Trosolwg o'r Cwrs
Darganfyddwch yr wyddoniaeth wrth wraidd cyffuriau a meddyginiaethau, eu heffeithiau ar systemau byw, a'r rôl y maent yn ei chwarae wrth drin clefydau drwy astudio Ffarmacoleg Feddygol ym Mhrifysgol Abertawe.
Drwy gydol y cwrs, byddwch yn astudio pynciau gan gynnwys tocsicoleg, ffisioleg, biocemeg, geneteg, imiwnoleg a datblygu cyffuriau. Byddwch hefyd yn datblygu sgiliau rhagorol mewn perthynas â dadansoddi a rheoli prosiectau wrth i chi ddylunio arbrofion a chynllunio rhaglenni gwaith i baratoi ar gyfer eich gyrfa yn y dyfodol.
Byddwch yn cael eich annog i herio'r doethineb cyffredin ym mhob maes y gwyddorau meddygol a'r gwyddorau bywyd, gwerthfawrogi cyfyngiadau presennol, a datblygiadau yn y dyfodol, o'n dealltwriaeth bresennol o iechyd a chlefydau.
Byddwch yn cael dealltwriaeth gyfannol o natur amlddisgyblaethol ffarmacoleg a'r cydweithrediad sydd ei angen i lwyddo mewn maes sy'n cyfuno arloesi mewn ymchwil, gofal cleifion a menter fasnachol.
Gyda chymysgedd o fodiwlau gorfodol a dewisol, gallwch ddewis trywydd eich astudiaethau, gan alinio'r rhain â'ch diddordebau, eich nodau gyrfa, neu astudiaethau yn y dyfodol.