Biomedical Science, BSc

Manylion Allweddol y Cwrs

Côd UCAS: B300
Dull Astudio: Ar y Campws
Cynnig Nodweddiadol (gweler dewisiadau arall): AAB-BCC
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2027	£ 9,790

Côd UCAS: B300
Dull Astudio: Ar y Campws
Cynnig Nodweddiadol: AAB-BCC - Gwybodaeth Rhagor
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2027	£ 25,100

Trosolwg o'r Cwrs

Mae’r gwyddorau biofeddygol yn un o'r meysydd mwyaf deinamig ac amrywiol mewn gwyddoniaeth fodern, ac yn un o bileri sylfaenol ymarfer meddygol modern. Mae'n sail i bopeth, o ddarparu cynhyrchion gwaed yn ddiogel i gleifion sy'n ddifrifol wael, i ganfod achosion o glefydau, a sgrinio am arwyddion cynnar cyflyrau megis canser gwddf y groth.

Mae'n chwarae rôl hanfodol mewn gofal iechyd modern drwy gefnogi diagnosis, monitro a thrin clefydau. Mae gwelliannau cyflym mewn meysydd megis genomeg, imiwnotherapi a meddygaeth fanwl yn trawsnewid sut mae gofal iechyd yn cael ei ddarparu, gan gynyddu'r galw am raddedigion sydd â gwybodaeth wyddonol gref a sgiliau labordy ymarferol.

Ar y cwrs hwn byddwch chi'n meithrin sylfaen gref ym meysydd craidd y gwyddorau biofeddygol gan gynnwys anatomeg a ffisioleg ddynol, biocemeg, bioleg celloedd a geneteg. Byddwch hefyd yn datblygu sgiliau astudio a labordy hanfodol sydd eu hangen ar gyfer gyrfa mewn gwyddor feddygol..Bydd y meysydd pwnc craidd hyn yn eich paratoi chi i symud i feysydd labordy clinigol arbenigol a datblygiad proffesiynol.

Pam Biomedical Science yn Abertawe?

Mae'r rhaglen hon wedi'i dylunio i roi dealltwriaeth gynhwysfawr i chi o fioleg a chlefydau dynol, ochr yn ochr â'r cymwyseddau dadansoddol a thechnegol sydd eu hangen mewn lleoliadau biofeddygol cyfoes.

Caiff ein rhaglen ei haddysgu gan academyddion arbenigol ar draws ystod eang o ddisgyblaethau gwyddor fiofeddygol, y mae llawer ohonynt yn meddu ar Gymrodoriaeth neu Uwch-gymrodoriaeth o’r Academi Addysg Uwch i gydnabod eu rhagoriaeth addysgu.

Mae nifer sylweddol hefyd yn aelodau o’r Sefydliad Gwyddoniaeth Fiofeddygol, gan sicrhau bod eich dysgu'n cael ei lywio gan y datblygiadau gwyddonol a'r safonau proffesiynol diweddaraf.

Bydd eich dysgu'n cael ei gyfoethogi drwy, wyddonwyr biofeddygol proffesiynol cofrestredig sy'n addysgu ochr yn ochr â'n staff academaidd, gan ddod ag arbenigedd y byd go iawn yn uniongyrchol i'r ystafell ddosbarth. Mae hyn yn golygu y byddwch yn elwa o addysgu o ansawdd uchel, wedi’i lywio gan ymarfer ac ymchwil, sy'n berthnasol yn uniongyrchol i yrfaoedd yn y dyfodol mewn gwyddor fiofeddygol a’r tu hwnt.

Eich Profiad Biomedical Science

Drwy gydol y rhaglen BSc 3 blynedd o hyd, byddwch yn datblygu eich gwybodaeth a’ch sgiliau'n gynyddol mewn gwyddor fiofeddygol.

Yn y flwyddyn gyntaf, byddwch yn datblygu sylfaen gref yn yr egwyddorion gwyddonol allweddol sy'n sail i arbenigeddau labordy. Yn yr ail flwyddyn, byddwch yn symud ymlaen i ddisgyblaethau clinigol, gan gryfhau eich dealltwriaeth o brosesau clefyd drwy ymchwilio iddynt yn y labordy.

Yn eich blwyddyn olaf, byddwch yn cwblhau prosiect ymchwil copa, gan ddatblygu eich sgiliau ymchwil a dadansoddi annibynnol. Byddwch hefyd yn integreiddio ac yn dyfnhau eich dealltwriaeth ar draws arbenigeddau clinigol, wrth archwilio ymarfer proffesiynol, arloesi newydd mewn gwyddor fiofeddygol a rôl iechyd cyhoeddus ac epidemioleg.

Mae gan y cwrs hwn ymagwedd amlddisgyblaethol, gan eich galluogi i archwilio gwyddor fiofeddygol o'r lefel foleciwlaidd a chellol hyd at systemau corff llawn mewn iechyd a chlefydau. Mae strwythur modiwlaidd yn cefnogi'r cynnydd hwn, gyda phob blwyddyn yn adeiladu ar y flwyddyn flaenorol i sicrhau datblygiad cyson eich gwybodaeth wyddonol, eich gallu technegol, eich sgiliau meddwl yn feirniadol a’ch sgiliau proffesiynol.

Modiwlau

Rydym wedi gwella ein modiwlau i ddarparu profiad dysgu deniadol, wedi'i gynllunio i'ch helpu i ddatblygu'r sgiliau y mae cyflogwyr yn chwilio amdanynt. Darganfyddwch beth sydd ar gael a chael eich hysbrydoli gan y modiwlau y gallwch eu hastudio.

Blwyddyn 1 (Lefel 4)