Y Gyfraith ar Waith gyda Throseddeg gyda Blwyddyn Sylfaen, LLB (Anrh)

Manylion Allweddol y Cwrs

Côd UCAS: MMPF
Dull Astudio: Ar y Campws
Cynnig Nodweddiadol (gweler dewisiadau arall): DD
Lleoliad: Campws Bae

Dyddiad Dechrau	Ffioedd Dysgu - Blwyddyn 1
Med 2026	£ 5,760

Côd UCAS: MMPF
Dull Astudio: Ar y Campws
Cynnig Nodweddiadol: DD - Gwybodaeth Rhagor
Lleoliad: Campws Bae

Dyddiad Dechrau	Ffioedd Dysgu - Blwyddyn 1
Med 2026	£ 18,250

Trosolwg o'r Cwrs

Mae'r LLB Y Gyfraith ar Waith gyda Throseddeg ym Mhrifysgol Abertawe yn rhaglen arbenigol sy'n eich paratoi ar gyfer gyrfaoedd ar y croestoriad rhwng y gyfraith a throseddeg, wrth hefyd roi profiad gwerthfawr i chi yn y gweithle.

Wedi'i chynllunio i'ch paratoi ar gyfer ystod eang o yrfaoedd, mae'r rhaglen wedi'i seilio ar ragoriaeth academaidd ac wedi'i llywio gan ymchwil flaenllaw. Mae'n cyfuno damcaniaeth ac ymarfer, gan eich galluogi i ddeall sut mae systemau cyfreithiol yn gweithredu mewn cyd-destunau cymdeithasol, gwleidyddol ac economaidd ehangach, gan archwilio achosion a chanlyniadau troseddu'n feirniadol.

O'r cychwyn cyntaf, byddwch yn datblygu dealltwriaeth gynhwysfawr o sylfeini gwybodaeth gyfreithiol, gan gynnwys Cyfraith Contract, Cyfraith Camwedd, Cyfraith Trosedd, Cyfraith Gyhoeddus, Cyfraith Tir, Ecwiti ac Ymddiriedau a Chyfraith yr UE. Mae'r pynciau craidd hyn yn bodloni cam academaidd yr hyfforddiant sy’n ofynnol gan Fwrdd Safonau'r Bar, ac yn cefnogi'r rhai hynny sy'n dymuno sefyll yr Arholiad Cymhwyso Cyfreithwyr (SQE).

Ochr yn ochr â'r meysydd craidd hyn, byddwch yn astudio modiwlau troseddeg sy'n archwilio pynciau megis cymdeithaseg troseddu, plismona, cosb, cyfiawnder ieuenctid a'r system cyfiawnder troseddol.

Yn pedwaredd flwyddyn eich gradd LLB, byddwch yn ymgymryd ag interniaeth â thâl gyda chyflogwr mewn lleoliad cyfreithiol. Bydd hyn yn eich galluogi i gael profiad o ymarfer cyfreithiol yn uniongyrchol, a meithrin sgiliau allweddol a fydd yn ddefnyddiol dros ben yn eich gyrfa yn y dyfodol.

Wrth i chi symud drwy'ch rhaglen, gallwch deilwra eich gradd drwy amrywiaeth eang o fodiwlau dewisol yn y gyfraith ac mewn troseddeg. Mae opsiynau y Gyfraith yn cynnwys Hawliau Dynol, Cyfraith Feddygol, Seiberdroseddu, Cyfraith Amgylcheddol, Cyfraith Teulu a Masnach Ryngwladol. Gall opsiynau Troseddeg gynnwys Penydeg, Seicoleg Droseddol a Therfysgaeth ac Eithafiaeth Dreisgar.

Pam y Gyfraith ar Waith gyda Throseddeg gan gynnwys Blwyddyn Sylfaen yn Abertawe

Fel myfyriwr yn Ysgol y Gyfraith, byddwch yn rhan o gymuned academaidd gefnogol lle mae eich llais yn bwysig. Mae tîm y rhaglen yn gweithio mewn partneriaeth â'n myfyrwyr i lunio dulliau addysgu a dylunio'r cwricwlwm, gan sicrhau bod dysgu yn parhau i fod yn arloesol ac yn ymatebol i'ch anghenion.

