Ran-amser Gwyddor Gofal Iechyd (Peirianneg Adsefydlu), BSc (Anrh)

Manylion Allweddol y Cwrs

Côd UCAS: B1FP
Dull Astudio: Dysgu Cyfunol
Cynnig Nodweddiadol (gweler dewisiadau arall): HECert
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2026	GIG

Trosolwg o'r Cwrs

Mae ein gradd BSc ran-amser (Anrh) Gwyddor Gofal Iechyd (Peirianneg Feddygol) wedi'i chynllunio'n benodol ar gyfer unigolion sy'n cael eu cyflogi yn y GIG. Mae'r rhaglen yn darparu'r hyfforddiant arbenigol sy'n ofynnol i ddatblygu gyrfa foddhaus a hynod fedrus fel peiriannydd meddygol. Fel ymarferydd, bydd gennych rôl ymarferol gyda dyfeisiau meddygol, gan weithio gydag amrywiaeth eang o gyfarpar a ddefnyddir yn gyffredin mewn ysbytai. Gallwch hefyd ddewis arbenigo mewn meysydd penodol, megis cyfarpar arennol neu radiotherapi.

Drwy gydol y rhaglen, byddwch yn dysgu am gylch oes llawn cyfarpar meddygol, o brofi am dderbynioldeb a rhoi dyfeisiau newydd ar waith i gynghori clinigwyr ar ddefnydd cywir, ymdrin â materion ynghylch diogelwch cleifion a rheoli prosesau i gael gwared â hen gyfarpar. Byddwch yn cyfuno astudiaethau academaidd manwl â phrofiad clinigol a thechnolegol ymarferol mewn amgylcheddau gofal iechyd arbenigol. Byddwch yn astudio ar lefelau FHEQ 5 a 6 dros dair blynedd, gan gyfuno dysgu academaidd â phrofiad helaeth sy'n seiliedig ar ymarfer yn eich rôl bresennol yn y GIG.

Mae peirianneg feddygol yn faes amrywiol sy'n datblygu'n barhaus. Byddwch yn rhoi gwybodaeth o beirianneg electronig a mecanyddol ar waith i asesu, cynnal a chadw, addasu ac, mewn rhai achosion, helpu i ddylunio dyfeisiau meddygol a ddefnyddir mewn triniaeth a diagnosis cleifion.

Fel dysgwr cyflogedig, byddwch yn elwa o ddysgu drwy ymarfer yn eich bwrdd iechyd eich hun, â chymorth un diwrnod a hanner o absenoldeb astudio yr wythnos. Mae un diwrnod llawn yn cael ei ddynodi i addysgu dan arweiniad y brifysgol, a hanner diwrnod ychwanegol ar gyfer gwaith aseiniadau a datblygu portffolio. Mae Addysg a Gwella Iechyd Cymru (AaGIC) yn rhoi cymorth ariannol i fyrddau iechyd drwy daliadau ôl-lenwi ar fand canol pwynt 4 i hwyluso eich cyfranogiad yn y rhaglen.

PAM PEIRIANNEG FEDDYGOL YN ABERTAWE?

Mae astudio Gofal Iechyd (Peirianneg Feddygol) yn Abertawe yn golygu dysgu mewn amgylchedd sydd wedi'i ddylunio i gefnogi eich datblygiad academaidd a'ch paratoad proffesiynol. Mae ein partneriaethau cryf â byrddau iechyd y GIG ledled Cymru yn sicrhau amgylchedd dysgu sy'n adlewyrchu ymarfer clinigol go iawn ac yn cefnogi'n llawn ddilyniant gyrfa yn y gwasanaeth iechyd.

Byddwch yn elwa o ddysgu cyfunol wedi'i gynllunio o amgylch eich ymrwymiadau cyflogaeth, gyda chymysgedd o gyflwyno o bell, adnoddau ar-lein ac wythnosau sgiliau clinigol ar y campws. Cynhelir y sesiynau addysgu ar ein campws ym Mharc Singleton a chant eu hategu gan fynediad at gyfleusterau rhagorol, gan gynnwys Canolfan Efelychu a Dysgu Ymdrochol Prifysgol Abertawe (SUSiM), labordai clinigol arbenigol ac offer digidol fel systemau realiti rhithwir.

Byddwch yn cael eich addysgu a'ch cefnogi gan ein staff academaidd profiadol, y mae llawer ohonynt yn wyddonwyr gofal iechyd wrth eu gwaith. Mae eu cyfuniad o arbenigedd gwyddonol a dealltwriaeth broffesiynol yn golygu y byddwch chi'n dysgu gan bobl sy'n deall realiti peirianneg feddygol ac anghenion datblygol cleifion a gwasanaethau.

