Medicine, MB BCh

Yn Abertawe, byddwch yn elwa o addysg o ansawdd uchel, sy'n seiliedig ar ymchwil, sy'n cyfuno ystod o ddulliau addysgu effeithiol a chynhwysol, wedi'u teilwra'n ofalus i weddu i anghenion eich cwrs. Addysgir y rhan fwyaf o gyrsiau wyneb yn wyneb, ar y campws, gan roi'r cyfle i chi ymgysylltu'n weithredol â myfyrwyr eraill, staff academaidd, a chymuned ehangach y brifysgol.

Gallwch ddisgwyl cymysgedd o ddarlithoedd, seminarau, gweithdai a sesiynau ymarferol - gan gynnwys gwaith labordy, hyfforddiant sgiliau, neu addysgu mewn stiwdio lle bo'n berthnasol i'ch disgyblaeth. Mae'r sesiynau hyn wedi'u cynllunio i annog cyfranogiad gweithredol, cydweithio, a datblygu sgiliau penodol i'r pwnc a sgiliau trosglwyddadwy.

Defnyddir offer dysgu digidol hefyd i wella'ch profiad dysgu. Gall y rhain gynnwys:

• Darlithoedd wedi'u recordio i gefnogi astudio ac adolygu hyblyg.
• Labordai rhithwir neu amgylcheddau wedi’u hefelychu, yn enwedig mewn gwyddoniaeth, gofal iechyd a disgyblaethau technegol.
• Adnoddau ar-lein ar amgylchedd dysgu rhithwir y brifysgol (Canvas), gan gynnwys fideos, deunyddiau darllen, cwisiau a fforymau trafod.

Mae'r dull hwn yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

N.B. Os ydych chi'n fyfyriwr rhyngwladol sy'n astudio gyda Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn digwydd ar y campws.Yn unol â phrotocol Fisâu a Mewnfudo'r Deyrnas Unedig, bydd y sesiynau hyn yn cael eu monitro a bydd data ar gael ar gais.

O leiaf 40 credyd y flwyddyn

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Tiwtor Personol Cymraeg ei iaith.
• Cefnogaeth un i un yn y Gymraeg i wella eich sgiliau academaidd.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr, sef Tystysgrif Sgiliau Iaith Gymraeg y Coleg Cymraeg a CBAC.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi.

Mae’r rhaglen wedi’i hachredu gan y Cyngor Meddygol Cyffredinol (GMC)

Mae’r rhaglen wedi’i hachredu gan y Cyngor Meddygol Cyffredinol (GMC)

Caiff ein graddau eu haddysgu gan arbenigwyr sydd â gwybodaeth helaeth i'w rhannu â chi. 

Gallwch ddarganfod mwy am ein harbenigedd academaidd ar ein proffiliau staff.

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

I ddysgu mwy am astudio dramor, ewch i'n tudalennau gwe Go Global.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Rhaid i'r holl ymgeiswyr sefyll prawf mynediad cyn cyflwyno cais i astudio'r radd MBBCh Meddygaeth gyda ni. Dim ond prawf UCAT a dderbyniwn ar gyfer ein llwybr meddygaeth israddedig, Byddwn yn derbyn eich sgoriau UCAT yn awtomatig ochr yn ochr â'ch cais UCAS.  

Er y byddwn yn derbyn ceisiadau gan ymgeiswyr sy'n aros am ganlyniadau profion yr ymgymerwyd â hwy cyn dyddiad cau'r cais (dyddiad cau mis Hydref UCAS), sylwer na allwn ystyried ceisiadau gan ymgeiswyr sy'n bwriadu sefyll prawf mynediad ar ôl y dyddiad hwn.  

Ar ôl dewis ymgeiswyr ar gyfer cyfweliadau, ni fyddwn yn  ystyried canlyniadau unrhyw brofion mynediad mwyach.  Bydd unrhyw gynnig i astudio gradd MB BCh Meddygaeth yn Abertawe yn seiliedig ar berfformiad yn y cyfweliad yn unig.  

Gan fod mynediad i'r rhaglen Meddygaeth yn gystadleuol, nid yw Prifysgol Abertawe yn derbyn ceisiadau i ohirio mynediad i’r cwrs hwn.Dim ond mewn amgylchiadau eithriadol y byddwn yn ystyried ceisiadau gan ddeiliaid cynigion i ohirio a chaiff ceisiadau eu hystyried fesul achos. Dyma enghreifftiau o amgylchiadau a dderbynnir:

• Profedigaeth aelod agos o'r teulu neu ffrind agos
• Salwch aelod agos o'r teulu sy'n ei gwneud yn ofynnol i ddeiliad y cynnig ddod yn unig ofalwr am fwy na 3 mis ar ôl dechrau'r cwrs
• Anhwylder iechyd personol deiliad y cynnig sy'n annhebygol o wella ymhen 3 mis o ddechrau'r cwrs*
• Amgylchiadau eithriadol eraill a ystyrir yn addas gan yr arweinwyr derbyn

I wneud cais am fynediad gohiriedig, dylech gyflwyno cais yn ysgrifenedig gyda phrawf o'r amgylchiad eithriadol, a fydd yn cael ei ystyried gan Arweinwyr Derbyn Myfyrwyr y cwrs. Gall cais am ohirio fod yn berthnasol i'r flwyddyn academaidd ddilynol yn unig ac ni chaniateir ceisiadau wedi hyn. Am ragor o wybodaeth cysylltwch â'r Tîm Derbyn Myfyrwyr. 

