Nyrsio (Oedolion), BSc Ran-amser (Anrh)

Manylion Allweddol y Cwrs

BSc Ran-amser (Anrh) 4 Blynedd Rhan Amser

Dull Astudio: Dysgu Cyfunol
Cynnig Nodweddiadol (gweler dewisiadau arall): BBB-BCC
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2026	GIG

Trosolwg o'r Cwrs

Bydd ein gradd Nyrsio Oedolion, sydd wedi’i chydnabod yn rhyngwladol, yn rhoi’r sgiliau a’r profiad i chi i ddechrau gyrfa werth chweil yn y proffesiwn amrywiol a hanfodol hwn.

Gellir cyflwyno'r amrywiad rhan-amser hwn o'n rhaglen Nyrsio Oedolion naill ai ar ein Campws Parc Singleton, Abertawe neu ar ein Campws Parc Dewi Sant, Caerfyrddin, lle byddwch yn astudio am 3 diwrnod yr wythnos. Mae wedi'i anelu at Weithwyr Cymorth Gofal Iechyd presennol a bydd yn rhoi'r sgiliau a'r profiad sydd eu hangen arnoch chi i lansio gyrfa werth chweil yn y proffesiwn amrywiol a hanfodol hwn.

Dros gyfnod y rhaglen hon sydd wedi'i chymeradwyo gan y Cyngor Nyrsio a Bydwreigiaeth (NMC) a'i chomisiynu gan Addysg a Gwella Iechyd (AaGIC), byddwch yn dysgu am anghenion cyfannol pobl, o fod yn oedolion cynnar hyd at henoed.

Wrth i chi ddatblygu, byddwch yn meithrin y sgiliau i asesu, cynllunio, darparu, a gwerthuso gofal ar sail tystiolaeth er mwyn hyrwyddo iechyd a lles oedolion gyda chyflyrau cronig ac acíwt.

Wedi'i seilio ar athroniaeth gofal sy'n canolbwyntio ar y person, yn seiliedig ar dystiolaeth, ac yn cael ei yrru gan werthoedd, mae'r rhaglen yn pwysleisio tosturi, cynhwysiant, a phartneriaeth â phobl, teuluoedd, a chymunedau.

Ein nod yw datblygu ymarferwyr myfyriol ac atebol a all ymateb i anghenion iechyd cymhleth a newidiol cymdeithas a chyfrannu at wella canlyniadau iechyd yng Nghymru, y DU, ac yn rhyngwladol.

Mae tua hanner eich addysgu yn cynnwys dysgu yn y Brifysgol, a'r hanner arall ar ffurf lleoliadau gwaith gofal iechyd. Mae gennym berthnasoedd rhagorol â llawer o ddarparwyr gofal iechyd, felly bydd gennych fynediad at ystod eang o leoliadau gwaith ledled de-orllewin Cymru, a gynhelir yn y GIG a'r sector annibynnol, mewn ysbytai a lleoliadau cymunedol.

Pam astudio Nyrsio Oedolion ym Mhrifysgol Abertawe?

Mae gennym enw rhagorol am nyrsio, ac ar hyn o bryd rydym wedi ein rhestru:

3ydd yn y DU am Ragolygon Gyrfa (aseswyd o dan 'y Gwyddorau Biofeddygol', Guardian University Guide 2026)
4ydd safle yn y DU am Ansawdd Ymchwil (Complete University Guide 2026)
6ed yn y Deyrnas Unedig o ran Rhagolygon Graddedigion (Complete University Guide, 2026)
7fed yn y DU am Ragolygon Graddedigion (Times Good University Guide 2026)

Mae ein staff academaidd i gyd yn nyrsys, yn feddygon ac yn weithwyr proffesiynol perthynol i iechyd cymwysedig, y mae llawer ohonynt hefyd yn glinigwyr wrth eu gwaith, sy’n rhoi i chi gyfuniad eithriadol o drylwyredd damcaniaethol, dealltwriaeth broffesiynol, ac arbenigedd ymarferol.