EICH PROFIAD PEIRIANNEG FEDDYGOL

Yn ystod eich astudiaethau rhan-amser, byddwch chi'n cael profiad o gymysgedd cyfoethog o addysgu academaidd, clinigol ac ymarferol i ddatblygu eich hyder a’ch parodrwydd proffesiynol fel peiriannydd meddygol. Mae'r rhaglen yn cyfuno damcaniaeth a addysgir â dysgu sy'n seiliedig ar ymarfer eang, gan eich galluogi i roi egwyddorion peirianneg ar waith yn uniongyrchol i ddatrys heriau gofal iechyd go iawn.

Byddwch yn mynychu'r brifysgol am un diwrnod yr wythnos, a cheir hanner diwrnod ychwanegol o amser astudio gwarchodedig wedi'i gefnogi gan eich cyflogwr. Cynhelir tua 75% o'r sesiynau addysgu o bell, wedi'u hategu gan gyfnodau ar y campws fesul semester, lle byddwch yn datblygu sgiliau clinigol a thechnegol ymarferol, yn cymryd rhan mewn gweithgareddau efelychu ac yn rhyngweithio â chyd-fyfyrwyr ar draws y gyfres o raglenni Gwyddor Gofal Iechyd.

GYRFAOEDD MEWN PEIRIANNEG FEDDYGOL

Mae galw mawr am raddedigion Peirianneg Feddygol ledled Cymru ac yn y DU ehangach. Mae'r rhaglen wedi cael ei chomisiynu gan Addysg a Gwella Iechyd Cymru (AaGIC) mewn ymateb uniongyrchol i anghenion cynllunio'r gweithlu ar ôl i sefydliadau'r GIG nodi angen brys a chynyddol am beirianwyr meddygol hyfforddedig.

Mae'r rhan fwyaf o raddedigion yn symud ymlaen i rolau Peiriannydd Meddygol neu Beiriannydd Clinigol Band 5 yn y GIG. Wrth i'ch gyrfa ddatblygu, gallwch symud i rolau arbenigol, uwch neu reoli, neu weithio mewn ymchwil, addysg neu yn y diwydiant dyfeisiau meddygol.

Drwy gydol eich gradd, byddwch yn cael cymorth cyflogadwyedd gan arweinydd cyflogadwyedd y rhaglen Gwyddor Gofal Iechyd, gan gynnwys llunio CV, paratoi am gyfweliadau a rhwydweithio â mentoriaid yn y GIG a darpar gyflogwyr yn ystod lleoliadau gwaith. Bydd eich portffolio clinigol a'ch profiad helaeth o ymarfer yn rhoi mantais gystadleuol gref i chi hefyd.

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Blwyddyn 1 (Lefel 5)

FHEQ 5 Undergraduate / HEDip

Mae myfyrwyr yn dewis 120 o gredydau o'r opsiynau canlynol:

Heb ddod o hyd i un

Modiwlau Opsiynol

Dewiswch Yn union 120 o gredydau o'r Modiwlau a ganlyn:

SYLWER :Students who started the programme in an even intake year (e.g. 24/25, 26/27, 28/29, etc) to select the modules on the A occurrence below.

Modules for students in even intake years
Enw'r Modiwl	Hyd y Modiwl	Credydau	Cod y Modiwl
Professional and Evidence-Based Practice, and Clinical Equipment	Academic Year	40	HSC228
Clinical Engineering 1	Academic Year	40	HSC229
Innovation and Medical Devices	Academic Year	40	HSC230

Dewiswch Yn union 120 o gredydau o'r Modiwlau a ganlyn:

SYLWER :Students who started the programme in an uneven intake year (e.g. 25/26, 27/28, 29/30, etc) to select the modules on the B occurrence below.

Modules for students in uneven intake years
Enw'r Modiwl	Hyd y Modiwl	Credydau	Cod y Modiwl
Professional and Evidence-Based Practice, and Clinical Equipment	Academic Year	40	HSC228
Clinical Engineering 1	Academic Year	40	HSC229
Innovation and Medical Devices	Academic Year	40	HSC230

Blwyddyn 2 (Lefel 6)

FHEQ 6 Undergraduate / Honours

Mae myfyrwyr yn dewis 120 o gredydau o'r opsiynau canlynol:

Heb ddod o hyd i un

Modiwlau Opsiynol

Dewiswch Yn union 120 o gredydau o'r Modiwlau a ganlyn:

SYLWER :Students who started the programme in an even intake year (e.g. 24/25, 26/27, 28/29, etc) to select the modules on the A occurrence below.

Modules for students in even intake years
Enw'r Modiwl	Hyd y Modiwl	Credydau	Cod y Modiwl
Rehabilitation Engineering 1	Academic Year	40	SHC353
Rehabilitation Engineering 2	Academic Year	40	SHC354
Research and Quality Improvement project	Academic Year	40	SHC352

Dewiswch Yn union 120 o gredydau o'r Modiwlau a ganlyn:

SYLWER :Students who started the programme in an uneven intake year (e.g. 25/26, 27/28, 29/30, etc) to select the modules on the B occurrence below.

