Sut i dalu eich ffioedd - Myfyrwyr Ôl-raddedig

Myfyrwyr yr UE (yn dechrau yn 2021/22)

Byddwch chi’n talu Ffioedd Dysgu ar yr un gyfradd â myfyrwyr rhyngwladol. Fodd bynnag, ar gyfer 2021/22 bydd Bwrsariaethau’r UE ar gael er mwyn gostwng eich ffioedd fel eu bod yn gydradd â chyfradd y Deyrnas Unedig. Sylwer, ni fyddwch chi’n gymwys i gyflwyno cais am gymorth myfyrwyr gan Lywodraeth y DU trwy Gyllid Myfyrwyr Cymru / Student Finance England (SLC). 

Rydw i’n byw yn yr UE - Prifysgol Abertawe (swansea.ac.uk)

Ffioedd Dysgu - Prifysgol Abertawe (swansea.ac.uk)

Gallwch. Gallwch dalu’n llawn adeg cofrestru neu cyn hynny.  Os byddwch yn dewis talu cyn cofrestru ar-lein, caniatewch 2 ddiwrnod gwaith cyn defnyddio'r system gofrestru ar-lein.

Ydym.  Mae ein cyfleuster talu ar-lein diogel ar gael i'r holl fyfyrwyr ac mae ar gael 24/7. Gellir ei gyrraedd drwy Fewnrwyd Prifysgol Abertawe. Mae'r system hon yn caniatáu i chi dalu â cherdyn credyd/debyd.

Os dewiswch fanteisio ar yr opsiwn i dalu drwy randaliadau, byddwn yn gofyn i chi gyflwyno mandad debyd uniongyrchol fel rhan o'r broses ymrestru ar-lein. Byddwn yna'n gwneud trefniadau i gasglu’r ffioedd ar 6ed Tachwedd 2020, 5ed Chwefror 2021 ac yn olaf 7fed Mai 2021. Dim ond trwy ddebyd uniongyrchol y gwnawn ni dderbyn rhandaliadau.

Enghraifft o dalu:

Cyfraniad ffi personol = £9,000
Taliad i’w wneud ar 6ed Tachwedd 2020 trwy ddebyd uniongyrchol = £2,970 (33%)

Taliad i’w wneud ar 5ed Chwefror 2021 trwy ddebyd uniongyrchol = £2,970 (33%)

Taliad i’w wneud ar 7fed Mai 2021 trwy ddebyd uniongyrchol = £3,060 (34%)

Gwnewch yn siŵr bod eich cyfrif banc yn caniatáu taliadau trwy ddebyd uniongyrchol cyn cwblhau’r mandad.

Os hoffech dalu â siec, gwnewch y siec yn daladwy i Brifysgol Abertawe a rhowch eich rhif myfyriwr ar y cefn. Dylid anfon sieciau i Brifysgol Abertawe, yr Adran Gyllid, Parc Singleton, Abertawe, SA2 8PP. 

Gallwch dalu â cherdyn debyd/credyd* hefyd drwy ffonio MYUNIHUB ar 01792 616000. Os penderfynwch dalu dros y ffôn, cofiwch na allwch wneud hynny yn ystod yr wythnos yn dechrau dydd Llun 21ain Medi 2020. Y rheswm am hyn yw y bydd yr holl staff ar ddyletswydd yn y lleoliad cofrestru.

Os penderfynwch dalu’n llawn cyn cofrestru ar-lein, gadewch 5 niwrnod gwaith cyn defnyddio’r system gofrestru ar-lein. Mae’n annhebygol y bydd y taliad wedi’i gredydu i’ch cyfrif cyn yr amser hynny. 

Gallwch hefyd dalu'n llawn â cherdyn debyd/credyd* wrth gofrestru ar-lein gan ddefnyddio ein system talu diogel.

Gallwch hefyd dalu'n uniongyrchol i'n cyfrif banc, ond dylech gofio nodi "Ffioedd Dysgu" a'ch rhif cyfeirnod myfyriwr wrth wneud taliad.

• Enw’r Banc: Banc Lloyds
• Cyfeiriad y Banc: 802 Stryd Rhydychen, Abertawe SA1 3AF
• Enw'r Derbynnydd: Prifysgol Abertawe
• Cod Didoli: 30-95-46
• Rhif y cyfrif: 02783215
• Côd Swift: LOYDGB21101
• Rhif Iban: GB64LOYD30954602783215

Os byddwch yn talu cyn cofrestru, caniatewch ddigon o amser  i'ch taliad gyrraedd ac iddo gael ei ddyrannu i'ch cyfrif talu ffioedd.

