Nyrsio Gofal Critigol Oedolion, PGCert

Byddwch yn ymgymryd â dau fodiwl yn ystod y rhaglen hon, sy'n cynnwys 60 credyd a fydd yn sicrhau y gallwch nyrsio cleifion gofal critigol yn effeithiol.

Bydd gan bob modiwl ddiwrnodau astudio dynodedig wedi'u mapio i destun, wedi'u halinio â chymwyseddau Cam 2 a 3 CC3N trwy ddysgu cydamserol ac anghydamserol lle byddwch yn cymryd rhan mewn efelychiad trochi, sgiliau ymarferol, a chefnogaeth gan gymheiriaid.

Dylech fod yn nyrs gofal critigol gofrestredig, wedi'ch cyflogi naill ai mewn uned gofal critigol neu uned gofal dwys cardiaidd a chael caniatâd cyflogwr cyn gwneud cais i'r rhaglen.

Cyn mynediad, byddwch wedi cwblhau Cymwyseddau Cam Un y Fframwaith Cymhwysedd Cenedlaethol ar gyfer Nyrsys Cofrestredig mewn Gofal Critigol i Oedolion ac wedi cwblhau cwrs gofal critigol rhagarweiniol.

Dylech hefyd feddu ar BSc mewn Nyrsio (lefel 6) a TGAU gradd C neu uwch mewn Cymraeg a Saesneg.

Byddwch yn cael eich addysgu gan ddefnyddio cyfuniad o ddulliau addysgu dros gyfnod o naw mis. Bydd y rhaglen yn cael ei fframio o amgylch Cam 2 a 3 y Fframwaith Cymhwysedd Cenedlaethol ar gyfer Nyrsys Cofrestredig mewn Gofal Critigol i Oedolion, a gyflwynir trwy ddysgu anghydamserol a chydamserol.

Trwy gyfuniad o ddulliau ac adnoddau addysgu, yn ogystal â’r gwaith gyda’ch mentor dynodedig, byddwch yn cynnal amrywiaeth o asesiadau a fydd yn eich galluogi i fodloni’r holl ddeilliannau dysgu a datblygu’r sgiliau angenrheidiol ar gyfer ymarfer gofal critigol cyfoes. Bydd y portffolio o asesiadau yn eich galluogi i ddangos eich gwybodaeth ddamcaniaethol ac ymarferol esblygol o ofal critigol, sgiliau addysgu a goruchwylio, sgiliau gwneud penderfyniadau ac asesu a sgiliau arwain.

Felly, defnyddir cyfuniad o ddulliau addysgu ac adnoddau drwy gydol y rhaglen. Bydd y rhaglen yn hwyluso dysgu damcaniaethol anghydamserol a chydamserol a sesiynau efelychu cydamserol. Defnyddir cwisiau, byrddau trafod a llyfrau gwaith. Bydd pob diwrnod anghydamserol hefyd yn cynnwys sesiwn gydamserol gyda chyfarwyddwr y rhaglen fel cymorth ychwanegol a hyrwyddo dysgu gweithredol.

Bydd eich dysgu yn cael ei gyfeirio at eich galluogi i ddatblygu'r sgiliau i gefnogi eich dealltwriaeth o rolau, cyfrifoldebau, a chwmpas ymarfer yn ddiogel trwy ystod o ddulliau dysgu ac addysgu.

Fel arfer cynhelir sesiynau sgiliau ymarferol, gweithdai gan siaradwyr allanol ac ymarferion chwarae rôl wyneb yn wyneb, gan ganiatáu ar gyfer trafodaethau a dadleuon wyneb yn wyneb. Byddwch hefyd yn elwa o ddysgu efelychu yn ystod y rhaglen a fydd yn helpu i atgyfnerthu a datblygu eich gwybodaeth glinigol a damcaniaethol. Er hynny, mae ein dull hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol, gan gynnwys cwisiau, byrddau trafod a llyfrau gwaith.

Mae'r rhaglen wedi'i strwythuro'n dynn gyda'r modiwl cyntaf yn digwydd o fis Medi i fis Ionawr, a'r ail fodiwl o fis Ionawr i fis Mehefin.

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffet ti roi gwybod i ni bod gennyt ddiddordeb mewn dilyn elfen o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny gan nodi'r flwyddyn mynediad ac fe wnawn ein gorau i weld beth sy'n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar dy gyfer, ac mae cefnogaeth ar gael i ti trwy Academi Hywel Teifi:

• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Cewch eich addysgu gan amrywiaeth o academyddion gwybodus, y mae nifer ohonyn nhw hefyd yn glinigwyr wrth eu gwaith. Mae staff addysgu allweddol y rhaglen Nyrsio Gofal Critigol ar gyfer Oedolion yn cynnwys:

• Ingrid Pritchard - Cyfarwyddwr Rhaglen ac Athro Cyswllt mewn Nyrsio
• Becci Jones - Darlithydd Nyrsio ac Uwch Ymarferydd Nyrsio
• Adam Miguel - Darlithydd Nyrsio ac Arweinydd SIM
• Penny Sartori - Uwch Ddarlithydd Nyrsio
• Kevin Akerman - Darlithydd Nyrsio
• Jyoti Shresthra - Uwch Ddarlithydd Nyrsio
• Matt Fallon - Darlithydd Nyrsio Anrhydeddus a Chlinigydd Allgymorth Gofal Critigol
• Peter Sewell - Darlithydd Nyrsio Anrhydeddus a Uwch Ymarferydd Nyrsio Gofal Critigol
• Dr. Rachel Hood - Darlithydd Anrhydeddus mewn Nyrsio a Chofrestrydd Anadlol
• Staff Biowyddorau

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae'r Adran Nyrsio eisiau cefnogi datblygiad eich cymhwysedd wrth ddefnyddio cyfryngau digidol, i wella'ch dysgu, cymryd rhan mewn technolegau mewn ymarfer clinigol ac amddiffyn eich hun a'r proffesiwn pan fyddwch ar-lein. .

Y dyddiad cau ar gyfer derbyn ceisiadau yw 1 Awst 2024.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.