Nod y rhaglen TAR Cynradd gyda statws athro cymwysedig (SAC) yw rhoi profiad dysgu i chi ar draws yr ystod oedran 3-11, gan roi i chi'r gallu i addysgu drwy gydol y camau cynnydd hyn yn y cwricwlwm cynradd presennol.
Cynigir y rhaglen drwy Bartneriaeth Ysgolion Prifysgol Abertawe (SUSP); rhwydwaith addysg athrawon cydweithredol sy'n dod â Phrifysgol Abertawe, ei hysgolion partner a darparwyr addysg eraill ynghyd. Rydym yn tynnu ar yr arbenigedd hwn i gyfuno rhagoriaeth academaidd â phrofiad ymarferol, er mwyn eich paratoi i ennill SAC.
Rydym hefyd yn gweithio'n agos gyda'n hysgolion partner i deilwra lleoliadau gwaith i'ch anghenion, gan flaenoriaethu eich lles drwy gymorth mentor, clinigau a Diwrnodau Ymarfer a Theori sy'n canolbwyntio ar feysydd megis amrywiaeth, cynaliadwyedd a dysgu yn yr awyr agored.
Mae'r rhaglen yn cynnwys 60 niwrnod o fewnbwn gan y Brifysgol a 120 o ddiwrnodau lleoliad ysgol mewn dwy ysgol. Bydd staff ysgolion a'r Brifysgol yn cydweithio i'ch cefnogi chi, fel athro dan hyfforddiant, i symud ymlaen i gwblhau'r cwrs yn llwyddiannus a chyflawni SAC.
Fel rhan o'r radd, byddwch yn creu portffolio electronig o dystiolaeth, a elwir yn Basport Dysgu Proffesiynol, a fydd yn nodi eich cynnydd a'ch gallu yn erbyn pob un o'r Safonau Dysgu ac Arweinyddiaeth Proffesiynol. Bydd cyflwyno tystiolaeth lwyddiannus o fodloni'r holl Safonau, ynghyd â chwblhau asesiadau Lefel 7 yn llwyddiannus, yn arwain at gyflwyno argymhelliad i Gyngor y Gweithlu Addysg y dyfernir SAC i chi. Byddwch dim ond yn gallu ymarfer fel athro ar ôl i'ch SAC gael ei gadarnhau gan Gyngor y Gweithlu Addysg.
Yr hyn sy'n gwneud y rhaglen hon yn unigryw yw ar ôl cael profiad ar leoliadau dysgu sy’n cwmpasu’r cyfnod oedran cynradd cyfan, gallwch ddewis arbenigo mewn cyd-destunau Anghenion Dysgu Ychwanegol neu Bob Oedran (3-18), gan ehangu'ch gwybodaeth a'ch profiad ymhellach.
Pam Cynradd gyda SAC yn Abertawe?
Mae'r rhaglen TAR Cynradd ym Mhrifysgol Abertawe yn datblygu enw da am ragoriaeth mewn addysg athrawon o ganlyniad i’w hasesu ffurfiannol cadarn, dewisiadau helaeth i ddysgwyr, ymchwil ategol ac arferion arloesol, gan gynnwys dosbarthiadau arsylwi, defnyddio Hydra (ein hystafell efelychu ymdrochol) i efelychu senarios bywyd go iawn mewn amgylchedd dysgu diogel a phrofiadau sy'n cyfoethogi profiad y myfyrwyr megis Technocamps a dysgu iaith arwyddion Prydain (BSL).
Cafodd ein rhaglen TAR Cynradd glod mawr yn adroddiad Estyn (2024), lle canmolwyd y rhaglen am 'y ffordd ofalus y mae'n cyfuno theori ac ymarfer', 'yn cefnogi lles myfyrwyr yn gryf' ac 'yn defnyddio ymagwedd fyfyriol sy'n seiliedig ar ymchwil.’ Cafnu'r arolygwyr fod 'yr athrawon dan hyfforddiant yn teimlo eu bod yn cael eu parchu a'u cefnogi.'
At hyn, bydd Partneriaeth Ysgolion Prifysgol Abertawe yn cynnig Addysg Gychwynnol Athrawon o safon a arweinir gan ymarferwyr ac ymchwil, i gyflwyno ei gweledigaeth o ddatblygu unigolion fel chi i fod yn ymarferwyr myfyriol a gwybodus, sy'n gallu cyfrannu'n sylweddol at ansawdd addysg yng Nghymru.
