Rheoli Gofal Iechyd, MSc

Yn ystod eich astudiaethau MSc, byddwch chi'n dysgu trwy amrywiaeth o ddulliau addysgu a fydd yn eich helpu chi i gymhwyso damcaniaeth i ymarfer gofal iechyd go iawn. Mae sesiynau addysgu yn cyfuno darlithoedd ystafell ddosbarth, gweithgareddau rhyngweithiol, trafodaethau grŵp a chyfleoedd ar gyfer dysgu hunangyfeiriedig, gan roi gwahanol ffyrdd i chi ymgysylltu â'r deunydd a datblygu eich sgiliau. 

Byddwch chi'n cymryd rhan mewn gwaith grŵp bach, tiwtorialau, darlithoedd a thrafodaethau'n seiliedig ar achosion, naill ai yn yr ystafell ddosbarth neu ar-lein. Mae rhai modiwlau'n defnyddio dull ystafell ddosbarth gwrthdro, lle rydych chi'n archwilio cysyniadau allweddol ymlaen llaw fel y gall amser dosbarth ganolbwyntio ar drafod, datrys problemau a chymhwyso syniadau i senarios byd go iawn. 

Mae dysgu gweithredol a chydweithredol yn ganolog i'r rhaglen. Byddwch yn gweithio'n agos gyda'ch cyd-ddisgyblion, sy'n dod â phrofiad o ystod eang o gefndiroedd proffesiynol a byd-eang. Mae hyn yn creu cyfleoedd naturiol ar gyfer dysgu gan gymheiriaid, gan eich galluogi i archwilio gwahanol ddulliau o reoli gofal iechyd a dysgu o safbwyntiau pobl eraill. Mae gan eich tîm addysgu hefyd ystod amrywiol o brofiad academaidd a phroffesiynol, sydd yn eich helpu chi i gysylltu eich dysgu â realiti ymarfer gofal iechyd. 

Byddwch chi'n astudio trwy gydbwysedd o sesiynau byw wedi'u hamserlennu a gweithgareddau hyblyg y gallwch eu cwblhau yn eich amser eich hun. Mae'r dull hwn yn eich cefnogi chi i astudio o amgylch eich ymrwymiadau proffesiynol a phersonol. 

Mae'r dulliau addysgu byw yn cynnwys: 

• Darlithoedd 
• Tiwtorialau 
• Gweithio mewn grŵp bach 
• Trafodaethau'n seiliedig ar achosion 
• Tiwtora Personol 
• Traethawd hir a goruchwylio prosiectau 

Mae dysgu hyblyg, ar eich cyflymder eich hun, yn cynnwys: 

• Cydweithio ar-lein drwy Canvas 
• Darllen deunydd gosod 
• Gweminarau 
• Ymgynghoriadau academaidd ac oriau swyddfa 
• Gweithgareddau modiwl ar eich cyflymder eich hun 
• Mynediad at amrywiaeth o adnoddau dysgu digidol 

Mae'r dulliau hyn yn gweithio gyda'i gilydd i sicrhau bod eich dysgu yn ddiddorol, yn gynhwysol ac wedi'i wreiddio mewn rheoli gofal iechyd yn y byd go iawn. Byddwch chi'n cael eich annog i gyfrannu'n weithredol, rhannu eich profiadau eich hun a datblygu'r hyder i gymhwyso'r hyn a ddysgwch yn eich rôl broffesiynol.

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffech roi gwybod i ni bod gennych ddiddordeb mewn dilyn elfen trwy gyfrwng y Gymraeg, e-bostiwch astudio@abertawe.ac.uk gan nodi eich blwyddyn mynediad i’r Brifysgol ac fe wnawn ein gorau i weld beth sy’n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar eich cyfer, ac mae cefnogaeth ar gael i chi trwy Academi Hywel Teifi:

• Cyfle am gyfweliad trwy gyfrwng y Gymraeg wrth wneud cais am le.
• Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
• Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
• Tiwtor Personol Cymraeg ei iaith.
• Cefnogaeth un i un yn y Gymraeg i wella eich sgiliau academaidd.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr, sef Tystysgrif Sgiliau Iaith Gymraeg y Coleg Cymraeg a CBAC.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Caiff ein graddau eu haddysgu gan arbenigwyr sydd â gwybodaeth helaeth i'w rhannu â chi. 

Gallwch gael rhagor o wybodaeth ar ein tudalennau staff Yr Ysgol Iechyd a Gofal Cymdeithasol 

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae gennym hefyd amrywiaeth o Ysgoloriaethau Meistr a Addysgir ar gael, yn ogystal ag ysgoloriaethau ar gyfer unigolion sydd am astudio rhan o'u cwrs trwy gyfrwng y Gymraeg.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae'r Tîm Gyrfaoedd a Chyflogadwyedd yn cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Ar ôl graddio o Brifysgol Abertawe, gallwch gael mynediad at gymorth gydol oes ynghylch gyrfaoedd a chyflogadwyedd.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Gellir astudio’r cwrs hwn ar sail cwrs gradd Meistr Ryngosodol. 

Mae cwrs gradd rhyngosodol yn golygu blwyddyn ychwanegol o astudio ar ben eich rhaglen gradd mewn Meddygaeth ac mae’n gyfle i archwilio maes newydd yn fanylach, ennill gwybodaeth newydd, a datblygu sgiliau newydd. 

Os oes gennych chi ddiddordeb mewn astudio ar y cwrs gradd hwn, e-bostiwch study@abertawe.ac.uk