Cwestiynau Cyffredin Clirio

Mae Abertawe'n ddinas arfordirol fywiog lle gall myfyrwyr fanteisio'n llawn ar fywyd y ddinas wrth fwynhau’r traeth hefyd. Fel prifysgol gyda dau gampws, mae myfyrwyr yn dod yn rhan o'r gymuned yn gyflym lle maent yn cael y profiad cartrefol o gartref oddi cartref.

Mae gennym amrywiaeth o opsiynau llety myfyrwyr sy'n addas ar gyfer gwahanol ffyrdd o fyw, gweithgareddau cymdeithasol, a nosweithiau allan, yn ogystal â dros 150 o wahanol glybiau chwaraeon a chymdeithasau i ymuno â nhw. Felly mae digon o gyfleoedd i gwrdd â phobl sydd â meddylfryd tebyg a gwneud ffrindiau!

Mae eich stori yn dechrau yma...

Un o’r pryderon mwyaf yw’r gost o fynd i’r brifysgol, bydd y rhan fwyaf o fyfyrwyr Cymru yn talu am eu ffioedd dysgu a’u costau byw trwy wneud cais am gymorth ariannol trwy wefan Cyllid Myfyrwyr Cymru. Peidiwch ag anghofio y gallech hefyd fod â hawl i ysgoloriaeth neu fwrsariaeth - ym Mhrifysgol Abertawe gallech dderbyn hyd at £3,000! Mae ysgoloriaethau penodol ar gyfer myfyrwyr sy’n dewis astudio drwy’r Gymraeg ac mae gan y Coleg Cymraeg Cenedlaethol ysgoloriaethau y gallwch ymgeisio amdanynt hefyd.

Yn ogystal, mae llawer o swyddi myfyrwyr ar gael ar y campws a fydd yn cyd-fynd â'ch amserlen, ynghyd â chymorth cyflogadwyedd.

Mae mynd i’r brifysgol yn amser cyffrous ond mae’n newid mawr ac mae’n bwysig gwneud yn siŵr bod systemau cymorth cywir yn eu le yn y brifysgol rydych chi am fynd iddi. Yn Abertawe mae gennym amrywiaeth o wasanaethau cymorth yn ymwneud â llwyddiant academaidd, cyllid, cyflogadwyedd, lles a mwy. Rydym yn darparu gwybodaeth, cyngor, arweiniad a chefnogaeth i alluogi pob myfyriwr i ddatblygu a chyflawni ei lawn botensial.

Gall myfyrwyr sy'n gwneud cais yn ystod Clirio wneud cais am lety'r brifysgol unwaith y byddant wedi cwblhau eu cais cwrs, gan ddefnyddio eu rhif adnabod UCAS. Os nad oes rhif adnabod UCAS gan y myfyriwr, gallant wneud cais unwaith y byddant wedi derbyn eu rhif myfyriwr gan y brifysgol (byddwch yn derbyn y rhif ar ôl cyflwyno'ch cais cwrs). 

Mae gennym amrywiaeth o opsiynau llety a reolir gan y brifysgol ar gael i'r holl fyfyrwyr sy'n gwneud cais drwy Glirio.

Gallwch! Mae nifer o'n myfyrwyr yn dewis teithio i gampws o'u cartrefi. Byddwch yn mwynhau'r un addysgu, gwasanaethau cymorth a phrofiad â phawb arall wrth elwa o astudio'n agos at adref.

Os dewiswch fyw gartref wrth astudio, nid ydych ar eich pen eich hun! Byddwch yn dal i gael mynediad at yr un cymorth academaidd, gwasanaethau lles, cyngor gyrfaoedd, llyfrgelloedd, mannau astudio a gweithgareddau Undeb Myfyrwyr â holl fyfyrwyr Abertawe. Mae ein clybiau a'n cymdeithasau yn ffordd wych o wneud ffrindiau a chymryd rhan.

Meddyliwch am eich diddordebau, cryfderau a nodau gyrfa yn y dyfodol. Archwiliwch ein tudalennau cwrs, mynychwch Ddiwrnod Agored Clirio neu siaradwch â'n cynghorwyr, a all eich helpu i ddod o hyd i'r cwrs sydd orau i chi.

Er na fydd yn bosibl i ni drafod cais eich plentyn oni bai eich bod wedi’ch enwebu ar ei ffurflen UCAS neu wedi gael eu caniatâd. 

Gyda chaniatâd, gallwn roi cyngor i chi ynglŷn â llety, o gefnogaeth a gânt pan fyddant eich plentyn yn cyrraedd ynghyd â gwybodaeth gyffredinol am y brifysgol, Abertawe a’r ardal.

Ffoniwch ni ar ein Llinell Gymorth: 0808 175 3071 neu ewch i'n tudalennau gwybodaeth i rieni am ragor o wybodaeth.

