Peirianneg Bwer ac Ynni Cynaliadwy, MSc

Rydym yn falch o gynnig profiad addysgol eithriadol, gan ddefnyddio ymagweddau dysgu ac addysgu sydd wedi'u teilwra i'ch cefnogi drwy gydol eich astudiaethau. Caiff eich cwrs ei addysgu wyneb yn wyneb ar ein campws, gan roi'r cyfle i chi ymgysylltu'n llawn â'ch darlithoedd a gweithio'n agos gyda'ch cyd-fyfyrwyr.

Byddwch yn dysgu drwy gyfuniad o ddarlithoedd grŵp mawr, seminarau grŵp bach a sesiynau ymarferol. Mae darlithoedd yn cyflwyno syniadau a chysyniadau allweddol mewn dull strwythuredig, dan arweiniad tiwtor, a bydd sesiynau byrrach yn rhoi cyfleoedd i chi ofyn cwestiynau, cymryd rhan mewn trafodaethau a gweithio drwy enghreifftiau go iawn gyda'ch cyfoedion. Mae gweithdai ymarferol a gweithgareddau ar sail sgiliau'n eich galluogi chi i gymhwyso damcaniaeth, datblygu hyder ac ymarfer gweithio fel rhan o dîm.

I gefnogi eich dysgu, mae recordiadau o ddarlithoedd neu grynodebau'n cael eu lanlwytho i Canvas, gan eich helpu chi i edrych ar ddeunydd eto, adolygu ar gyfer asesiadau a chyfnerthu eich dealltwriaeth ar eich cyflymdra eich hun. Mae llawer o fodiwlau hefyd yn cynnwys adnoddau ychwanegol ar-lein megis fideos, tasgau dan arweiniad, sleidiau a chwisiau, gan roi hyblygrwydd ychwanegol i chi astudio mewn ffordd sy'n gweithio i chi.

Byddwch hefyd yn elwa o gael mentora academaidd un i un, gan roi pwynt cyswllt ymroddedig i chi drwy gydol eich astudiaethau. Mae'r sgyrsiau hyn yn gyfleoedd i drafod eich cynnydd, cael arweiniad personol ac archwilio unrhyw gwestiynau academaidd sydd gennych chi.

O ddechrau eich gradd, mae gweithgareddau cynefino yn eich helpu i ymgartrefu ym mywyd y brifysgol, cwrdd â staff a chyd-fyfyrwyr, a meithrin eich hyder i ofyn cwestiynau a chymryd rhan yn eich cymuned ddysgu. Mae'r cysylltiadau cynnar hyn yn helpu i greu amgylchedd cefnogol lle rydych chi'n teimlo'n gyffyrddus yn cyfrannu, yn rhannu syniadau ac yn gofyn am gymorth pan fydd ei angen arnoch.

Rhywfaint o ddarpariaeth

Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn*.

Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

• Mynediad at fwrsariaethau ar gyfer astudio trwy gyfrwng y Gymraeg.
• Cyfle am gyfweliad trwy gyfrwng y Gymraeg wrth wneud cais am le.
• Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
• Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
• Tiwtor Personol Cymraeg ei iaith.
• Cefnogaeth un i un yn y Gymraeg i wella eich sgiliau academaidd.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr, sef Tystysgrif Sgiliau Iaith Gymraeg y Coleg Cymraeg a CBAC.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

* Ar gyfer y rhan fwyaf o ysgoloriaethau, y meincnod safonol yw cwblhau o leiaf 40 credyd y flwyddyn drwy gyfrwng y Gymraeg.

Mae'r rhaglen hon wedi'i hachredu gan y Sefydliad Peirianneg a Thechnoleg (IET), ar ran y Cyngor Peirianneg, o ran bodloni gofynion Dysgu Pellach er mwyn cofrestru fel Peiriannydd Siartredig. Mae'n rhaid i ymgeiswyr feddu ar radd israddedig BEng/BSc (Anrh) sydd wedi'i hachredu i Beirianwyr Siartredig er mwyn cydymffurfio'n llawn â gofynion cofrestru Peirianwyr Siartredig.

Am ragor o wybodaeth am bwysigrwydd achrediad, ewch i: https://www.engc.org.uk/informationfor/students-apprentices-and-graduates

Caiff ein graddau eu haddysgu gan arbenigwyr sydd â gwybodaeth helaeth i'w rhannu â chi.

Gallwch gael rhagor o wybodaeth ar ein tudalennau staff Peirianneg Electronig a Thrydanol. 

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bellach rydym yn gallu cynnig bwrsariaethau sy'n seiliedig ar berfformiad academaidd i gyfrannu at ffïoedd ail flwyddyn yr MSc ym myd Diwydiant. Am ragor o wybodaeth, ewch i'n tudalen MSc gyda Diwydiant.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Ffioedd y cwrs ail flwyddyn yw £3600 i fyfyrwyr rhyngwladol a £1800 i fyfyrwyr Cartref.

Bellach rydym yn gallu cynnig bwrsariaethau yn seiliedig ar berfformiad academaidd  i gyfrannu at ffïoedd ail flwyddyn yr MSc ym myd Diwydiant. Am ragor o wybodaeth, ewch i'n tudalen MSc gyda Diwydiant. 

Mae'r Tîm Gyrfaoedd a Chyflogadwyedd yn cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Ar ôl graddio o Brifysgol Abertawe, gallwch gael mynediad at gymorth gydol oes ynghylch gyrfaoedd a chyflogadwyedd.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

MSc gyda Diwydiant bydd angen i ymgeiswyr gyflwyno datganiad personol sy’n ateb y ddau gwestiwn canlynol:

 Cwestiwn 1: Beth y gallaf ei gynnig i’r lleoliad diwydiannol?

 Cwestiwn 2: Beth rwyf yn gobeithio ei ennill o’r profiad diwydiannol?

Mae’n rhaid i’ch cais gynnwys yr wybodaeth ganlynol: 

1. Trawsgrifiad Academaidd (gan gynnwys strwythur y graddau)
2. Tystiolaeth o wobrau/anrhydeddau academaidd rydych wedi eu hennill am ragori’n academaidd
3. Datganiad personol sy’n ateb y ddau gwestiwn a nodir uchod
4. CV
5. Tystiolaeth o lwyddiannau o ran chwaraeon, profiad gwirfoddol, cymwysterau proffesiynol
6. Hefyd noder y bydd llythyrau cefnogol yn rhan o’r broses ddewis, a’chcyfrifoldeb chi fydd sicrhau y bydd eich canolwyr enwebedig yn cyflwyno geirdaon erbyn y dyddiad cau.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.