Academi Arloesi

Academi Arloesi

Mae'r Academi Arloesi'n darparu sylfaen addysgu, dysgu ac ymchwil o safon fyd-eang sy'n rhoi'r hyder, y sgiliau a'r gallu i arweinwyr arloesi mewn sectorau amrywiol, gan gynnwys ymhlith pethau eraill TGCh, Peirianneg, Dyframaeth, Amddiffyn, Seiberddiogelwch ac Iechyd a Gofal.

Mae Academi Dysgu Dwys Cymru Gyfan ar gyfer Arloesi mewn Iechyd a Gofal Cymdeithasol (IHSC) yn rhan o'r Academi Arloesi. Mae Academi IHSC yn rhoi i arweinwyr yr hyder, y sgiliau a'r gallu i arloesi ar draws y sector iechyd a gofal cymdeithasol a'r trydydd sector.

Mae ein rhaglenni’n cwmpasu ystod o sectorau ac yn cynnig opsiynau astudio rhan-amser dwy flynedd hyblyg, sy’n cynnwys prosiect sy’n seiliedig ar gleientiaid, ac yn defnyddio amrywiaeth o ddulliau addysgu a ddatblygwyd gan arbenigwyr ac ymarferwyr o sefydliadau’r sector cyhoeddus a phreifat.

Mae datblygu eich gweithlu'n dangos ymrwymiad i dwf eich cyflogeion a llwyddiant eich busnes. Mae cyflogeion sydd â sgiliau a gwybodaeth uwch yn cyfrannu'n fwy effeithiol at amcanion sefydliadau, gan feithrin arloesedd a chynhyrchiant, sydd oll yn rhoi mantais gystadleuol i chi a'ch tîm.

Ydych chi'n barod i rymuso eich gweithlu? Cysylltwch â’n tîm heddiw: IHSCAcademy@abertawe.ac.uk

Darganfyddwch ein rhaglenni MSc Rheoli Uwch deinamig a'n graddau hyblyg ac arloesol sy'n defnyddio amrywiaeth o ddulliau addysgu. Wedi’u harwain gan arbenigwyr ac ymarferwyr yn y sectorau iechyd, gofal a gwirfoddol.

Cefnogir Academi Dysgu Dwys Cymru ar gyfer Arloesi mewn Iechyd a Gofal Cymdeithasol (IHSC) gan Lywodraeth Cymru a chafodd ei sefydlu i ddatblygu a chefnogi arloesedd, o raddfeydd cynyddol i raddfeydd trawsnewidiol, ar draws Iechyd a Gofal Cymdeithasol. Mae’n cynnwys y sector cyhoeddus, y sector preifat a'r trydydd sector drwy ymagwedd ddysgu ac ymarfer sy'n seiliedig ar ofal, gan dynnu ar weithgareddau rheng flaen grwpiau megis Arweinwyr Arloesi'r GIG drwy wybodaeth ac arbenigedd rhyngwladol partneriaid a rhwydweithiau rhyngwladol.

Mae'r Academi'n cynnig fframwaith unigryw o gyfleoedd dysgu a gyflwynir mewn partneriaeth â Bwrdd Iechyd Prifysgol Caerdydd a'r Fro a Chomisiwn Bevan.

Blwyddlyr 2023

Archwiliwch lwyddiant a thaith ryfeddol ein carfan MSc Uwch Reoli mewn Iechyd a Gofal mewn Blwyddlyfr. Darllenwch am eu cyflawniadau a'u profiadau dysgu, gan amlygu eu prosiectau ymchwil a'r effaith diriaethol y maent wedi'i chael. Mae’r Blwyddlyfr hwn yn cynnig cipolwg unigryw ar y cyfraniadau rhyfeddol a’r effaith ddiriaethol y maent wedi’i chael.

Carol Haake, Rheolwr Ailalluogi Cofrestredig

"Mae'r profiad wedi bod yn heriol ac yn wobrwyol.

Gwnaeth y rhaglen MSc ran-amser dros ddwy flynedd wella fy ngwybodaeth a’m sgiliau academaidd a rhoddodd offer ymarferol i gefnogi arloesedd yn y sector.

Gwnaeth y prosiect yn y gweithle roi'r cyfle i mi roi popeth rydw i wedi'i ddysgu ar waith drwy weithredu camau cynllunio gofal digidol yn y gweithle er mwyn gwella effeithlonrwydd y gwasanaeth a gwella canlyniadau i ddinasyddion. 

Gwnaeth y cwrs hwn fy ngalluogi i symud ymlaen yn fy ngyrfa, fel Uwch-reolwr Gwella."

Prince Ibe, Myfyriwr Rhyngwladol

"Penderfyniad bwriadol oedd astudio rheoli gofal iechyd er mwyn ehangu fy ngwybodaeth y tu hwnt i ymgynghoriadau cleifion.

Ymhlith y ffactorau allweddol roedd achrediadau'r cwrs ynghyd â'i bwyntiau datblygiad proffesiynol parhaus a'r ffaith ei fod yn cael ei gydnabod fel rhaglen arloesol. Roedd y profiad yn ddwys ac yn llawn effaith ac mae'r fframweithiau a'r offer a gaiff eu meithrin yn hynod werthfawr. Y peth gorau oedd y cymorth rhagorol gan y staff. Roedd y rhyngweithiadau'n rhagorol, gan ddilysu profiadau personol fel arfau addysgu a chan gynnig arweiniad anacademaidd rhagorol.

Gwnaeth dysgu am offer a thechnegau rheoli newydd yn yr amgylchedd cefnogol hwn y daith yn werthfawr."