Trosolwg o'r Cwrs
Gyda'n gradd Ieithoedd Modern, Cyfieithu a Chyfieithu ar y Pryd newydd gyda blwyddyn dramor, gallwch ddysgu dwy iaith, ynghyd â chyfieithu a chyfieithu ar y pryd, sy'n agor drysau i yrfaoedd posib cyffrous ym mhedwar ban byd.
Yn ogystal â datblygu eich sgiliau iaith mewn Ffrangeg, Almaeneg neu Sbaeneg, byddwch yn datblygu gwybodaeth a sgiliau ymarferol i'ch paratoi at ddyfodol ym maes cyfieithu neu gyfieithu ar y pryd.
Gallwch astudio Ffrangeg a Sbaeneg ar ôl lefel A ac o lefel dechreuwyr. Gallwch hefyd ddewis dysgu Almaeneg o lefel dechreuwyr, naill ai mewn cyfuniad â Ffrangeg neu Sbaeneg uwch, neu ar ei ben ei hun. Mae posibilrwydd i fyfyrwyr sy'n dymuno ehangu eu hystod o ieithoedd astudio modiwlau rhagarweiniol mewn Catalaneg, Eidaleg a Phortiwgaleg.
Byddwch hefyd yn treulio blwyddyn dramor, yn astudio mewn un o'n sefydliadau partner â rhaglenni cyfieithu a chyfieithu ar y pryd rhagorol. Dyma gyfle cyffrous a gwerthfawr a fydd yn cryfhau eich profiad fel myfyriwr a'ch rhagolygon gyrfa.