Ymagwedd at dechnoleg ddigidol sy’n canolbwyntio ar bobl

Rydyn ni’n ysgogi arloesedd digidol, flaenoriaethu anghenion a gwerthoedd dynol

Rydyn ni’n ysgogi arloesedd digidol trwy flaenoriaethu anghenion a gwerthoedd dynol

Yr Her

A oes risg y byddwn yn cwympo i ‘dywyllwch digidol’? A fydd technoleg yn arwain at golli cyfathrebu wyneb yn wyneb?

Mae’r Athro Matt Jones yn credu bod risg ac mae’n credu y bydd ymagwedd at dechnolegau digidol sy’n canolbwyntio ar bobl yn ein helpu i atal hyn a helpu i fynd i’r afael â ‘dyfodiad y robot’.

Y Dull

Mae’r Athro Jones a’i dîm wedi teithio’n helaeth i gymunedau mewn ardaloedd gwledig mewn lleoedd megis De Affrica a’r India i weithio gyda phobl yno i ddatblygu technolegau newydd sy’n seiliedig ar bobl. Mae’r tîm yn gweithio gydag amrywiaeth o randdeiliaid, gan gynnwys IBM a Microsoft ac yn fwyaf diweddar, Sefydliad Technoleg yr India ym Mymbai, i ymchwilio i dechnoleg ar gyfer nifer gynyddol y defnyddwyr yno.

Mae’r Athro Jones a’i dîm wedi ymweld â Mymbai, gyda phrototeip o system sy’n seiliedig ar leferydd sy’n debyg i Alexa neu Google Home, ac a ddatblygwyd ar ôl ymweliadau blaenorol â Mymbai ar y cyd â’r bobl yno. Byddai modd i bobl a oedd yn gofyn cwestiwn i ddyfais gael yr opsiwn o gael ateb gan berson os nad oeddent yn hapus gydag ateb y dechnoleg cynorthwy-ydd lleferydd.

A yw ‘tywyllwch digidol’ ar y gweill?

Archwilio Problemau Byd-eang

Yr Effaith

Datgelodd yr ymchwil y math o gwestiynau yr oedd pobl am eu holi, a hefyd ansawdd yr ateb a ddarparwyd gan bobl yn hytrach na’r hyn a ddarperir gan beiriant. Canfu fod pobl yn fodlon â’r ateb awtomatig tua 40% o’r amser, ond eu bod yn llawer mwy bodlon â’r ateb dynol 60% o’r amser.
O ganlyniad i ymchwilio i’r defnydd o dechnoleg gan ddiwylliannau gwahanol ledled y byd, canfu’r tîm y cododd yr angen i ystyried technoleg a fyddai’n cyd-fynd yn well â chyd-destunau cymunedol gwahanol ond hefyd, o bosib, yn darparu tirluniau newydd ar gyfer cyfle digidol i bawb; o bobl ym Mymbai i ddylunwyr yng Nghaliffornia.

Beth mae ein partneriaid yn ei ddweud

"Mae Ymchwil ac Arloesi yng ngwaed Microsoft ac mae'n hanfodol i'n cenhadaeth 'i rymuso pob unigolyn a phob sefydliad ar y blaned i gyflawni mwy.

"Mae ein cydweithio â Phrifysgol Abertawe wedi bod yn wych ar sawl lefel. Mae'r gwaith ei hun yn cynnig safbwynt pwysig ynghylch dylunio a deall sut gall technolegau cyfrifiadura a thechnolegau digidol gael eu defnyddio gan bobl na chânt eu hystyried fel arfer wrth inni adeiladu'r systemau hyn, ac ar ran y bobl hyn. Mae'r ddealltwriaeth hon yn hollbwysig i ddarparwr technolegau byd-eang.

"Fel gydag unrhyw gydweithio da, mae'r gwaith hwn wedi arwain at syniadau a phartneriaethau newydd gyda thîm Abertawe yr ydym yn gyffrous iawn yn eu cylch. Arweiniodd y cydweithrediad yn uniongyrchol at brosiect newydd a oedd yn canolbwyntio ar gasglu set ddata anabledd yn gyntaf o leoliadau adnoddau isel yn y de byd-eang.

"Mae tîm prosiect Abertawe yn wych i weithio gyda nhw – ymchwilwyr proffesiynol, craff â’u pennau a’u calonnau yn y lle iawn.”

Edward Cutrell, Uwch Brif Reolwr Ymchwil, Microsoft

"Rwyf wedi dilyn gwaith Prifysgol Abertawe drwy eu cyhoeddiadau ym maes Rhyngweithio rhwng Pobl a Chyfrifiaduron ers sawl blwyddyn cyn i ni gael cyfle i gydweithredu. Gweithiodd Abertawe gyda chydweithwyr yn ITT Bombay, gan osod seinyddion stryd (yn debyg i Alexa neu Siri) mewn siopau yn Dharavi, un o faestrefi Bombay, i alluogi cwsmeriaid i ofyn cwestiwn a chael atebion gan naill ai cynorthwyydd llais cyfrifiadur neu i siarad â pherson.

"Mae'r 12 mlynedd diwethaf wedi bod yn bleser o’r mwyaf. Rydyn ni wedi dysgu llawer gan Brifysgol Abertawe am arferion ymchwil a rhannu nifer o allbynnau ymchwil, gan gynnwys papurau, offer a gwersi. Yn bersonol, rwyf wedi cael fy ysbrydoli gan gydweithwyr sydd wedi sefydlu a gweithredu labordy llwyddiannus sy'n gweithio ar broblemau heriol iawn y byd."

Yr Athro Anirudha Joshi, IIT Bombay