Bydd y rhaglen drwyadl hon yn eich herio'n academaidd ac yn broffesiynol. Bydd y radd yn cynnig y cyfleoedd angenrheidiol i chi fynd i'r afael â'r holl Safonau Proffesiynol ar gyfer Addysgu ac Arweinyddiaeth, drwy brofiadau dysgu cyfoethog sy'n canolbwyntio ar ddatblygu eich hyfedredd proffesiynol.
Mae pob agwedd ar y cwrs wedi'i datblygu ar y cyd â SUSP a bydd yn cael ei chyflwyno, gan sicrhau ei hansawdd a'i hadolygu mewn partneriaeth, i atgyfnerthu'r cydweithrediad hwn drwy gydol y flwyddyn.
Eich Profiad Cynradd gyda SAC
Bydd eich amser yn y Brifysgol yn cynnwys tri modiwl gwerth 60 credyd yr un, gan ymdrin â themâu allweddol gan gynnwys addysgu, y cwricwlwm ac asesu mewn ysgolion cynradd; bod yn ymarferwr adfyfyriol sy'n seilio ei ymarfer ar ymchwil, a'ch profiad proffesiynol a'ch lleoliadau gwaith.
Tra byddwch ar leoliad gwaith, cewch eich cefnogi'n helaeth drwy fframwaith cadarn sy'n integreiddio cymorth proffesiynol, academaidd a bugeiliol. Byddwch yn cael eich paru â mentor proffesiynol, a all gynnig arweiniad ac adborth adeiladol i gefnogi eich datblygiad. Bydd gan staff y Brifysgol ran weithgar drwy gydol eich lleoliadau gwaith, gan gynnig arweiniad a chynnal arsylwadau ffurfiol, sy'n cael eu cynllunio'n ofalus i asesu eich cynnydd a chefnogi datblygiad eich ymarfer addysgu.
Yn ystod eich lleoliadau gwaith, bydd eich lles yn flaenoriaeth a chewch eich cefnogi drwy gyfarfodydd wythnosol gyda'ch mentor, clinigau lles, cyfarfodydd gyda'ch tiwtor personol, sgyrsiau dysgu ac ymweliadau arsylwi. Pan fo angen, caiff cynlluniau cymorth ac ymyrraeth eu llunio ar y cyd â myfyrwyr a phartneriaid ysgol er mwyn bodloni anghenion unigol a chefnogi cynnydd.
Ar ddyddiau Mawrth penodol, caiff diwrnodau Ymarfer a Theori eu hymgorffori yn y rhaglen, gan roi amser i chi archwilio sut mae damcaniaeth addysgol yn cysylltu ag ymarfer yn yr ystafell ddosbarth. Cynhelir y sesiynau hyn yn Ysgol Arweiniol Rhwydwaith pob myfyriwr ac maen nhw'n cael eu hwyluso gan Diwtor Arweiniol Rhwydwaith y Brifysgol a chydweithwyr yn yr ysgol, gan eich galluogi i rannu profiadau, trafod heriau a myfyrio ar eich cynnydd.
Un o nodweddion allweddol y broses gymorth yw’r Pasbort Dysgu Proffesiynol; platfform ar-lein sy'n cofnodi eich taith ddysgu. Byddwch hefyd yn cofnodi cynlluniau gwersi a myfyrdodau, ac yn cael adborth gan eich mentoriaid, sy'n cynnwys arsylwadau ffurfiol, cyfarfodydd â mentor a sgyrsiau proffesiynol strwythuredig.
Byddwch yn cael 35 awr o ddarpariaeth iaith Gymraeg yn ystod y cwrs i ddatblygu eich sgiliau iaith Gymraeg. Ar gyfer myfyrwyr Cymraeg eu hiaith, bydd llwybr cyfrwng Cymraeg, sy'n cynnwys lleoliadau, seminarau a diwrnodau Ymarfer a Theori Cymraeg, yn ogystal â'r opsiwn i gyflwyno aseiniadau a chael adborth gan diwtor yn y Brifysgol sy'n siarad Cymraeg.
