Na, er gwaethaf yr hyn y gallai llawer o bobl ei ddweud wrthych, ni fydd rhoi fformiwla i'ch babi neu fwydydd solet yn eu helpu iddo gysgu drwy'r nos. Mae deffro yn y nos yn normal i fabanod. Mae babanod - yn union fel oedolion - yn deffro am lawer o resymau gyda'r nos ac nid yw bob amser oherwydd eu bod yn llwglyd. Efallai y byddant yn deffro am eu bod yn rhy oer, angen newid cewyn neu ddim ond helpu i fynd yn ôl i gysgu. Fel oedolion, rydym wedi dysgu mynd yn ôl i gysgu ein hunain (er bod llawer ohonom yn dal i hoffi rhannu gwely â rhywun) ond weithiau mae babanod angen ychydig o help o hyd.
Mae llawer o bobl yn meddwl y gallai sut yr rydych chi'n bwydo baban effeithio ar ba mor aml y maent yn deffro. Er bod babanod sy'n cael eu bwydo â fformiwla yn ystod yr wythnosau cynnar o fywyd yn cysgu ychydig yn hwy, ar ôl iddynt gyrraedd ychydig fisoedd oed nid oes gwahaniaeth o ran pa mor aml mae babanod yn deffro. Fodd bynnag mae ein hymchwil yn dangos bod babanod sy'n cael eu bwydo ar y fron a chyda fformiwla dros chwe mis oed yn dal i ddeffro unwaith i ddwywaith y nos ar gyfartaledd. Gwelsom hefyd na fydd bwydydd solet yn helpu babanod i gysgu mwy. Felly, ni fydd yr hyn rydych chi'n ei fwydo yn effeithio ar ba mor aml y mae'ch babi'n deffro - dim ond babanod sy'n deffro ac mae hynny'n iawn! Gallwch ddarllen ein hymchwil yma.
Hyd yn oed pe bai babanod yn deffro o newyn, llaeth y fron a llaeth fformiwla mae ganddynt lefelau tebyg iawn o galorïau ynddynt, felly ni fydd newid i fformiwla yn gwneud llawer o wahaniaeth. Os oedd eich babi'n llwglyd, nid yw bwydydd solet yn eu helpu. Y peth gorau y gallech ei wneud byddai rhoi llaeth ychwanegol iddynt - mae gan laeth y fron a llaeth fformiwla lawer mwy o galorïau ac egni ynddynt sy'n nodweddiadol o fwydydd cyntaf.
Darganfod mwy:
- Darllenwch ein blog ar gwsg normal i fabanod (ac oedolion!)
- Darganfod mwy am pam na fydd rhoi bwydydd solet i’ch babi yn eu helpu hwy i gysgu
- Rydym hefyd wedi gwneud animeiddiad o’n darganfyddiadau y medrwch ei weld yma.
- Gwyliwch grynodeb o’n hymchwil ar newyddion ITV Wales
- Darllenwch flog yn y Huffington Post am pam fod eich babi’n deffro gyda’r nos yn beth normal.