau, deunyddiau cwrs a chostau argraffu neu lungopïo (mae llawer o'r llyfrau testun a argymhellir ar gyfer y cwrs hwn ar gael yn llyfrgelloedd y Brifysgol neu'r ysbytai)
• Parcio'n lleol a theithio i'r campws ac oddi yno neu i safle addysgu Ysbyty Treforys ac oddi yno
• Llungopïo a phrynu deunyddiau ysgrifennu, cofau bach
• Llogi gwisg academaidd ar gyfer graddio

Nid yw'r Arholiad Cenedlaethol Ardystio ar gyfer Cymdeithion Meddygol yn rhan o'r cwrs a bydd rhaid i fyfyrwyr wneud eu trefniadau eu hunain i sefyll yr arholiad hwn. Y myfyriwr fydd yn gyfrifol am yr holl gostau sy'n gysylltiedig â hyn.

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mentor Academaidd Personol: 

Neilltuir Mentor Academaidd i chi o blith staff academaidd cymwys yn yr Ysgol Feddygaeth, neu efallai o blith staff clinigol o Fyrddau Iechyd yn achos GEM a PA.  

Mentoriaid Academaidd Personol yw eich pwynt cyswllt cyntaf wrth astudio yn yr Ysgol Feddygaeth a gallant ddarparu cymorth a chyngor ar amrywiaeth o faterion a allai effeithio ar eich lles, eich presenoldeb a'ch cynnydd addysgol. Gallai Mentoriaid Academaidd Personol hefyd eich helpu gyda'ch cynllunio datblygu personol a chyngor gyrfaoedd. Gall eich mentor hefyd eich cyfeirio at y gwasanaeth Lles a gwasanaethau cymorth eraill, fel y bo'n briodol.  

Swyddfa Wybodaeth yr Ysgol Feddygaeth: 

Mae'n tîm o weinyddwyr a chydlynwyr gwybodaeth myfyrwyr wrth law i roi cymorth gyda'ch ymholiadau academaidd a'ch cyfeirio at wasanaethau ychwanegol pan fydd angen.  

Nid ydym bellach yn derbyn ceisiadau ar gyfer 2020, ond byddwn yn ail agor o fis Medi 2020 ar gyfer mynediad yn 2021. Y dyddiad cau ar gyfer ceisiadau yw Mawrth 31ain, 2021, a dim ond ar ôl y dyddiad hwn byddwn yn prosesu eich cais.

*Mae'r broses ymgeisio'n cael ei hadolygu drwy'r amser - sylwer, mae Ysgol Feddygaeth Prifysgol Abertawe'n cadw'r hawl i newid y broses asesu yn unol â’r hyn sy’n addas ar gyfer pob cylch ymgeisio.

Newidiad i'r broses gyfweld ar gyfer 2020 oherwydd COVID19

Oherwydd sefyllfa COVID19, mae newidiadau wedi cael eu gwneud i'r broses gyfweld, er mwyn ein galluogi ni i asesu ein ymgeiswyr yn deg a lleihau'r angen i gyfwelwyr ac ymgeiswyr i deithio.

Ar gyfer 2020 un unig, dim ond un cyfweliad fydd yn digwydd, bydd hwn yn cynnwys panel o academyddion, clinigwyr a chydymaithau meddygol. Mae'r cyfweliad wedi'i gynllunio i asesu gallu academaidd a rhinweddau personol ymgeisydd i astudio ac i ymarfer fel cydymaith meddygol.

Bydd gofyn i bob ymgeisydd hefyd gwblhau prawf ysgrifenedig. Bydd y prawf yn cynnwys dwy elfen - prawf barn sefyllfaol a phrawf rhifedd. Nodwch nad oes angen i ymgeiswyr adolygu ar gyfer y prawf hwn.

Gwybodaeth ar gyfer ceisiadau mynediad 2021

Rydym bellach yn derbyn ceisiadau ar gyfer mynediad Medi 2020. Fel arfer, bydd ceisiadau'n cau ar 31 Mawrth bob blwyddyn ar gyfer y rhaglen gan ddechrau ym mis Medi'r un flwyddyn. Dim ond ar ôl y dyddiad cau y caiff pob cais a dderbynnir ei ystyried.

Mae gennym becyn parhaus o fesurau ar waith i fodloni'r argymhellion i gynyddu'r ddarpariaeth o feddygon i Gymru. Yn yr un modd, ar gyfer ein rhaglen cydymaith meddygol, bydd cymhwystra ar gyfer lleoedd cyfweld sy'n weddill yn cael ei benderfynu ar sail domisil, ysgol uwchradd a fynychwyd a rhanbarth tarddiad gan ffafrio'r lleoedd sy'n weddill a roddir i fyfyrwyr sy'n gwneud cais o Gymru. Mae'r manylion llawn i'w gweld yn ein Dogfen Strategaeth Meddygon i Gymru.

Mae'r broses gyfweld wedi'i chynllunio i ystyried y rhinweddau personol ac academaidd sydd eu hangen fel cydymaith meddygol, a'r gallu i fodloni fframwaith cymhwysedd a chwricwlwm y Gyfadran o gymdeithion ffiseg.

I grynhoi, y rhain yw:

• Sgiliau cyfathrebu
• Ymdopi â phwysau a gwydnwch
• Mewnwelediad ac uniondeb
• Angerdd dros y rhaglen
• Deall cwmpas ymarfer

Ar ddiwrnod eich cyfweliad, fe'ch gwahoddir i ddod i ddau gyfweliad ar wahân, bob un o 15 munud o hyd. Fe'u cynhelir gan barau o gyfwelwyr hynod o hyfforddedig, wedi'u cymryd o'n panel o glinigwyr, academyddion a myfyrwyr cysylltiol ffiseg. Bydd eich datganiad personol yn cael ei ystyried a'i drafod yn ystod eich cyfweliad.

* Mae'r broses ymgeisio yn cael ei hadolygu'n barhaus-Sylwer bod ysgol feddygol Prifysgol Abertawe yn cadw'r hawl i newid y broses asesu ar gyfer pob cylch ymgeisio.