Byddwn, byddwn yn hysbysu myfyrwyr cyn y rhandaliadau Debyd Uniongyrchol. Bydd hyn yn nodi'n glir faint yr ydych i fod i'w dalu, a'r dyddiad rhandaliadau. Sylwer, byddwn yn cyfathrebu â myfyrwyr drwy eu cyfrifon e-bost yn y Brifysgol yn unig.

Dan Reoliadau’r Brifysgol, disgwylir i’r holl fyfyrwyr cofrestredig edrych ar eu cyfrifon e-bost myfyriwr yn rheolaidd.

Er eich diogelwch personol, fe'ch cynghorir i beidio â thalu ffioedd ag arian parod. Y nod wrth gynnig nifer o ddulliau talu yw osgoi’r angen i gario symiau mawr o arian parod.

Sylwer: Ni dderbynnir arian parod yn ystod y cyfnod cofrestru.

Mae rhai myfyrwyr yn derbyn cymorth i dalu ffioedd o ffynonellau allanol, megis cwmnïau, elusennau, cronfeydd ymddiriedolaeth, llywodraethau etc. Os felly, mae angen tystiolaeth ddogfennol o'r dyfarniad ar y Brifysgol. Rhaid cyflwyno'r dystiolaeth hon wrth gofrestru neu cyn hynny, a dylid cyfeirio'n benodol at swm y cyfraniad at y ffioedd a ddyfernir ac at y flwyddyn academaidd/blynyddoedd academaidd y telir amdanynt. Dylech ofyn i’ch noddwr lenwi Ffurflen Cadarnhau Noddi.

Ni chaniateir i fyfyrwyr sy’n datgan eu bod yn cael eu noddi gofrestru heb y ddogfennaeth briodol. Disgwylir i noddwyr dalu anfonebau o fewn 30 diwrnod. Ni fydd y Brifysgol yn parhau i gydnabod sefydliad fel noddwr cyfreithlon os na fydd taliadau’n cael eu derbyn yn brydlon. Nid ydym yn ystyried rhieni/teulu fel noddwyr at ddibenion y diffiniad hwn ac rydym yn cadw’r hawl i wrthod tystiolaeth o nawdd dan rai amgylchiadau.

Mae hyn yn anghyffredin iawn ond os na fydd noddwr yn talu rhan o'r ffioedd neu’r holl ffioedd sy’n ddyledus yna chi fydd yn gyfrifol am unrhyw swm sydd ar ôl i’w dalu.

Mae'n ofynnol i fyfyrwyr sy'n astudio dramor dalu eu holl ffioedd cyn gadael y Brifysgol neu'r sefydliad lletyol. Os nad ydynt yn gwneud hyn, caiff y ddyled ei throsglwyddo i Adran Gyllid Prifysgol Abertawe a fydd yn cysylltu â'r myfyriwr i adennill y swm dyledus. Os nad yw'r ddyled wedi'i thalu wrth i'r myfyriwr gwblhau ei gwrs academaidd, caiff manylion llawn eu darparu i asiantaeth casglu dyledion i adennill y swm dyledus.

Wrth gwblhau eich astudiaethau/tynnu’n ôl/cael eich atal, efallai bydd y brifysgol yn datgelu data personol priodol, perthnasol a digonol i drydydd parti (Cwmni Casgliad Dyled enwebedig), i alluogi i’r ddyled i’r brifysgol gael ei holrhain a’i hadfer.

Er mwyn talu am y costau gweinyddol ychwanegol o brosesu hawliadau debyd uniongyrchol heb eu talu a sieciau a wrthodir, bydd y Brifysgol yn codi tâl o £25 am bob eitem na chaiff ei thalu.

I dalu'r gost weinyddol ychwanegol o brosesu ad-daliadau, gellir codi ffi weinyddol o £50.

Gweler y polisi ar ad-daliadau am wybodaeth lawn.

Mae Deddfwriaeth Diogelu Data yn golygu mai dim ond â chi y gallwn drafod eich sefyllfa ffioedd dysgu bersonol oni bai ein bod wedi cael eich caniatâd ysgrifenedig i'w thrafod ag unigolyn sydd wedi’i enwebu gennych. