Meddygaeth (i Raddedigion), MBBCH

Mae’r Rhaglen yn cynnwys Cyfnod 1 (Blynyddoedd 1 + 2) a Chyfnod II (Blynyddoedd 3 + 4). Mae bob blwyddyn wedi’i mapio yn unol â ‘Outcomes for Graduates’ y GMC (2015) lle mae 3 Modiwl yn adlewyrchu’r meysydd canlyniadau canlynol:

• Ysgolhaig a Gwyddonydd
• Ymarferydd
• Gweithiwr Proffesiynol

Cyfnod I

Wythnosau Dysgu (yn seiliedig ar achosion, mae hyn yn cynnwys Dull Clinigol Integredig)

Dysgu yn y Gymuned mewn Practis Cyffredinol am un diwrnod bob pedwaredd neu bumed wythnos

Cyfleoedd Dysgu mewn Lleoliad Clinigol (“LOCS”)

Cyfleoedd Dysgu mewn Lleoliad Ymchwil (“LORS”)

Prentisiaethau Cynnar (1-3)

Cyfnod II

Achos yr Wythnos (Wythnosau Dysgu yn y Gymuned)

Prentisiaethau Clinigol a Phrentisiaethau (Meddygaeth, Llawfeddygaeth a Gofal Sylfaenol) (4-8) gan gynnwys 8 wythnos o ddysgu yn y gymuned

Ymlyniadau arbenigol: wyth lleoliad 5-wythnos mewn Meddygaeth (yn Ysbytai Singleton a Threforys), Llawfeddygaeth Acíwt, Meddygaeth Acíwt, Iechyd Menywod, Iechyd Plant, Iechyd Meddwl, Is-arbenigeddau Meddygaeth a Llawfeddygaeth, ac Eiddilwch.  Mae’r rhain yn cynnwys Dull Clinigol Integredig ac efelychu.

Astudiaeth o'ch dewis ym Mlwyddyn 4 (Lleoliad Clinigol 5-Wythnos a wneir dramor gan amlaf)

Cyfnod Isddarlithyddiaeth Myfyrwyr Uwch / Cysgodi ar ddiwedd Blwyddyn 4 cyn F1 (Lleoliad 5-Wythnos pan fydd myfyrwyr yn “cysgodi” meddygon F1 wrth eu gwaith yng Nghymru neu’n ymuno a rhaglen ‘cysgodi’ Cymru-gyfan).

I wneud cais am Feddygaeth i Raddedigion, rhaid eich bod wedi cyflawni pob un o'r canlynol erbyn amser y cais:

• Isafswm gradd C TGAU mewn Mathemateg
• Isafswm gradd C TGAU mewn Cymraeg/Saesneg

AC wedi cyflawni neu wedi'i ragweld* i gyflawni o leiaf un o'r canlynol:

• gradd israddedig 2:1 mewn unrhyw bwnc, neu
• Teilyngdod mewn gradd meistr integredig mewn unrhyw bwnc, neu
• Gradd israddedig 2:2 A Llwyddiant mewn gradd uwch ôl-raddedig (Meistr neu PhD) mewn unrhyw bwnc

*Rhaid cadarnhau canlyniadau'r graddau a ddefnyddir i gefnogi ceisiadau heb fod yn hwyrach na 31 Gorffennaf yn y flwyddyn gofrestru arfaethedig. Bydd cynigion sy’n amodol ar ganlyniadau gradd yn cael eu tynnu’n ôl os bydd canlyniadau’n weddill ar ôl y dyddiad hwn.

Astudiaeth flaenorol ar gwrs Meddygaeth

Ni chaniateir trosglwyddo o raglen Feddygaeth arall.Nid ydym yn ystyried ceisiadau gan fyfyrwyr sydd wedi dechrau gradd feddygol yn flaenorol ac nad ydynt wedi symud ymlaen oherwydd methiant academaidd, addasrwydd i ymarfer neu faterion proffesiynoldeb. Os yw ymgeisydd wedi gadael rhaglen gradd feddygol flaenorol am resymau eraill, gellir ystyried ei gais fesul achos.