Os ydych chi eisoes yn dal lle mewn prifysgol arall ac yn ystyried Abertawe, gallwch wrthod eich lle ac ymuno â'r broses Clirio.

Os wyt ti’n cyflwyno cais drwy UCAS ar gyfer mis Medi 2026, byddi di’n cael dy gynnwys yn awtomatig yn y broses Glirio os na fyddi di’n cael dy dderbyn gan dy ddewisiadau cadarn ac yswiriant, neu os byddi di’n cyflwyno dy gais ar ôl 30 Mehefin. Os ddei di'n gymwys i ddefnyddio'r broses Clirio bydd botwm 'Add Clearing Choice' ar gael ar dy sgrin Track Choices.

I nifer o fyfyrwyr, bydd y broses clirio ar gael iddynt ar ôl i'w canlyniadau gael eu derbyn a daw i'r amlwg nad ydynt wedi diwallu'r meini prawf mynediad.

Os nad oes gennych chi gais UCAS byw, peidiwch â phoeni, byddwch chi’n dal i allu cyflwyno cais yn uniongyrchol i Brifysgol Abertawe. Ffoniwch ni ar 0808 175 3071 o ddechrau mis Gorffennaf a bydd ein tîm yn eich tywys drwy’r broses.

Os ydych chi’n apelio eich graddau, ac rydym wedi gwneud cynnig Clirio ar gwrs sylfaen i chi neu gwrs arall yn seiliedig ar eich graddau cyfredol, nodwch fod siawns y gallwn eich symud i'ch prif ddewis o gwrs os yw eich graddau newydd yn cyrraedd gofynion mynediad ar gyfer y cwrs hwnnw. Rhowch wybod i ni cyn gynted ag y byddwch yn derbyn eich graddau wedi'u diweddaru. Os oes gennych rai cyn 15 Hydref 2026, byddwn yn gallu eich symud i'r rhaglen wreiddiol y gwnaethoch gais amdani.

Nodwch os gwelwch yn dda bod cyrsiau sydd wedi eu comisiynu/cyrsiau clinigol sy'n cael eu hariannu gan Lywodraeth Cymru wedi eu heithrio.

Mae cyflwyno cais Clirio i Brifysgol Abertawe yn rhwydd, dilynwch y camau a amlinellir yn ein Canllaw i Glirio!

Os nad ydych wedi gwneud cais UCAS yn ystod y cylch hwn, mae dal modd i chi wneud cais ar gyfer mis Medi.

Rydym yn eich cynghori i'n ffonio ni ar 0808 175 3071 yn y lle cyntaf, i wirio eich bod yn gymwys i wneud cais i'r cwrs.

Unwaith eich bod yn gwybod eich bod yn gymwys, gallwch weld ein swyddi gwag Clirio a gwneud cais

Nodwch taw'r unig adeg y gallwch chi dddefnyddio'r ffurflen hon yw os nad ydych chi wedi cofrestru gydag UCAS eleni.

Gallwch ymweld â'n campysau yn ystod ein Diwrnodau Agored Clirio ar y 14eg, 15fed, 16eg a'r 17eg o Awst, rhwng 12:30yp a 4:00yp. Byddem wrth ein bodd yn eich gweld yno.

Mae'n deg eich bod yn cael blas ar fywyd prifysgol a gwybod eich bod yn gwneud y penderfyniad cywir i chi a'ch dyfodol. Mae dod i ymweld yn gyfle i chi archwilio eich dyfodol disglair ar y campws gyda ni a chael cipolwg gwirioneddol ar sut byddai'n byw ac astudio yn Abertawe.

Gallwch. Gallwch hefyd wneud cais i astudio gyda ni'n uniongyrchol.

Darganfyddwch fwy am eich opsiynau ar ein dudalen Clirio i fyfyrwyr rhyngwladol.

I sicrhau eich lle yn y broses Glirio, rydym yn argymell i chi gysylltu cyn gynted â phosibl gan fod lleoedd cyfyngedig ar gael ar rai cyrsiau. Yn Abertawe, rydym fel arfer yn cynnig amrywiaeth o leoedd Clirio bob blwyddyn, ac yn siŵr bod cwrs i bawb. Mynegwch eich diddordeb gyda ni i gael awgrymiadau a nodiadau atgoffa gwych.

Mae rhai cyrsiau'n llenwi'n gyflym yn ystod Clirio a gall dewis ar gyfer rhai cyrsiau fod yn gystadleuol. Mae ein tudalen Lleoedd Clirio yn cael ei diweddaru'n fyw fel y gallwch weld pa gyrsiau sydd ar gael ar unwaith.

Os yw'ch cwrs dewisol yn llawn, efallai yr hoffech archwilio cyrsiau tebyg sy'n cyd-fynd â'ch diddordebau, eich nodau gyrfa neu'ch cymwysterau. Mae ein tîm wrth law i'ch helpu i weithio allan eich opsiynau.

