Gwyddor Barafeddygol, BSc (Anrh)

Trosolwg o'r Cwrs

Mae Addysg a Gwella Iechyd Cymru (HEIW), mewn cytundeb â Llywodraeth Cymru ac Ymddiriedolaeth Brifysgol GIG Gwasanaethau Ambiwlans Cymru (WAST), wedi penderfynu gohirio comisiynu rhaglenni prifysgol Gwyddor Barafeddygol yng Nghymru ar gyfer blwyddyn academaidd 2026–27.

Felly, nid yw Gwyddor Barafeddygol, BSc (Anrh) ar agor ar gyfer ceisiadau ac mae Prifysgol Abertawe wedi tynnu nôl cynigion ar gyfer mewnbwn Medi 2026.

Bydd astudio ar gyfer BSc mewn Gwyddor Barafeddygol yn rhoi'r sgiliau, yr wybodaeth a'r priodoleddau hanfodol i chi ddechrau gyrfa gyffrous a gwobrwyol fel Parafeddyg Cofrestredig.

Byddwch yn dysgu am anatomeg a ffisioleg, prif systemau'r corff a'r cyflyrau sy'n effeithio arnynt, sut i asesu cleifion a nodi cyflyrau sy'n peryglu bywyd, a sut i roi cynhaliaeth bywyd.

Byddwch hefyd yn datblygu dealltwriaeth o rôl a pherthnasedd ymchwil, cysyniadau gofal cleifion, a'r egwyddorion cyfreithiol a moesegol sy'n ymwneud â gofal iechyd.

Byddwch yn astudio themâu craidd fel y gwyddorau ffisegol, bywyd a chlinigol, gwyddorau cymdeithasol ac ymddygiadol, moeseg a'r gyfraith, cydraddoldeb ac amrywiaeth, iechyd y cyhoedd, asesu a rheoli cleifion, arweinyddiaeth, ac ymarfer sy'n seiliedig ar dystiolaeth. Mae'r pynciau hyn wedi'u plethu drwy ddysgu yn yr ystafell ddosbarth a lleoliadau ymarferol, gan eich helpu i gysylltu damcaniaeth yn uniongyrchol â gofal cleifion yn y byd go iawn.

Erbyn i chi raddio, byddwch yn barod i ddarparu gofal diogel, effeithiol, sy'n canolbwyntio ar y person ar draws ystod o leoliadau; gweithio'n gynhwysol gyda chleifion, teuluoedd a thimau gofal iechyd; cymhwyso tystiolaeth i wella gofal; a pharhau i ddatblygu fel ymarferydd myfyriol drwy gydol eich gyrfa.

Fel siaradwr Cymraeg, efallai byddwch yn gallu cwblhau eich lleoliadau gwaith a'ch asesiadau yn Gymraeg.

Pam Gwyddor Parafeddygol ym Mhrifysgol Abertawe?

1af yn y DU (Guardian University guide 2026)
8fed yn y DU am Pynciau sy'n berthynol i Feddygaeth (Guardian University Guide 2026)
Mae 97% o raddedigion Gwyddor Barafeddygol yn mewn gwaith ac/neu astudio, neu'n gwneud gweithgareddau eraill fel teithio 15 mis ar ôl gadael Prifysgol Abertawe (Arolwg Canlyniadau Graddedigion 2025).

Mae gennym dros ddeng mlynedd o brofiad yn cefnogi parafeddygon sy’n dysgu trwy eu taith addysgol.

Mae ein cwrs yn cael ei gymeradwyo gan y Cyngor Proffesiynau Iechyd a Gofal, sy'n eich galluogi i wneud cais am statws cofrestredig ar ôl cwblhau'r cwrs. Mae hwn yn ofyniad cyfreithiol i unrhyw un sy'n dymuno ymarfer fel parafeddyg.

Mae llawer o'n staff addysgu hefyd yn barafeddygon cofrestredig sy'n parhau i weithio, gan gynnig cyfuniad heb ei ail o drylwyredd academaidd ac arbenigedd proffesiynol.

Os gallwch chi ymrwymo i weithio yng Nghymru am ddwy flynedd ar ôl graddio, fe allech chi gael eich ffioedd dysgu wedi eu talu’n llawn fesul Cynllun Bwrsariaeth GIG Cymru, yn ogystal â chyllid cynhaliaeth a benthyciad cyfradd is gan Gyllid Myfyrwyr.