Cofrestriad cydamserol

Nid yw rheoliadau'r Brifysgol yn caniatáu cofrestru cydamserol mewn Meddygaeth Mynediad i Raddedigion ac unrhyw raglen arall sy'n rhoi dyfarniad yn y brifysgol hon nac unrhyw brifysgol arall. Rhaid cwblhau pob rhaglen radd arall cyn cofrestru ar y rhaglen Meddygaeth i Raddedigion.

Cymwysterau cyfwerth

Rydym yn derbyn cymwysterau ysgol uwchradd a gradd cyfatebol a gymeradwyir gan Brifysgol Abertawe. Ar gyfer ymgeiswyr o wledydd mwyafrifol di-Saesneg, derbynnir IELTS 7.0 gyda dim llai na 7.0 mewn siarad a 6.5 mewn gwrando, darllen ac ysgrifennu yn gyfwerth. Mae manylion profion hyfedredd Saesneg cymeradwy i'w gweld .

Profion derbyn

Ar gyfer ceisiadau Cartref, rydym yn derbyn canlyniadau profion GAMSAT, ac ar gyfer ceisiadau Rhyngwladol, rydym yn derbyn naill ai canlyniadau GAMSAT neu MCAT. Rhaid i'r canlyniadau fod o eisteddiad o fewn dwy flynedd i'r cais. Mae'r rhestr o eisteddiadau GAMSAT dilys i'w gweld yma. Bydd ymgeiswyr sy'n bodloni'r sgôr terfyn blynyddol (a bennir unwaith y bydd holl sgoriau'r prawf wedi'u cadarnhau) ac uwch yn cael eu gwahodd i gyfweliad.

Yr isafswm sgôr GAMSAT derbyniol yw 50, gan gynnwys lleiafswm o 50 ym Mhapur 3 (Rhesymu yn y Gwyddorau Biolegol a Ffisegol). 

Y sgôr MCAT lleiaf sy'n dderbyniol yw 500. 

*SYLWCH: Mae meini prawf mynediad prawf dethol GAMSAT a MCAT bellach wedi'u cadarnhau ar gyfer mynediad Medi 2024:

GAMSAT (Ymgeiswyr Cartref): 53

GAMSAT (Ymgeiswyr sy'n hanu o Gymru): 50

GAMSAT (Ymgeiswyr rhyngwladol): 50

MCAT: 504

*NODWCH - RHAID i bob ymgeisydd fod wedi sefyll y prawf GAMSAT neu brawf MCAT cyn cyflwyno cais. Ni fyddwn yn ystyried unrhyw gais nad oes ganddo naill ai sgôr GAMSAT neu MCAT dilys, na thystiolaeth bod ymgeisydd wedi sefyll y prawf ac yn aros am ei ganlyniad. Mae profion GAMSAT a MCAT ar gael i brifysgolion yn uniongyrchol ddechrau mis Tachwedd.

Caiff ein modiwlau craidd eu llywio gan y safonau a bennir gan y Cyngor Meddygol Cyffredinol (GMC) ar gyfer Addysg Feddygol.  Mae’r modiwlau’n adeiladu ar y sylfaen o wybodaeth wyddonol a’r sgiliau clinigol sydd eu hangen i ymarfer meddygaeth. Byddwch yn mynychu darlithoedd sy’n seiliedig ar achosion ac yn adeiladu sgiliau mewn amgylchedd diogel ond sy’n canolbwyntio ar agweddau clinigol. Byddwch hefyd yn cael cyflwyniad i’r cysyniad o broffesiynoldeb, sef dull sy’n hanfodol ar gyfer ymarfer meddygol da.

Mae sesiynau sgiliau ymarferol, seminarau gwaith labordy, a gweithdai yn bennaf yn cael eu cynnal wyneb yn wyneb ar y campws, gan ganiatáu gweithio mewn grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein dulliau addysgu hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.