Os ydych chi'n gwneud cais trwy Glirio ac yn poeni na fyddwch chi'n bodloni'r gofynion mynediad, peidiwch â chynhyrfu! Byddwn yn ystyried pob cais ar ei rinweddau ei hun. Os ydych chi'n gwneud cais ar gyfer 2027, gallwch ddod o hyd i'n gofynion mynediad safonol ar ein tudalennau cwrs.

Gallwch gyfrifo eich pwyntiau Tariff UCAS gan ddefnyddio'r gyfrifiannell Tariff UCAS.

Ni allwch gofrestru ar gyfer cwrs nes i chi derbyn eich canlyniadau, ond gallwch gofrestru eich diddordeb gyda ni cyn Diwrnod y Canlyniadau. Yna byddwch yn gyntaf i dderbyn gwybodaeth am eich cwrs dewisol ac awgrymiadau gorau drwy gydol y broses Glirio.

Nid yw'r rhan fwyaf o gyrsiau'n gofyn am gyfweliad yn ystod y broses Glirio, ond bydd rhai pynciau - fel nyrsio, fferylliaeth a chyrsiau gofal iechyd eraill. Byddwn yn rhoi gwybod i chi a oes angen cyfweliad fel rhan o'ch cais.

Mae Prifysgol Abertawe yn cynnig amrywiaeth o ysgoloriaethau a bwrsariaethau. Rydym yn dyfarnu £3,000 yn awtomatig i bob myfyriwr sy'n talu ffioedd yn y DU sy'n cyflawni AAA (neu gyfwerth) a £2,000 i bob myfyriwr sy'n talu ffioedd yn y DU sy'n cyflawni AAB (neu gyfwerth). Edrychwch ar ein tudalennau ysgoloriaethau am y wybodaeth ddiweddaraf. Mae telerau'n berthnasol.

Gallwch chi barhau i siarad â ni am eich opsiynau tra byddwch chi'n aros am eich canlyniadau TGAU. Os yw'ch cwrs dewisol yn gofyn am raddau TGAU penodol, fel arfer byddwn ni'n dal i allu gwneud cynnig amodol i chi yn y cyfamser, cyn belled â bod eich canlyniadau TGAU yn ddyledus cyn i'ch cwrs ddechrau.

Mae ein llinellau ffôn Clirio ar agor am oriau estynedig yn ystod y cyfnod Clirio. Gallwch ein ffonio:

08:00-20:00 ar Ddiwrnod y Canlyniadau (ddydd Iau 13eg Awst)
07:00-19:00 ar ddydd Gwener 14eg Awst
09:00-17:00 ar ddydd Sadwrn 15fed Awst
10:00-16:00 ar ddydd Sul 16eg Awst
Ein horiau agor safonol yw 09:00-17:00.

Os hoffech chi ohirio eich lle tan y flwyddyn academaidd ganlynol, cysylltwch â'n tîm Derbyniadau cyn gynted â phosibl. Ystyrir gohiriadau fesul cwrs ac achos fesul achos ac ni ellir eu gwarantu bob amser.

Os ydych chi wedi newid eich meddwl ac eisiau astudio gyda ni fel eich dewis yswiriant yn hytrach na'ch prif ddewis, cysylltwch â'n tîm Derbyniadau a byddwn yn egluro'r camau y mae angen i chi eu cymryd drwy UCAS. Ni ddylech ddefnyddio'r opsiwn 'Gwrthod fy lle'.

Byddwn yn prosesu eich cais cyn gynted â phosibl ac os byddwch yn ein ffonio ar ôl i chi gael eich canlyniadau, gallwn fel arfer rhoi cynnig ar unwaith i chi. Ar gyfer cyrsiau cystadleuol, neu'r rhai sy'n gofyn am gyfweliad fel Fferylliaeth, fe gall hi gymryd ychydig o ddyddiau i brosesu eich cais.

Gallwch wneud cais ar-lein neu drwy ffonio ein llinell gymorth Clirio – pa un bynnag sy'n well gennych. Os ydych chi am wneud cais ar-lein, ewch i'n tudalen 'Lleoedd Clirio', cliciwch ar y cwrs o'ch dewis a chlicio ar y botwm 'Ymgeisio'.

I ymuno â ni drwy'r broses Clirio, bydd angen i chi ymweld â Hwb UCAS a chlicio 'Add a Clearing option'. Nodwch Brifysgol Abertawe (S93) a manylion eich cwrs. Yna gallwch dderbyn eich cynnig. Peidiwch â phoeni; byddwn yn anfon diweddariadau rheolaidd atoch drwy e-bost i'ch arwain drwy'r camau nesaf.

Os oes cynnig gyda chi yn barod, edrychwch ar ein tudalen awgrymiadau defnyddiol.

Os hoffech newid cwrs, cysylltwch â'n tîm Clirio a fyddwn yn hapus i drafod eich opsiynau gyda chi.