Mae’r LLM mewn Ymarfer Cyfreithiol Proffesiynol ym Mhrifysgol Abertawe yn gwrs proffesiynol ar gyfer graddedigion y gyfraith a luniwyd yn unol â gofynion Arholiadau Cymhwyso Cyfreithwyr 1 a 2 (SQE1 a 2).
Bydd astudio ar gyfer LLM mewn Ymarfer Cyfreithiol yn Abertawe'n rhoi i chi'r wybodaeth graidd a'r sgiliau cyfreithiol ymarferol sy'n hanfodol wrth baratoi graddedigion y gyfraith sy'n awyddus i gymhwyso fel Cyfreithwyr yng Nghymru a Lloegr drwy'r Arholiadau Cymhwyso Cyfreithwyr (SQE).
Trwy gyfuniad o ddysgu damcaniaethol a sgiliau ymarferol, byddwch yn meithrin dealltwriaeth fanwl o'r sgiliau a'r wybodaeth sydd eu hangen i ddilyn gyrfa lwyddiannus yn y proffesiwn cyfreithiol.
Ochr yn ochr â pharatoi ar gyfer yr SQE1 a 2, byddwch hefyd wedi paratoi'n briodol ar gyrfa mewn ymarfer. Dan arweiniad ein hacademyddion arbenigol, byddwch yn meithrin proffil deniadol a chydnabyddedig ar gyfer cyflogwyr posib.
Mae'r LLM mewn Ymarfer Cyfreithiol Proffesiynol yn Abertawe'n cynnig y cyfle i chi ennill dyfarniad Meistr, meithrin gwybodaeth a sgiliau cyfreithiol, ac yn eich paratoi ar gyfer bywyd llwyddiannus mewn ymarfer cyfreithiol.
Ar gyfer graddedigion nad oes ganddynt radd yn y gyfraith sy'n awyddus i ddilyn llwybr pontio i'ch paratoi ar gyfer yr SQE1, mae ein LLM yn y Gyfraith ac Ymarfer Cyfreithiol yn cynnig y cam cyntaf delfrydol tuag at gymhwyso.
Pam Ymarfer Cyfreithiol Proffesiynol ym Mhrifysgol Abertawe?
Fel myfyriwr LLM mewn Ymarfer Cyfreithiol Proffesiynol, byddwch yn ymuno â chymuned ôl-raddedig ffyniannus ac amgylchedd academaidd bywiog, yn ein Hysgol y Gyfraith o fri rhyngwladol.
Mae Ysgol y Gyfraith yn cael ei chydnabod fel ffynhonnell arbenigedd, ac fel un sy'n cael effaith ar ystod amrywiol o feysydd ymarfer. Mae ein Hysgol yn llwyr ymrwymedig i wella dysgu ac addysgu'n barhaus, gan flaenoriaethu myfyrwyr yn ein gweithgareddau a chynnig profiad neilltuol iddynt.
Fe'ch goruchwylir gan academyddion ac ymarferwyr cymwysedig sydd â phrofiad helaeth o'r byd go iawn, sydd mewn sefyllfa ddelfrydol i roi arweiniad a chymorth parhaus.
Byddwch hefyd yn cael nifer o gyfleoedd i ymgysylltu â'n Clinig y Gyfraith, lle gallwch gynnig cyngor i gleientiaid dan oruchwyliaeth.
Ynglŷn â'r Arholiadau Cymhwyso Cyfreithwyr (SQE)
Yr Arholiadau Cymhwyso Cyfreithwyr (SQE) yw'r llwybr canolog at gymhwyso fel cyfreithiwr yng Nghymru a Lloegr. Wedi'u cyflwyno yn 2021, maent yn disodli llwybrau cymhwyso blaenorol.
I gymhwyso, mae'n rhaid i'r holl ymgeiswyr gwblhau:
SQE1 - profi gwybodaeth gyfreithiol
SQE2 - profi sgiliau cyfreithiol ymarferol (megis cyfweld, eiriolaeth ac ysgrifennu cyfreithiol)
Profiad Gwaith Cymhwyso (QWE) - profiad ymarferol i'w gwblhau mewn un neu fwy o leoliadau cyfreithiol
Nod yr SQE yw sicrhau llwybr teg a chyson at gymhwyso i bawb, ni waeth beth yw eu cefndir neu eu profiad blaenorol o astudio'r gyfraith.
Bydd y cwrs LLM mewn Ymarfer Cyfreithiol Proffesiynol yn eich cefnogi i feithrin yr wybodaeth sylfaenol a'r sgiliau ymarferol sy'n angenrheidiol i weithio tuag at asesiadau'r SQE a pharatoi ar gyfer gyrfa ym maes ymarfer y gyfraith.