Mae'r rhaglen hon hefyd yn galluogi ymrwymiad cryf i addysg gynhwysol drwy ffocws cynhwysfawr ar Anghenion Dysgu Ychwanegol, sy'n cyd-fynd â’r Côd ADY newydd i Gymru. Byddwch yn cael eich cefnogi i fod yn weithiwr proffesiynol ymatebol, sy'n gallu addasu eich gwaith addysgu i ddiwallu anghenion amrywiol yr holl ddysgwyr.
Cyfleoedd Cyflogaeth Cynradd gyda SAC
Bydd cwblhau'r cwrs TAR hwn yn llwyddiannus yn arwain at gyflwyno argymhelliad i Gyngor y Gweithlu Addysg i chi gael Statws Athro Cymwysedig (SAC). Mae hwn yn gyfle i gael cyflogaeth fel Athro Newydd Gymhwyso mewn ysgolion.
Ym Mhrifysgol Abertawe, rydym yn ymgysylltu ag amrywiaeth o gyrff allanol megis:
Undebau
Arweinwyr Ysgol
Cyngor y Gweithlu Addysg
Arweinwyr Addysg Gychwynnol i Athrawon
Partneriaeth - corff addysgol ar y cyd sy'n cefnogi ysgolion yn Sir Gâr, Sir Benfro ac Abertawe
Cyd-bwyllgor Addysg Cymru
Mae'r ymgysylltiad hwn yn cynnig ystod eang o gyfleoedd i fyfyrwyr. Mae'r rhain yn cynnwys sesiynau dynodedig sy'n canolbwyntio ar y broses cyflwyno cais am swydd gan arweinwyr ysgol, ac yna cynhelir sesiynau mewn ysgolion sy'n canolbwyntio ar ddull cyfweliad, llythyrau cyflwyno cais a gwersi cyfweliad, gan gynnwys cynnal ffug gyfweliadau. Gall ymgysylltu â sefydliadau proffesiynol megis CBAC (y bwrdd arholi ar gyfer cymwysterau ysgol yng Nghymru) fod drwy sesiynau megis gweithdai rhanbarthol, sy’n galluogi myfyrwyr i gymryd rhan yn eu cymuned broffesiynol a gwneud cysylltiadau gwerthfawr.
Hefyd, byddwch yn cael cyfleoedd i ddatblygu ac ymestyn eich sgiliau cyflogadwyedd drwy nifer o gyfleoedd pellach. Mae'r rhain yn cynnwys cyflwyno ymchwil i bartneriaid ysgol, cydweithwyr yn y Brifysgol ac eraill yn y digwyddiad ymchwil blynyddol; datblygu a rheoli gweithdai ar gyfer myfyrwyr, a chefnogi neu gyd-arwain teithiau ysgol, clybiau a dysgu yn yr awyr agored.
Mae'r rhan fwyaf o athrawon dan hyfforddiant ar y TAR Cynradd yn mynd ymlaen i gael swyddi mewn ysgolion cynradd ledled Cymru, yn aml gyda'n hysgolion partner, gan gynnwys mewn ysgolion arbennig a chyfleusterau addysgu arbenigol. Mae rhai o'r rhain yn swyddi parhaol ac mae rhai ar gael ar sail cytundeb cyflenwi.
Mae nifer o raddedigion hefyd yn parhau â'u taith academaidd drwy'r MA Genedlaethol (Cymru) neu drwy ddilyn astudiaethau ôl-raddedig yn Abertawe, gan gynnwys rhaglenni meistr a doethurol.
Modiwlau
Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.
Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.
Gofynion Mynediad
Mae'n ofynnol bod ymgeiswyr ar gyfer y TGAU Cynradd wedi cyflawni'r canlynol cyn eu derbyn i'r rhaglen:
Gradd anrhydedd gydag o leiaf 2:2 mewn pwnc perthnasol, neu bwnc cysylltiedig gydag o leiaf 50% o gynnwys pwnc perthnasol
Gradd C TGAU yn Saesneg/Gymraeg (bydd rhaid i fyfyrwyr sy'n cyflwyno cais ar gyfer y rhaglen Gymraeg feddu ar TGAU yn y Gymraeg)
Gradd C TGAU mewn Mathemateg
Gradd C TGAU mewn Gwyddoniaeth
Mae’r radd C mewn Saesneg/Cymraeg, Gwyddoniaeth a Mathemateg ar lefel TGAU yn ofyniad a bennwyd gan Lywodraeth Cymru.
