Cymdeithas, Amgylchedd a Newid Byd-Eang, MSc

Mae’r rhaglen hon yn cynnwys dau fodiwl blaenllaw a gorfodol o’r enw, 'Crisis and Global Change' a 'Society-Environment Relations' Dysgir y ddau yn y tymor cyntaf, gan osod seiliau mewn beirniadaeth gymdeithasol, ac mewn daearyddiaeth, gwleidyddiaeth a diwylliant. Fe’u dysgir gan staff Daearyddiaeth Dynol mewn seminarau bach, lle mae’r pwyslais ar drafodaeth, ac ar ddysgu drwy esiamplau o’n byd o’n cwmpas.

Yn yr ail dymor, mae’r modiwl 'Qualitative Research Methods' yn paratoi myfyrwyr at y traethawd hir. Bydd y traethawd hir yn ganlyniad gwaith ymchwil annibynnol ar bwnc cyfoes, sydd yn cysylltu’n fras gyda’r themau canolog - amgylchedd, cymdeithas, a newid byd-eang. Cefnogir ein myfyrwyr i wneud gwaith maes, ac i ddatblygu partnerieithau allanol, lle bo hynny’n addas. Mae’r traethawd hir yn cael ei gefnogi gan gyfarfodydd arolygu unigol, ynghyd â chyfarfodydd grwp.

Ynghyd â’r modiwlau gorfodol yma, caiff y myfyrwyr ddewis o fodiwlau eraill o’r Adran Wleidyddiaeth, Athroniaeth a Chysylltiadau Rhyngwladol, a’r adran Hanes ym Mhrifysgol Abertawe. Mae modiwlau poblogaidd yn cynnwys: 'Violence, Conflict and Development', 'Critical Security Studies', 'Climate Science and Policy', 'Geographical Information Systems', a 'Heritage, Law and Conflict'.      

Mae cyfle i fyfyrwyr ymgeisio am fwrsari o £1,000 o Lywodraeth Cymru os am ddilyn rhan o’r cwrs Meistr hwn yn Gymraeg. Am fwy o wybodaeth, cysylltwch ag Academi Hywel Teifi neu Dr Angharad Closs Stephens, un o gydlynwyr y rhaglen.

Dylai fod gennych radd anrhydedd ail ddosbarth uwch (2:1) neu'n well, neu dylech fod yn disgwyl cyflawni hyn, neu gymhwyster cyfwerth, mewn pwnc sy'n ymwneud â'r gwyddorau cymdeithasol neu dylai fod gennych brofiad gwaith perthnasol. Nid yw cefndir mewn Daearyddiaeth yn ofyniad, ac rydym yn croesawu ceisiadau gan ymgeiswyr â chefndiroedd yn y Dyniaethau a/neu'r gwyddorau sydd wedi dangos diddordeb yn themâu'r rhaglen.

Rydym yn ystyried amrywiaeth eang o gymwysterau, gan gynnwys Prawf Saesneg Prifysgol Abertawe, prawf IELTS y British Council (gyda sgôr o 6.5 a 6.0 neu'n uwch ym mhob elfen).

Asesir graddau Meistr a addysgir trwy gyfuniad o arholiadau, gwaith cwrs a thraethawd estynedig neu brosiect ymchwil.

Modiwl sampl: GEGM29 Argyfwng a Newid Byd-eang

Mae'r modiwl hwn yn gofyn:

• Sut mae'n ymddangos bod rhai argyfyngau'n fwy amlwg nag eraill?
• Sut mae argyfyngau yn effeithio ar bobl a lleoedd yn anghyfartal?
• Beth mae argyfyngau yn ei ddatgelu am ddeinameg ehangach pŵer, hunaniaeth, anghydraddoldeb a thrais?

Sut mae'r modiwl hwn yn cael ei addysgu: 

• Cyfarfodydd wythnosol am 2 awr yn Nhymor 1 (Hydref-Rhagfyr), gan gyfuno darlith 1 awr a seminar 1 awr
• Mae'r seminarau'n cynnwys trafodaeth a chyflwyniadau (dewisol) dan arweiniad y myfyrwyr ac yn cynnwys ymwelwyr gwadd
• Mae'r asesiad yn draethawd 4,000 o eiriau o hyd, â chymhorthfa traethawd i drafod syniad â'r darlithwyr
• Addysgir gan Dr Angharad Closs Stephens a Dr Richard Smith

O leiaf 40 credyd

Mae'n bosib astudio o leiaf 40 credyd o'r cwrs ôl-raddedig hwn drwy gyfrwng y Gymraeg. Mae nifer o adrannau'r Brifysgol yn datblygu ac yn cynnig modiwlau cyfrwng Cymraeg neu fodiwlau dwyieithog fel rhan o'u cyrsiau felly bydd angen i ti drafod y posibiliadau gyda'r Cyfarwyddwr Rhaglen perthnasol. Gelli astudio modiwl/modiwlau trwy gyfrwng y Gymraeg lle bo'r cyfle neu gyflwyno dy draethawd estynedig yn y Gymraeg gydag arweiniad gan arbenigwr pwnc trwy gyfrwng y Gymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Yr opsiwn i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Dr Amanda Rogers

Professor Marcus Doel

Dr Richard Smith

Dr Anna Pigott

Dr Kevin Rees

Dr Keith Halfacree

Dr Jo Maddern

Dr Yeran Sun

Professor Sergei Shubin

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

https://www.jamespantyfedwen.cymru/

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.