Yn y pen draw, bydd yr Arholiadau Cymhwyso Cyfreithwyr yn disodli'r llwybrau presennol i ymarfer yn y maes. Os ydych chi eisoes wedi dechrau neu wedi derbyn lle ar GDL neu LLB ar 1 Medi 2021, mae trefniadau pontio ar waith er mwyn i chi gymhwyso drwy'r llwybr Cwrs Ymarfer Cyfreithiol tan 2032*.
*Rhaid bod ymgeiswyr wedi derbyn cynnig am le ar GDL erbyn 31/8/21, neu am LLB erbyn 30/9/21 i gadw'r hawl i gymhwyso drwy'r Cwrs Ymarfer Cyfreithiol.
Nid yw asesiadau'r SQE yn rhan o'r rhaglen ei hun ac nid yw'r gost o ymgymryd ag asesiadau'r SQE wedi'i chynnwys yn ffi'r rhaglen.
Eich Profiad Ymarfer Cyfreithiol Proffesiynol
Mae ein LLM mewn Ymarfer Cyfreithiol Proffesiynol yn cynnig cymuned ac amgylchedd dysgu sy'n gynhwysol ac yn canolbwyntio ar ein myfyrwyr, gan flaenoriaethu eich llwyddiant.
Cyflwynir ein rhaglen mewn dau gam. Yng ngham un, byddwch yn meithrin dealltwriaeth gynhwysfawr o’r meysydd ymarfer craidd, wrth i gam dau ganolbwyntio ar ddatblygu eich sgiliau cyfreithiol proffesiynol yng nghyd-destun y meysydd ymarfer craidd.
Wrth i chi wneud cynnydd, byddwch hefyd yn ymgymryd â dysgu annibynnol dan gyfarwyddyd, sy'n briodol i'r proffesiwn cyfreithiol, gan ganolbwyntio ar ymchwil a drafftio cyfreithiol.
Byddwch yn meithrin sgiliau llafar ac ysgrifennu ardderchog, gan ddysgu sut i gyflwyno eich syniadau drwy amrywiaeth o fformatau. Byddwch yn meithrin ystwythder beirniadol a'r gallu i feddwl yn ddadansoddol, gan ddod yn fedrus mewn ymchwil gyfreithiol a meddu ar y sgiliau datrys problemau sy'n hanfodol ar gyfer ymarfer y gyfraith.
Mae ein rhaglen yn cynnwys amrywiaeth o ddulliau asesu, a byddwch yn cael eich annog i ddatblygu sgiliau gweithio mewn tîm a sgiliau cyfathrebu drwy seminarau a gweithdai, yn ogystal â sgiliau rheoli prosiectau a chynnal ymchwil annibynnol fel rhan o'r modiwl dysgu annibynnol. Bydd y sgiliau hyn yn sicrhau y gallwch gystadlu'n llwyddiannus yn y farchnad swyddi.
Bydd gennych fynediad hefyd at ddarlithoedd gwadd gan ymarferwyr ac academyddion o fri a byddwch yn elwa o'n rhwydweithiau proffesiynol sefydledig sy'n cefnogi eich dysgu.
Mae ein LLM mewn Ymarfer Cyfreithiol Proffesiynol yn eich paratoi i sefyll arholiadau SQE1 ac SQE2. Ar ôl llwyddo yn yr asesiadau hyn a chwblhau dwy flynedd o brofiad gwaith cymhwysol, byddwch yn gymwys i gymhwyso fel cyfreithiwr.
Ar gyfer graddedigion nad ydynt yn dymuno cwblhau'r SQE1 a'r SQE2, mae ein gradd yn sicrhau bod ganddynt amrediad eang o sgiliau trosglwyddadwy, gan sicrhau eu bod yn barod ar gyfer amrywiaeth o yrfaoedd amgen, gan gynnwys:
Cyfreithwyr academaidd
Cyfrifyddiaeth
Bancio
Masnach a busnes
Llywodraethu corfforaethol
Gwasanaeth Erlyn y Goron
Y diwydiant cyllid a bancio
Gwasanaeth Cyfreithiol y Llywodraeth
Cyhoeddi cyfreithiol
Adrannau Ombwdsmon
Rheolyddion
Trethu
Modiwlau
Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.
Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.
Gofynion Mynediad
Nodyn ar gyfer ymgeiswyr rhyngwladol ac Ewropeaidd:
gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.
