TAR Uwchradd gyda SAC: Dylunio a Thechnoleg, PGCert

Manylion Allweddol y Cwrs

Côd UCAS: 3FW5
Dull Astudio: Dysgu Cyfunol
Cynnig Nodweddiadol (gweler dewisiadau arall): 2:2
Lleoliad: Campws Parc Singleton

Dyddiad Dechrau	Ffioedd Dysgu
Med 2026	£ 9,790

Côd UCAS: 3FW5
Dull Astudio: Dysgu Cyfunol
Cynnig Nodweddiadol: 2:2 - Gwybodaeth Rhagor
Lleoliad: Campws Parc Singleton

Dyddiad Dechrau	Ffioedd Dysgu
Med 2026	£ 20,250

Trosolwg o'r Cwrs

Bydd y TAR Uwchradd gyda Statws Athro Cymwysedig ym Mhrifysgol Abertawe'n eich paratoi i fodloni'r Safonau Dysgu ac Arweinyddiaeth Proffesiynol newydd i Gymru (ar lefel sy'n briodol ar gyfer Athrawon Newydd Gymhwyso), gan eich galluogi i fod yn athro llawn ysbrydoliaeth, cymwys a phroffesiynol mewn Addysg Uwchradd.

Byddwch yn creu portffolio electronig o dystiolaeth, a elwir yn Basport Dysgu Proffesiynol, a fydd yn nodi eich cynnydd a'ch gallu yn erbyn pob un o'r Safonau Dysgu ac Arweinyddiaeth Proffesiynol. Bydd cyflwyno tystiolaeth lwyddiannus o fodloni'r holl Safonau, ynghyd â chwblhau asesiadau Lefel 7, yn arwain at gyflwyno argymhelliad i Gyngor y Gweithlu Addysg eich bod chi'n cael Statws Athro Cymwysedig.

Yn unol â gofynion y Llywodraeth, caiff y rhaglen ei datblygu a'i chyflwyno drwy gorff ysgolion-prifysgol ar y cyd; Partneriaeth Ysgolion Prifysgol Abertawe (PYPA). Mae'r Bartneriaeth hon yn rhannu rolau wrth ddatblygu, adolygu a chyflwyno ein rhaglen, gan gynnwys ei helfennau yn y brifysgol ac ar leoliad mewn ysgolion. Bydd staff ysgolion a'r Brifysgol yn cydweithio i'ch cefnogi chi, fel athro dan hyfforddiant, i symud ymlaen i gwblhau'r cwrs yn llwyddiannus a chyflawni Statws Athro Cymwysedig.

Mae galw mawr am athrawon dylunio a thechnoleg cymwysedig ar draws y DU. I gydnabod hyn, mae PYPA wedi datblygu'r rhaglen TAR Dylunio a Thechnoleg Uwchradd arloesol hon i roi hyder i chi, yn eich maes pwnc a'ch dealltwriaeth o sut i'w addysgu. Daw elfen bwnc-benodol y rhaglen o'r modiwl 'Ymarfer Myfyriol sy’n seiliedig ar Ymchwil' sydd yn seiliedig ar y pwnc o'ch dewis.

Caiff y rhaglen ei hategu gan ymchwil ranbarthol, genedlaethol a rhyngwladol. Byddwch yn dysgu sut i addysgu dylunio a thechnoleg mewn ffordd ystyrlon, ddiddorol a llawn hwyl, a hefyd sut i ddadansoddi eich datblygiad chi a datblygiad eich disgyblion.

PAM TYSTYSGRIF ÔL-RADDEDIG MEWN ADDYSG YN ABERTAWE?

Bydd Partneriaeth Ysgolion Prifysgol Abertawe yn cynnig Addysg Gychwynnol Athrawon o safon a arweinir gan ymarferwyr ac ymchwil, i gyflwyno ei gweledigaeth o ddatblygu unigolion fel chi i fod yn ymarferwyr myfyriol a gwybodus, sy'n gallu cyfrannu'n sylweddol at ansawdd addysg yng Nghymru.

Bydd y TAR Uwchradd yn cynnig y cyfleoedd angenrheidiol i chi fynd i'r afael â'r holl Safonau Proffesiynol ar gyfer Addysgu ac Arweinyddiaeth, drwy brofiadau dysgu cyfoethog sy'n canolbwyntio ar ddatblygu eich hyfedredd proffesiynol.