Bydd gennych lefel uchel o gyswllt clinigol strwythuredig wrth i’ch astudiaethau fynd yn eu blaenau, gan gwmpasu’r meysydd canlynol:

• Prentisiaethau Clinigol, gan gynnwys wythnos o ymarfer nyrsio
• Cynorthwy-ydd Iau
• Ymlyniadau arbenigol, gan gynnwys llawdriniaeth acíwt, meddygaeth acíwt, iechyd menywod, iechyd plant, iechyd meddwl, is-arbenigeddau meddygaeth a llawfeddygaeth, ac eiddilwch.
• Dysgu yn y gymuned
• Uwch Gynorthwyydd, yn dilyn meddygon F1
• Profiad Clinigol Detholedig

Mae'r Rhaglen Mynediad i Raddedigion yn gweithio mewn partneriaeth â sefydliadau'r GIG ledled Cymru i ddarparu profiad clinigol ac addysgu o ansawdd uchel. Mae mwyafrif y lleoliadau clinigol bellter byr o gampws y Brifysgol, ond disgwylir i fyfyrwyr hefyd ymgysylltu â lleoliadau clinigol mewn sawl ardal y tu allan i Abertawe, yn enwedig yng Nghanolbarth a Gorllewin Cymru. Mae GIG Cymru yn gweithredu 24 awr y dydd, 7 diwrnod yr wythnos, a bydd llawer o gyfleoedd dysgu yn codi y tu allan i oriau gwaith arferol. Mae presenoldeb ym mhob lleoliad clinigol yn orfodol ac yn cael ei fonitro'n agos. Gellir ystyried amgylchiadau eithriadol unigol os yw mynychu lleoliadau o bell neu y tu allan i oriau yn creu anawsterau penodol i fyfyrwyr.

O leiaf 40 credyd

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
• Tiwtor Personol Cymraeg ei iaith.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Mae'r cwrs hwn yn cynnig rhai modiwlau sy'n cael eu haddysgu trwy gyfrwng y Gymraeg neu'n ddwyieithog ar gyfer myfyrwyr sy'n ystyried eu bod yn rhugl yn y Gymraeg. Gweler yr adran isod am fanylion Darpariaeth Gymraeg.

Wedi’i achredu gan y Cyngor Meddygol Cyffredinol

Bydd myfyrwyr meddygaeth i raddedigion yn cael ei ddysgu gan amrywiaeth o glinigwyr, ymchwilwyr a staff academaidd wedi’i leoli yn yr Ysgol Feddygaeth

Prif staff addysgu’r rhaglen Meddygaeth i Raddedigion yw:
Pennaeth Meddygaeth i raddedigion: Professor Ffion Williams

Cyfarwyddwr rhaglen: Professor Kenneth McKeegan

Dirprwy pennaeth academaidd: Dr Suzanne Edwards

Arweinydd derbyn: Dr Arun Ramachandran a Dr Mike Gilbert

Arweinydd cwricwlwm: Dr Sarah Rees

Arweinwyr blwyddyn

Arweinydd Blwyddyn 1: Mr Carl Rowe
Arweinydd Blwyddyn 2: Mr Tim Brown
Arweinydd Blwyddyn 3: Miss Rhiannon Harries
Arweinydd Blwyddyn 4: Dr Lisa Williams

Arweinwyr Themau
Maetheg: Dr Jonathan Mullins
Ymddygiad: Professor Phil Newton
Symudiad: Dr Sarah Rees
Trafnidiaeth: Dr Malcolm Turner
Amddifyniad: Dr Angharad Davies and Dr Jenna Bulger
Datblygiad: Dr Sam Webster

Arweinydd llinyn
Anatomi/Strwythur: Dr Sam Webster and Dr Marcela Bezdickova
Arweinydd Meddygaeth, Iechyd a chymdeithas: Dr Suzanne Edwards and Dr Brendan Mason
Arweinydd therapewtig: Mrs Helen Day

