1. Hafan
  2. Israddedig
  3. Cyrsiau Israddedig
  4. Cyrsiau Israddedig y Gyfraith
  5. Y Gyfraith gyda Gwleidyddiaeth gyda Blwyddyn Sylfaen, LLB (Anrh)

Y Gyfraith gyda Gwleidyddiaeth gyda Blwyddyn Sylfaen, LLB (Anrh)

Darganfyddwch Abertawe yn ein Diwrnod Agored nesaf

Cadwch le heddiw
students at the school of law

Trosolwg o'r Cwrs

Mae'r radd LLB y Gyfraith gyda Gwleidyddiaeth ym Mhrifysgol Abertawe yn rhaglen arbenigol sy'n cyfuno astudio'r gyfraith ag archwiliad manwl o systemau gwleidyddol, llywodraethiant a deinameg pŵer.  

Wedi'i seilio ar ymrwymiad i ragoriaeth academaidd, ac wedi'i llywio gan ymchwil, mae'r rhaglen yn cyfuno damcaniaeth ac ymarfer, gan eich galluogi i gael dealltwriaeth fanwl o sut mae fframweithiau cyfreithiol yn gweithredu mewn cyd-destunau gwleidyddol, cymdeithasol ac economaidd ehangach, wrth archwilio'n feirniadol rôl y gyfraith wrth lunio llywodraethiant a pholisi cyhoeddus.

Byddwch yn datblygu dealltwriaeth gynhwysfawr o sylfeini gwybodaeth gyfreithiol, gan gynnwys Cyfraith Contractau, Cyfraith Camwedd, Cyfraith Droseddol, Cyfraith Gyhoeddus, Cyfraith Tir, Ecwiti ac Ymddiriedau, a Chyfraith yr UE. Mae'r pynciau craidd hyn yn bodloni cam academaidd yr hyfforddiant sydd ei angen gan Fwrdd Safonau'r Bar, ac yn cynnig sylfaen gref i'r rhai hynny sy'n dymuno sefyll Arholiadau Cymhwyso Cyfreithwyr.

Wrth i chi symud ymlaen, gallwch ddatblygu arbenigedd mewn pynciau gwleidyddol fel gwleidyddiaeth amgylcheddol fyd-eang a pholisi cyhoeddus Prydain, gan eich galluogi i ddilyn eich diddordebau wrth ddatblygu arbenigedd ar draws dwy ddisgyblaeth gyflenwol.

Pam y Gyfraith gyda Gwleidyddiaeth gan gynnwys Blwyddyn Sylfaen yn Abertawe?

Fel myfyriwr yn Ysgol y Gyfraith, byddwch yn rhan o gymuned academaidd gefnogol lle mae eich llais yn bwysig. Mae tîm y rhaglen yn gweithio mewn partneriaeth â'n myfyrwyr i lunio dulliau addysgu a dylunio'r cwricwlwm, gan sicrhau bod eich dysgu yn parhau i fod yn arloesol ac yn ymatebol i'ch anghenion.

Byddwch yn cael lefel uchel o gymorth personol drwy gydol eich taith er mwyn darparu'r cyfleoedd gorau posibl i chi lwyddo. Mae hyn yn cynnwys tiwtoriaid personol ymroddedig, rhaglen sefydlu wedi'i chynllunio'n ofalus, gweithdai datblygu sgiliau, cyngor a chymorth cyflogadwyedd parhaus, ac ystod o weithgareddau allgyrsiol.

Mae gan Brifysgol Abertawe enw da sefydledig sy’n parhau i ddatblygu ym maes addysgu ac ymchwil y gyfraith. Mae Ysgol y Gyfraith yn cael ei chydnabod fel ffynhonnell arbenigedd, ac fel un sy'n cael effaith ar bolisi ac ymarfer mewn ystod amrywiol o feysydd.

Mae Adran y Gyfraith yn Abertawe yn y safleoedd canlynol ar hyn o bryd:

  • Un o’r 125 o Adrannau Gorau yn y Byd (Safleoedd Prifysgolion y Byd The Times Higher Education yn ôl Pwnc 2026)
  • Mae ymhlith 101-150 prifysgol orau’r byd (Safleoedd Prifysgolion y Byd yn ôl Pwnc QS 2025)

Hefyd, mae Gwleidyddiaeth ym Mhrifysgol Abertawe yn y safleoedd canlynol:

  • Un o'r 15 adran orau yn y DU am Ganlyniadau Graddedigion (Complete University Guide 2026)

Eich Profiad o'r Gyfraith gyda Gwleidyddiaeth gan gynnwys Blwyddyn

Mae ein rhaglenni Y Gyfraith gyda Gwleidyddiaeth yn rhoi pwyslais cryf ar eich arfogi â'r sgiliau angenrheidiol ar gyfer bywyd proffesiynol. Mae'r cwricwlwm wedi'i gynllunio'n ofalus i adlewyrchu tirwedd ddatblygol addysg gyfreithiol, gan gynnwys y newidiadau a gyflwynwyd gan yr Arholiad Cymhwyso Cyfreithwyr (SQE), wrth gynnal gwerth gradd draddodiadol yn y gyfraith.

Byddwch yn datblygu ystod eang o sgiliau, megis ysgrifennu cyfreithiol, cyflwyno ar lafar a datrys problemau, ac mae cynnwys asesiadau cwestiynau amlddewis (MCQ), sy'n nodwedd allweddol o'r SQE, yn sicrhau eich bod yn barod ar gyfer gofynion proffesiynol cyfoes.

Mae cyfleoedd i gael profiad yn y byd go iawn wedi'u hymgorffori drwy gydol y radd, gan gynnwys cymryd rhan yng Nghlinig y Gyfraith, lle gallwch gynnig cyngor i gleientiaid dan oruchwyliaeth, ac mae cyfleoedd i gymryd rhan mewn cystadlaethau ffug lys barn, negodi a chyfweld â chleientiaid.

Mae'r LLB yn rhoi cyflwyniad trylwyr i chi i sylfeini gwybodaeth gyfreithiol, wrth greu'r hyblygrwydd sy'n eich galluogi i deilwra'ch astudiaethau i'ch diddordebau a'ch uchelgeisiau chi, a all gynnwys ystod o sectorau oherwydd amrywiaeth y modiwlau sydd ar gael.

Ar draws pob un o'ch tair blynedd, byddwch yn astudio pynciau ar sylfeini'r gyfraith, gan roi sylfaen hanfodol i chi yn y maes hwn. Mae hyn yn cael ei ategu drwyddi draw gan ddamcaniaeth wleidyddol, yn ddwysach wrth i chi symud ymlaen drwy eich gradd. Mae eich blwyddyn olaf yn caniatáu ichi ddewis o ystod eang o fodiwlau dewisol, gan eich galluogi i lunio eich dysgu eich hun o amgylch eich diddordebau a'ch uchelgeisiau chi.

Mae'r rhaglen hon yn cynnwys cyfleoedd i  dreulio Blwyddyn Dramor mewn lleoliadau megis Gogledd America, Ewrop neu Ddwyrain Asia, gan wella eich dysgu a chynnig profiad bywyd amhrisiadwy.

Os ydych chi'n poeni am fodloni ein gofynion mynediad, beth am ystyried y radd LLB Y Gyfraith gyda Gwleidyddiaeth gyda Blwyddyn Sylfaen. Mae'r Flwyddyn Sylfaen yn rhoi cyflwyniad cyffrous i chi i Addysg Uwch, yn rhoi'r sgiliau, yr hyder a'r wybodaeth y mae eu hangen arnoch chi i fod yn llwyddiannus yn eich gradd israddedig. Mae'n ddelfrydol os bydd angen ychydig mwy o gymorth arnoch chi ar ôl addysg bellach neu os ydych yn dychwelyd i fyd addysg ar ôl blynyddoedd lawer. Bydd y Flwyddyn Sylfaen (lefel 3) yn cael ei chyflwyno gan Y Coleg, Prifysgol Abertawe ar Gampws y Bae.  Bydd blynyddoedd 2-4 (lefelau 4-6) yn cael eu cyflwyno gan Ysgol y Gyfraith ar Gampws Singleton.

