Mynediad Ionawr Ôl-raddedig

A wnewch chi fynd i dudalen ein cyrsiau ôl-raddedig ac agor y tab Mynediad Ionawr i weld yr holl gyrsiau a gynigir lle ceir mynediad ym mis Ionawr.

Sut ydw i'n cyflwyno cais am gwrs? Oes dyddiad cau ar gyfer ceisiadau?

Gallwch gyflwyno cais am un o'n cyrsiau gyda mynediad ym mis Ionawr ar-lein. Byddem yn argymell cyflwyno cais cyn gynted â phosib i sicrhau lle ar eich cwrs dewisol i adael digon o amser i gwblhau unrhyw ofynion angenrheidiol cyn i chi ymuno â ni.

Beth sy'n digwydd ar ôl i mi gyflwyno cais am gwrs?

Ewch i'n tudalennau Ar ôl i chi gyflwyno cais am gwrs ôl-raddedig a addysgir am ragor o wybodaeth.

A fydd fy nghwrs yn cael ei gynnig ym mis Ionawr 2023?

Mae manylion llawn am y cyrsiau ôl-raddedig y byddwn ni'n eu cynnal ym mis Ionawr 2023 i'w cadarnhau. Byddwn yn diweddaru'r dudalen hon gyda rhagor o wybodaeth cyn gynted â phosib.

Faint yw ffioedd y cwrs?

Gall ffioedd amrywio o gwrs i gwrs a chan ddibynnu ar a ydych yn fyfyriwr o'r DU, o'r UE neu'n fyfyriwr rhyngwladol. Mae swm y ffi y byddwch chi'n ei thalu wedi'i nodi ar dudalennau cyrsiau unigol.

Oes cyllid ar gael?

Ewch i'n tudalen ysgoloriaethau a bwrsariaethau. Gallech chi fod yn gymwys i gyflwyno cais am gyllid gan y llywodraeth i helpu tuag at gost eich astudiaethau ôl-raddedig hefyd.

Oes llety ar gael?

Oes, mae llety ar gael i fyfyrwyr y bydd eu cyrsiau’n dechrau ym mis Ionawr 2024. Ewch i'n tudalennau llety  i weld y mathau o lety sydd ar gael ym Mhrifysgol Abertawe.

Sut ydw i'n cyflwyno cais am lety'r Brifysgol?

Gallwch gyflwyno cais am lety'r Brifysgol cyn gynted ag y bydd rhif myfyriwr unigryw gennych chi. Am fanylion llawn am sut i gyflwyno cais, ewch i'n tudalennau llety.

Pryd y dylwn gyflwyno cais am lety?

Argymhellwn i chi gyflwyno cais am lety cyn gynted â phosib.

Pryd byddaf yn dechrau fy nghwrs?

Ar gyfer yr holl gyrsiau sy'n dechrau ym mis Ionawr 2024, caiff dy weithgareddau cofrestru, croeso a sefydlu eu pennu'n fuan. 

Anfonir eich amserlen cofrestru ac addysgu atoch mewn e-bost ychydig o wythnosau cyn dechrau eich cwrs.

Sut gallaf gofrestru ar fy nghwrs?

Byddwch yn dechrau derbyn cyfarwyddiadau cofrestru llawn drwy e-bost ychydig wythnosau cyn dyddiad dechrau'ch cwrs. 

Fydd Wythnos y Glas?

Bydd! Byddwn yn cynnal llawer o ddigwyddiadau, naill ai'n rhithwir neu wyneb yn wyneb, lle gelli di gwrdd â ffrindiau, yn ogystal ag ymuno â chlybiau a chymdeithasau. Rydym yn gobeithio y bydd modd i ni barhau i weithredu ein lleoedd cymdeithasu awyr agored ar y ddau gampws. 

Ydw i’n gallu astudio’n rhan-amser?

Gallwch astudio rhai o’n cyrsiau sy’n dechrau ym mis Ionawr 2024 ar sail ran-amser - ewch i dudalennau cyrsiau unigol am ragor o fanylion. Nid oes modd i fyfyrwyr rhyngwladol astudio rhan-amser ar hyn o bryd.

Pa fath o brofiad myfyriwr gallaf i ei ddisgwyl?

Mae profiad myfyrwyr yn wahanol eleni ac mae'n rhaid i gymuned y Brifysgol gydymffurfio â chanllawiau'r llywodraeth. Mae myfyrwyr wedi creu swigen aelwyd gyda'r bobl maent yn byw gyda nhw, boed ym mhreswylfeydd y Brifysgol neu mewn llety preifat. Maent hefyd yn cymdeithasu â'r bobl hynny. Rydym ni wedi creu lleoedd cymdeithasu awyr agored lle gall myfyrwyr gymdeithasu, ac mae bwyd a diod ar gael. Hefyd, gellir defnyddio'r lleoedd hyn ar gyfer nosweithiau ffilm, pilates a dosbarthiadau ioga. Mae myfyrwyr yn parhau i wneud chwaraeon a chymryd rhan yng ngweithgareddau eu clybiau a'u cymdeithasau.