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Eich Profiad ym maes Gwyddor Parafeddygol

Ym Mhrifysgol Abertawe, byddwch yn dysgu mewn amgylcheddau rhagorol, ymarferol sydd wedi'u cynllunio i'ch helpu i fagu hyder o'r diwrnod cyntaf. Mae ein cyfleusterau rhagorol yn cynnwys y Ganolfan Efelychu a Dysgu Ymdrochol (SUSIM), sy'n cynnwys ystafelloedd clinigol realistig lle gallwch ddatblygu sgiliau ymarferol mewn lleoliad diogel, dan oruchwyliaeth. Byddwch hefyd yn elwa o brofiadau ymdrochol yn y gweithle yng nghanolfan hyfforddi gwasanaeth Ambiwlans Cenedlaethol Cymru.

Ochr yn ochr ag addysgu wyneb yn wyneb, byddwch yn defnyddio offer digidol arloesol fel Learning Space ar gyfer efelychiadau clinigol, gan roi adborth drwy fideo ar unwaith i chi i atgyfnerthu eich dysgu. Mae realiti rhithwir yn cefnogi eich addysgu anatomeg ymhellach, gan eich helpu i ddeall organau a systemau'r corff mewn ffordd hynod ryngweithiol.

Byddwch yn ymuno â charfan agos ag ymdeimlad cryf o gymuned, gyda chymorth drwy addysgu mewn grwpiau bach, lleoliadau gwaith, a gofal bugeiliol hygyrch. Mae myfyrwyr hefyd yn elwa o ddysgu rhyngbroffesiynol a chyfleoedd i gymryd rhan mewn prosiectau cyd-greu ac ymgysylltu â'r cyhoedd. Mae ein Cymdeithas Barafeddygol fywiog yn ychwanegu at y profiad drwy ddigwyddiadau fel y Ddawns Haf flynyddol, gweithgareddau codi arian, siaradwyr gwadd, a gwirfoddoli mewn ymarferion digwyddiadau mawr. Mae myfyrwyr hefyd yn chwarae rhan weithredol o ran cynrychiolaeth, gan gael eu penodi'n ddiweddar i gyrff parafeddygol y Brifysgol a rhai cenedlaethol.

Mae hanner eich cwrs yn cael ei addysgu ar ein campws ym Mharc Singleton ar gyrion ardal brydferth Penrhyn Gŵyr, ac mae'r gweddill yn cael ei dreulio ar leoliadau gwaith allweddol yn y GIG a Gwasanaeth Ambiwlans Cymru, gan gynnwys ar ambiwlansys gweithredol ac mewn mannau yn yr ysbyty fel theatrau ac adrannau brys.

Gyrfaoedd Gwyddor Parafeddygol

Mae'r rhan fwyaf o'n graddedigion Gwyddor Barafeddygol yn mynd ymlaen i rolau clinigol, naill ai yn y GIG neu yn y sector preifat. Mae cyflog cychwynnol y GIG ar gyfer parafeddygon cofrestredig tua £31,409 (www.nhsbands.co.uk) ynghyd â thaliad gwerth hyd at 25% ar gyfer oriau anghymdeithasol (www.nhsemployers.org). Gall cyflogau yn y sector preifat fod yn sylweddol uwch, gan ddibynnu ar y lleoliad.

Mae cyfleoedd i barafeddygon sydd â'r profiad clinigol priodol a'r proffil addysgol fynd ymlaen i fod yn Ymarferwyr Arbenigol, Ymarferwyr Parafeddygol Uwch, neu Barafeddygon Ymgynghorol. Mae yna hefyd gyfleoedd i symud i reolaeth neu addysg.

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Blwyddyn 1 (Lefel 4)

FHEQ 4 Undergraduate / HECert

Mae myfyrwyr yn dewis 120 o gredydau o'r opsiynau canlynol:

Heb ddod o hyd i un

Modiwlau Opsiynol

Dewiswch Yn union 20 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Personal & Professional Attributes	September-January (TB1)	20	SHE114
Rhinweddau Personol a Phroffesiynol	September-January (TB1)	20	SHE114C

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Care across the lifespan	January-June (TB2)	40	SHE118
Gofal gydol oes	January-June (TB2)	40	SHE118C

AND

Dewiswch Yn union 20 o gredydau o'r Modiwlau a ganlyn:

Core module with Welsh language option
Enw'r Modiwl	Hyd y Modiwl	Credydau	Cod y Modiwl	Canllawiau
Anatomy & Physiology (1)	September-June (TB1+2)	20	SHE115
Anatomeg a Ffisioleg	January-June (TB2)	20	SHE115C

AND

Dewiswch Yn union 40 o gredydau o'r Modiwlau a ganlyn:

Core module with Welsh language option
Enw'r Modiwl	Hyd y Modiwl	Credydau	Cod y Modiwl	Canllawiau
Medical & Trauma Conditions in the Emergency & Unscheduled Care Setting	September-June (TB1+2)	40	SHE120
Cyflyrau Meddygol a Thrawma mewn Sefyllfaoedd Gofal Brys a heb ei Gynllunio	September-June (TB1+2)	40	SHE120C

Blwyddyn 2 (Lefel 5)

FHEQ 5 Undergraduate / HEDip

Mae myfyrwyr yn dewis 120 o gredydau o'r opsiynau canlynol:

Heb ddod o hyd i un

Modiwlau Opsiynol

Dewiswch Yn union 30 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Clinical Leadership in Practice	September-June (TB1+2)	30	SHE200
Arweinyddiaeth Glinigol ar Waith	September-June (TB1+2)	30	SHE200C

AND

Dewiswch Yn union 30 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Out of Hospital Management of Medical Conditions	September-June (TB1+2)	30	SHE220
Rheoli Cyflyrau Meddygol y Tu Allan i'r Ysbyty	September-June (TB1+2)	30	SHE220C

AND

Dewiswch Yn union 30 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Managing time critical patients	September-June (TB1+2)	30	SHE221
Rheoli cleifion lle mae amser yn dyngedfennol	September-June (TB1+2)	30	SHE221C

AND

Dewiswch Yn union 15 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Mental Health & Social Exclusion	September-June (TB1+2)	15	SHE204
Iechyd Meddwl ac Eithrio Cymdeithasol	Academic Year	15	SHE204C

AND

Dewiswch Yn union 15 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Evidence Informed Practice	September-June (TB1+2)	15	SHE222
Ymarfer sy'n Seiliedig ar Dystiolaeth	September-June (TB1+2)	15	SHE222C

Blwyddyn 3 (Lefel 6)

FHEQ 6 Undergraduate / Honours

Mae myfyrwyr yn dewis 120 o gredydau o'r opsiynau canlynol:

Heb ddod o hyd i un

Modiwlau Opsiynol

Dewiswch Yn union 30 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Transition into professional practice	September-June (TB1+2)	30	SHE320
Pontio i ymarfer proffesiynol	September-June (TB1+2)	30	SHE320C

AND

Dewiswch Yn union 30 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Diagnostic and Clinical Reasoning	Academic Year	30	SHE306
Rhesymu Diagnostig a Chlinigol	September-June (TB1+2)	30	SHE306C

AND

Dewiswch Yn union 20 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Educating and Learning in Practice	September-June (TB1+2)	20	SHE321
Dysgu ac Addysgu Mewn Ymarfer	September-June (TB1+2)	20	SHE321C

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following core modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Professional Practice Development	September-June (TB1+2)	40	SHE322
Datblygu Ymarfer Proffesiynol	September-June (TB1+2)	40	SHE322C

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Eich Addysgu

Yn Abertawe, byddwch yn elwa o addysg o ansawdd uchel, sy'n seiliedig ar ymchwil, sy'n cyfuno ystod o ddulliau addysgu effeithiol a chynhwysol, wedi'u teilwra'n ofalus i weddu i anghenion eich cwrs. Addysgir y rhan fwyaf o gyrsiau wyneb yn wyneb, ar y campws, gan roi'r cyfle i chi ymgysylltu'n weithredol â myfyrwyr eraill, staff academaidd, a chymuned ehangach y brifysgol.

Gallwch ddisgwyl cymysgedd o ddarlithoedd, seminarau, gweithdai a sesiynau ymarferol - gan gynnwys gwaith labordy, hyfforddiant sgiliau, neu addysgu mewn stiwdio lle bo'n berthnasol i'ch disgyblaeth. Mae'r sesiynau hyn wedi'u cynllunio i annog cyfranogiad gweithredol, cydweithio, a datblygu sgiliau penodol i'r pwnc a sgiliau trosglwyddadwy.

Defnyddir offer dysgu digidol hefyd i wella'ch profiad dysgu. Gall y rhain gynnwys:

Darlithoedd wedi'u recordio i gefnogi astudio ac adolygu hyblyg.
Labordai rhithwir neu amgylcheddau wedi’u hefelychu, yn enwedig mewn gwyddoniaeth, gofal iechyd a disgyblaethau technegol.
Adnoddau ar-lein ar amgylchedd dysgu rhithwir y brifysgol (Canvas), gan gynnwys fideos, deunyddiau darllen, cwisiau a fforymau trafod.

