Cyfraith - Uwch Statws, LLB (Hons)

Strwythur modiwlau LLB y Gyfraith (Statws Uwch).

Mae'ch blwyddyn gyntaf yn cynnwys modiwlau gorfodol sy'n cynnwys saith maes craidd gradd cymhwyso yn y gyfraith. Rydych chi'n parhau i astudio'r modiwlau craidd hyn yn yr ail flwyddyn, ynghyd â nifer o fodiwlau dewisol.

Mae gennym leoedd gwag ar draws amrywiaeth o bynciau ar gyfer mynediad ym Medi 2020 - cysylltwch â ni drwy e-bostio ynghylch gofynion mynediad cyrsiau penodol neu ffoniwch 0800 094 9071.

Rydym hefyd yn croesawu ymholiadau gan ymgeiswyr sy’n ymchwilio i ddechrau cwrs yn 2021 - gweler ein Tudalen Gofynion Mynediad i gael gwybod am ystodau cynnig nodweddiadol, e-bostiwch ni neu ffoniwch 01792 295111.

Cynhelir Bloc Addysgu 1 (BA1) o fis Medi tan fis Ionawr ac yn ystod y bloc hwn eleni caiff y cwrs hwn ei addysgu mewn ffordd ‘gyfunol’. Golyga hyn y cyflwynir rhywfaint o’r addysgu ar-lein a rhywfaint ohono ar y campws. Gall yr addysgu ar-lein, lle byddwch chi ar wahân i’ch darlithydd yn gorfforol, fod yn ‘fyw’ gyda’ch darlithydd yn bresennol a lle bydd modd i chi ryngweithio. Gall rhywfaint ohoni fod yn hunan-gyfeiriedig sy’n golygu y gallwch chi gyrchu’r deunyddiau dysgu ar adeg sy’n gyfleus i chi. 

Ar y Campws – Yn Fyw

• Rhaglenni sgiliau academaidd
• Cyfarfodydd mentora academaidd (ar yr amod bod modd cadw pellter cymdeithasol a bod staff ar gael)

Ar-lein – Yn Fyw

• Sesiynau sefydlu
• Sesiynau wythnosol mewn grwpiau mawr gyda thimau modiwlau (e.e. i adolygu deunyddiau/ymdrin â chwestiynau/gweithio drwy gwestiynau ymarfer ac yn y blaen)
• Seminarau mewn grwpiau bach ar gyfer pob modiwl, bob yn ail wythnos
• Rhaglen sgiliau academaidd
• Cyfarfodydd mentora academaidd

Ar y Campws – Hunan-gyfeiriedig

• Darllen dan gyfarwyddyd
• Paratoi ar gyfer darlithoedd
• Paratoi ar gyfer seminarau
• Cwisiau
• Cwestiynau hunan-brofi

Ar-lein – Hunan-gyfeiriedig

• Darlithoedd wedi’u recordio
• Cwisiau
• Cwestiynau hunan-brofi
• Gallai gweithgareddau ychwanegol gynnwys, er enghraifft:
• Blogiau/Flogiau

Mae hawl gennych i ysgrifennu a chyflwyno eich gwaith cwrs ac i sefyll eich arholiadau yn y Gymraeg, hyd yn oed os ydych wedi dewis dilyn modiwlau cyfrwng Saesneg. Hefyd mae’n bosib i chi ddewis cael cyfweliad trwy gyfrwng y Gymraeg wrth ymgeisio am le.

Gallwch astudio o leiaf 40 credyd o’r cwrs hwn drwy gyfrwng y Gymraeg. Bydd parhau i astudio trwy’r Gymraeg wedi i chi adael yr ysgol neu’r coleg yn ddatblygiad naturiol i chi ac yn fodd o sicrhau eich cyfle i gael yr addysg orau. Bydd hefyd yn ychwanegiad gwerthfawr i’ch CV a’ch datblygiad gyrfaol. Mae cyfleoedd ar gael i fyfyrwyr sy’n rhugl ac yn hyderus yn yr iaith yn ogystal ag i’r rhai sy’n llai hyderus neu sy’n ddysgwyr. Mae’n bosibl hefyd ddewis dosbarthiadau seminar a thiwtorial cyfrwng Cymraeg ar gyfer modiwlau sy’n cael eu dysgu yn bennaf drwy gyfrwng y Saesneg.

Mae ysgoloriaethau a bwrsariaethau ar gael i fyfyrwyr sy’n dewis astudio 40 credyd neu fwy trwy gyfrwng y Gymraeg. Ewch i’r dudalen Ysgoloriaethau am wybodaeth bellach.