Byddwch yn cael lefel uchel o gymorth personol drwy gydol eich taith er mwyn rhoi i chi'r cyfleoedd gorau posib i lwyddo. Mae hyn yn cynnwys tiwtoriaid personol ymroddedig, rhaglen sefydlu wedi'i chynllunio'n ofalus, gweithdai datblygu sgiliau, cyngor a chymorth cyflogadwyedd parhaus, ac ystod o weithgareddau allgyrsiol.

Mae gan Brifysgol Abertawe enw da sefydledig sy’n parhau i ddatblygu ym maes addysgu ac ymchwil y gyfraith. Mae Ysgol y Gyfraith yn cael ei chydnabod fel ffynhonnell arbenigedd, ac fel un sy'n cael effaith ar bolisi ac ymarfer mewn ystod amrywiol o feysydd.

Mae Adran y Gyfraith yn Abertawe yn y safleoedd canlynol ar hyn o bryd:

Un o’r 125 o Adrannau Gorau yn y Byd (Safleoedd Prifysgolion y Byd Times Higher Education yn ôl Pwnc 2026)
Un o 151-200 brifysgolion gorau’r byd (Safleoedd Prifysgolion y Byd yn ôl Pwnc QS 2026)

Eich Profiad o'r Gyfraith ar Waith gyda Throseddeg gan gynnwys Blwyddyn Sylfaen

Mae ein rhaglen Y Gyfraith ar Waith gyda Throseddeg yn rhoi pwyslais cryf ar sicrhau bod gennych y sgiliau angenrheidiol ar gyfer bywyd proffesiynol. Mae'r cwricwlwm wedi'i gynllunio'n ofalus i adlewyrchu tirwedd ddatblygol addysg gyfreithiol, gan gynnwys y newidiadau a gyflwynwyd gan yr Arholiad Cymhwyso Cyfreithwyr (SQE), wrth gynnal gwerth gradd draddodiadol yn y gyfraith.

Byddwch yn cael eich cefnogi drwy gydol y rhaglen i ddatblygu amrywiaeth eang o sgiliau, megis ysgrifennu cyfreithiol, cyflwyno ar lafar a datrys problemau. Mae cynnwys asesiadau cwestiynau amlddewis, sy'n nodwedd allweddol o'r SQE, yn sicrhau ymhellach eich bod wedi'ch paratoi ar gyfer gofynion proffesiynol cyfoes.

Yn ogystal â'ch Blwyddyn yn Ymarfer, mae cyfleoedd i gael profiad yn y byd go iawn wedi'u hymgorffori drwy gydol y radd, gan gynnwys cymryd rhan yng Nghlinig y Gyfraith, lle gallwch gynnig cyngor i gleientiaid dan oruchwyliaeth, ac mae cyfleoedd i gymryd rhan mewn cystadlaethau ffug lys barn, negodi a chyfweld â chleientiaid.

Mae'r LLB Y Gyfraith ar Waith gyda Throseddeg wedi'i strwythuro i roi cyflwyniad trylwyr i chi i sylfeini gwybodaeth gyfreithiol, wrth greu'r hyblygrwydd sy'n eich galluogi i deilwra'ch astudiaethau i'ch diddordebau a'ch dyheadau chi, a all gynnwys ystod o sectorau oherwydd amrywiaeth y modiwlau sydd ar gael.

Mae'r Flwyddyn Sylfaen yn rhoi cyflwyniad cyffrous i chi i addysg uwch, gan roi i chi’r sgiliau, yr hyder a'r wybodaeth y mae eu hangen arnoch chi i fod yn llwyddiannus yn eich gradd israddedig. Mae'n ddelfrydol os bydd angen ychydig mwy o gymorth arnoch chi ar ôl addysg bellach neu os ydych yn dychwelyd i fyd addysg ar ôl seibiant. Bydd y Flwyddyn Sylfaen (lefel 3) yn cael ei chyflwyno gan Y Coleg, Prifysgol Abertawe ar Gampws y Bae. Bydd Blynyddoedd 2-4 (lefelau 4-6) yn cael eu cyflwyno gan Ysgol y Gyfraith ar Gampws Singleton.

