1. Hafan
  2. Israddedig
  3. Cyrsiau Israddedig
  4. Cyrsiau Meddygaeth Israddedig
  5. Data Science and Population Health, BSc

Data Science and Population Health, BSc

Darganfyddwch Abertawe yn ein Diwrnod Agored nesaf

Cadwch le heddiw
Students on computers

Trosolwg o'r Cwrs

Mae ein BSc Gwyddor Data ac Iechyd y Boblogaeth yn cyfuno pŵer dadansoddol gwyddor data â'r gwyddorau cymdeithasol ac iechyd, er mwyn mynd i'r afael â heriau cymhleth cynyddol ym maes iechyd cyhoeddus. 

Byddwch yn meithrin yr wybodaeth a'r sgiliau i ddadansoddi a dehongli data i ganfod patrymau, llunio rhagfynegiadau a rhoi cyfeiriad wrth wneud penderfyniadau, gan ddatblygu sgiliau dadansoddi a datrys problemau cryf, ynghyd â sylfaen gref mewn cyflwyno gwasanaethau iechyd a chyhoeddus.  

Byddwch yn dysgu sut i gymhwyso'r offer hynny fel dysgu peirianyddol, deallusrwydd artiffisial, delweddu data a modelu ystadegol i ddatrys problemau cymhleth. Mae astudio'r dulliau hyn wedi'i gynnwys yng nghydran iechyd y boblogaeth y radd sy'n cynnwys pynciau allweddol sy'n rhoi sylfaen gadarn mewn pynciau iechyd y cyhoedd gan gynnwys epidemioleg, demograffeg, iechyd y cyhoedd a gwybodeg iechyd.

Mae'r cydbwysedd rhwng sgiliau technegol a gwybodaeth pwnc yn creu graddedigion sydd wedi'u harfogi'n dda i greu effaith mewn llawer o feysydd gyda sgiliau technegol trosglwyddadwy a hyfedredd wrth ddefnyddio meddalwedd er mwyn gweithio gyda data a’i drafod

Pam Data Science and Population Health yn Abertawe?

Mae ein BSc Gwyddor Data ac Iechyd y Boblogaeth ar gyfer myfyrwyr sydd â diddordeb mewn cyfuno pŵer dadansoddol gwyddor data â'r gwyddorau cymdeithasol ac iechyd i fynd i'r afael â heriau iechyd y cyhoedd cymhleth.

Mae'r maes rhyngddisgyblaethol hwn yn canolbwyntio ar ddefnyddio ymagweddau a lywir gan ddata i wella canlyniadau iechyd y boblogaeth, llywio polisi ac arwain penderfyniadau sy'n seiliedig ar dystiolaeth. Byddwch yn dysgu am gysyniadau gwyddor data sylfaenol, gan gynnwys dadansoddi data, strwythurau data cysylltiedig, dysgu peirianyddol, modelu a rhaglennu ystadegol sy'n hollbwysig wrth weithio gyda setiau data iechyd mawr. Mae'r gydran iechyd y boblogaeth yn cynnwys pynciau allweddol mewn iechyd y cyhoedd, epidemioleg, iechyd digidol, anghydraddoldebau iechyd, penderfynyddion cymdeithasol iechyd, systemau gofal iechyd a pholisi.

Cewch eich addysgu gan academyddion ac ymchwilwyr blaenllaw ym maes gwyddor data, ystadegau, epidemioleg, dysgu peirianyddol a chysylltedd data ym maes gofal iechyd, sydd wedi helpu i sicrhau enw da rhyngwladol Prifysgol Abertawe am ymchwil ac addysgu ym meysydd gwyddoniaeth, peirianneg a thechnoleg. Rydym yn gartref i Fanc Data SAIL, prosiect arloesol i alluogi cloddio data gofal iechyd Cymru ar raddfa fawr mewn amgylchedd diogel.