Mae pob un o’r rhaglenni israddedig y Gyfraith yn raddau cymhwyso yn y gyfraith sy’n rhoi sylw i seilwaith gwybodaeth gyfreithiol fel a nodir gan Awdurdod Rheoli Cyfreithwyr a Bwrdd Safonau’r Bar.

Arbenigwyr sy’n addysgu eich graddau cymhwyso yn y Gyfraith, y mae rhai ohonynt yn ymarferwyr cyfreithiol profiadol ac y mae ganddynt oll gyfoeth o wybodaeth gyfreithiol i’w throsglwyddo i’n myfyrwyr.

Rydym yn cynnig safbwynt unigryw ar astudio'r gyfraith oherwydd bod ein Pennaeth Ysgol, yr Athro Elwen Evans CF, yn gyfreithiwr arweiniol sy'n ceisio pontio'r bwlch rhwng academia ac ymarfer, heddiw ac yn y dyfodol!

Gallwch gael rhagor o wybodaeth am ein harbenigedd academaidd ar y tudalennau staff.

Y ffioedd dysgu blynyddol ar gyfer blwyddyn academaidd 2020/21 fydd:

Gellir codi ffioedd myfyrwyr Israddedig y DU/UE llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

CYFLOGADWYEDD YN YSGOL Y GYFRAITH

Mae Ysgol y Gyfraith yn mynd ati'n rhagweithiol i ehangu cyflogadwyedd raddedigion, gyda Swyddog Cyflogadwyedd a Lleoliadau pwrpasol. Mae'r Ysgol yn cynnig lleoliadau a chyrsiau proffesiynol eang, yn lleol, yn genedlaethol ac yn rhyngwladol, yn ogystal â chyngor a chymorth i'ch helpu i ddatblygu eich sgiliau a chyflawni eich amcanion.

I ddysgu rhagor ewch i'n tudalen we cyflogadwyedd.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae Mentor Academaidd yn cael ei neilltuo i bob myfyriwr, i’w helpu o safbwynt:

• Arweiniad Academaidd
• Cynllunio Datblygiad Personol
• Arweiniad wrth gael help gyda phroblemau personol (sy’n effeithio ar eich lles, presenoldeb, a chynnydd yn y Brifysgol)

Mae cynrychiolwyr myfyrwyr ym mhob blwyddyn o’n rhaglen y Gyfraith yn ogystal â chynrychiolwyr yr Ysgol ar gyfer myfyrwyr israddedig. Mae gan yr ysgol hefyd Swyddfa Gwybodaeth i Fyfyrwyr bwrpasol sy’n gallu cynnig arweiniad academaidd gydol eich astudiaethau.

Efallai bod gennych eisoes y cyfle i astudio neu weithio dramor fel rhan o’ch gradd, ond gallwch hefyd ystyried rhaglen haf ryngwladol.

Mae'r rhaglenni ar agor i fyfyrwyr israddedig y Brifysgol ac ymhlith yr opsiynau mae teithiau astudio a diwylliannol, rhaglenni gwirfoddoli ac interniaethau ledled gwledydd tramor fel Tsieina, Sambia, De Corea, Siapan, Ewrop a Chanada. Fel rheol, mae rhaglenni dros gyfnod o 2 – 6 wythnos ac mae cyllid ar gael. Am fwy o wybodaeth ewch i Rhaglenni Haf.

Gwnewch gais nawr - myfyrwyr y DU, UE a rhyngwladol.

Am fwy o wybodaeth gweler ein Canllaw Clirio.

Cymdeithasau Myfyrwyr

Gallwch gwrdd â'ch cydfyfyrwyr a chymryd rhan mewn amrywiaeth o gyfleoedd cymdeithas drwy ymuno â Chymdeithas y Gyfraith Myfyrwyr neu Gymdeithas y Bar Myfyrwyr, y maent oll yn cael eu cynnal i fyfyrwyr gan fyfyrwyr.

Manylion Cyswllt

Am ragor o fanylion am astudiaethau LLB israddedig, cysylltwch â:

Ms Jess Hammett (Swyddog Recriwtio)  
Ffôn: +44 (0)1792 606341
E-bost: Jess

Dr Patrick Bishop (Pennaeth Derbyn Myfyrwyr Israddedig y Gyfraith) 
E-bost: Patrick

Ymholiadau cyffredinol:
Rhif Ffôn: +44 (0)1792 295831
E-bost: Astudio

For EU/International Enquiries: 
Rhif Ffôn: +44 (0)1792 602600
E-bost: Rhyngwladol