Cyllid Cynaliadwy, MSc

Datblygu’r sgiliau i fodloni’r heriau a’r cyfleoedd sy’n wynebu’r sector cyllid.

Manylion Allweddol y Cwrs

Dull Astudio: Ar y Campws
Cynnig Nodweddiadol (gweler dewisiadau arall): 2.2
Lleoliad: Campws y Bae

Dyddiad Dechrau	Ffioedd Dysgu - Blwyddyn 1
Med 2024	£ 12,400

MSc 1 Blynedd Llawn Amser

Dull Astudio: Ar y Campws
Cynnig Nodweddiadol: 2.2 - Gwybodaeth Rhagor
Lleoliad: Campws y Bae

Dyddiad Dechrau	Ffioedd Dysgu - Blwyddyn 1
Med 2024	£ 21,000

Trosolwg o'r Cwrs

A ydych chi eisiau gyrfa ym meysydd arbenigol adrodd ar gynaliadwyedd neu fuddsoddi cynaliadwy?

Mae’r twf mewn buddsoddi cynaliadwy a’r fframwaith rheoleiddio cynyddol ar adrodd ar gynaliadwyedd a buddsoddi cynaliadwy wedi ysgogi’r galw am weithwyr proffesiynol sydd â dealltwriaeth sylfaenol o’r meysydd hyn. Bydd ein MSc Cyllid Cynaliadwy yn rhoi ymwybyddiaeth ddatblygedig i chi o risgiau’r newid yn yr hinsawdd, pwysigrwydd data o ansawdd da ar weithgarwch cynaliadwy corfforaethol, a’r dulliau gwahanol o fuddsoddi’n gynaliadwy.

Byddwn yn helpu i fodloni’r galw cynyddol am weithwyr cyllid proffesiynol sy’n arbenigo mewn cyllid cynaliadwy, gan roi sgiliau uwch i chi mewn adrodd ar gynaliadwyedd, dadansoddi gwybodaeth gorfforaethol yn ymwneud ag adrodd ar gynaliadwyedd, a buddsoddi yn y maes amgylcheddol, cymdeithasol, a llywodraethu, fel bod gennych y set sgiliau i fodloni’r heriau a’r cyfleoedd sy’n wynebu’r diwydiant cyllid yn sgil ymrwymiadau cenedlaethol a byd-eang i leihau allyriadau nwyon tŷ gwydr.

Mae ein rhaglen ymarferol wedi’i hanelu at raddedigion sydd â gradd gyntaf mewn cyfrifeg, cyllid neu economeg, neu radd sy’n cynnwys ystod o fodiwlau ym meysydd cyllid, cyfrifeg neu economeg, ac sydd eisiau gwella eu hymwybyddiaeth a’u sgiliau ym maes cyllid cynaliadwy. Mae hefyd yn ddelfrydol ar gyfer gweithwyr proffesiynol mewn gwaith ar hyn o bryd, sydd eisiau atgyfnerthu eu gwybodaeth neu uwchsgilio yn eu maes. Yn yr un modd, caiff y sawl sydd â diddordeb mewn astudiaeth ychwanegol ar lefel ôl-raddedig eu paratoi i symud ymlaen i raglenni doethuriaeth.

Pam Cyllid Cynaliadwy yn Abertawe?

Gellir cwblhau’r rhaglen mewn blwyddyn.
Addysgir pob modiwl gan ein hacademyddion o safon fyd-eang sydd â gwybodaeth ddiwydiannol ac academaidd.
Cysylltiadau â’n Canolfan Cyllid Empiraidd Hawkes, sy’n uchel ei pharch, gydag arbenigedd academaidd mewn ystod o feysydd arbenigol, ac sy’n cynnal gwaith ymchwil arloesol i hybu dealltwriaeth, datblygiad a chymhwysiad ym meysydd llywodraethu corfforaethol, cyllid cynaliadwy, a dadansoddeg data.
Mae’r cwrs wedi’i seilio yn adeilad gwerth £22 miliwn yr Ysgol Reolaeth yng Nghampws y Bae, sydd â chyfleusterau pwrpasol i fyfyrwyr, gan gynnwys ein Labordy Cyllid arloesol sy’n rhoi mynediad i gronfeydd data a ddefnyddir o fewn y diwydiant cyllid a buddsoddi, gan gynnig cyfle i fyfyrwyr gael profiad ymarferol o ddadansoddi data. Yn ogystal, mae’r Labordy Cyllid yn rhoi mynediad i chi at ddata amgylcheddol, cymdeithasol, a llywodraethu ar filoedd o gwmnïau a chronfeydd buddsoddi a ddarperir gan asiantaethau graddio blaenllaw gan gynnwys Refinitiv a MSCI.

Eich Profiad Cyllid Cynaliadwy

Gall yr MSc Cyllid Cynaliadwy roi mantais gystadleuol i chi wrth chwilio am waith. I’r sawl sydd â diddordeb mewn astudiaeth ychwanegol ar lefel ôl-raddedig, byddwch wedi’ch paratoi i symud ymlaen i raglenni doethuriaeth ar ôl graddio.