Bydd y rhaglen drwyadl hon yn eich herio'n academaidd ac yn broffesiynol. Nod y rhaglen yw datblygu eich dealltwriaeth feirniadol o natur dylunio a thechnoleg a'i lle yng nghwricwlwm yr ysgol. Byddwch yn cael eich annog i ymchwilio a phrofi eich ymagweddau eich hun at addysgu dylunio a thechnoleg i ddod o hyd i'r dulliau hynny sy'n gweithio orau i chi a'r disgyblion rydych yn eu haddysgu.

Byddwch hefyd yn cael y cyfle i drosglwyddo 60 o gredydau Lefel 7 a enillwyd ar y rhaglen hon fel Achrediad Dysgu Blaenorol, sy'n cyfrif tuag at gyflawni Cymhwyster Meistr Cenedlaethol mewn Addysg a gyflwynir ar y cyd gan brifysgolion ar draws Cymru.

Mae pob agwedd ar y cwrs wedi'i datblygu ar y cyd â PYPA a bydd yn cael ei chyflwyno, yn sicrhau ei hansawdd a'i hadolygu mewn partneriaeth, i atgyfnerthu'r cydweithrediad hwn drwy gydol y flwyddyn.

EICH PROFIAD TAR

Mae'r rhaglen yn cynnwys 60 niwrnod o fewnbwn gan y Brifysgol a 120 o ddiwrnodau lleoliad ysgol mewn dwy ysgol.

Cyn eich lleoliad, byddwch yn cymryd rhan mewn sesiwn Micro Addysgu, lle byddwch yn cyflwyno gwers fer i'ch cyfoedion. Yn dilyn y sesiwn hon, byddwch yn cael adborth anffurfiol ar agweddau megis cyfathrebu, eglurder wrth esbonio, defnydd o adnoddau a phresenoldeb yn yr ystafell ddosbarth - gan osod y sylfeini am ymarfer myfyriol cyn dechrau yn yr ystafell ddosbarth.

Tra byddwch ar leoliad, cewch eich cefnogi'n helaeth drwy fframwaith cadarn sy'n integreiddio cymorth proffesiynol, academaidd a bugeiliol. Byddwch yn cael eich paru â mentor pwnc, a all gynnig arweiniad ac adborth adeiladol i gefnogi eich datblygiad. Mae staff y Brifysgol yn rhan weithgar drwy gydol eich lleoliad, gan gynnig arweiniad pwnc-benodol a chynnal arsylwadau ffurfiol, sy'n cael eu cynllunio'n ofalus i asesu eich cynnydd a chefnogi datblygiad eich ymarfer addysgu.

Mae diwrnodau Ymarfer a Theori'n cael eu cynnwys drwy gydol cyfnod y lleoliad cyntaf, gan gynnig amser i chi archwilio sut mae theori addysgol yn cysylltu ag ymarfer yn yr ystafell ddosbarth. Cynhelir y sesiynau hyn yn Ysgol Arweiniol Rhwydwaith pob myfyriwr ac maen nhw'n cael eu hwyluso gan Diwtor Arweiniol Rhwydwaith y Brifysgol a chydweithwyr yn yr ysgol, gan eich galluogi i rannu profiadau, trafod heriau a myfyrio ar eich cynnydd.

Nodwedd allweddol o'r broses gymorth yw defnyddio'r Pasbort Dysgu Proffesiynol, platfform ar-lein sy'n cofnodi eich taith ddysgu broffesiynol. Byddwch hefyd yn cofnodi cynlluniau gwersi a myfyrdodau, a byddwch yn cael adborth gan eich mentoriaid, sy'n cynnwys arsylwadau ffurfiol, cyfarfodydd â mentor a sgyrsiau proffesiynol strwythuredig.

Byddwch yn cael 35 awr o ddarpariaeth iaith Gymraeg yn ystod y cwrs i ddatblygu eich sgiliau iaith Ar gyfer myfyrwyr Cymraeg eu hiaith, bydd llwybr cyfrwng Cymraeg, sy'n cynnwys lleoliadau, seminarau a diwrnodau Ymarfer a Theori Cymraeg, yn ogystal â'r opsiwn i gyflwyno aseiniadau a chael adborth gan diwtor yn y brifysgol sy'n siarad Cymraeg.

