Trosolwg
Mae Chris yn Uwch-ddarlithydd yn yr Adran Troseddeg, Cymdeithaseg a Pholisi Cymdeithasol, gyda chefndir mewn cymdeithaseg ac athroniaeth. Mae wedi cyhoeddi dros 40 o erthyglau a phenodau llyfrau, ynghyd ag ysgrifennu dau lyfr ar bynciau ym meysydd astudiaethau gwyddoniaeth a thechnoleg a chymdeithaseg risg amgylcheddol.
Mae ei ddiddordebau ymchwil yn canolbwyntio ar y ffyrdd y mae cymdeithasau'n delio ag ansicrwydd, yn enwedig ansicrwydd sy'n cyd-fynd ag arloesi technolegol. Yn y cyd-destun hwn, mae ei waith ymchwil yn y gorffennol wedi edrych ar effaith gymdeithasol a rheoleiddio nanodechnoleg a genomeg bersonol.
Yn ddiweddar, mae ei waith ymchwil wedi edrych ar effeithiau cymdeithasol posib trawsnewid ar systemau ynni carbon isel. Yn benodol, mae wedi delio â goblygiadau trawsnewid ynni am gyfiawnder cymdeithasol ac amgylcheddol, gyda ffocws ar Gymru. Fel rhan o'r gwaith hwn, mae wedi cydweithio i ddatblygu ymagweddau cyfranogol newydd at helpu i rymuso cymunedau i drawsnewid ynni a helpu i lywio'r ffordd y gallai ei chymryd.
Mae'n Brif Olygydd ar y cyd y cyfnodolyn Futures.