Byw Ar Gampws Y Bae
Mae gan Gampws y Bae gyfleusterau o'r radd flaenaf, mynediad uniongyrchol at draeth hyfryd a'i bromenâd ar lan y môr. Mae byw ar Gampws y Bae yn ddewis poblogaidd ar gyfer y flwyddyn gyntaf, i fyfyrwyr sy'n dychwelyd a myfyrwyr ôl-raddedig, yn ogystal ag ar gyfer myfyrwyr Y Coleg.
Mae'n gartref Peirianneg, Yr Ysgol Reolaeth, y Ffowndri Gyfrifiadol a'r Coleg, ond mae llety ar y campws ar gael i fyfyrwyr ar unrhyw gwrs. Mae gwasanaeth bws aml ac uniongyrchol rhwng y campysau.
Mae gan lety Campws y Bae 2,000 o ystafelloedd mewn cymysgedd o ystafelloedd pâr, en-suite, ystafelloedd premiwm ag en-suite ac ystafelloedd sy'n hygyrch i gadeiriau olwyn, yn ogystal â fflatiau 1 a 2 ystafell wely ar gyfer pobl sengl neu barau. Maint canolig yw'r rhan fwyaf o'r ystafelloedd gyda nifer cyfyngedig o ystafelloedd pâr, fflatiau 1 a 2 ystafell wely. Hefyd, mae gennym ni fflatiau ar y safle ar gyfer siaradwyr Cymraeg sy’n boblogaidd ymhlith myfyrwyr Cymraeg eu hiaith sy’n chwilio am rywle i fyw gyda siaradwyr Cymraeg eraill.
Edrychwch ar yr opsiynau sydd ar gael ar gyfer ystafelloedd ar Gampws y Bae isod. Gallwch ddarllen ein tudalen ffioedd i gael rhagor o wybodaeth am y prisiau a'r wybodaeth o ran talu.
