Marchnata, BSc (Anrh)

Byddwch yn cael sylfaen fusnes gadarn yn eich astudiaethau cynnar, gan gwmpasu cyfrifyddu, cyllid, rheoli gweithrediadau a rheoli pobl, yn ogystal â marchnata. Wrth i'r cwrs fynd rhagddo, byddwch yn dechrau arbenigo drwy ddilyn modiwlau dewisol fel y nodir isod.

Cymhwyster Safon Uwch
Fel arfer, mae cynigion ar gyfer rhaglenni yn yr Ysgol Reolaeth o fewn yr ystod 'ABB-BBB' neu gyfwerth.

Ystyrir pob cais yn unigol, gyda graddau TGAU, pynciau a graddau Lefel UG, profiad gwaith, geirdaon a’r datganiad personol i gyd yn cael eu hystyried.

Mae cynigion amrywiol yn cael eu gwneud yn dibynnu ar y pynciau a astudiwyd.

Nid oes angen cymhwyster Safon Uwch mewn Busnes, Economeg, Mathemateg na Chyfrifeg/Cyllid. Nid ydym yn ystyried Astudiaethau Cyffredinol yn bwnc Safon Uwch at ddibenion gwneud cynigion. Gall myfyrwyr gyfuno cymwysterau Safon Uwch â'r cymwysterau eraill a restrir isod. Mae hefyd angen TGAU Mathemateg a Saesneg gradd C o leiaf.

Bagloriaeth Ryngwladol
Bydd yr Ysgol Reolaeth yn gwneud cynigion i fyfyrwyr sydd â Bagloriaeth Ryngwladol ddisgwyliedig o 32–33 neu uwch (neu sydd â hyn yn barod).

BTEC (18-uned)
Bydd yr Ysgol Reolaeth yn gwneud cynigion i fyfyrwyr sydd â chanlyniadau BTEC disgwyliedig o DDM neu well (neu sydd â'r canlyniadau hyn yn barod).

Saesneg
Rhaid i ymgeiswyr nad ydynt yn siaradwyr Saesneg brodorol ennill cyfartaledd o 6.0 a rhaid i bob cydran fod yn 5.5 neu fwy mewn IELTS neu brofion cyfwerth.

I fyfyrwyr nad ydynt yn bodloni'r gofyniad iaith Saesneg, rydym yn cynnig ystod o gyrsiau hyfforddi cyn-sesiynol y mae modd eu dilyn cyn dechrau ar eu cwrs gradd. Mae rhagor o fanylion ar gael yma.

Cymwysterau Rhyngwladol
Gweler y cymwysterau rhyngwladol yr ydym yn eu derbyn, a'r lefel ofynnol, i Fyfyrwyr Rhyngwladol (nad ydynt o’r UE) a myfyrwyr o’r UE.

 

Opsiynau Blwyddyn Sylfaen: BSc Marchnata gyda Blwyddyn Sylfaen

Myfyrwyr o'r DU
Mae blwyddyn sylfaen ar gael i fyfyrwyr sydd ddim yn ennill y graddau angenrheidiol ar gyfer y rhaglen gradd o'u dewis.
Myfyrwyr Rhyngwladol/o'r UE
Ewch i wefan Y Coleg am wybodaeth cyrsiau a gofynion mynediad.

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs. Ar wahân i nifer fach o gyrsiau ar-lein, mae'r rhan fwyaf o'n cyrsiau'n cynnwys addysgu wyneb yn wyneb ar y campws, gan alluogi ymgysylltiad llawn â'ch darlithwyr a'ch cyd-fyfyrwyr.

Mae sesiynau sgiliau ymarferol, seminarau gwaith labordy, a gweithdai yn bennaf yn cael eu cynnal wyneb yn wyneb ar y campws, gan ganiatáu gweithio mewn grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein dulliau addysgu hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.

