1. Hafan
  2. Israddedig
  3. Cyrsiau Israddedig
  4. Cyrsiau Meddygaeth Israddedig
  5. Geneteg Feddygol, BSc (Anrh) / MSci (Anrh)

Geneteg Feddygol, BSc (Anrh) / MSci (Anrh)

Darganfyddwch Abertawe yn ein Diwrnod Agored nesaf

Cadwch le heddiw
Students in Lab

Trosolwg o'r Cwrs

Mae geneteg feddygol yn rhan o faes eang o'r gwyddorau biomoleciwlaidd modern, sy'n cwmpasu ystod o bynciau. Mae'r maes ar y cyfan yn meithrin ystod eang o raddedigion sy'n mynd ymlaen i ystod o yrfaoedd, gan gynnwys gwaith mewn labordy ymchwil academaidd neu ddiwydiannol, gwerthu cynnyrch fferyllol, cyfraith patentau, ysgrifennu meddygol, ymgynghoriaeth, neu ddilyn hyfforddiant ychwanegol, ymarfer meddygol.  

Bydd ein BSc (Anrh.)/MSci (Anrh.) Geneteg Feddygol yn rhoi gwybodaeth fanwl i chi o'r blociau adeiladu hanfodol hyn o fywyd. Byddwch yn dysgu technegau ar gyfer dadansoddi mynegiant genynnau, rhyngweithiadau protein, strwythur DNA a difrod iddo, dadansoddi delweddau o fiomoleciwlau a chelloedd, a dulliau dadansoddi cyfrifiadurol uwch. 

Drwy gydol y rhaglen, byddwch yn datblygu sgiliau rhagorol o ran rheoli prosiectau a dadansoddi ac yn dysgu sut i ddylunio arbrofion a chynllunio rhaglenni gwaith. Byddwch yn astudio  cymysgedd o fodiwlau gorfodol a dewisol, gan roi'r hyblygrwydd i chi deilwra eich gradd i'ch diddordebau, eich uchelgeisiau o ran gyrfa neu eich cynlluniau ar gyfer astudiaethau pellach.  

Mae'r radd hon yn rhan o'n rhaglen Llwybrau i Feddygaeth 'Gwyddorau Meddygol Ar Waith'. Bydd myfyrwyr sy'n bodloni'r gofynion mynediad ac yn cwblhau'r Llwybr yn sicr o gael cyfweliad ar gyfer cwrs MBBCh  blaenllaw'r Ysgol Feddygaeth (Mynediad i Raddedigion). 

Dyfarniadau a Safleoedd

* Wedi’i asesu o dan Geneteg. Yn seiliedig ar y sgôr gyfartalog ar gyfer agwedd gadarnhaol fesul pob thema yn Arolwg Cenedlaethol o Fyfyrwyr 2026 o'n cymharu â phrifysgolion eraill yn y Times Good University Guide.

Pam Geneteg Feddygol ym Mhrifysgol Abertawe?

Drwy astudio yn Abertawe, byddwch yn dysgu gan staff academaidd sy'n cymryd rhan weithredol mewn ystod eang o ymchwil ym maes geneteg arloesol.  Mae eu harbenigedd yn cynnig cymysgedd eithriadol o ragoriaeth academaidd ac ymarfer gwyddonol yn y byd go iawn. Ochr yn ochr â'ch astudiaethau ffurfiol, cewch gyfle i ymuno â sgyrsiau ymchwil rheolaidd a gyflwynir gan academyddion Prifysgol Abertawe a siaradwyr gwadd o brifysgolion eraill, byd diwydiant, y GIG a sefydliadau ymchwil blaenllaw.  

Byddwch hefyd yn elwa o fynediad at gyfleusterau ymchwil o'r radd flaenaf yr Ysgol Feddygol, sy'n cefnogi astudiaethau moleciwlaidd a chellog uwch.  Mae'r rhain yn cynnwys offer dadansoddi DNA a phrotein, dadansoddwyr delweddau cyfrifiadurol, a chyfleuster cyfrifiadurol perfformiad uchel pwerus ar gyfer dadansoddi data ar raddfa fawr. 

Modiwlau

Rydym wedi gwella ein modiwlau i ddarparu profiad dysgu deniadol, wedi'i gynllunio i'ch helpu i ddatblygu'r sgiliau y mae cyflogwyr yn chwilio amdanynt. Darganfyddwch beth sydd ar gael a chael eich hysbrydoli gan y modiwlau y gallwch eu hastudio.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Mae gofynion mynediad yna i roi arweiniad i chi, nid i fod yn rhwystr, a bydd ein cynnig wedi cael ei deilwra ar eich cyfer chi a beth rydym yn meddwl y medrwch chi ei gyflawni.