Mae'r rhaglen hon hefyd yn galluogi ymrwymiad cryf at addysg gynhwysol drwy ffocws cynhwysfawr ar Anghenion Dysgu Ychwanegol, sy'n cyd-fynd â’r Côd ADY newydd i Gymru. Byddwch yn cael eich cefnogi i fod yn weithiwr proffesiynol ymatebol, sy'n gallu addasu eich gwaith addysgu i ddiwallu anghenion amrywiol yr holl ddysgwyr.

Modiwlau

Rydym wedi gwella ein modiwlau i ddarparu profiad dysgu deniadol, wedi'i gynllunio i'ch helpu i ddatblygu'r sgiliau y mae cyflogwyr yn chwilio amdanynt. Darganfyddwch beth sydd ar gael a chael eich hysbrydoli gan y modiwlau y gallwch eu hastudio.

Blwyddyn 1 (Lefel 7)

FHEQ 7 Taught Masters / PGDip / PGCert

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Ymarfer Proffesiynol	September-June (TB1+2)	60	EDP303C
Ymarfer Myfyriol wedi’i lywio gan Ymchwil: Dylunio a Thechnoleg	September-June (TB1+2)	60	EDPM30HC

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Gyrfaoedd a Chyflogadwyedd

Bydd cwblhau'r cwrs TAR hwn yn llwyddiannus yn arwain at gyflwyno argymhelliad i Gyngor y Gweithlu Addysg i chi gael Statws Athro Cymwysedig. Mae hwn yn gyfle i gael cyflogaeth fel Athro Newydd Gymhwyso mewn ysgolion.

Ym Mhrifysgol Abertawe, rydym yn ymgysylltu ag amrywiaeth o gyrff allanol megis:

Undebau
Arweinwyr Ysgol
Cyngor y Gweithlu Addysg
Arweinwyr Addysg Gychwynnol i Athrawon
Partneriaeth - corff addysgol ar y cyd sy'n cefnogi ysgolion yn Sir Gâr, Sir Benfro ac Abertawe
Cyd-bwyllgor Addysg Cymru

Mae'r ymgysylltiad hwn yn cynnig ystod eang o gyfleoedd i fyfyrwyr. Mae'r rhain yn cynnwys sesiynau dynodedig sy'n canolbwyntio ar y broses cyflwyno cais am swydd gan arweinwyr ysgol, ac yna cynhelir sesiynau mewn ysgolion sy'n canolbwyntio ar ddull cyfweliad, llythyrau cyflwyno cais a gwersi cyfweliad, gan gynnwys cynnal ffug gyfweliadau. Gall ymgysylltu â sefydliadau proffesiynol megis CBAC (y bwrdd arholi ar gyfer cymwysterau ysgol yng Nghymru) fod drwy sesiynau megis gweithdai rhanbarthol, sy’n galluogi myfyrwyr i gymryd rhan yn eu cymuned broffesiynol a gwneud cysylltiadau gwerthfawr.

Hefyd, byddwch yn cael cyfleoedd i ddatblygu ac ymestyn eich sgiliau cyflogadwyedd drwy nifer o gyfleoedd pellach. Mae'r rhain yn cynnwys cyflwyno ymchwil i bartneriaid ysgol, cydweithwyr yn y brifysgol ac eraill yn y digwyddiad ymchwil blynyddol; cymryd rhan mewn gweithgareddau gyda sefydliadau pwnc megis y Sefydliad Ffiseg; datblygu a rheoli gweithdai ar gyfer myfyrwyr Safon Uwch, a chefnogi neu gyd-arwain teithiau ysgol, clybiau a dysgu yn yr awyr agored.

Mae'r rhan fwyaf o'n myfyrwyr yn cael swyddi mewn ysgolion uwchradd. Fel arfer, mae dros 90% o fyfyrwyr sy'n graddio wedi cael swydd erbyn y mis Medi ar ôl iddynt raddio. Mae nifer o fyfyrwyr yn dilyn cymwysterau pellach ym myd addysg ar ôl graddio, gyda rhai'n parhau i astudio yn Abertawe ar raglenni megis y rhaglen MA Genedlaethol, y gallwch ei hastudio law yn llaw â'ch rolau addysgu. Mae rhai myfyrwyr hefyd yn penderfynu cael cyflogaeth y tu hwnt i'r sector ysgolion uwchradd. Y swyddi mwyaf cyffredin ar ôl graddio yw:

Ysgolion Uwchradd
Ysgolion cynradd
Yr MA Cenedlaethol
Addysg Gradd Meistr a Doethurol
Colegau Addysg Bellach
Prifysgolion

Mwy o Wybodaeth Gyrfaoedd a Chyflogadwyedd

Mae'r Tîm Gyrfaoedd a Chyflogadwyedd yn cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Ar ôl graddio o Brifysgol Abertawe, gallwch gael mynediad at gymorth gydol oes ynghylch gyrfaoedd a chyflogadwyedd.