Os caiff eich cais i ohirio ei awdurdodi, rhaid i chi gadarnhau eich lle 3 mis cyn dechrau'r cwrs yn y flwyddyn ohiriedig (fel arfer 1 Mehefin ar gyfer dyddiad dechrau ar 1 Medi) fel arall gellir tynnu eich cynnig yn ôl. Byddai angen i chi gyflwyno cais UCAS newydd i gael eich ystyried ar gyfer y flwyddyn ganlynol. Sylwer y gallai hyn hefyd olygu canlyniad UCAT newydd os yw'r canlyniad blaenorol wedi dod i ben.

Os na fyddwch yn cofrestru ar gyfer eich dyddiad gwreiddiol neu’r dyddiad gohiriedig y cytunwyd arno, ystyrir bod eich cais wedi'i dynnu'n ôl.

Am ragor o wybodaeth cysylltwch â'r Tîm Derbyn Myfyrwyr.

*Bydd unrhyw afiechyd personol yn cael ei gyfeirio'n awtomatig at y panel addasrwydd i ymarfer cyn i chi ymuno â'r cwrs a bydd eich cynnig gohiriedig yn amodol ar gymeradwyaeth gan y panel Addasrwydd i Ymarfer.

Bydd eich asesiad yn cynnwys 3 gorsaf wyneb yn wyneb 20/30 munud a gall y rhain fod ar ffurf cyfweliadau, cyflwyniadau neu sefyllfaoedd chwarae rôl. Efallai y cewch eich holi hefyd am gynnwys eich datganiad personol yn un neu fwy o'r gorsafoedd. Bydd manylion pellach am fformat y diwrnod, ac unrhyw beth y bydd angen i chi ei baratoi, yn cael eu cadarnhau yn eich gwahoddiad i gyfweliad. Rydym yn neilltuo'r hawl i newid fformat y gorsafoedd a'r cymwyseddau a asesir rhwng cylchoedd derbyn, heb rybudd.

Cynhelir gorsafoedd asesu gan ein panel hyfforddedig o glinigwyr, academyddion, myfyrwyr meddygol ac aelodau'r cyhoedd a chânt eu cynllunio i ystyried y rhinweddau personol ac academaidd sydd eu hangen ar feddyg, fel y’u nodir yn 'Arfer Meddygol Da', a'r gallu i gyflawni canlyniadau 'Deilliannau i Raddedigion'. Mae'r rhain yn cynnwys:

• Sgiliau cyfathrebu
• Sgiliau datrys problemau
• Ymdopi dan bwysau
• Craffter ac uniondeb
• Angerdd am feddygaeth a gwydnwch i lwyddo
• Sgiliau trefnu ac ymchwilio
• Moeseg a gwerthoedd

Am ragor o wybodaeth am yr hyn rydym yn chwilio amdano mewn cyfweliad, ewch i'n tudalen awgrymiadau ar gyfer cyfweliadau:

Awgrymiadau ar gyfer Cyfweliadau Meddygaeth

Unwaith i'r cyfweliadau orffen, byddwn yn asesu perfformiad cyffredinol pob ymgeisydd. Oherwydd natur hynod gystadleuol y broses ddethol, dim ond yr ymgeiswyr â’r sgôr uchaf fydd yn cael cynnig lle yn Abertawe.

Bydd myfyrwyr Blwyddyn 4 yn ymgymryd â'r Asesiad Trwyddedu Meddygol (MLA), sy'n sicrhau bod yr holl raddedigion sydd am gofrestru a chael eu trwyddedu i ymarfer meddygaeth yn y DU yn bodloni trothwy cyffredin ar gyfer ymarfer diogel, yn unol â'r hyn a bennwyd gan y Cyngor Meddygol Cyffredinol (GMC).

I gael eu cofrestru a'u trwyddedu i ymarfer, mae'n rhaid i'r holl fyfyrwyr meddygaeth basio dwy gydran yr MLA, cwblhau eu harholiadau terfynol yn y brifysgol a dangos eu haddasrwydd i ymarfer. Mae'r gofyniad hwn yn berthnasol i'r holl fyfyrwyr meddygaeth yn y DU.