Mae gennym gysylltiadau cryf â byrddau iechyd Cymru, gan gynnig cyfleoedd lleoliad gwaith clinigol i chi mewn amrywiaeth o leoliadau trefol a gwledig. Yn y cyfamser, mae'r ysbyty agosaf yn rhannu ffin â'n Campws Singleton.

Os ydych yn fyfyriwr o’r DU a gallwch ymrwymo i weithio yng Nghymru am ddwy flynedd ar ôl graddio, gallai eich ffïoedd dysgu gael eu talu’n llawn drwy Gynllun Bwrsariaethau GIG Cymru, a gallech gael cyllid cynhaliaeth a benthyciad cyfradd is gan Gyllid Myfyrwyr.

Ewch i dudalen we Cyllid y GIG i wirio a ydych yn gymwys i gael cyllid cyn cyflwyno cais.

Eich profiad ym maes Nyrsio Oedolion

Mae ein rhaglen nyrsio wedi'i chynllunio'n bwrpasol i ddatblygu nyrsys diogel, effeithiol a thosturiol sy'n barod ar gyfer realiti amgylcheddau gofal iechyd modern, amlddisgyblaethol.

Bydd gennych fynediad at gyfleusterau rhagorol, gan gynnwys ystafell glinigol realistig i chi roi eich gwybodaeth ddamcaniaethol ar waith mewn amgylchedd sy'n adlewyrchu mor agos â phosibl, yr amodau go iawn y byddwch chi’n cael profiad ohonynt ar leoliad mewn ysbyty neu leoliad cymunedol.

Mae myfyrwyr nyrsio hefyd yn elwa o gael mynediad at SUSIM ar ein campysau yn Abertawe a Chaerfyrddin; Y gosodiad mwyaf o dechnoleg wal ymdrochol yn y byd. Mae'r cyfleuster unigryw hwn yn golygu bod gennych chi y gallu i ymarfer sgiliau allweddol a gwaith tîm mewn amrywiaeth o senarios bywyd go iawn efelychiedig.

Gyrfa Nyrsio

Mae'r rhaglen hon yn cynnig sylfaen gref ar gyfer gyrfa gydol oes mewn nyrsio, boed mewn gofal cleifion uniongyrchol, rolau clinigol uwch, arweinyddiaeth, addysg neu ymchwil. Mae graddedigion yn hynod gyflogadwy, gyda chyfleoedd i weithio'n lleol, yn genedlaethol neu'n rhyngwladol.

Ar ôl graddio, byddwch yn gymwys i wneud cais am statws Nyrs (oedolion) Gofrestredig gyda'r Cyngor Nyrsio a Bydwreigiaeth (NMC), ac i gofrestru fel nyrs i weithio yn yr UE a’r AEE.

Bydd myfyrwyr y DU hefyd yn gallu cael mynediad at gyllid y GIG i dalu cost hyfforddiant. Bydd angen i'r rhai hynny sy'n cael y fwrsariaeth ymrwymo i weithio yng Nghymru yn y sectorau iechyd a gofal cymdeithasol cyhoeddus/preifat/annibynnol am hyd at ddwy flynedd ar ôl cofrestru gyda'r Cyngor Nyrsio a Bydwreigiaeth.

Mae Partneriaeth Cydwasanaethau GIG Cymru (NWSSP), mewn cytundeb â byrddau iechyd GIG Cymru a phrifysgolion ledled Cymru, wedi datblygu ac yn rheoli proses baru o dan y Cynllun Symleiddio Myfyrwyr. Ar ddiwedd eich rhaglen, byddwch yn gallu gwneud cais am swyddi gwag ledled Cymru drwy'r cynllun.

You can expect a starting salary of £28,407 rising to £57,349 for a highly experienced staff nurse. Specialist nurses and practice managers can earn £50,056.