Ein gofyniad mynediad safonol yw gradd israddedig 2:2 yn y gyfraith neu gwblhau Diploma yn y Gyfraith i Raddedigion (neu gwrs trosi ôl-raddedig cyfatebol arall ar gyfer graddedigion heb radd yn y gyfraith) yn llwyddiannus, ond asesir pob ymgeisydd ar sail unigol.
Rydym yn hapus i ystyried ymgeiswyr nad ydynt wedi cael addysg ers peth amser, sydd wedi cael profiad proffesiynol cyfatebol, neu debyg.
Gofynion iaith Saesneg – sgôr IELTS o 6.5, gydag o leiaf 6.0 ym mhob elfen neu brawf Saesneg cymeradwy cyfatebol. Gweler rhagor o wybodaeth am ein gofynion iaith Saesneg.
Rydym yn cynnig amrywiaeth o raglenni hyfforddiant cyn-sesiynol i fyfyrwyr sy’n methu’r gofyniad iaith Saesneg yn unig, a gallwch ymgymryd â'r rhain cyn dechrau eich rhaglen radd.
Rydym yn croesawu ceisiadau gan fyfyrwyr o bob cwr o'r byd ac yn gofyn am dystiolaeth o astudiaethau blaenorol sy'n cyfateb i'r gofynion mynediad.
Yn Abertawe, byddwch yn elwa o addysg o ansawdd uchel, sydd wedi’i chyfeirio gan ymchwil, sy'n cyfuno amrywiaeth o ddulliau addysgu effeithiol a chynhwysol, wedi'u teilwra'n ofalus i ddiwallu anghenion eich cwrs. Addysgir y cwrs hwn wyneb yn wyneb, ar y campws, gan roi cyfle i chi feithrin cysylltiadau â myfyrwyr eraill, staff academaidd, a chymuned ehangach y Brifysgol. Caiff y rhaglen ei haddysgu drwy gymysgedd o ddarlithoedd, seminarau, gweithdai a thiwtorialau, gan gynnig ymagwedd
gytbwys at ddysgu. Mae'r amrywiaeth hon yn sicrhau y gallwch ymgysylltu â'r deunydd mewn gwahanol ffyrdd, gan wella eich dealltwriaeth a'ch gallu i gadw gwybodaeth. Mae natur ryngweithiol seminarau a gweithdai yn annog cyfranogiad gweithredol a thrafodaeth feirniadol, sy'n hanfodol ar gyfer datblygu sgiliau dadansoddol. Byddwch yn elwa o gael mynediad at ystod amrywiol o asesiadau, gan gynnwys aseiniadau gwaith cwrs, adroddiadau myfyriol, ymarferion dadansoddi data, prosiectau cydweithredol, cyflwyniadau cyfryngau digidol, ymarferion efelychu a phrosiectau ymchwil rhyngddisgyblaethol, sydd i gyd wedi'u cynllunio i'ch helpu chi i ddatblygu sgiliau allweddol trosglwyddadwy. Defnyddir offer dysgu digidol hefyd i wella'ch profiad dysgu. Gallai’r rhain gynnwys: · Darlithoedd wedi'u recordio i gefnogi astudio ac adolygu hyblyg. · Adnoddau ar-lein ar amgylchedd dysgu rhithwir y Brifysgol (Canvas), gan gynnwys fideos, deunyddiau darllen, cwisiau a fforymau trafod. Mae'r ymagwedd hon yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb. Sylwer: Os ydych chi'n fyfyriwr rhyngwladol sy'n astudio â Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn cael eu cynnal ar y campws. Yn unol â phrotocol UKVI, bydd y sesiynau hyn yn cael eu monitro a bydd data ar gael ar gais.
Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffech roi gwybod i ni
bod gennych ddiddordeb mewn dilyn elfen trwy gyfrwng y Gymraeg, e-bostiwch astudio@abertawe.ac.uk gan nodi eich blwyddyn mynediad i’r Brifysgol ac fe wnawn
ein gorau i weld beth sy’n bosib.
Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r
canlynol ar eich cyfer, ac mae cefnogaeth ar gael i chi trwy Academi Hywel
Teifi:
Cyfle am gyfweliad trwy gyfrwng y Gymraeg wrth wneud cais am le.
Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych
chi wedi dewis astudio yn Saesneg), a bydd eich gwaith yn cael ei farcio yn Gymraeg.
Tiwtor Personol Cymraeg ei iaith.
Cefnogaeth un i un yn y Gymraeg i wella eich sgiliau academaidd.