Ymgeiswyr ag anableddau

Rhaid i ysgolion meddygol ystyried effaith cyflyrau iechyd ac anableddau ar addasrwydd myfyrwyr i ymarfer fel meddyg. Mae hyn o ganlyniad i'r ffaith bod ganddynt gyfrifoldeb dros sicrhau bod myfyrwyr yn gymwys i gael eu cofrestru gyda'r Cyngor Meddygol Cyffredinol.   Mae pob cynnig yn amodol ar gadarnhad gan iechyd galwedigaethol ac addasrwydd i ymarfer. Bydd y manylion y byddwch yn eu darparu hefyd yn ein helpu i ystyried pa addasiadau rhesymol sy'n bosib er mwyn cynorthwyo gyda'ch heriau iechyd penodol ac anableddau.

Os oes gennych anabledd, gwnewch yn siŵr eich bod yn nodi hyn ar y ffurflen UCAS drwy roi tic yn y blwch perthnasol.  Ni fydd datgelu hyn yn effeithio ar sgrinio eich cais. Os gwneir cynnig, bydd yr Adran Iechyd Galwedigaethol yn cysylltu â chi i drafod eich sefyllfa.

Os ydych yn ansicr sut bydd anabledd yn rhan o'r broses cyflwyno cais neu os oes angen rhagor o wybodaeth, e-bostiwch y tîm Iechyd Galwedigaethol. Dylech hefyd hysbysu'r tîm derbyn myfyrwyr os ydych yn gymwys am ystyriaethau arbennig yn ystod profion ysgrifenedig neu gyfweliadau ar sail eich anabledd.

Sgrinio Iechyd a Gwiriadau Datgelu a Gwahardd

Bydd yn rhaid i'r holl ymgeiswyr llwyddiannus sy'n derbyn lle gwblhau datganiad iechyd a ffurflenni imiwneiddio. Bydd gan eich Meddyg Teulu fynediad at fanylion eich hanes imiwneiddio a dylai allu rhannu hyn gyda chi ar gais.  Caiff y rhain eu sgrinio gan yr Adran Iechyd Galwedigaethol. Bydd Meddyg Iechyd Galwedigaethol yn cysylltu â rhai myfyrwyr i gael rhagor o wybodaeth lle bo'n briodol.  Gallai adolygiad iechyd galwedigaethol gynnwys profion gwaed ac imiwneiddiadau i sicrhau'ch diogelwch yn ogystal â diogelwch cleifion.

Bydd yn rhaid i fyfyrwyr gwblhau gwiriad manwl llwyddiannus gan y Gwasanaeth Datgelu a Gwahardd cyn dechau ar y cwrs.  Mae'r cynnig lle yn dibynnu ar wiriad llwyddiannus o Gronfa Ddata Myfyrwyr wedi'u Heithrio y Cyngor Ysgolion Meddygol.

Er lles diogelwch cleifion a’r cyhoedd, ac i atal ceisiadau twyllodrus i gyrsiau sy’n arwain at ymuno â phroffesiwn cofrestredig yn y DU, bydd Ysgol Feddygaeth Prifysgol Abertawe yn rhannu rhai o’r wybodaeth a ddarperir yn eich cais gyda Chyngor Ysgolion Meddygol er mwyn gwirio eich addasrwydd i ymarfer.  

Os gwneir dyfarniad addasrwydd i ymarfer yn eich erbyn yn y dyfodol, caiff eich gwybodaeth a chopi o’r dyfarniad hwnnw ei storio hefyd mewn cronfa ddata ganolog sydd ddim ond yn agored i ysgolion eraill sydd â chyrsiau sy’n arwain at fynediad i broffesiwn cofrestredig yn y DU. Defnyddir hyn at ddibenion addasrwydd i ymarfer go iawn yn unig er mwyn diogelu cleifion a’r cyhoedd, ac i atal ceisiadau twyllodrus. Mae unrhyw gynnig am le ar y rhaglen yn amodol ar i chi ddatgelu unrhyw ddyfarniadau addasrwydd i ymarfer yn eich erbyn, ac i chi gydsynio i’r wybodaeth hon gael ei defnyddio. Mae hawl gennych i weld y wybodaeth a ddelir amdanoch yn y gronfa ddata ac i gywiro unrhyw wallau.

Mae Prifysgol Abertawe'n sefydliad cyfle cyfartal ac mae'n annog ceisiadau gan bobl o bob gallu. Ar gyfer Meddygaeth, caiff pob cais ei asesu yn unigol, ar sail gallu'r ymgeisydd i gyflawni'r deilliannau dysgu, y sgiliau a'r cymwyseddau gofynnol i gwblhau'r rhaglen MBBCh, ac sy'n ofynnol yn unol â Deilliannau Graddedigion y GMC. Mae'r GMC yn gofyn bod pob ysgol feddygaeth yn sicrhau bod yr ymgeisydd yn gallu cwblhau'r cwricwlwm meddygaeth yn llawn, ac wrth ystyried ymgeiswyr ag anableddau, mae’r Ysgol yn dilyn canllawiau cynghorol y GMC yn ei ddogfen, Gateways to the Professions (sydd ar gael ar wefan y GMC).  Mae'r Brifysgol yn monitro'r broses ddethol yn ofalus er mwyn sicrhau nad oes unrhyw ymgeiswyr dan anfantais.