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Blwyddyn 1 (Lefel 4)

FHEQ 4 Undergraduate / HECert

Mae myfyrwyr yn dewis 120 o gredydau o'r opsiynau canlynol:

Heb ddod o hyd i un

Modiwlau Opsiynol

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Introduction to nursing and health care (Adult)	Academic Year	40	SHN173
Cyflwyniad i Nyrsio a Gofal Iechyd (Oedolyn)	Academic Year	40	SHN173C

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Understanding health and Illness (Adult)	Academic Year	40	SHN174
Deall iechyd a salwch (Oedolion)	Academic Year	40	SHN174C

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Contexts of Care (Adult)	Academic Year	40	SHN175
Cydestunau o Ofal (Oedolion)	Academic Year	40	SHN175C

Blwyddyn 2 (Lefel 5)

FHEQ 5 Undergraduate / HEDip

Mae myfyrwyr yn dewis 120 o gredydau o'r opsiynau canlynol:

Heb ddod o hyd i un

Modiwlau Opsiynol

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Acute Care (Adult)	Academic Year	40	SHN2010
Gofal Aciwt Rhan-Amser (Oedolyn)	Academic Year	40	SHN2010C

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Care of the Person with a Long Term Condition and Palliative Care Needs (Adult)	Academic Year	40	SHN2011
Gofal yr Unigolyn a Chyflwr Tymor Hir ac Anghenion Gofal Lliniarol (Oedolyn)	Academic Year	40	SHN2011C

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Ensuring Quality Care (Adult)	Academic Year	40	SHN2012
Sicrhau Gofal o Safon (Oedolyn)	Academic Year	40	SHN2012C

Blwyddyn 3 (Lefel 6)

FHEQ 6 Undergraduate / Honours

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Practice and theory hours requirement	Academic Year	0	SHG3127

Modiwlau Opsiynol

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Care of the Adult with Complex Needs (Adult)	Academic Year	40	SHN3096
Gofal yr Oedolyn ag Anghenion Cymhleth (Oedolyn)	Academic Year	40	SHN3096C

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Advancing Nursing Practice (Adult)	Academic Year	40	SHN3097
Ymarfer Nyrsio Uwch (Oedolyn)	Academic Year	40	SHN3097C

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Preparation for professional practice (Adult)	Academic Year	40	SHN3098
Paratoi ar gyfer ymarfer proffesiynol (Oedolion)	Academic Year	40	SHN3098C

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Eich Addysgu

Yn Abertawe, byddwch yn elwa o addysg o ansawdd uchel, sy'n seiliedig ar ymchwil, sy'n cyfuno ystod o ddulliau addysgu effeithiol a chynhwysol, wedi'u teilwra'n ofalus i weddu i anghenion eich cwrs. Addysgir y rhan fwyaf o gyrsiau wyneb yn wyneb, ar y campws, gan roi'r cyfle i chi ymgysylltu'n weithredol â myfyrwyr eraill, staff academaidd, a chymuned ehangach y brifysgol.

Gallwch ddisgwyl cymysgedd o ddarlithoedd, seminarau, gweithdai a sesiynau ymarferol - gan gynnwys gwaith labordy, hyfforddiant sgiliau, neu addysgu mewn stiwdio lle bo'n berthnasol i'ch disgyblaeth. Mae'r sesiynau hyn wedi'u cynllunio i annog cyfranogiad gweithredol, cydweithio, a datblygu sgiliau penodol i'r pwnc a sgiliau trosglwyddadwy.

Defnyddir offer dysgu digidol hefyd i wella'ch profiad dysgu. Gall y rhain gynnwys:

Darlithoedd wedi'u recordio i gefnogi astudio ac adolygu hyblyg.
Labordai rhithwir neu amgylcheddau wedi’u hefelychu, yn enwedig mewn gwyddoniaeth, gofal iechyd a disgyblaethau technegol.
Adnoddau ar-lein ar amgylchedd dysgu rhithwir y brifysgol (Canvas), gan gynnwys fideos, deunyddiau darllen, cwisiau a fforymau trafod.