Mae'r dull hwn yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

N.B. Os ydych chi'n fyfyriwr rhyngwladol sy'n astudio gyda Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn digwydd ar y campws.Yn unol â phrotocol Fisâu a Mewnfudo'r Deyrnas Unedig, bydd y sesiynau hyn yn cael eu monitro a bydd data ar gael ar gais.

Darpariaeth Gymraeg

O leiaf 40 credyd y flwyddyn

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at fodiwlau a addysgir yn gyfan gwbl neu'n rhannol yn Gymraeg.
Tiwtor Personol Cymraeg ei iaith.
Cefnogaeth un i un yn y Gymraeg i wella eich sgiliau academaidd.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr, sef Tystysgrif Sgiliau Iaith Gymraeg y Coleg Cymraeg a CBAC.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi.

Achrediad Corff Proffesiynol

Cymeradwywyd gan Gyngor y Proffesiynau Iechyd a Gofal

Cwrdd â'ch Darlithwyr

Caiff ein graddau eu haddysgu gan arbenigwyr sydd â gwybodaeth helaeth i'w rhannu â chi.

Mae rhagor o wybodaeth ar gael ar ein tudalennau staff.

Ffioedd Dysgu

Dyddiad Dechrau	D.U.	Rhyngwladol

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Os gallwch ymrwymo i weithio yng Nghymru am ddwy flynedd ar ôl graddio, gallai eich ffioedd dysgu gael eu talu'n llawn drwy Gynllun Bwrsariaeth GIG Cymru. Yn ogystal, gallech gael cyllid cynhaliaeth a benthyciad ar gyfradd ostyngol gan Cyllid Myfyrwyr.

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gwiriad DBS uwch. Ar hyn o bryd mae hyn yn costio £40 ac mae'n daladwy gan ymgeiswyr,
Costau meddyg teulu i brosesu ffurflen gwirio iechyd galwedigaethol. Ariennir eich gwiriad iechyd gan yr Ysgol Iechyd a Gofal Cymdeithasol ond mae disgwyl i chi dalu unrhyw gostau meddyg teulu.
Parcio a theithio tra ar leoliad clinigol. Bydd y milltiroedd y cesglir yn cael eu had-dalu (ar hyn o bryd yn 27c / milltir) ar ddiwedd eich lleoliad. Lle nad oes parcio rhad ac am ddim ar gael mewn lleoliad clinigol, gellir adennill costau parcio hefyd ar ddiwedd y lleoliad,
Efallai yr hoffech brynu'ch stethosgop eich hun (ar gael am oddeutu £40) a / neu oriawr ffob (ar gael am ryw £6).

Gyrfaoedd a Chyflogadwyedd

Mae'r Tîm Gyrfaoedd a Chyflogadwyedd yn cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Ar ôl graddio o Brifysgol Abertawe, gallwch gael mynediad at gymorth gydol oes ynghylch gyrfaoedd a chyflogadwyedd.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Sut i Wneud Cais

Gwahoddir ymgeiswyr cymwys i gyfweliad a chynhelir cyfweliadau ar gyfer y cwrs hwn trwy Zoom. Edrychwch ar ein Awgrymiadau Cyfweld am ragor o wybodaeth am yr hyn i'w ddisgwyl.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Gwybodaeth Ychwanegol

Yn ystod y cwrs, gallwch ennill un o ddau ddyfarniad:

Tystysgrif Addysg Uwch (Gofal Brys a Heb ei Drefnu)

Rhaid i chi lwyddo mewn 120 o gredydau ar lefel 4 i ennill y dystysgrif hon; gallwch gwblhau'r dystysgrif o fewn blwyddyn. Os byddwch yn gadael y cwrs ar ddiwedd y flwyddyn gyntaf, ni fyddwch yn gymwys i wneud cais i Gyngor y Proffesiynau Iechyd a Gofal am gael cofrestru fel parafeddyg.

Diploma Addysg Uwch (Astudiaethau Gwyddor Parafeddygol)

Rhaid i chi lwyddo mewn 240 o gredydau, gyda 120 o'r credydau hynny ar lefel 5, i ennill diploma. Gallwch gwblhau'r Diploma o fewn dwy flynedd yn llawn amser ac, ar ôl ei gwblhau, byddwch yn gymwys i wneud cais i Gyngor y Proffesiynau Iechyd a Gofal am gael cofrestru fel parafeddyg.