Os hoffech gwblhau gradd LLB 4 blynedd gyda blwyddyn yn ymarfer, ewch i dudalen ein cwrs LLB Y Gyfraith ar Waith gyda Gwleidyddiaeth.

Cyfleoedd Cyflogaeth Y Gyfraith gyda Gwleidyddiaeth gyda Blwyddyn Sylfaen

Mae'r rhaglen wedi'i chynllunio gyda chyflogadwyedd wrth ei gwraidd. Byddwch yn cael cyfle i feithrin sgiliau ymarferol mewn ymchwil gyfreithiol, eiriolaeth a negodi, yn ogystal â chyfathrebu'n ysgrifenedig ac ar lafar drwy gymryd rhan mewn seminarau a dysgu drwy brofiad.

Mae gan Ysgol y Gyfraith ym Mhrifysgol Abertawe nifer o gysylltiadau yn y proffesiwn cyfreithiol, ac mae rhaglenni profiad ar gael ar gyfer lleoliadau haf mewn Cwmnïau Cyfreithwyr, Siambrau Bargyfreithwyr a phroffesiynau cysylltiedig. Rydym hefyd yn rhannu cyfleoedd cyflogadwyedd drwy ein platfformau mewnol ac ar ein tudalen LinkedIn i raddedigion, i'ch cefnogi i sicrhau cyflogaeth.

Ym mhob semester, rydym yn cynnal 'diwrnod asesu', i'ch galluogi i ymarfer eich sgiliau drafftio CV, cyfweld a datrys problemau. Rydym hefyd yn cynnal digwyddiad 'gyrfaoedd ychwanegol' bob blwyddyn i'ch galluogi i archwilio rhagolygon gyrfa eraill y tu allan i'r llwybrau traddodiadol sef Cyfreithiwr neu Fargyfreithiwr.

Cynhelir darlithoedd gwadd a gweithdai allgyrsiol drwy gydol y flwyddyn. Mae'r rhain yn cael eu cyflwyno gan Gyfreithwyr a Bargyfreithwyr, a sefydliadau fel Comisiwn y Gyfraith, gan roi mewnwelediadau gyrfa amhrisiadwy i chi, ac yn eich cysylltu ag aelodau allweddol o'r proffesiwn.

Mae graddedigion yn mynd ymlaen i weithio yn y proffesiwn cyfreithiol, gan gynnwys fel cyfreithwyr, bargyfreithwyr neu gynorthwywyr cyfreithiol. Mae cyrchfannau graddedigion nodweddiadol eraill yn cynnwys rolau mewn:

  • Llywodraeth a gwleidyddiaeth
  • Sefydliadau dyngarol
  • Busnes
  • Y Cyfryngau a Chysylltiadau Cyhoeddus, a
  • Gwasanaethau Cyhoeddus

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Ymgeisio Cadwch Mewn Cysylltiad

Darganfyddwch eich prifysgol

Ewch ar rithdaith

Two students walking around campus

Prosbectws Israddedig

Prosbectws Israddedig

Astudio trwy'r Gymraeg

welsh medium

Sgwrsiwch â Myfyriwr Cyfredol

Dau fyfyriwr wrth gyfrifiadur
Cynigion wedi'u gwarantu*
Ymwadiad Rhaglen

Y Gyfraith gyda Gwleidyddiaeth gyda Blwyddyn Sylfaen, LLB (Anrh)