O’r eiliad y byddwch yn cyrraedd yr Ysgol Reolaeth, byddwn yn gweithio gyda chi i’ch helpu i ddatblygu eich sgiliau a’ch profiad a gwella eich rhagolygon gyrfa.

Caiff addysgu yn Abertawe ei lywio gan ymchwil, ac mae gan ein staff brofiad ymarferol o theori ac ymarfer, sy’n golygu y gallwch elwa ar eu harbenigedd academaidd a’u gwybodaeth yn y byd go iawn.

Cewch gyngor gyrfaoedd pwrpasol un i un gan ein tîm gyrfaoedd ymroddedig, heb unrhyw gyfyngiad. Gallwch fynd ar leoliad gwaith neu interniaeth drwy Rwydwaith Interniaeth â Thâl Abertawe (SPIN) neu drwy fenter Wythnos o Waith.

Mae ein holl fyfyrwyr yn elwa ar gydleoli â diwydiant yng nghampws arloesol y Bae. Mae ein cyfleusterau’n cynnwys gofod addysgu a mannau astudio pwrpasol, a chyfleusterau TG helaeth a’r caledwedd a’r feddalwedd arbenigol diweddaraf.

Cyfleoedd Cyflogaeth Cyllid Cynaliadwy

Bydd graddedigion y rhaglen MSc Cyllid Cynaliadwy yn dysgu amrywiaeth o sgiliau i’w paratoi ar gyfer gyrfaoedd mewn amrywiaeth o gwmnïau ariannol.

Mae nifer o opsiynau gyrfa posibl ar gael yn y diwydiant cyllid cynaliadwy, gan gynnwys mewn llywodraeth leol neu genedlaethol, mewn sefydliadau byd-eang, ac mewn busnes / diwydiant.

Gall eich cam nesaf fod yn unrhyw un o’r rolau hyn:

Dadansoddwr Amgylcheddol, Cymdeithasol a Llywodraethu
Cyswllt Arloesi Cynaliadwy
Rheolwr Adrodd ar Gynaliadwyedd
Dadansoddwr Risgiau yn Sgil yr Hinsawdd

Modiwlau

Byddwch yn astudio amrywiaeth o fodiwlau gorfodol a dewisol yn semestrau un a dau y cwrs hwn, cyn ymgymryd â phrosiect/traethawd hir annibynnol yn eich trydydd semester.

Ymwadiad: Gall dewis modiwlau newid

Blwyddyn 1 (Lefel 7T)

FHEQ 7 Taught Masters / PGDip / PGCert

Mae myfyrwyr yn dewis 180 o gredydau o'r opsiynau canlynol:

Modiwlau Gorfodol

Enw'r Modiwl	Hyd y Modiwl	Credydau	Cod y Modiwl
International Financial Markets	September-January	15	MN-M003
Financial Statement Preparation and Analysis	September-January	15	MN-M004
Quantitative Methods and Economics	September-January	15	MN-M058
Climate Change and its Economic Impact	September-January	15	MN-M066
Research Skills	Academic Year	0	MN-N016
International Corporate Governance and Ethics	January-June	15	MN-M507
Sustainability and Environmental Management	January-June	15	MN-M606
Sustainable Financial Reporting	January-June	15	MN-M608
Sustainable Finance and ESG Investing	January-June	15	MN-M609

Modiwlau Opsiynol

Dissertation - Compulsory Electives

Dewiswch Yn union 60 o gredydau o'r Modiwlau a ganlyn:

SYLWER :Select one (60 credits) from the following 3 options:

Enw'r Modiwl	Hyd y Modiwl	Credydau	Cod y Modiwl	Canllawiau
Independent Research Project	June-September	60	MN-D023
Finance Project	June-September	60	MN-D023W

Gofynion Mynediad

Rhaid i fyfyrwyr fod â 2:2 (neu gymhwyster tramor cyfatebol) mewn gradd israddedig sy’n cynnwys ystod o fodiwlau mewn cyfrifeg/cyllid. Nid oes angen o reidrwydd i’r radd fod â chyfrifeg neu gyllid yn y teitl. Byddem hefyd yn fodlon ystyried ymgeiswyr sydd â chefndir a phrofiad gwaith arall yn y sector.

Rydym yn ystyried pob cais yn ôl ei deilyngdod a byddwn yn edrych ar bob achos unigol cyn gwneud cynnig, felly mae croeso i fyfyrwyr sydd ychydig yn brin o’r meini prawf mynediad wneud cais i’r Ysgol Reolaeth.

Yn achos ymgeisydd heb Saesneg fel iaith gyntaf, rhaid iddynt gyflawni sgôr IELTS o 6.0 yn gyffredinol, heb unrhyw gydran â sgôr sy’n llai na 5.5. Ceir rhestr o brofion cyfatebol yma. Os ydych wedi astudio ar gyfer gradd israddedig a addysgwyd drwy gyfrwng y Saesneg, mae’n bosibl y gellir eich eithrio o’r gofyniad hwn – cliciwch yma i gael rhagor o wybodaeth.