Modules for students in uneven intake years
Enw'r Modiwl	Hyd y Modiwl	Credydau	Cod y Modiwl
Rehabilitation Engineering 1	Academic Year	40	SHC353
Rehabilitation Engineering 2	Academic Year	40	SHC354
Research and Quality Improvement project	Academic Year	40	SHC352

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Eich Addysgu

Yn Abertawe, byddwch yn elwa o addysg o ansawdd uchel, sy'n seiliedig ar ymchwil, sy'n cyfuno ystod o ddulliau addysgu effeithiol a chynhwysol, wedi'u teilwra'n ofalus i weddu i anghenion eich cwrs. Addysgir y rhan fwyaf o gyrsiau wyneb yn wyneb, ar y campws, gan roi'r cyfle i chi ymgysylltu'n weithredol â myfyrwyr eraill, staff academaidd, a chymuned ehangach y brifysgol.

Gallwch ddisgwyl cymysgedd o ddarlithoedd, seminarau, gweithdai a sesiynau ymarferol - gan gynnwys gwaith labordy, hyfforddiant sgiliau, neu addysgu mewn stiwdio lle bo'n berthnasol i'ch disgyblaeth. Mae'r sesiynau hyn wedi'u cynllunio i annog cyfranogiad gweithredol, cydweithio, a datblygu sgiliau penodol i'r pwnc a sgiliau trosglwyddadwy.

Defnyddir offer dysgu digidol hefyd i wella'ch profiad dysgu. Gall y rhain gynnwys:

Darlithoedd wedi'u recordio i gefnogi astudio ac adolygu hyblyg.
Labordai rhithwir neu amgylcheddau wedi’u hefelychu, yn enwedig mewn gwyddoniaeth, gofal iechyd a disgyblaethau technegol.
Adnoddau ar-lein ar amgylchedd dysgu rhithwir y brifysgol (Canvas), gan gynnwys fideos, deunyddiau darllen, cwisiau a fforymau trafod.

Mae'r dull hwn yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

N.B. Os ydych chi'n fyfyriwr rhyngwladol sy'n astudio gyda Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn digwydd ar y campws.Yn unol â phrotocol Fisâu a Mewnfudo'r Deyrnas Unedig, bydd y sesiynau hyn yn cael eu monitro a bydd data ar gael ar gais.

Darpariaeth Gymraeg

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffech roi gwybod i ni bod gennych ddiddordeb mewn dilyn elfen trwy gyfrwng y Gymraeg, e-bostiwch astudio@abertawe.ac.uk gan nodi eich blwyddyn mynediad i’r Brifysgol ac fe wnawn ein gorau i weld beth sy’n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar eich cyfer, ac mae cefnogaeth ar gael i chi trwy Academi Hywel Teifi:

Cyfle am gyfweliad trwy gyfrwng y Gymraeg wrth wneud cais am le.
Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
Tiwtor Personol Cymraeg ei iaith.
Cefnogaeth un i un yn y Gymraeg i wella eich sgiliau academaidd.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr, sef Tystysgrif Sgiliau Iaith Gymraeg y Coleg Cymraeg a CBAC.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Achrediad Corff Proffesiynol

Ysgol Genedlaethol Gwyddor Gofal Iechyd (yn yr arfaeth)

Cwrdd â'ch Darlithwyr

Cewch eich addysgu gan ddarlithwyr o safon fyd-eang sy’n weithredol ym maes ymchwil. Ewch i dudalen Staff yr Ysgol Iechyd a Gofal Cymdeithasol i ddysgu mwy am ein tîm academaidd.

Ffioedd Dysgu

Dyddiad Dechrau	D.U.	Rhyngwladol
Medi 2025	GIG
Medi 2026	GIG

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Os gallwch ymrwymo i weithio yng Nghymru am ddwy flynedd ar ôl graddio, gallai eich ffioedd dysgu gael eu talu'n llawn drwy Gynllun Bwrsariaeth GIG Cymru. Yn ogystal, gallech gael cyllid cynhaliaeth a benthyciad ar gyfradd ostyngol gan Cyllid Myfyrwyr.

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae'r Tîm Gyrfaoedd a Chyflogadwyedd yn cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Ar ôl graddio o Brifysgol Abertawe, gallwch gael mynediad at gymorth gydol oes ynghylch gyrfaoedd a chyflogadwyedd.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Sut i Wneud Cais

Gwahoddir ymgeiswyr cymwys i gyfweliad a chynhelir cyfweliadau ar gyfer y cwrs hwn trwy Zoom. Edrychwch ar ein Awgrymiadau Cyfweld am ragor o wybodaeth am yr hyn i'w ddisgwyl.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.