Bydd pob cyfweliad yn cael ei gynnal yn rhithiol (gan ddefnyddio Microsoft Teams) gydag arbenigwr cynradd TAR trwy gyfrwng Saesneg neu Gymraeg fel y dymunir. Bydd y fformat yn cynnwys cyfweliad byr a thrafodaeth broffesiynol.
Bydd yr holl fyfyrwyr TAR yn cwblhau archwiliad Cymhwysedd Digidol wrth gofrestru a bydd hyfforddiant cymhwysedd digidol yn rhan o'u rhaglen astudio TAR.
Rhaid i'r holl ymgeiswyr fodloni gofynion Safonau Iechyd Addysg (Cymru) gan gadarnhau eu gallu corfforol ac iechyd er mwyn addysgu (Gweler yr adran Costau Ychwanegol).
Bydd yn rhaid i'r holl ymgeiswyr gael gwiriad manwl gan y GDG. Ni ddylai ymgeiswyr fod wedi cael eu heithrio rhag addysgu neu weithio gyda phlant nac wedi'u cofrestru gyda'r GDG fel person sy'n anaddas i weithio gyda phlant neu bobl ifanc (Gweler yr adran Costau Ychwanegol).
Ymgeiswyr Rhyngwladol
Nid yw cwblhau’r rhaglen TAR yn y Deyrnas Unedig yn rhoi statws ‘Caniatâd i Aros’ i weithio fel athro/athrawes yn y Deyrnas Unedig. Dylai ymgeiswyr ymgyfarwyddo â rheoliadau a gofynion Gwasanaeth Fisa a Mewnfudo’r Deyrnas Unedig sy’n berthnasol ar gyfer astudio ac ôl-astudio yn y Deyrnas Unedig.
Bydd llwyddo i gwblhau rhaglen Addysg Gychwynnol i Athrawon Partneriaeth Ysgolion Prifysgol Abertawe’n arwain at (i) ddyfarnu Tystysgrif Addysg i Raddedigion (TAR) ac (ii) argymhelliad ar gyfer Statws Athro Cymwysedig a chofrestriad gyda Chyngor Gweithlu Addysg Cymru. Dylai ymgeiswyr ymgynghori â’r gwasanaeth addysg neu’r adran lywodraeth berthnasol er mwyn holi a fydd cwblhau cwrs TAR mewn prifysgol yn y Deyrnas Unedig yn caniatáu iddynt addysgu yn eu gwlad gartref neu mewn gwlad arall y tu allan i’r Deyrnas Unedig.
Fel arfer gofynnir i ymgeiswyr feddu ar sgôr gyffredinol prawf IELTS (neu gyfwerth) o 7.0 ac isafswm sgôr o 6.5 ym mhob elfen (ysgrifennu, darllen, siarad a gwrando). Gweler rhagor o wybodaeth am ein gofynion iaith Saesneg.
Yn Abertawe, byddwch yn elwa o addysg o ansawdd uchel, sy'n seiliedig ar
ymchwil, sy'n cyfuno ystod o ddulliau addysgu effeithiol a chynhwysol,
wedi'u teilwra'n ofalus i weddu i anghenion eich cwrs. Addysgir y rhan fwyaf
o gyrsiau wyneb yn wyneb, ar y campws, gan roi'r cyfle i
chi ymgysylltu'n weithredol â myfyrwyr eraill, staff academaidd, a chymuned
ehangach y brifysgol.
Gallwch ddisgwyl cymysgedd o
ddarlithoedd, seminarau, gweithdai a sesiynau ymarferol -
gan gynnwys gwaith labordy, hyfforddiant sgiliau, neu addysgu mewn stiwdio
lle bo'n berthnasol i'ch disgyblaeth. Mae'r sesiynau hyn wedi'u cynllunio i
annog cyfranogiad gweithredol, cydweithio, a datblygu sgiliau penodol i'r
pwnc a sgiliau trosglwyddadwy.
Defnyddir offer dysgu digidol hefyd i wella'ch profiad
dysgu. Gall y rhain gynnwys:
Darlithoedd wedi'u recordio i gefnogi astudio ac
adolygu hyblyg.