Eich Addysgu

Yn Abertawe, byddwch yn elwa o addysg o ansawdd uchel, sy'n seiliedig ar ymchwil, sy'n cyfuno ystod o ddulliau addysgu effeithiol a chynhwysol, wedi'u teilwra'n ofalus i weddu i anghenion eich cwrs. Addysgir y rhan fwyaf o gyrsiau wyneb yn wyneb, ar y campws, gan roi'r cyfle i chi ymgysylltu'n weithredol â myfyrwyr eraill, staff academaidd, a chymuned ehangach y brifysgol.

Gallwch ddisgwyl cymysgedd o ddarlithoedd, seminarau, gweithdai a sesiynau ymarferol - gan gynnwys gwaith labordy, hyfforddiant sgiliau, neu addysgu mewn stiwdio lle bo'n berthnasol i'ch disgyblaeth. Mae'r sesiynau hyn wedi'u cynllunio i annog cyfranogiad gweithredol, cydweithio, a datblygu sgiliau penodol i'r pwnc a sgiliau trosglwyddadwy.

Defnyddir offer dysgu digidol hefyd i wella'ch profiad dysgu. Gall y rhain gynnwys:

Darlithoedd wedi'u recordio i gefnogi astudio ac adolygu hyblyg.
Labordai rhithwir neu amgylcheddau wedi’u hefelychu, yn enwedig mewn gwyddoniaeth, gofal iechyd a disgyblaethau technegol.
Adnoddau ar-lein ar amgylchedd dysgu rhithwir y brifysgol (Canvas), gan gynnwys fideos, deunyddiau darllen, cwisiau a fforymau trafod.

Mae'r dull hwn yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

N.B. Os ydych chi'n fyfyriwr rhyngwladol sy'n astudio gyda Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn digwydd ar y campws.Yn unol â phrotocol Fisâu a Mewnfudo'r Deyrnas Unedig, bydd y sesiynau hyn yn cael eu monitro a bydd data ar gael ar gais.

Darpariaeth Gymraeg

O leiaf 80 credyd y flwyddyn

Mae'n bosib astudio 80 credyd neu fwy o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at fodiwlau a addysgir yn gyfan gwbl neu'n rhannol yn Gymraeg.
Tiwtor Personol Cymraeg ei iaith.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr, sef Tystysgrif Sgiliau Iaith Gymraeg y Coleg Cymraeg a CBAC.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi.

Cwrdd â'ch Darlithwyr

Caiff ein graddau eu haddysgu gan arbenigwyr sydd â gwybodaeth helaeth i'w rhannu â chi.

Gallwch ddysgu rhagor am ein harbenigedd academaidd ar ein tudalennau staff.

Ffioedd Dysgu

Dyddiad Dechrau	D.U.	Rhyngwladol
Medi 2025	£ 9,535	£ 19,300
Medi 2026	£ 9,790	£ 20,250

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Darllenwch y dudalen ganlynol am wybodaeth am Gynlluniau Cymhelliad Llywodraeth Cymru: Tystysgrif Addysg i Raddedigion (TAR)

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Teithio i ysgolion ac oddi yno.
I astudio TAR, bydd angen gwiriad manwl gan y Gwasanaeth Datgelu a Gwahardd, neu gymeradwyaeth gyfwerth.Gweler ein tudalen Arweiniad ar Gyflwyno Cais am DBS i gael mwy o fanylion.
Bydd angen i chi hefyd gwblhau holiadur iechyd sy'n rhan o'r broses addasrwydd i ymarfer fel athro. Mae'r holiadur yn galw am fewnbwn gan eich meddyg teulu ac efallai bydd yn codi tâl am y gwasanaeth hwn.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Sut i Wneud Cais

Mae’n rhaid cyflwyno pob cais am gwrs TAR Uwchradd drwy UCAS – cliciwch ar y botwm Ymgeisio ar frig y dudalen hon i ddechrau eich cais.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.