Bydd ein gradd yn y Gwyddorau Meddygol Cymhwysol yn datblygu dealltwriaeth fanwl, systematig sy’n sail i feddygaeth, gan ddarparu sylfaen ddelfrydol ar gyfer meithrin gyrfaoedd amrywiol fel ymchwil labordy, meddygaeth a menter fasnachol.
Yn ystod eich astudiaethau byddwch yn dilyn ystod eang o feysydd pwnc fel anatomeg ddynol, ffisioleg, bioleg celloedd, niwrowyddoniaeth, ffarmacoleg, a pherthnasedd cymhwysol a chlinigol yr wybodaeth hon.
Nid yw'n rhy hwyr i wneud cais trwy UCAS Extra. Ewch i'n canllaw UCAS Extra i ddarganfod sut mae Extra yn gweithio ac a allech chi fod yn gymwys i gael cyfle arall i wneud cais i'ch cwrs delfrydol.
Canllaw UCAS Extra
"Rhagorodd y profiad ar fy nisgwyliadau o bell ffordd!
Cawson ni gyfle i gymryd rhan mewn gweithgareddau fel efelychiad llawfeddygol, lle dysgon ni sgiliau fel pwytho a defnyddio endosgop, melinau trafod, arsylwi ar lawfeddygaeth mewnblannu falf feitrol a histoleg a gwaith labordy.
Helpodd y rhaglen fi i feithrin amrywiaeth eang o sgiliau sy'n benodol i'r maes meddygol hoffwn i weithio ynddo, yn ogystal â sgiliau cyflogadwyedd. Roedd cael fy annog i archwilio ffyrdd newydd o feddwl yn fy herio, gan wella fy sgiliau meddwl yn feirniadol a dadansoddi. Dwi wedi cael fy ysbrydoli i weithio'n fwy caled ac i gyflawni uchelgeisiau a nodau newydd."
Darganfod mwy am Stori myfyriwr Costas
"Roedd y rhaglen yn apelio ataf am fy mod i'n ystyried gyrfa mewn meddygaeth ac ymchwil, yn benodol llawfeddygaeth a thechnegau llawfeddygol.
Mae'r profiad wedi fy newid fel person: o ganlyniad, mae gen i fwy o hyder i siarad yn fyrfyfyr ac mae wedi fy mharatoi am fy mlynyddoedd nesaf o astudio. Ces i gyfle i adeiladu rhwydweithiau cryf â phobl yn Nhecsas a fydd yn fy helpu yn fy ngyrfa yn y dyfodol.
Roedd yn brofiad bythgofiadwy sydd wedi fy helpu i dyfu fel person."
Darganfod mwy am stori myfyriwr Poornima
"Cefais sioc fawr ar ddiwrnod canlyniadau Lefel A pan ddaeth yn amlwg nad oedd fy arholiadau wedi mynd cystal ag yr oeddwn wedi gobeithio. Roedd popeth yn teimlo fel anhrefn llwyr nes i fi dderbyn galwad ffôn gan Brifysgol Abertawe, a siaradodd â fi drwy fy opsiynau.
Derbyniais le ar Flwyddyn Sylfaen y Gwyddorau Meddygol Cymhwysol, gradd sy'n cynnig Llwybr at Feddygaeth, gan mai astudio Meddygaeth oedd fy nod yn y pen draw. Gallaf ddweud yn llwyr mai hwn oedd y penderfyniad gorau i mi ei wneud erioed - o'r alwad ffôn gychwynnol honno, roedd Abertawe'n credu ynof fel person ac fel myfyriwr."
Darganfod mwy am stori myfyriwr Hope Henry
Trwy ein tri maes cyflogadwyedd, bydd y Gwyddorau Meddygol Cymhwysol yn eich galluogi i gyrraedd ystod o yrfaoedd cyffrous, o ymchwil i ddatblygu cyffuriau a dyfeisiau a’r proffesiynau iechyd (ar ôl astudiaethau pellach), fel Meddygaeth, Deintyddiaeth neu fel Milfeddyg. Y tri maes cyflogadwyedd yw:
Trwy deilwra’ch astudiaethau, gallwch chi weithio tuag at yr yrfa yr ydych yn ei dymuno a manteisio ar eich prosiect ymchwil flwyddyn olaf i’r eithaf.
Mae'r cwrs hwn hefyd yn un o'n graddau Llwybrau at Feddygaeth gan gynnig y cyfle am gyfweliad gwarantedig ar gyfer Meddygaeth (i Raddedigion), gan eich helpu i gyflawni eich uchelgais i astudio Meddygaeth a dod yn Feddyg. Maent yn ddelfrydol i chi os ydych:
Darganfyddwch mwy - Llwybrau i Feddygaeth
Darganfyddwch fwy o wybodaeth am bob un o'n cyrsiau. Ar bob tudalen cwrs fe welwch wybodaeth am fodiwlau, gofynion mynediad, staff addysgu, ffioedd dysgu a sut mae ein Llwybrau i Feddygaeth yn gweithio.