Labordai rhithwir neu amgylcheddau wedi’u hefelychu, yn
enwedig mewn gwyddoniaeth, gofal iechyd a disgyblaethau technegol.
Adnoddau ar-lein ar amgylchedd dysgu rhithwir y
brifysgol (Canvas), gan gynnwys fideos, deunyddiau darllen, cwisiau a
fforymau trafod.
Mae'r dull hwn yn eich galluogi i ymdrin â chynnwys a'i adolygu yn eich
amser eich hun wrth elwa o strwythur a chefnogaeth addysgu wyneb yn wyneb.
Efallai bydd y cwrs hwn yn cynnig rhai modiwlau sy’n cael eu haddysgu drwy
gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl.
Am ragor o fanylion am y ddarpariaeth cyfrwng Cymraeg sydd ar gael, gweler
yr ehangydd Darpariaeth Gymraeg isod.
N.B. Os ydych chi'n fyfyriwr rhyngwladol sy'n astudio gyda Fisa Llwybr
Myfyrwyr, sylwch y bydd eich gweithgareddau wedi'u hamserlennu, ynghyd
ag unrhyw weithgareddau goruchwylio ychwanegol (gyda staff Prifysgol
Abertawe yn bresennol) yn digwydd ar y campws.Yn unol â phrotocol Fisâu
a Mewnfudo'r Deyrnas Unedig, bydd y sesiynau hyn yn cael eu monitro a
bydd data ar gael ar gais.
Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym
yn cynnig:
Mynediad at fodiwlau a addysgir yn gyfan gwbl neu'n rhannol yn Gymraeg.
Tiwtor Personol Cymraeg ei iaith.
Cefnogaeth un i un yn y Gymraeg i wella eich sgiliau academaidd.
Cyfle i ennill cymhwyster ychwanegol sy'n
dystiolaeth o'ch gallu yn yr iaith Gymraeg i gyflogwyr, sef Tystysgrif Sgiliau Iaith Gymraeg y Coleg Cymraeg a
CBAC.
Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.
Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Efallai y byddwch yn gymwys i gael arian i helpu i gefnogi eich astudiaethau.
I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.
Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Mae’n bosib eich bod yn gymwys i gael cymorth ariannol tuag at eich astudiaethau.
I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen
ysgoloriaethau a bwrsariaethau'r Brifysgol.
Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog.
I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi
Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.
Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):
Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Bydd angen i chi hefyd gwblhau holiadur iechyd sy'n rhan o'r broses addasrwydd i ymarfer fel athro. Mae'r holiadur yn galw am fewnbwn gan eich meddyg teulu ac efallai bydd yn codi tâl am y gwasanaeth hwn.
Mae ein gwasanaethau cymorth gyrfaoedd yn cynnwys:
Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr
Ar ôl graddio o Brifysgol Abertawe, gallwch gael mynediad at gymorth gydol oes ynghylch gyrfaoedd a chyflogadwyedd.
Gan mai rhaglen hyfforddiant proffesiynol yw hon sy’n arwain at argymhelliad ar gyfer SAC, disgwylir y bydd yr athrawon dan hyfforddiant sy’n cwblhau’r rhaglen yn cael eu cyflogi fel athrawon proffesiynol. Llywodraeth Cymru sy’n pennu nifer y lleoedd sydd ar gael ar gyfer athrawon dan hyfforddiant wedi’u hariannu a phenderfynir ar y nifer hwn ar sail dadansoddiad o anghenion y gweithlu yng Nghymru.
Bydd yr holl athrawon dan hyfforddiant yn derbyn Adroddiad Cyrhaeddiad Addysg Uwch (HEAR) yn manylu ar eu gweithgareddau academaidd ac allgyrsiol. Gellir defnyddio hwn i ategu eu CV.
Yn ogystal â sgiliau proffesiynol, mae’r rhaglen yn datblygu’r priodweddau personol canlynol:
Sgiliau ymchwil ac ymholi
Sgiliau rheoli amser
Sgiliau trefnu a chymhelliant personol
Sgiliau cyfathrebu effeithiol
Datrys problemau a dadansoddi
Sgiliau negodi, gwaith tîm a’r gallu i addasu
Bydd athrawon dan hyfforddiant yn datblygu:
Menter
Arloesedd
Sgiliau penderfynu
Y gallu i feddwl a gweithredu’n feirniadol
Os nad yw athrawon dan hyfforddiant yn dymuno cael gyrfa addysgu, neu os nad ydynt yn cyflawni’r safon ddisgwyliedig yn ystod y rhaglen, cânt eu hannog i fanteisio ar y cymorth a ddarperir gan Academi Cyflogadwyedd Abertawe a’r Gwasanaeth Gyrfaoedd i’w cynorthwyo i gynllunio gyrfa arall a datblygu eu cyflogadwyedd y tu allan i’r proffesiwn addysgu.