Modiwlau

Rydym wedi gwella ein modiwlau i ddarparu profiad dysgu deniadol, wedi'i gynllunio i'ch helpu i ddatblygu'r sgiliau y mae cyflogwyr yn chwilio amdanynt. Darganfyddwch beth sydd ar gael a chael eich hysbrydoli gan y modiwlau y gallwch eu hastudio.

Blwyddyn 0 (Lefel 3)

Entry Level 3 / Foundation Year

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Legal Skills	September-June (TB1+2)	20	LCL003
Critical Thinking	September-June (TB1+2)	20	LCH001
Foundations in Law	The College - Autumn Term (Sep - Dec)	20	LCL001
Criminal Law	The College - Autumn Term (Sep - Dec)	20	LCL002
Contract law	The College - Late Entry (Oct - Dec)	20	LCL004
Tort Law	The College - Late Entry (Oct - Dec)	20	LCL005

Blwyddyn 1 (Lefel 4)

FHEQ 4 Undergraduate / HECert

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Public Law	September-June (TB1+2)	30	LAA123
Law, Professionalism and Ethics	September-June (TB1+2)	30	LAA130A
The Sociological & Criminological Imagination	September-January (TB1)	20	SSC1002

Modiwlau Opsiynol

Dewiswch Yn union 20 o gredydau o'r Modiwlau a ganlyn:

SYLWER :Choose Exactly 20 credits from the following modules. Lectures will be delivered in English, seminars for the Welsh option will be conducted in Welsh.

Compulsory Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Tort Law	September-June (TB1+2)	20	LAA124A
Cyfraith Camwedd	September-June (TB1+2)	20	LAA124AC

AND

Dewiswch Yn union 20 o gredydau o'r Modiwlau a ganlyn:

SYLWER :Choose Exactly 20 credits from the following modules. Lectures will be delivered in English, seminars for the Welsh option will be conducted in Welsh.

Compulsory Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Contract Law	September-June (TB1+2)	20	LAA127A
Cyfraith Contract	September-June (TB1+2)	20	LAA127AC

Blwyddyn 2 (Lefel 5)

FHEQ 5 Undergraduate / HEDip

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Criminological Theory: Content and Application	September-January (TB1)	20	ASC212
Equity and Trusts	September-June (TB1+2)	30	LAA238
Placement Preparation: Year in Industry / Year in Practice	September-January (TB1)	0	LA-N100
Penology and Punishment	January-June (TB2)	10	ASC226

Modiwlau Opsiynol

Dewiswch Yn union 30 o gredydau o'r Modiwlau a ganlyn:

SYLWER :Choose Exactly 30 credits from the following modules. Lectures will be delivered in English, seminars for the Welsh option will be conducted in Welsh.

Compulsory Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Criminal Law	September-June (TB1+2)	30	LAA235
Cyfraith Troseddol	September-June (TB1+2)	30	LAA235C

AND

Dewiswch Yn union 30 o gredydau o'r Modiwlau a ganlyn:

SYLWER :Choose Exactly 30 credits from the following modules. Lectures will be delivered in English, seminars for the Welsh option will be conducted in Welsh.

Compulsory Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Land Law	September-June (TB1+2)	30	LAA239
Cyfraith Tir	September-June (TB1+2)	30	LAA239C

Blwyddyn 3 (Lefel 5)

FHEQ 5 Undergraduate Sandwich Year

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Law in Practice - Placement Year	Academic Year	120	LA-S000

Blwyddyn 4 (Lefel 6)

FHEQ 6 Undergraduate / Honours

Mae myfyrwyr yn dewis 120 o gredydau o'r opsiynau canlynol:

Heb ddod o hyd i un

Modiwlau Opsiynol

Dewiswch Yn union 80 o gredydau o'r Modiwlau a ganlyn:

SYLWER :Select 80 credits from the list below. Please ensure that your module selections are balanced across semester 1 and semester 2 (60 credits per semester).Students may pursue LAA304 or LAA304C and/or LAA317 or LAA317C and/or LAA323 or LAA323C and/or LAA339 or LAA339C and/or LAA372 or LAA372C and/or LAA393B or LAA393BC and/or LAA398/LAA398C but not both modules in a pair. The code ending is C has elements taught through the medium of Welsh.