Arweinwyr eraill
Arweinydd cymorth ac arweiniad i fyfyrwyr: Dr Claire Vogan
Dirprwy arweinydd cymorth ac arweiniad i fyfyrwyr
Arweinydd Dysgu Cymunedol: Dr Llinos Roberts
Dirprwy arweinydd Dysgu Cymunedol: Dr James Kerrigan
Dirprwy arweinydd lleoliadau clinigol: Dr Sujoy Banerjee
Arweinydd asesu: Dr Steve Capey
Arweinydd asesu clinigol: Dr Jayne Dawkins
Dirprwy arweinydd asesu clinigol: Dr Andy Haden
Arweinydd Iechyd ac ymddygiad: Mr Neil Price
Arweinydd cyfnewid sylfaenol: Dr Lisa Williams
Arweinydd detholiadau: Dr Balwinder Bajaj
Arweinydd clinigol datblygiad cyfadran: Dr Manju Nair
Arweinydd iau datblygiad cyfadran: Dr Sounder Perlman
Arweinydd ansawdd: Dr Aidan Byrne and Dr Ujjal Choudhuri
Arweinydd cydraddoldeb ac amrywiaeth a gyrfaoedd: Miss Farah Bhatti
Arweinydd Proffesiynoldeb a Dysgu Myfyriol: Dr Umakant Dave

Sgiliau Clinigol ac ICM
Arweinydd Blwyddyn 1 ICM: Mrs Sue Pugh
Arweinydd Blwyddyn 2 ICM: Dr Margaret Byrne
Arweinydd Blwyddyn 3 ICM: Dr Sue West-Jones
Arweinydd Blwyddyn 4 ICM: Dr Andy Haden

Uwch Mentor academaidd: Mrs Collette Hill

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Cymrodoriaeth Ymddiriedolaeth Foulkes

Os ydych yn ymgeisydd gyda PhD mae’n bosib y byddwch yn dymuno ymgeisio ar gyfer Cymrodoriaeth Ymddiriedolaeth Foulkes. Mae Ymddiriedolaeth Foulkes yn elusen gofrestredig a sefydlwyd i hybu ymchwil feddygol yn ogystal â chyfuno gwyddoniaeth a meddygaeth er budd dynoliaeth. Ewch ar wefan Ymddiriedolaeth Foulkes am fwy o wybodaeth am gymhwyster a sut i ymgeisio.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Bydd disgwyl i chi brynu tiwnig i'w gwisgo yn y lleoliad clinigol - rhoddir fanylion pellach pan fyddwch chi'n dechrau'r rhaglen.

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mentor Academaidd Personol:

Byddwch yn cael Mentor Academaidd a fydd yn un o gronfa o bersonél hyfforddedig sy’n aelodau staff academaidd yr Ysgol Feddygaeth, neu staff clinigol o Fyrddau Iechyd ar gyfer Meddygaeth i Raddedigion a Chydymaith Meddygol. 

Y Mentoriaid Academaidd Personol yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar faterion amrywiol a allai effeithio ar eich lles, eich presenoldeb a’ch cynnydd academaidd. Gall Mentoriaid Academaidd Personol hefyd eich helpu wrth gynllunio datblygiad personol a rhoi cyngor ar yrfaoedd.  Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Swyddog Bywyd Myfyrwyr:

Mae ein Swyddog Bywyd Myfyrwyr yn canolbwyntio ar gymorth myfyrwyr ac adnabod myfyrwyr a allai fod angen cael eu cyfeirio at wasanaethau tu fewn i’r Brifysgol a thu allan ohoni, a chyd-weithio â’r myfyrwyr hyn i sefydlu cynllun i leoli eu lles.  Mae’r swyddog wedi’i hyfforddi i ddelio â materion amrywiol, o adnabod arwyddion cam-drin domestig a throsedd casineb i hiraeth am adref a materion bugeiliol eraill.

Swyddfa Wybodaeth yr Ysgol Feddygaeth:

Mae ein tîm o weinyddwyr a chydgysylltwyr gwybodaeth myfyrwyr wrth law i roi cymorth gyda’ch ymholiadau academaidd a’ch cyfeirio at wasanaethau ychwanegol lle bo angen. 

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Tsieina, Sambia, De Corea, Siapan, Canada a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Rhaid cyflwyno pob cais am fynediad ym mis Medi 2024 trwy UCAS cyn 6pm ar 16 Hydref 2023. Mae'r dyddiad cau hwn yn berthnasol i ymgeiswyr o'r DU, yr UE a Rhyngwladol. Nid oes modd derbyn ceisiadau hwyr neu uniongyrchol.

