1. Hafan
  2. Israddedig
  3. Cyrsiau Israddedig
  4. Cyrsiau Israddedig y Gyfraith
  5. Gyfraith gan Troseddeg, LLB (Anrh)

Gyfraith gan Troseddeg, LLB (Anrh)

tef gold logo Sicrwydd Ansawdd y DU
Ymgeisio
Diwrnod Agored
Cadwch Mewn Cysylltiad
students at the school of law

Cyfuno’r Gyfraith a Throseddeg

Manylion Allweddol y Cwrs

Côd UCAS
MM19
Dull Astudio
Ar y Campws
Cynnig Nodweddiadol (gweler dewisiadau arall)
AAB-BBB
Lleoliad
Campws Parc Singleton
Dyddiad Dechrau Ffioedd Dysgu - Blwyddyn 1
Med 2023 £ 9,000
Côd UCAS
MM19
Dull Astudio
Ar y Campws
Cynnig Nodweddiadol
AAB-BBB - Gwybodaeth Rhagor
Lleoliad
Campws Parc Singleton
Dyddiad Dechrau Ffioedd Dysgu - Blwyddyn 1
Med 2023 £ 15,750
tef gold logo Sicrwydd Ansawdd y DU

Trosolwg o'r Cwrs

Bydd y radd hon yn y Gyfraith yn cyfuno’r Gyfraith a Throseddeg, gan roi’r cyfle i chi gyfuno diddordeb mewn troseddeg a pholisi troseddol gan roi sylw helaeth i’r gyfraith yng Nghymru a Lloegr.

Lluniwyd y rhaglen i gynnwys pynciau sylfaenol ym mhob disgyblaeth yn y flwyddyn gyntaf a’r ail flwyddyn, gan roi dewis eang i chi o ran astudio dewisol yn y flwyddyn olaf.

Byddwch yn datblygu gwybodaeth sylfaenol gynhwysfawr yn y meysydd mae’r radd yn y Gyfraith yn eu cynnwys, sef Cyfraith Contractau, y Gyfraith Droseddol, Cyfraith Tir, Ecwiti ac Ymddiriedaethau, Cyfraith yr UE, Cyfraith Camwedd a’r Gyfraith Gyhoeddus.

Ochr yn ochr â hyn, byddwch yn astudio cysyniadau craidd maes troseddeg, damcaniaethau pwysicaf troseddu a gwyrni a’u perthnasedd â pholisi troseddol, ymchwil ac ymarfer troseddol.

Trwy gydol eich gradd israddedig yn Y Gyfraith gyda Throseddeg, byddwch yn datblygu sgiliau ymchwil a dadansoddi ardderchog a’r gallu i gyfleu eich syniadau’n effeithiol ar lafar ac yn ysgrifenedig.

Mae ein holl raglenni israddedig  y Gyfraith yn cynnwys sylfeini gwybodaeth gyfreithiol y mae ei hangen i ddechrau gyrfa fel cyfreithiwr. Mae ein rhaglenni’n darparu sylfaen gadarn i fyfyrwyr sydd am sefyll yr Arholiadau Cymhwyso Cyfreithwyr (SQE) yn y dyfodol, ac yn bodloni cyfnod academaidd yr hyfforddiant sy’n ofynnol gan Fwrdd Safonau’r Bar i’r myfyrwyr sydd am fod yn fargyfreithwyr. 

Pam Gyfraith gan Troseddeg yn Abertawe?

Yn Ysgol y Gyfraith Hillary Rodham Clinton, byddwch yn elwa o fod yn rhan o ymchwil fywiog ac amrywiol ac amgylchedd addysgu sy’n cylchdroi o amgylch ei fyfyrwyr.

Mae Prifysgol Abertawe wedi sefydlu a datblygu enw da ar gyfer addysgu ac ymchwil ym maes addysgu troseddeg. Cydnabyddir Ysgol y Gyfraith fel ffynhonnell arbenigedd ac ysgol sy’n dylanwadu ar bolisi ac ymarfer mewn amrywiaeth eang o feysydd ymarfer. Mae’r Ysgol yn gwbl ymrwymedig i welliant parhaus o ran dysgu ac addysgu, ac i roi eu myfyrwyr wrth wraidd eu gweithgareddau.

Mae’r Gyfraith yn Abertawe ymhlith y:

  • 3ydd yn y Deyrnas Unedig ar gyfer Boddhad â’r Cwrs (Guardian University Guide 2023)
  • 10 Gorau yn yn y Deyrnas Unedig ar gyfer Boddhad â’r Addysgu (Guardian University Guide 2023)
  • 10 Gorau yn y DU ar gyfer Boddhad Myfyrwyr (Complete University Guide 2023)
  • 11eg yn y DU ar gyfer Llais Myfyrwyr (NSS 2022)
  • 12eg yn y DU ar gyfer Ansawdd Addysgu (Times Good University Guide 2023)
  • 67ain yn y byd (THE World University Rankings 2023)
  • 200 Gorau yn y byd (QS World Rankings 2022)

Mae Troseddeg yn Abertawe ymhlith y:

  • 4ydd yn y Deyrnas Unedig ar gyfer Boddhad â’r Cwrs (Guardian University Guide 2023)
  • 6ed yn y Deyrnas Unedig ar gyfer Boddhad â’r Addysgu (Guardian University Guide 2023)
  • 10 Gorau y Deyrnas Unedig ar gyfer Rhagolygon Gyrfa (Guardian University Guide 2023)
  • 10 Gorau yn y Deyrnas Unedig (Guardian University Guide 2023)

Mae Prifysgol Abertawe:

  • Yn meddu ar Wobr Aur Fframwaith Rhagoriaeth Addysgu (Fframwaith Rhagoriaeth Addysgu)

Eich Profiad Gyfraith gan Troseddeg

Rydym yn cynnig amgylchedd dysgu a chymuned gynhwysol sy’n canolbwyntio ar fyfyrwyr. Caiff modiwlau eu cyflwyno a’u hasesu mewn amrywiaeth o ffyrdd gwahanol a chewch eich annog i gymryd cyfrifoldeb dros eich dysgu eich hun, i weithio’n annibynnol yn ogystal ag ar y cyd ag eraill, i ymddwyn yn broffesiynol a meistroli sgiliau newydd. Yn ogystal â gweithgareddau dysgu ac addysgu, rydym yn cynnig amrywiaeth eang o gyfleoedd i chi gymryd rhan ynddynt: O leoliadau sy’n seiliedig ar ymchwil, i weithio gyda chleientiaid, i ddatblygu sgiliau eiriolaeth ac eraill. Mae ein Clinig Cyfreithiol ffyniannus yn cynnig cyfle i fyfyrwyr fod yn rhan o roi cyngor i gleientiaid ac mae gennym raglen dadlau, negodi a chyfweld allgyrsiol.

Mae strwythur hyblyg ein gradd israddedig yn y Gyfraith a Throseddeg, gydag ystod helaeth o ran modiwlau yn y flwyddyn olaf, yn rhoi digon o gwmpas i chi deilwra eich astudiaethau i’ch diddordebau penodol, nodau neu ddyheadau o ran gyrfa. 

Mae gennych y posibilrwydd o dreulio blwyddyn dramor rhwng eich ail a’ch trydedd flwyddyn, gan ehangu eich sgiliau a’ch profiad gydag un o’n partneriaid.

Rydym yn cynnig amrywiaeth o gyfleoedd lleoliadau gwaith mewn amrywiaeth eang o sefydliadau yn y DU a thramor.

Cyfleoedd Cyflogaeth Gyfraith gan Troseddeg

Gall astudio gradd yn y Gyfraith arwain at amrywiaeth o yrfaoedd. Ein nod ni yw arfogi myfyrwyr â’r sgiliau amrywiol i wella eu rhagolygon i raddedigion. Mae ein graddedigion yn dod o hyd i swyddi mewn amrywiaeth eang o yrfaoedd, gan gynnwys y canlynol:

  • Bargyfreithiwr, cyfrifydd siartredig, gwas sifil, darlithydd, gweithredwr cyfreithiol, swyddog llywodraeth leol, gweithiwr paragyfreithiol, heddwas, swyddog carcharorion, brocer stoc neu swyddog safonau masnach.

Gyfraith gan Troseddeg

Ymgeisio Diwrnod Agored Gofynnwch gwestiwn i ni Sgwrsiwch â Myfyriwr Cyfredol