Law Optional module
Enw'r Modiwl	Hyd y Modiwl	Credydau	Cod y Modiwl	Canllawiau
Cyfraith Hywel	September-January (TB1)	20	LAA305C
Employment Law: Rights and Obligations	September-January (TB1)	20	LAA314	You are not able to take this module if you have pursued LAA217.
Counter-terrorism Law	September-January (TB1)	20	LAA320
Criminal Evidence	September-January (TB1)	20	LAA321
Cybercrime	September-January (TB1)	20	LAA328
International Law - Principles and Procedures	September-January (TB1)	20	LAA333	You are not able to take this module if you have pursued LAA222.
Jurisprudence	September-January (TB1)	20	LAA335
Company Law: Incorporation, Constitution and Control	September-January (TB1)	20	LAA336
Law Dissertation	September-June (TB1+2)	20	LAA339	There is an application procedure and there are eligibility criteria. If you intend to apply to take a dissertation module, please see the Dissertation Handbook on Canvas HUB:Law. While you wait to hear whether your application for dissertation is successful, please choose the module you would wish to take if you were not permitted to take the dissertation module. If you are accepted onto the dissertation module, we will make the necessary changes to your module selection.
Traethawd hir yn y Gyfraith	September-June (TB1+2)	20	LAA339C
Foundations in LegalTech	September-January (TB1)	20	LAA357
Clinical Legal Education	September-January (TB1)	20	LAA366	Available to a limited number of students.
Street Law	September-January (TB1)	20	LAA368	Available to a limited number of students.
Law of Succession	September-January (TB1)	20	LAA398
Cyfraith Etifeddiant	September-January (TB1)	20	LAA398C
World Trade Law	January-June (TB2)	20	LAA304	You are not able to take this module if you have pursued LAA213.
Cyfraith Masnach Ryngwladol	January-June (TB2)	20	LAA304C
Law, Science and Technology (LST)	January-June (TB2)	20	LAA3101
Employment Law: Enforcing Rights	January-June (TB2)	20	LAA315	To select this module you MUST have pursued LAA314.
Negotiations	January-June (TB2)	20	LAA317	Available to a limited number of students. You are not able to take this module if you have pursued LAA233.
Negodiadau	January-June (TB2)	20	LAA317C
Criminal Evidence Law and Psychology	January-June (TB2)	20	LAA323
Cyfraith Tystiolaeth Droseddol a Seicoleg	January-June (TB2)	20	LAA323C
Human Rights & Social Justice	January-June (TB2)	20	LAA329	You are not able to take this module if you have pursued LAA228.
Company Law: Governance, Rights and Liquidation	January-June (TB2)	20	LAA337	To select this module you MUST have pursued LAA336.
Cymraeg y Gyfraith	January-June (TB2)	20	LAA348C
Canadian Constitutional Law	January-June (TB2)	20	LAA362
Clinical Legal Education	January-June (TB2)	20	LAA367	Available to a limited number of students.
Family and Child Law	January-June (TB2)	20	LAA372
Cyfraith Plant a Theuluoedd	January-June (TB2)	20	LAA372C
Intellectual Property Law	January-June (TB2)	20	LAA391
Advocacy	January-June (TB2)	20	LAA393B
Eiriolaeth	January-June (TB2)	20	LAA393BC
The Law of Devolution in Wales	January-June (TB2)	20	LAA395
Medical Law: Reproduction	January-June (TB2)	20	LAA399

AND

Dewiswch Yn union 40 o gredydau o'r Modiwlau a ganlyn:

SYLWER :Select 40 credits from the list below. Please ensure that your module selections are balanced across semester 1 and semester 2 (60 credits per semester).