Rhaid darparu gwybodaeth am gymwysterau blaenorol, gan gynnwys canlyniadau TGAU, Safon Uwch a gradd (neu gymwysterau rhyngwladol cyfatebol) adeg y cais. Fel arfer derbynnir sgorau GAMSAT a MCAT yn uniongyrchol gan ddarparwyr profion, ond mewn rhai achosion, gellir ceisio'r rhain gan ymgeiswyr ar ôl i geisiadau gael eu prosesu.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Gan fod y rhaglen Meddygaeth (Mynediad i Raddedigion) yn hynod gystadleuol, nid yw Prifysgol Abertawe'n derbyn ceisiadau ar gyfer mynediad gohiriedig ar gyfer y cwrs hwn. 

Caiff ceisiadau i ohirio gan ddeiliaid cynnig eu hystyried ar sail unigol o dan amgylchiadau eithriadol yn unig, megis:

• Profedigaeth aelod agos o'r teulu neu ffrind agos
• Afiechyd aelod agos o'r teulu sy'n gofyn i ddeiliad y cynnig fod yn brif ofalydd am fwy na 3 mis ar ôl dechrau'r cwrs
• Afiechyd personol deiliad y cynnig sy'n annhebygol o adfer o fewn 3 mis i ddyddiad dechrau'r cwrs*
• Amgylchiadau eithriadol eraill y mae’r arweinwyr derbyn o’r farn eu bod yn addas

I gyflwyno cais am fynediad gohiriedig, dylet gyflwyno cais ysgrifenedig gyda phrawf o'r amgylchiadau eithriadol, a fydd yn cael eu hystyried gan arweinwyr derbyn y cwrs. Bydd ceisiadau gohiriedig yn berthnasol i'r flwyddyn academaidd ddilynol ac ni chaniateir ceisiadau dilynol.  Am ragor o wybodaeth cysylltwch â'r Tîm Derbyn Myfyrwyr. 

Os caiff dy ohiriad ei gymeradwyo, rhaid i ti gadarnhau dy le 3 mis cyn dechrau'r cwrs yn y flwyddyn ohiriedig (1 Mehefin fel arfer ar gyfer dyddiad dechrau ar 1 Medi) neu mae'n bosib bydd dy gynnig yn cael ei dynnu'n ôl. 

Os na fyddwch yn cofrestru ar eich dyddiad gohiriedig gwreiddiol neu y cytunwyd arno, ystyrir bod eich cais wedi'i dynnu'n ôl. Er mwyn cael eich ystyried mewn blynyddoedd dilynol, bydd gofyn i chi gyflwyno cais UCAS newydd. Sylwch y gallai hyn hefyd olygu canlyniad GAMSAT newydd os yw'r canlyniad blaenorol wedi dod i ben.

Am ragor o wybodaeth, cysylltwch â'r Tîm Derbyn.

*Bydd afiechyd personol yn cael ei gyfeirio'n awtomatig i'r panel addasrwydd i ymarfer cyn ymuno â'r cwrs a bydd eich cais gohiriedig yn destun cliriad gan y panel hwn.

Mae ymgeiswyr sy'n bodloni'r holl ofynion mynediad sylfaenol yn cael eu rhestru ar sail eu sgorau GAMSAT neu MCAT. Pennir isafswm sgôr blynyddol unwaith y bydd canlyniadau profion pob ymgeisydd wedi'u cadarnhau, a bydd yr ymgeiswyr â'r sgôr uchaf yn cael eu gwahodd i fynychu ein diwrnod asesu yn gynnar yn y Flwyddyn Newydd.

Bydd eich asesiad yn cynnwys 3 sesiwn 20/30 munud wyneb yn wyneb a gall fod ar ffurf cyfweliadau, cyflwyniadau neu senarios chwarae rôl. Efallai y cewch eich holi hefyd am gynnwys eich datganiad personol o fewn un neu fwy o'r sesiynau. Bydd rhagor o fanylion am fformat y diwrnod, ac unrhyw beth sydd angen i chi ei baratoi, yn cael eu cadarnhau o fewn eich gwahoddiad i gyfweliad. Rydym yn cadw'r hawl i newid fformat sesiynau a'r cymwyseddau a asesir rhwng cylchoedd derbyn, heb rybudd.