Bydd cwblhau'r TAR Cynradd yn llwyddiannus yn arwain at argymhelliad i Gyngor y Gweithlu Addysg ar gyfer Statws Athro Cymwysedig (SAC) ac yn darparu cyfleoedd ar gyfer cyflogaeth fel Athro Newydd Gymhwyso (ANG) mewn ysgolion.
Yn ogystal â chymorth pwnc penodol gan staff addysgu'r coleg a'ch tiwtor
personol, mae'r
Ganolfan Llwyddiant Academaidd yn darparu cyrsiau, gweithdai a chymorth un-i-un mewn
meysydd fel:
Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)
Yn ogystal, os oes gennych Anhawster Dysgu Penodol (ADP/SpLD), anabledd,
cyflwr iechyd meddwl neu gyflwr meddygol, mae gan y Ganolfan Llwyddiant
Academaidd Diwtoriaid Arbenigol i gefnogi'ch dysgu. Bydd y tiwtoriaid yn
gweithio ochr yn ochr â'r Swyddfa Anabledd
a'r Gwasanaeth Lles i gefnogi eich holl anghenion a
gofynion tra byddwch yn astudio ym Mhrifysgol Abertawe.
Mae rhaglenni rhyngwladol yr haf ar agor i fyfyrwyr o bob ysgol. Fel arfer,
mae rhaglenni'n para o 2 i 6 wythnos, ar draws cyrchfannau megis Sri Lanka,
De Corea, Fiji, Bali, UDA a ledled Ewrop. Am ragor o wybodaeth ynghylch
rhaglenni a chymhwysedd, ewch i'n
tudalennau gwe Haf Dramor.
Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer
cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae
rhagor o wybodaeth ar gael ar ein tudalen we Dyddiadau
cau ar gyfer cyflwyno cais.
Bydd y Brifysgol yn gwneud pob ymdrech i ddarparu pob cwrs yn unol â'r
disgrifiadau a geir yn nhudalennau gwe'r cwrs perthnasol ar adeg eich
cais. Fodd bynnag, gall fod sefyllfaoedd pan fydd yn ddymunol neu'n
angenrheidiol i'r Brifysgol wneud newidiadau yn narpariaeth y cwrs naill
ai cyn neu ar ôl cofrestru.
Mae'r wybodaeth isod ar gyfer myfyrwyr sy'n dechrau eu cyrsiau yn 2016 neu
wedi hynny.
Fel arfer, ni fydd y Brifysgol yn gwneud newidiadau sylweddol iawn i gyrsiau
(er enghraifft, newid teitl y cwrs, ailstrwythuro sylweddol, newid sylweddol
yng nghynnwys y cwrs, neu gyflwyno rhwystr i ddilyniant) a fyddai'n
effeithio ar fyfyrwyr sydd eisoes wedi dechrau eu cwrs. Mewn amgylchiadau
eithriadol, gall fod angen i'r Brifysgol wneud y fath newid ar ôl i ddeiliad
cynnig dderbyn lle. Ni fydd hyn yn digwydd llai na 5 mis cyn cofrestru.
Caiff deiliad y cynnig ei hysbysu am y newid a chyfle i dynnu ei gais yn ôl
a gwneud cais i sefydliad arall.
Gellid gwneud newidiadau eraill yng nghynnwys y cwrs, y lleoliad astudio, y
dulliau cyflwyno a'r ddarpariaeth addysgu oherwydd datblygiadau yn y pwnc
dan sylw, gwelliannau i arfer addysgu neu asesu, gofynion prosesau achredu
allanol, newidiadau staffio, cyfyngiadau o ran adnoddau neu newidiadau o ran
argaeledd cyfleusterau. Bydd newidiadau o'r fath yn ystyried disgwyliadau
rhesymol darpar fyfyrwyr a myfyrwyr presennol.