Criminology Optional Modules
Enw'r Modiwl	Hyd y Modiwl	Credydau	Cod y Modiwl
Critical Challenges in Justice for Children	September-January (TB1)	20	ASC303
Homicide: Criminalising Death and Dying	September-January (TB1)	10	ASC326
Organised Crime: Concepts, Patterns, and Responses	September-January (TB1)	10	ASC335
The Voluntary Sector and Social Justice	September-January (TB1)	20	ASC338
Core and Critical Issues in Policing	September-January (TB1)	20	CR-301
Understanding the sex industry: Theory, policy and practice	January-June (TB2)	20	ASC316
Understanding & Countering Terrorism & Violent Extremism	January-June (TB2)	20	ASC317
Social and Environmental Harms	January-June (TB2)	20	ASC319
Critical Criminology of Sports and Leisure	January-June (TB2)	20	ASC333
Probation and Community Justice: Policy, Practice and Partnerships	January-June (TB2)	20	SPC301

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Gyrfaoedd a Chyflogadwyedd

Mae'r rhaglen wedi'i chynllunio â chyflogadwyedd wrth ei gwraidd. Bydd gennych y cyfle i feithrin sgiliau ymarferol mewn ymchwil gyfreithiol, eiriolaeth a negodi, yn ogystal â chyfathrebu'n ysgrifenedig ac ar lafar drwy gymryd rhan mewn seminarau a dysgu drwy brofiad.

Mae gan Ysgol y Gyfraith ym Mhrifysgol Abertawe nifer o gysylltiadau yn y proffesiwn cyfreithiol. Drwy'r rhain, mae rhaglenni profiad gwaith ar gael ar gyfer lleoliadau haf mewn cwmnïau cyfreithwyr, siambrau bargyfreithwyr a phroffesiynau cysylltiedig. Rydym hefyd yn rhannu cyfleoedd cyflogadwyedd drwy ein platfformau mewnol ac ar ein tudalen LinkedIn i raddedigion, i'ch cefnogi i sicrhau cyflogaeth.

Ym mhob semester, rydym yn cynnal 'diwrnod asesu', i'ch galluogi i ymarfer eich sgiliau drafftio CV, cyfweld a datrys problemau. Rydym hefyd yn cynnal digwyddiad 'gyrfaoedd ychwanegol' bob blwyddyn i'ch galluogi i archwilio rhagolygon gyrfa eraill y tu allan i'r llwybrau traddodiadol, sef Cyfreithiwr neu Fargyfreithiwr.

Cynhelir darlithoedd gwadd a gweithdai allgyrsiol drwy gydol y flwyddyn. Cyflwynir y rhain gan Gyfreithwyr a Bargyfreithwyr, a sefydliadau fel Comisiwn y Gyfraith, gan roi i chi gipolwg gwerthfawr ar yrfaoedd ac yn eich cysylltu ag aelodau allweddol o'r proffesiwn.

Mae graddedigion y radd LLB (Anrh) Y Gyfraith ar Waith gyda Throseddeg yn mynd ymlaen i amrywiaeth eang o yrfaoedd yn y sectorau cyfreithiol a chyfiawnder troseddol. Mae llawer yn mynd ymlaen i weithio yn y proffesiwn cyfreithiol fel cyfreithwyr, bargyfreithwyr, cynorthwywyr cyfreithiol, neu weithredwyr cyfreithiol, wedi'u cefnogi gan y sylfeini cryf mewn gwybodaeth gyfreithiol a ddatblygwyd yn ystod y radd.

Y tu hwnt i rolau cyfreithiol traddodiadol, mae graddedigion hefyd yn gweithio mewn meysydd eraill yn y system cyfiawnder troseddol, gan gynnwys yr heddlu, y Gwasanaeth Carchardai a'r Gwasanaeth Prawf. Mae cyrchfannau cyffredin eraill yn cynnwys awdurdodau lleol, y Gwasanaeth Sifil, y sector ariannol, adnoddau dynol, elusennau a chyrff anllywodraethol, melinau trafod a sefydliadau ymchwil.

Mae'r rhaglen hon yn cynnig addysg arbennig, o ansawdd uchel, sy'n rhoi i chi'r wybodaeth, y sgiliau dadansoddi a'r hyder i gyflawni eich uchelgeisiau gyrfa yn y gyfraith ac mewn troseddeg. Mae'r cyfuniad o hyfforddiant cyfreithiol a dealltwriaeth o droseddeg yn rhoi i chi fantais gystadleuol, gan eich paratoi ar gyfer llwybrau proffesiynol sy'n gofyn am y gallu i feddwl yn feirniadol, ymwybyddiaeth foesegol a dealltwriaeth gref o sut mae'r gyfraith yn gweithredu mewn cymdeithas.