Mae'r dull hwn yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

N.B. Os ydych chi'n fyfyriwr rhyngwladol sy'n astudio gyda Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn digwydd ar y campws.Yn unol â phrotocol Fisâu a Mewnfudo'r Deyrnas Unedig, bydd y sesiynau hyn yn cael eu monitro a bydd data ar gael ar gais.

Darpariaeth Gymraeg

O leiaf 40 credyd y flwyddyn

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at fodiwlau a addysgir yn gyfan gwbl neu'n rhannol yn Gymraeg.
Tiwtor Personol Cymraeg ei iaith.
Cefnogaeth un i un yn y Gymraeg i wella eich sgiliau academaidd.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr, sef Tystysgrif Sgiliau Iaith Gymraeg y Coleg Cymraeg a CBAC.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi.

Achrediad Corff Proffesiynol

Achrededig gan y Cyngor Nyrsio a Bydwreigiaeth

Cwrdd â'ch Darlithwyr

Caiff ein graddau eu haddysgu gan nyrsys, meddygon a gweithwyr proffesiynol i iechyd cymwysedig, sydd â gwybodaeth helaeth i'w rhannu â'n myfyrwyr.

Gallwch ddarllen mwy am ein harbenigedd academaidd ar ein tudalennau staff.

Ffioedd Dysgu

Dyddiad Dechrau	D.U.	Rhyngwladol
Medi 2025	GIG
Medi 2026	GIG

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Please see our NHS Funding webpage to check your eligibility for funding before applying.

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Os ydych chi'n fyfyriwr rhyngwladol, bydd angen i chi dalu ffi am elfennau lleoliad gwaith ymarferol y cwrs. Y ffi ymarfer clinigol yw £2,500 y flwyddyn.

*Bydd ffïoedd myfyrwyr rhyngwladol israddedig amser llawn yn cynyddu 3% ar gyfer pob blwyddyn astudio ddilynol.

Gyrfaoedd a Chyflogadwyedd

Mae'r Tîm Gyrfaoedd a Chyflogadwyedd yn cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Ar ôl graddio o Brifysgol Abertawe, gallwch gael mynediad at gymorth gydol oes ynghylch gyrfaoedd a chyflogadwyedd.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Rydym am gefnogi datblygiad eich cymhwysedd wrth ddefnyddio cyfryngau digidol, gwella eich dysgu, ymgysylltu â thechnolegau mewn ymarfer clinigol, a'ch amddiffyn eich hun a'r proffesiwn pan fyddwch ar-lein.

Dysgwch ragor am sut rydym yn ymgorffori llythrennedd digidol yn y cwricwlwm nyrsio.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Sut i Wneud Cais

E-bost: chhsadmissions@swansea.ac.uk

Fel rheol, trefnir cost trwy gontract addysg bwrdd Iechyd lleol sydd wedi eich cyflogi fel HCSW. Cysylltwch â'ch arweinydd addysgol yn eich bwrdd iechyd.

Gwahoddir ymgeiswyr cymwys i gyfweliad a chynhelir cyfweliadau ar gyfer y cwrs hwn trwy Zoom. Edrychwch ar ein Awgrymiadau Cyfweld am ragor o wybodaeth am yr hyn i'w ddisgwyl.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Sut i Wneud Cais

E-bostiwch chhsadmissions@swansea.ac.uk neu ffoniwch 01792 518531

Fel arfer, trefnir y gost trwy gontract addysg gydag ABMU a HDUHB os byddwch yn dilyn proses absenoldeb astudio'r bwrdd iechyd. Os ydych chi y tu allan i'r bwrdd iechyd, bydd angen i chi sicrhau arian gan eich cyflogwr i wneud cais am y cwrs.