Cyfrifeg Broffesiynol, MSc

Byddwch yn astudio'r modiwl Dulliau Ymchwil Meintiol nad yw'n cynnig credydau i'ch paratoi ar gyfer y prosiect ymchwil annibynnol.

Bydd myfyrwyr yn derbyn 120 o gredydau ar gyfer dysgu blaenorol, h.y. wedi cymhwyso'n gyfrifydd gyda chyrff proffesiynol^* yn ystod y pum mlynedd diwethaf.
_{*Rhaid bod myfyrwyr wedi pasio holl arholiadau ACCA, ICAEW, CIMA a chyrff cyfrifyddiaeth proffesiynol eraill.}

Rhaid i fyfyrwyr nad Saesneg yw eu hiaith gyntaf ennill sgôr IELTS gyffredinol o 6.0 heb unrhyw gydran yn is na 5.5 neu gymhwyster arall a gydnabyddir gan Brifysgol Abertawe. Mae rhestr o brofion cyfatebol ar gael yma.

Mae'r cwrs hwn yn cynnig cyfleoedd i astudio mewn amgylchedd dysgu rhithwir, os nad ydych yn gallu dod i Brifysgol Abertawe. Cewch gyfle hefyd i gwrdd â'r darlithwyr ar gyfer goruchwyliaeth bersonol, naill ai yn ystod eu horiau swyddfa neu drwy apwyntiad.

Mae ein darlithwyr yn academyddion profiadol o gefndiroedd ymchwil, academaidd a phroffesiynol.

Gallwch ddysgu mwy am ein staff academaidd drwy edrych ar ein proffiliau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Hefyd, mae gan yr Ysgol Reolaeth dîm Cyflogadwyedd penodol mewnol sy'n cynnig cymorth ychwanegol.
Yn ystod eich cyfnod gyda ni, byddwch yn cael cyfle i wneud y canlynol:

• Ymuno â'n cynllun Mentora Cyflogadwyedd a chael eich mentora gan gyflogwr a all eich helpu i bontio o fod yn fyfyriwr i fod yn ymarferydd proffesiynol
• Siarad â’n Cymuned o Gyn-fyfyrwyr sy’n tyfu
• Gweithio a rhwydweithio â chyflogwyr o amrywiaeth o gwmnïau cenedlaethol ac amlwladol drwy ein seminarau a'n digwyddiadau
• Cymryd rhan yn ein cystadleuaeth Busnes yn y Bae a chystadlu yn erbyn myfyrwyr o brifysgolion eraill
• Cwblhau Gwobr Cyflogadwyedd Abertawe

Dysgwch sut gall ein Gwasanaeth Gyrfaoedd mewnol roi cymorth i chi

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Sylwer: nid yw’r cwrs hwn yn gymwys i dderbyn nawdd CAS dan y llwybr myfyrwyr sy’n fewnfudwyr. Caiff myfyrwyr rhyngwladol nad ydynt eisoes yn meddu ar statws mewnfudwyr sy’n eu galluogi nhw i astudio yn y Deyrnas Unedig eu cefnogi i ddod i’r Deyrnas Unedig fel Ymwelydd Safonol (Astudio).