Eich Profiad Data Science and Population Health

Byddwch yn rhan o gymuned groesawgar a chefnogol o'r diwrnod cyntaf. Mae ein Cymdeithas Iechyd y Boblogaeth a arweinir gan fyfyrwyr yn dod â phobl ynghyd drwy ddigwyddiadau cymdeithasol, cymorth i gyfoedion, a chyfleoedd i gydweithio y tu hwnt i'r ystafell ddosbarth. Bydd gennych hefyd fynediad at sesiynau galw heibio rheolaidd a gynhelir gan ein partneriaid Ymgysylltu â Myfyrwyr a Chynwysoldeb, lle gallwch gysylltu â staff academaidd mewn lleoliad hamddenol, creu eich rhwydwaith, rhannu eich syniadau a chael mwy o gymorth pan fydd ei angen arnoch.

Mae Gwyddor Data'n faes hybrid, sy'n dod â chysyniadau a dulliau ynghyd o ddau faes astudio penodol, mathemateg a chyfrifiadureg, i ddatrys problemau gan ddefnyddio dulliau rhifiadol.  Gan gyfuno pynciau megis cysylltedd data, delweddu data, dysgu peirianyddol a deallusrwydd artiffisial. Yn Abertawe, mae gennym arbenigedd yn yr holl feysydd hyn, gyda staff addysgu rhagorol yn rhan weithgar o waith ymchwil sy'n ymwneud ag iechyd y boblogaeth.

Byddwch yn astudio amrywiaeth o bynciau'n ymwneud â meysydd gwyddor data ac iechyd y boblogaeth:

  • Strwythurau Data a Chysylltedd Data 
  • Dysgu Peirianyddol a Deallusrwydd Artiffisial
  • Delweddu Data
  • Ystadegau a Dadansoddi Data
  • Iechyd Cyhoeddus ac Epidemioleg
  • Gwybodeg Iechyd

Mae ein rhaglen hefyd yn rhannu hanner ei modiwlau â'r rhaglen Gwyddorau Meddygol ac Iechyd y Boblogaeth bresennol.

Modiwlau

Rydym wedi gwella ein modiwlau i ddarparu profiad dysgu deniadol, wedi'i gynllunio i'ch helpu i ddatblygu'r sgiliau y mae cyflogwyr yn chwilio amdanynt. Darganfyddwch beth sydd ar gael a chael eich hysbrydoli gan y modiwlau y gallwch eu hastudio.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Gyrfaoedd a Chyflogadwyedd

Bydd graddedigion ein gradd BSc mewn Gwyddor Data ac Iechyd y Boblogaeth wedi’u paratoi i gael gyrfaoedd mewn amrywiaeth o ddiwydiannau a sectorau, ond yn benodol ym meysydd iechyd cyhoeddus a dadansoddeg gofal iechyd, gan ganolbwyntio'n benodol ar ddylanwad polisi ac ymarfer, a gwella gofal cleifion a lles cyffredinol poblogaethau. 

Mae ein graddedigion mewn sefyllfa dda i lansio gyrfaoedd cyffrous ar draws dadansoddeg gofal iechyd, iechyd y cyhoedd, ymchwil a diwydiant. Wedi'u harfogi â sgiliau y mae galw amdanynt mewn iechyd y boblogaeth, bydd myfyrwyr yn gymwys i gael rolau llawn effaith yn y GIG, sefydliadau data iechyd a chyrff y llywodraeth fel dadansoddwyr data, swyddogion ymchwil ac arbenigwyr gwybodeg.

Mae gennych y dewis hefyd i barhau â'ch taith ym myd academaidd neu ymchwil, gan adeiladu ar y sgiliau ymchwil cryf rydych eisoes wedi'u hennill.  Neu, gallech fynd â'ch sgiliau gwyddor data y mae galw mawr amdanynt yn syth i fyd diwydiant, gan ddefnyddio profiad o'r byd go iawn i ddatrys heriau a chreu gyrfa lwyddiannus.

Cadwch Mewn Cysylltiad

Darganfyddwch eich prifysgol

Ewch ar rithdaith

Two students walking around campus

Prosbectws Israddedig

Prosbectws Israddedig

Astudio trwy'r Gymraeg

welsh medium

Sgwrsiwch â Myfyriwr Cyfredol

Dau fyfyriwr wrth gyfrifiadur
Cynigion wedi'u gwarantu*
Ymwadiad Rhaglen

Data Science and Population Health, BSc