Yn achos myfyrwyr sy’n methu ar sail y gofyniad iaith Saesneg yn unig, rydym yn cynnig amrywiaeth o raglenni hyfforddiant ymlaen llaw y gallwch eu dilyn cyn dechrau ar eich cymhwyster Meistr.

Sut byddwch chi'n cael eich dysgu

Rydyn ni'n falch o gynnig profiad addysgol rhagorol, gan ddefnyddio'r ymagweddau dysgu ac addysgu mwyaf effeithiol, sydd wedi cael eu teilwra'n ofalus i gydweddu ag anghenion penodol eich cwrs. Addysgir ein cyrsiau wyneb yn wyneb, ar y campws, sy’n galluogi chi i ymgysylltu'n llawn â'ch darlithwyr a'ch cyd-fyfyrwyr.

Mae sesiynau sgiliau ymarferol, seminarau, a gweithdai yn cael eu cynnal wyneb yn wyneb fel arfer, gan ganiatáu i chi weithio a chyflwyno mewn grŵp. Fodd bynnag, mae ein hymagwedd hefyd yn cynnwys defnyddio cymorth ar-lein i ategu ac atgyfnerthu addysgu wyneb yn wyneb traddodiadol.

Efallai y bydd dysgu ar-lein yn digwydd yn 'fyw' gan ddefnyddio meddalwedd fel Zoom, a fydd yn eich galluogi i ryngweithio â'r darlithydd a'ch cyfoedion ac i ofyn cwestiynau. Mae recordio darlithoedd yn cynnig mwy o hyblygrwydd o ran ail-edrych ar ddeunydd a gwella’ch dysgu y tu allan i'r ystafell ddosbarth. Mae gan rai modiwlau adnoddau ychwanegol yn ein hamgylchedd dysgu rhithwir (Canvas), megis fideos, sleidiau a chwisiau sy'n galluogi astudiaeth hyblyg bellach.

Darpariaeth Gymraeg

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffet ti roi gwybod i ni bod gennyt ddiddordeb mewn dilyn elfen o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny gan nodi'r flwyddyn mynediad ac fe wnawn ein gorau i weld beth sy'n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar dy gyfer, ac mae cefnogaeth ar gael i ti trwy Academi Hywel Teifi:

Cyfweliad trwy gyfrwng y Gymraeg wrth wneud cais am le.
Gohebiaeth bersonol yn Gymraeg, yn Saesneg neu'n ddwyieithog.
Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
Tiwtor Personol Cymraeg ei iaith.
Cefnogaeth un i un i wella dy sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Cwrdd â'ch Darlithwyr

Byddwch yn cael eich addysgu gan dîm o academyddion profiadol sydd â chefndiroedd mewn ymchwil, cefndiroedd academaidd a chefndiroedd mewn diwydiant. Mae eu gwybodaeth a’u harbenigedd eang wedi’u cysylltu’n agos â chynnwys y modiwl a addysgir i chi, gan sicrhau eich bod yn dysgu’r wybodaeth fwyaf perthnasol a chyfoes ac yn datblygu’r wybodaeth, y sgiliau proffesiynol a’r arbenigedd sydd eu hangen arnoch i lansio eich gyrfa.

Gallwch ddysgu rhagor am ein staff academaidd wrth edrych ar broffiliau ein staff.

Ffioedd Dysgu

Dyddiad Dechrau	D.U.	Rhyngwladol
Medi 2023	£ 11,800	£ 20,000
Medi 2024	£ 12,400	£ 21,000

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae’r Ysgol Reolaeth yn cynnig Ysgoloriaeth Datblygu Dyfodol ar gyfer myfyrwyr ôl-raddedig (a addysgir) sydd â chynnig i astudio yn yr Ysgol Reolaeth.

Mae’r pecyn ysgoloriaeth yn annog myfyrwyr i ddatblygu nifer o sgiliau proffesiynol wrth weithio â’r Ysgol trwy gydol y flwyddyn academaidd.

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Mae gan yr Ysgol Reolaeth hefyd dîm Cyflogadwyedd mewnol dynodedig sy’n cynnig cymorth ychwanegol.
Yn ystod eich amser gyda ni, bydd gennych gyfle i:

Ymuno â'n cynllun Mentora Cyflogadwyedd a chael eich mentora gan gyflogwr a all eich helpu i bontio o fod yn fyfyriwr i fod yn weithiwr proffesiynol.
Siarad â’n cymuned gynyddol o gyn-fyfyrwyr.
Gweithio a rhwydweithio â chyflogwyr o amrywiaeth o gwmnïau cenedlaethol ac amlwladol drwy ein seminarau a'n digwyddiadau.
Gwella eich sgiliau a chwrdd â chyflogwyr yn ystod ein Modiwl Cyflogadwyedd, a gynhelir ddwywaith y flwyddyn.
Manteisiwch ar gefnogaeth ddiderfyn 1-2-1 i ddatblygu eich profiad gyrfa
Cadwch mewn cysylltiad am gefnogaeth am bum mlynedd ar ôl i chi raddio

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Sut i wneud cais

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.