Momentwm - Tachwedd 2023

Mae ymchwilwyr ym Mhrifysgol Abertawe wedi cwblhau astudiaeth fwyaf y byd o'r cysylltiad rhwng creithiau ar yr wyneb a gorbryder ac iselder.

Mae astudiaeth newydd a gyhoeddwyd yn The Journal of Sex Research wedi datgelu byd cymhleth pobl sy'n sengl yn anwirfoddol, gan gynnig dealltwriaeth bwysig o'r heriau y mae cymuned gynyddol o ddynion a adwaenir yn incels yn eu hwynebu.

Mae tri academydd o Brifysgol Abertawe wedi derbyn un o fedalau blynyddol Cymdeithas Ddysgedig Cymru eleni. Mae’r medalau yn cael eu dyfarnu bob blwyddyn i ddathlu'r ymchwil ragorol sy'n dod o Gymru.

Mae Prifysgol Abertawe yn un o bum sefydliad addysg uwch ledled y DU i dderbyn dyfarniad gan raglen Cymunedau Creadigol Cyngor Ymchwil y Celfyddydau a’r Dyniaethau (AHRC) i gynnal Cynllun Peilot Ymarferydd Arloesi Cymunedol (CIP), ar gyfer prosiect a fydd yn archwilio ffyrdd o adfywio safleoedd treftadaeth yn y rhanbarth a fydd o fudd i gymunedau nawr ac yn y dyfodol.

Mae nwyon gwastraff diwydiannol yn cyfrannu at newid yn yr hinsawdd a’r argyfwng hinsawdd sy’n datblygu. I liniaru hyn ac i helpu i lanhau’r nwyon gwastraff hyn o ddiwydiant lleol, mae Dr Emily Preedy, ynghyd â’i chyd-ymchwilwyr yn y prosiect Lleihau Allyriadau Carbon Diwydiannol (RICE), yn defnyddio carbon deuocsid gwastraff i helpu i dyfu micro-algâu a chreu cynhyrchion gwerth uchel defnyddiol.

Gan gydweithio ag academyddion ac arbenigwyr yn genedlaethol ac yn rhyngwladol, mae Dr Anita Zhao yn ceisio deall rôl defnyddwyr ac effaith eu penderfyniadau defnyddio ar gynaliadwyedd ac a oes modd iddynt chwarae rôl fwy dylanwadol tuag at gynaliadwyedd o fewn agenda rhyngwladol newid yn yr hinsawdd.

Mae niferoedd cynyddol o'r 200 miliwn a mwy o fyfyrwyr mewn Addysg Uwch (AU) yn fyd-eang yn talu i eraill gyflawni aseiniadau ar eu cyfer. Aeth yr Athro Phil Newton a'r Athro Michael Draper a'u tîm ati i gynnal arolygon mawr, gwaith ymchwil a dadansoddiadau o farn myfyrwyr a staff academaidd ar dwyllo trwy gontract a chyfreithlondeb melinau traethodau.

Yn y bennod hon o Archwilio Problemau Byd-eang, Tymor 3, mae'r Athro Ann John yn archwilio atal hunanladdiad a hunan-niwed a sut y gall data dienw helpu i ddylunio ymyriadau a datblygu polisïau er mwyn llywio a hyfforddi gweithwyr proffesiynol sydd mewn cysylltiad â’r rhai hynny sydd mewn perygl o hunanladd.

_{Rhybudd: Mae'r bennod hon o'r podlediad yn cynnwys trafodaethau am hunanladdiad, a allai fod yn boenus i rai unigolion.}

Mae'r byd ar ei hôl hi o ran ymrwymiadau i warchod ac adfer coedwigoedd, yn ôl yr Asesiad Datganiad Coedwig diweddar ond mae ymchwil newydd gan yr Athro Mary Gagen a'i thîm yn WWF UK yn nodi'r hyn mae angen ei wneud i atal coedwigoedd rhag methu

Mae Dr Joe Whittaker yn ddarlithydd mewn Bygythiadau Seiber yn Ysgol y Gwyddorau Cymdeithasol. Mae wedi ymchwilio i sut mae systemau argymell platfformau cyfryngau cymdeithasol yn hyrwyddo ac yn ehangu cynnwys asgell dde eithafol, yn ogystal â chyhoeddi ar bynciau fel gwrth-naratifau a gemau fideo eithafol.

Mae Alisha Gibbons yn astudio PhD mewn Rheoli Busnes yn yr Ysgol Reolaeth. Mae ei hymchwil yn canolbwyntio ar gynaliadwyedd rhaglenni rhagoriaeth weithrediadol, yn benodol y ffactorau mewn rhaglenni rhagoriaeth weithrediadol sy'n galluogi rhagoriaeth gyson drwy integreiddio systemau cymdeithasol-dechnegol.

Mae Banc Data SAIL yn fan diogel ar gyfer biliynau o gofnodion yn ymwneud ag unigolion, sy’n galluogi ymchwilwyr i ateb cwestiynau pwysig er budd cymdeithas. Gall ymchwilwyr gael mynediad i amrywiaeth eang o ddata a gesglir fel mater o drefn, sy’n cwmpasu hyd at 30 mlynedd o boblogaeth gyfan.

Mae Prifysgol Abertawe ymhlith nifer bach o brifysgolion a wahoddwyd i ymuno â Chenhadaeth Addysg Uwch y DU i Tsieina 2023 i gryfhau cysylltiadau academaidd rhwng y ddwy wlad.

Mae arweinwyr o brifysgolion ym Malaysia wedi cael cipolwg unigryw ar yr hyn a gynigir gan addysg uwch yng Nghymru yn ystod ymweliad â Chymru dros chwe diwrnod.

Mae ffisegwyr o Brifysgol Abertawe, sy’n aelodau arweiniol o gydweithrediad ALPHA (Cyfarpar Ffiseg Laser Gwrth-hydrogen) yn CERN, wedi dangos, am y tro cyntaf, fod atomau gwrth-hydrogen yn disgyn i'r Ddaear yn yr un modd ag atomau mater.