Bydd sesiynau asesu yn cael eu cynnal gan ein panel hyfforddedig o glinigwyr, academyddion, myfyrwyr meddygol ac aelodau o’r cyhoedd ac wedi’u cynllunio i ystyried y rhinweddau personol ac academaidd sydd eu hangen fel meddyg, fel y nodir yn ‘Good Medical Practice’, a’r gallu i gyflawni canlyniadau 'Canlyniadau i Raddedigion'. Mae rhain yn:

• Sgiliau cyfathrebu
• Sgiliau datrys problemau
• Ymdopi â phwysau
• Mewnwelediad ac uniondeb
• Angerdd dros feddyginiaeth a gwydnwch i lwyddo
• Trefniadaeth ac ymchwil
• Moeseg a gwerthoedd

I gael rhagor o wybodaeth am yr hyn yr ydym yn edrych amdano yn y cyfweliad gweler ein tudalen awgrymiadau cyfweliad:

Awgrymiadau Cyfweliad Meddygaeth

Wedi inni gynnal y cyfweliadau, byddwn yn asesu perfformiad cyffredinol pob ymgeisydd.  Gan fod natur gystadleuol iawn i’r broses ddethol, cynigir lle yn Abertawe ddim ond i’r ymgeiswyr â’r sgorau uchaf.

Mae’r Cyngor Meddygol Cyffredinol (GMC) wedi cyflwyno Asesiad Trwyddedu Meddygol (MLA) i ddangos bod y bobl hynny sy’n ennill cofrestriad gyda thrwydded i ymarfer meddygaeth yn y DU yn diwallu’r trothwy cyffredin ar gyfer ymarfer ddiogel. Dylai ymgeiswyr fod yn ymwybodol o’r ffaith fod angen i bob myfyriwr meddygol lwyddo yn nwy ran yr MLA er mwyn ennill cofrestriad i ymarfer o 2024-2025 ymlaen, pasio arholiadau terfynol y brifysgol a dangos eu haddasrwydd i ymarfer.

Ymgeiswyr ag anableddau

Rhaid i ysgolion meddygol ystyried effaith cyflyrau iechyd ac anableddau ar addasrwydd myfyrwyr i ymarfer fel meddyg. Mae hyn o ganlyniad i'r ffaith bod ganddynt gyfrifoldeb dros sicrhau bod myfyrwyr yn gymwys i gael eu cofrestru gyda'r Cyngor Meddygol Cyffredinol.   Mae pob cynnig yn amodol ar gadarnhad gan iechyd galwedigaethol ac addasrwydd i ymarfer. Bydd y manylion y byddwch yn eu darparu hefyd yn ein helpu i ystyried pa addasiadau rhesymol sy'n bosib er mwyn cynorthwyo gyda'ch heriau iechyd penodol ac anableddau.

Os oes gennych anabledd, gwnewch yn siŵr eich bod yn nodi hyn ar y ffurflen UCAS drwy roi tic yn y blwch perthnasol.  Ni fydd datgelu hyn yn effeithio ar sgrinio eich cais. Os gwneir cynnig, bydd yr Adran Iechyd Galwedigaethol yn cysylltu â chi i drafod eich sefyllfa.

Os ydych yn ansicr sut bydd anabledd yn rhan o'r broses cyflwyno cais neu os oes angen rhagor o wybodaeth, e-bostiwch y tîm Iechyd Galwedigaethol. Dylech hefyd hysbysu'r tîm derbyn myfyrwyr os ydych yn gymwys am ystyriaethau arbennig yn ystod profion ysgrifenedig neu gyfweliadau ar sail eich anabledd.