Mwy o Wybodaeth Gyrfaoedd a Chyflogadwyedd

Mae'r Tîm Gyrfaoedd a Chyflogadwyedd yn cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Ar ôl graddio o Brifysgol Abertawe, gallwch gael mynediad at gymorth gydol oes ynghylch gyrfaoedd a chyflogadwyedd.

Eich Addysgu

Yn Abertawe, byddwch yn elwa o addysg o ansawdd uchel, sy'n seiliedig ar ymchwil, sy'n cyfuno ystod o ddulliau addysgu effeithiol a chynhwysol, wedi'u teilwra'n ofalus i weddu i anghenion eich cwrs. Addysgir y rhan fwyaf o gyrsiau wyneb yn wyneb, ar y campws, gan roi'r cyfle i chi ymgysylltu'n weithredol â myfyrwyr eraill, staff academaidd, a chymuned ehangach y brifysgol.

Gallwch ddisgwyl cymysgedd o ddarlithoedd, seminarau, gweithdai a sesiynau ymarferol - gan gynnwys gwaith labordy, hyfforddiant sgiliau, neu addysgu mewn stiwdio lle bo'n berthnasol i'ch disgyblaeth. Mae'r sesiynau hyn wedi'u cynllunio i annog cyfranogiad gweithredol, cydweithio, a datblygu sgiliau penodol i'r pwnc a sgiliau trosglwyddadwy.

Defnyddir offer dysgu digidol hefyd i wella'ch profiad dysgu. Gall y rhain gynnwys:

Darlithoedd wedi'u recordio i gefnogi astudio ac adolygu hyblyg.
Labordai rhithwir neu amgylcheddau wedi’u hefelychu, yn enwedig mewn gwyddoniaeth, gofal iechyd a disgyblaethau technegol.
Adnoddau ar-lein ar amgylchedd dysgu rhithwir y brifysgol (Canvas), gan gynnwys fideos, deunyddiau darllen, cwisiau a fforymau trafod.

Mae'r dull hwn yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

N.B. Os ydych chi'n fyfyriwr rhyngwladol sy'n astudio gyda Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn digwydd ar y campws.Yn unol â phrotocol Fisâu a Mewnfudo'r Deyrnas Unedig, bydd y sesiynau hyn yn cael eu monitro a bydd data ar gael ar gais.

Darpariaeth Gymraeg

O leiaf 40 credyd y flwyddyn

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at fodiwlau a addysgir yn gyfan gwbl neu'n rhannol yn Gymraeg.
Tiwtor Personol Cymraeg ei iaith.
Cefnogaeth un i un yn y Gymraeg i wella eich sgiliau academaidd.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr, sef Tystysgrif Sgiliau Iaith Gymraeg y Coleg Cymraeg a CBAC.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi.

Cwrdd â'ch Darlithwyr

Arbenigwyr sy’n addysgu ein graddau yn y Gyfraith, y mae rhai ohonynt yn ymarferwyr cyfreithiol profiadol ac y mae ganddynt oll gyfoeth o wybodaeth gyfreithiol i’w throsglwyddo i’n myfyrwyr.

Mae rhagor o wybodaeth am ein harbenigedd academaidd ar ein tudalennau staff.

Ffioedd Dysgu

Dyddiad Dechrau	D.U.	Rhyngwladol
Medi 2025	£ 5,760	£ 17,400
Medi 2026	£ 5,760	£ 18,250

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Sut i Wneud Cais

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Gwybodaeth Ychwanegol

Cymdeithasau Myfyrwyr

Yn Abertawe, mae gennym ystod o gymdeithasau sy'n canolbwyntio ar y Gyfraith, sy'n cynnig cyfleoedd i chi gwrdd â chyd-fyfyrwyr a chymryd rhan mewn amrywiaeth o weithgareddau. Cynhelir y cymdeithasau hyn gan fyfyrwyr i fyfyrwyr ac maent yn cynnwys:

Manylion Cyswllt

Cyflwyno ymholiad Israddedig

Derbyn myfyrwyr rhyngwladol