Llety Sector Preifat

Eich canllaw i Lety’r Sector Preifat yn Abertawe

Dewch o Hyd i Lety

Byw oddi ar y campws

Mae byw mewn llety preifat yn ffordd wych o ymdrochi'n llawn yn ein dinas a'i diwylliant. Bydd yn cynnig mwy o breifatrwydd, a'r gallu i ddewis pwy rydych chi'n byw gyda nhw, a ble rydych chi'n byw. Bydd y rhan fwyaf o lety preifat yn yr ardaloedd mwyaf poblogaidd i fyfyrwyr yn Abertawe, a bydd cysylltiadau trafnidiaeth da a mynediad at siopau, barau a busnesau bwyd. Fel arfer, bydd rhannu tŷ â ffrindiau yn ddewis poblogaidd i fyfyrwyr yn yr ail flwyddyn.

Os ydych chi'n penderfynu y byddai'n well gennych fyw oddi ar y campws, mae digon o lety o ansawdd da yn y sector preifat:

Eiddo Studentpad

Mae landordiaid preifat yn hysbysebu eu heiddo ar Studentpad
Gallwch chwilio am fflatiau a thai'n uniongyrchol ar y porth
I hysbysebu ar Studentpad, rhaid bod eiddo yn bodloni safonau ansawdd a gwiriadau diogelwch penodol a osodir gan Gyngor Abertawe
Nid yw Prifysgol Abertawe yn ymweld ag eiddo sy’n cael ei hysbysebu ar Studentpad

Asiantaethau Rhentu Preifat

Os yw'n well gennych reoli'r broses gyfan yn bersonol, mae sawl asiantaeth rentu yn Abertawe a'r cyffiniau.
Nid yw'r Brifysgol yn ymwneud ag asiantaethau rhentu preifat, felly ni ellir gwarantu ansawdd neu lefel y gwasanaeth
Efallai y bydd costau ychwanegol i'w hystyried, megis ffioedd gweinyddol neu wiriadau credyd
Caiff eiddo ei hysbysebu drwy gydol y flwyddyn

BWRDD NEGESEUON MYFYRWYR

Mae Bwrdd Negeseuon Myfyrwyr Prifysgol Abertawe yn wasanaeth rhad ac am ddim sy’n galluogi myfyrwyr i gyfarfod a sgwrsio â myfyrwyr eraill sy’n dymuno rhannu llety yn ardal Abertawe. Defnyddiwch y bwrdd negeseuon i ddod o hyd i ystafelloedd sydd ar gael a chyd-letywyr, neu i roi gwybod i fyfyrwyr os oes ystafell yn sbâr yn eich tŷ myfyrwyr. Os ydych yn asiant/landlord sy'n dymuno hysbysebu llety myfyrwyr ar Studentpad ewch i'r dudalen Asiant/Landlord.

Canllaw i Ardal Abertawe

Brynmill ac Uplands

Lleoliadau sy'n boblogaidd ymhlith myfyrwyr ger Campws Parc Singleton (5-15 munud yn cerdded)
Amrywiaeth eang o siopau, barrau, tai bwyta a siopau bwyd i'w gludo
Fflatiau a thai mwy a rennir yn bennaf (tua 5 ystafell wely)

Sandfields

Ardal sy'n boblogaidd ymhlith myfyrwyr yn agos i ganol y ddinas, gyda siopau, barrau a thai bwyta poblogaidd
Llety ychydig yn llai, gydag eiddo 2-3 ystafell wely
15-20 munud yn cerdded i Gampws Parc Singleton

Sgeti

Ardal sy'n boblogaidd ymhlith myfyrwyr ger Campws Parc Singleton (5 i 15 munud yn cerdded drwy Barc Singleton)
Amrywiaeth o siopau, barrau, tai bwyta a siopau bwyd i'w gludo
Tai 4-5 ystafell wely yn bennaf

Y Marina

Llety moethus, safon uchel wrth ymyl y môr
Ardal ddrytach o eiddo en-suite gydag 1/2 ystafell wely
20 i 25 munud yn cerdded i Gampws Singleton a 10 munud ar y bws i Gampws y Bae

St Thomas a Phort Tennant

Lleoliad delfrydol ar gyfer Campws y Bae a chanol y ddinas, gyda barrau, siopau a bwytai
Tai 4-6 ystafell wely yn bennaf
5 i 10 munud o gerdded i Gampws y Bae