Sgrinio Iechyd a Gwiriadau Datgelu a Gwahardd

Bydd yn rhaid i'r holl ymgeiswyr llwyddiannus sy'n derbyn lle gwblhau datganiad iechyd a ffurflenni imiwneiddio. Bydd gan eich Meddyg Teulu fynediad at fanylion eich hanes imiwneiddio a dylai allu rhannu hyn gyda chi ar gais.  Caiff y rhain eu sgrinio gan yr Adran Iechyd Galwedigaethol. Bydd Meddyg Iechyd Galwedigaethol yn cysylltu â rhai myfyrwyr i gael rhagor o wybodaeth lle bo'n briodol.  Gallai adolygiad iechyd galwedigaethol gynnwys profion gwaed ac imiwneiddiadau i sicrhau'ch diogelwch yn ogystal â diogelwch cleifion.

Bydd yn rhaid i fyfyrwyr gwblhau gwiriad manwl llwyddiannus gan y Gwasanaeth Datgelu a Gwahardd cyn dechau ar y cwrs.  Mae'r cynnig lle yn dibynnu ar wiriad llwyddiannus o Gronfa Ddata Myfyrwyr wedi'u Heithrio y Cyngor Ysgolion Meddygol.

Er lles diogelwch cleifion a’r cyhoedd, ac i atal ceisiadau twyllodrus i gyrsiau sy’n arwain at ymuno â phroffesiwn cofrestredig yn y DU, bydd Ysgol Feddygaeth Prifysgol Abertawe yn rhannu rhai o’r wybodaeth a ddarperir yn eich cais gyda Chyngor Ysgolion Meddygol er mwyn gwirio eich addasrwydd i ymarfer.  

Os gwneir dyfarniad addasrwydd i ymarfer yn eich erbyn yn y dyfodol, caiff eich gwybodaeth a chopi o’r dyfarniad hwnnw ei storio hefyd mewn cronfa ddata ganolog sydd ddim ond yn agored i ysgolion eraill sydd â chyrsiau sy’n arwain at fynediad i broffesiwn cofrestredig yn y DU. Defnyddir hyn at ddibenion addasrwydd i ymarfer go iawn yn unig er mwyn diogelu cleifion a’r cyhoedd, ac i atal ceisiadau twyllodrus. Mae unrhyw gynnig am le ar y rhaglen yn amodol ar i chi ddatgelu unrhyw ddyfarniadau addasrwydd i ymarfer yn eich erbyn, ac i chi gydsynio i’r wybodaeth hon gael ei defnyddio. Mae hawl gennych i weld y wybodaeth a ddelir amdanoch yn y gronfa ddata ac i gywiro unrhyw wallau.

Mae Prifysgol Abertawe yn sefydliad cyfle cyfartal ac mae’n mynd ati i annog ceisiadau wrth bobl o bob gallu. Ar gyfer cyrsiau Meddygaeth, caiff pob cais ei asesu’n unigol, yn seiliedig ar allu’r ymgeisydd i gyflawni’r canlyniadau dysgu, a’r sgiliau a’r cymwyseddau sydd eu hangen i gyflawni’r rhaglen MBBCh fel a ofynnir yn ‘Outcomes for Graduates’ y GMC. Mae’r GMC yn ei gwneud hi’n ofynnol i bob ysgol feddygaeth sicrhau bod yr ymgeisydd yn gallu cyflawni pob agwedd ar y cwricwlwm meddygol, ac wrth ystyried ymgeiswyr ag anableddau, mae’r Coleg yn dilyn y canllaw cyngor a bennir gan y GMC yn ei ddogfen ‘Gateways to the Professions’ (gellir cael gafael ar hwn ar wefan y GMC). Mae’r Brifysgol yn monitro’r broses ddethol yn ofalus, er mwyn sicrhau nad yw unrhyw ymgeisydd dan anfantais.

Nid oes terfyn oedran uwch wedi’i bennu ar gyfer dechrau ar Raglen Meddygaeth i Raddedigion. Serch hynny, rydym yn argymell bod pob ymgeisydd yn ystyried yn ofalus nid yn unig hyd y rhaglen, ond hefyd y gofynion dwys sy’n perthyn i yrfa mewn meddygaeth, a’r ymrwymiad hirdymor sydd ei angen ar ôl llwyddo i gyflawni’r cwrs.