Rydym yn gwybod bod pethau'n gallu newid wrth i chi fynd drwy'r siwrnai. Gallwch siarad â ni am eich cynnig ar unrhyw gyfnod a byddwn yn gwneud yn siŵr ei fod yn gynnig y medrwch chi ei gyflawni.

Eich profiad ym maes Geneteg Feddygol

Gyrfaoedd a Chyflogadwyedd

Egwyddor gyffredinol y rhaglen yw paratoi gwyddonwyr â'r wybodaeth graidd angenrheidiol, sgiliau ymarferol a chyflogadwyedd i lwyddo yn yr amgylchedd byd-eang a newidiol ar gyfer y gwyddorau meddygol a'r gwyddorau bywyd.      Felly, bydd pob myfyriwr yn meithrin y sgiliau sylfaenol sy'n ofynnol i bob gwyddonydd biofoleciwlaidd. Mae sgiliau cyflogadwyedd yn thema yn y rhan fwyaf o fodiwlau. 

Mae graddedigion gwyddor biofoleciwlaidd yn mynd ymlaen i ystod o gyrchfannau posibl i raddedigion, gan gynnwys:  

  • Y sector meddygol a gwyddorau bywyd – er enghraifft ym maes ymchwil, gwerthu a marchnata i gwmnïau fferyllol, technegwyr labordai. 
  • Ymchwil feddygol a gwyddorau bywyd – er enghraifft, fel myfyriwr PhD neu dechnegydd yn y byd academaidd neu yn y sector ymchwil nid-er-elw. 
  • Rheoleiddio meddygol a gwyddorau bywyd e.e. Asiantaeth Rheoleiddio Meddyginiaethau a Chynhyrchion Gofal Iechyd, Asiantaeth Safonau Bwyd. 
  • Cymhwyster fel gweithiwr iechyd proffesiynol (ar ôl astudiaeth bellach), er enghraifft, meddygaeth i raddedigion, cymdeithion meddygol, milfeddygol neu ddeintyddol. 
  • Cymhwyster fel gweithiwr proffesiynol ym maes y gyfraith (ar ôl astudiaeth bellach), y gyfraith i raddedigion (yn enwedig eiddo deallusol, patentau). 
  • Addysgu gwyddoniaeth a thechnoleg mewn ysgolion a sefydliadau addysg bellach (ar ôl astudiaeth bellach). 
  • Gyrfaoedd drwy gyrsiau trosi perthnasol gan gynnwys y gyfraith a chyllid

Felly, bydd ystod eang o yrfaoedd ar agor i raddedigion y rhaglen gan fod galw mawr am eu gwybodaeth, eu sgiliau a'u cymwyseddau. Bydd ein graddedigion hefyd wedi cael cyfleoedd unigryw i rwydweithio ag academyddion, ymchwilwyr, ymarferwyr a gweithwyr proffesiynol sefydledig fel rhan o'u modiwlau, prosiectau blwyddyn olaf, lleoliadau gwaith a/neu interniaethau, a allai hefyd agor nifer o gyfleoedd gyrfa amhrisiadwy iddynt.

Ymgeisio Cadwch Mewn Cysylltiad

Darganfyddwch eich prifysgol

Ewch ar rithdaith

Two students walking around campus

Prosbectws Israddedig

Prosbectws Israddedig

Astudio trwy'r Gymraeg

welsh medium

Sgwrsiwch â Myfyriwr Cyfredol

Dau fyfyriwr wrth gyfrifiadur
Ymwadiad Rhaglen

Geneteg Feddygol, BSc (Anrh)

Geneteg Feddygol gyda Blwyddyn Dramor, BSc (Anrh)

Medical Genetics with a Foundation Year, MSci (Anrh)

Medical Genetics with a Foundation Year, MSci (Anrh)

Geneteg Feddygol gyda Blwyddyn Sylfaen ac gyda Blwyddyn Dramor, BSc (Anrh)

Medical Genetics with a Year Abroad, MSci (Anrh)

Medical Genetics with a Placement Year, MSci (Anrh)

Medical Genetics with a Foundation Year and Placement Year, BSc (Anrh)

Geneteg Feddygol gyda Blwyddyn Sylfaen, BSc (Anrh)

Geneteg Feddygol gyda Blwyddyn ar Leoliad, BSc (Anrh)

Geneteg Feddygol, MSci (Anrh)