Cyfle i ennill cymhwyster ychwanegol sy'n
dystiolaeth o'ch gallu yn yr iaith Gymraeg i gyflogwyr, sef Tystysgrif Sgiliau Iaith Gymraeg y Coleg Cymraeg a
CBAC.
Caiff ein graddau eu haddysgu gan arbenigwyr sydd â gwybodaeth helaeth i'w rhannu â chi. Gallwch ddysgu mwy am ein harbenigedd academaidd ar ein proffiliau staff.
Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.
Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Efallai y byddwch yn gymwys i gael arian i helpu i gefnogi eich astudiaethau.
I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.
Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Mae’n bosib eich bod yn gymwys i gael cymorth ariannol tuag at eich astudiaethau.
Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau.
I gael mwy o wybodaeth, ewch i'n tudalen benthyciadau Ôl-raddedig.
I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen
ysgoloriaethau a bwrsariaethau'r Brifysgol.
Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog.
I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi
Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.
Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):
Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Yn ogystal â chymorth pwnc penodol gan staff addysgu'r coleg a'ch tiwtor
personol, mae'r
Ganolfan Llwyddiant Academaidd yn darparu cyrsiau, gweithdai a chymorth un-i-un mewn
meysydd fel:
Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)
Yn ogystal, os oes gennych Anhawster Dysgu Penodol (ADP/SpLD), anabledd,
cyflwr iechyd meddwl neu gyflwr meddygol, mae gan y Ganolfan Llwyddiant
Academaidd Diwtoriaid Arbenigol i gefnogi'ch dysgu. Bydd y tiwtoriaid yn
gweithio ochr yn ochr â'r Swyddfa Anabledd
a'r Gwasanaeth Lles i gefnogi eich holl anghenion a
gofynion tra byddwch yn astudio ym Mhrifysgol Abertawe.
Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer
cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae
rhagor o wybodaeth ar gael ar ein tudalen we Dyddiadau
cau ar gyfer cyflwyno cais.
Bydd y Brifysgol yn gwneud pob ymdrech i ddarparu pob cwrs yn unol â'r
disgrifiadau a geir yn nhudalennau gwe'r cwrs perthnasol ar adeg eich
cais. Fodd bynnag, gall fod sefyllfaoedd pan fydd yn ddymunol neu'n
angenrheidiol i'r Brifysgol wneud newidiadau yn narpariaeth y cwrs naill
ai cyn neu ar ôl cofrestru.
Mae'r wybodaeth isod ar gyfer myfyrwyr sy'n dechrau eu cyrsiau yn 2016 neu
wedi hynny.
Fel arfer, ni fydd y Brifysgol yn gwneud newidiadau sylweddol iawn i gyrsiau
(er enghraifft, newid teitl y cwrs, ailstrwythuro sylweddol, newid sylweddol
yng nghynnwys y cwrs, neu gyflwyno rhwystr i ddilyniant) a fyddai'n
effeithio ar fyfyrwyr sydd eisoes wedi dechrau eu cwrs. Mewn amgylchiadau
eithriadol, gall fod angen i'r Brifysgol wneud y fath newid ar ôl i ddeiliad
cynnig dderbyn lle. Ni fydd hyn yn digwydd llai na 5 mis cyn cofrestru.
Caiff deiliad y cynnig ei hysbysu am y newid a chyfle i dynnu ei gais yn ôl
a gwneud cais i sefydliad arall.
Gellid gwneud newidiadau eraill yng nghynnwys y cwrs, y lleoliad astudio, y
dulliau cyflwyno a'r ddarpariaeth addysgu oherwydd datblygiadau yn y pwnc
dan sylw, gwelliannau i arfer addysgu neu asesu, gofynion prosesau achredu
allanol, newidiadau staffio, cyfyngiadau o ran adnoddau neu newidiadau o ran
argaeledd cyfleusterau. Bydd newidiadau o'r fath yn ystyried disgwyliadau
rhesymol darpar fyfyrwyr a myfyrwyr presennol.
Crynodeb o'r Newidiadau
Dyddiad y Newid
10/02/2026
Course Title(s)
Ymarfer y Gyfraith Proffesiynol,
LLM
1 Blynedd
Llawn Amser
Newidiad o Bwys
Mae newidiadau i strwythur credydau'r rhaglen hon ar un lefel astudio yn ogystal â newidiadau i strwythur y rhaglen sy'n effeithio ar a yw modiwlau'n orfodol neu'n ddewisol.
Rheswm dros y Newid
Mae'r diweddariadau hyn wedi'u cynllunio i wneud eich profiad dysgu'n fwy syml, perthnasol a haws i'w reoli.