Gall dysgu ar-lein ddigwydd ‘yn fyw’ gan ddefnyddio meddalwedd fel Zoom, sy'n eich galluogi i ryngweithio â'r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol ar Canvas, megis fideos, sleidiau a chwisiau sy'n galluogi astudiaeth hyblyg bellach.

Rhywfaint o ddarpariaeth

Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn.

Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
• Cyfle am gyfweliad trwy gyfrwng y Gymraeg wrth wneud cais am le.
• Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
• Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
• Mentor Academaidd Cymraeg ei iaith.
• Cefnogaeth un i un i wella eich sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Mae’r cwrs hwn yn rhaglen radd gydag achrediad y Sefydliad Marchnata Siartredig (CIM) ac yn cynnig dau eithriad o fodiwl craidd i fyfywyr rhag gorfod ennill cymwysterau tuag at Dystysgrif Lefel 4 CIM mewn Marchnata Proffesiynol neu un eithriad o fodiwl craidd rhag gorfod ennill cymwysterau tuag at Ddiploma Lefel 6 CIM mewn Marchnata Proffesiynol*.

*gan ddibynnu ar ddewis modiwlau

I gael eu heithrio rhag gorfod ennill cymwysterau, bydd angen i fyfyrwyr gofrestru fel aelod CIM o fewn 3 blynedd ar ôl iddynt raddio ac yna bydd rhaid iddynt gwblhau’r modiwl (modiwlau) ychwanegol o fewn 5 mlynedd ar ôl iddynt raddio i ennill y cymhwyster llawn. Gellir dod o hyd i restr o fodiwlau sy’n eich eithrio rhag gorfod ennill cymwysterau ynghyd â rhagor o wybodaeth  ar wefan Rhaglenni Gradd Achrededig CIM.

Rhaid i fyfyrwyr fod yn aelodau o CIM i astudio modiwlau ychwanegol (a chael mynediad at ddeunyddiau cymorth). Ewch i dudalennau aelodethu CIM i weld y costau aelodaeth diweddaraf.

Beth yw manteision Achrediadau Proffesiynol?
- Achub y blaen: Bydd graddau achrededig proffesiynol yn eich eithrio rhag arholiadau/cymwysterau proffesiynol cam cynnar penodol sy'n golygu y gallwch achub y blaen yn eich gyrfa.
- Cymorth: Cofrestrwch ar gyfer aelodaeth myfyriwr a manteisiwch ar gymorth gyrfa corff achrededig yn ogystal â chysylltiadau gyda chymheiriaid ac arbenigwyr. Mae'n edrych yn dda ar eich CV ac mae'n eich helpu i baratoi ar gyfer cyflogaeth.

NODER:
Ar gyfer nifer o broffesiynau, dim ond y cam cyntaf o'r broses cymhwyso'n llawn yw astudio cwrs achrededig.
Gallwch gysylltu â'r cyrff proffesiynol perthnasol i gael gwybod am y gofynion penodol eraill.

I gael rhagor o wybodaeth, ewch i'n tudalen Achrediad Proffesiynol.

Cewch eich addysgu gan dîm o academyddion profiadol o gefndiroedd ymchwil, academaidd a diwydiant. Mae eu gwybodaeth a'u harbenigedd eang yn gysylltiedig â chynnwys y modiwl a addysgir i chi, gan sicrhau eich bod yn dysgu'r wybodaeth fwyaf perthnasol a chyfoes ac yn datblygu'r sgiliau sydd eu hangen ar gyfer gyrfa dynamig ym maes marchnata.

Gallwch ddysgu mwy am ein staff academaidd drwy ymweld â'n proffiliau staff.

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.

Yn ystod blwyddyn ryngol (e.e. blwyddyn mewn diwydiant, blwyddyn dramor neu flwyddyn lleoliad), bydd ffi is yn gymwys. Am ragor o wybodaeth ewch i'n tudalen ffioedd dysgu.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae’r Ysgol Reolaeth hefyd yn cynnig Ysgoloriaeth Datblygu Dyfodol ar gyfer myfyrwyr israddedig rhyngwladol sydd wedi derbyn cynnig i astudio yn yr Ysgol Reolaeth. Gwerth yr ysgoloriaeth yw hyd at £2,000 fesul blwyddyn academaidd a chaiff y swm hwn ei dynnu oddi ar y ffioedd dysgu’n syth. 

Mae pecyn yr ysgoloriaeth yn annog myfyrwyr i ddatblygu nifer o sgiliau proffesiynol tra eu bod yn gweithio gyda’r Ysgol drwy gydol y flwyddyn academaidd. 

 

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Gan ddibynnu ar ddewis a chwblhau modiwlau, gall myfyrwyr raddio gyda dau eithriad rhag modiwl craidd tuag at Dystysgrif mewn Marchnata Proffesiynol Lefel 4 CIM neu un eithriad o fodiwl craidd tuag at Ddiploma mewn Marchnata Proffesiynol Lefel 6 y CIM. I hawlio’r eithriadau, rhaid i fyfyrwyr gofrestru fel aelod o’r CIM o fewn 3 blynedd o raddio. Yna, bydd ganddynt hyd at 5 mlynedd o raddio i gwblhau’r modiwl(au) ychwanegol i gael y cymhwyster llawn. Rhaid i fyfyrwyr fod yn aelodau o'r CIM i astudio modiwlau ychwanegol (ac i fanteisio ar ddeunyddiau cymorth). Ewch i dudalennau aelodaeth y CIM am y costau aelodaeth diweddaraf.

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Mae gan yr Ysgol Reolaeth hefyd dîm Cyflogadwyedd mewnol dynodedig sy’n cynnig cymorth ychwanegol.
Yn ystod eich amser gyda ni, bydd gennych gyfle i:

• Ymuno â'n cynllun Mentora Cyflogadwyedd a chael eich mentora gan gyflogwr a all eich helpu i bontio o fod yn fyfyriwr i fod yn weithiwr proffesiynol.
• Siarad â’n cymuned gynyddol o gyn-fyfyrwyr.
• Gweithio a rhwydweithio â chyflogwyr o amrywiaeth o gwmnïau cenedlaethol ac amlwladol drwy ein seminarau a'n digwyddiadau.
• Gwella eich sgiliau a chwrdd â chyflogwyr yn ystod ein Modiwl Cyflogadwyedd, a gynhelir ddwywaith y flwyddyn.
• Cael cymorth o ran cyfleoedd i weithio am flwyddyn mewn diwydiant neu astudio dramor.
• Manteisiwch ar gefnogaeth ddiderfyn 1-2-1 i ddatblygu eich profiad gyrfa
• Cadwch mewn cysylltiad am gefnogaeth am bum mlynedd ar ôl i chi raddio

Darganfod sut y gall ein Gwasanaeth Gyrfaoedd mewnol eich cefnogi.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob coleg. Fel arfer, mae rhaglenni'n para o 2 i 6 wythnos, ar draws cyrchfannau megis Tsieina, Sambia, De Corea, Siapan, Canada a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Gallwch gwblhau ein gradd amrywiol Blwyddyn mewn Diwydiant, sef cwrs gradd pedair blynedd gyda lleoliad gwaith blwyddyn o hyd, mewn diwydiant o'ch dewis chi. Byddwch yn ennill profiad diwydiant go iawn, rhwydweithio a chydweithio â gweithwyr busnes blaenllaw, gan roi eich gwybodaeth ddamcaniaethol ar waith mewn ffordd ymarferol yn y gweithle.

Nid oes angen i chi benderfynu ar eich llwybr lleoliad dewisol pan fyddwch yn gwneud cais, gallwch benderfynu ar hynny yn ystod blwyddyn gyntaf eich astudiaethau.

Cysylltwch â'n Tîm Chyflogadwyedd am ragor o wybodaeth.