Sut gall gradd ôl-raddedig fod o fudd i'm gyrfa?
Mae gan astudiaethau ôl-raddedig lawer o fuddion, gan gynnwys:
- Gwell Potensial ar Gyfer Cyflogaeth
Mae dros 300,000 o fyfyrwyr yn graddio gyda gradd israddedig bob blwyddyn yn y Deyrnas Unedig. Gall gradd ôl-raddedig eich helpu i ddisgleirio ymhlith y dorf mewn marchnad swyddi sy'n fwyfwy cystadleuol a llawn
- Datblygiad Gyrfa
Gall cymhwyster ôl-raddedig eich arfogi â sgiliau a phrofiad y gallwch eu trosglwyddo i'r gweithle
- Boddhad Deallusol
Os ydych chi'n frwd dros faes pwnc penodol ac am ehangu'ch gwybodaeth, gallai gradd ôl-raddedig fod yn berffaith i chi
- Newid Cyfeiriad
Am newid maes pwnc ar ôl eich gradd israddedig? Gallai cwrs trosi o Brifysgol Abertawe eich helpu i newid cyfeiriad eich astudiaethau a/neu'ch gyrfa
Sut gall Prifysgol Abertawe fy helpu i?
O'r funud y byddwch yn cyrraedd Abertawe, bydd staff arbenigol Tîm Gyrfaoedd a Chyflogadwyedd yn eich helpu i gynllunio'ch dyfodol ac i baratoi ar ei gyfer. Byddant yn eich helpu i nodi a datblygu'r sgiliau a fydd yn eich galluogi i wneud y gorau o'ch gradd ôl-raddedig, ac i ehangu'ch gorwelion gyrfa. Mae'r gwasanaethau sydd ar gael yn cynnwys:
- Cyngor Arbenigol
Mynediad at gyngor a gwybodaeth ddiduedd am yrfaoedd gan Gynghorwyr Gyrfaoedd cymwys.
- Cyfleoedd
Dod o hyd i interniaethau, lleoliadau, swyddi rhan-amser, a chyfleoedd i raddedigion.
- Cysylltiadau â Chyflogwyr
Cysylltwch â chyflogwyr trwy ein ffeiriau gyrfaoedd, digwyddiadau cyflogwyr, a sesiynau hyfforddi/coetsio sgiliau.
- Datblygu Sgiliau
Datblygu eich CV, gwella eich sgiliau cyfweliad, a datblygu ymwybyddiaeth fasnachol/hunan.
- Mentora
Cysylltu â mentor o blith ein cyn-fyfyrwyr.
Mae llawer o'n cyrsiau ôl-raddedig wedi'u hachredu gan gyrff proffesiynol, gan sicrhau y caiff eich cymhwyster terfynol ei gydnabod gan gyflogwyr.
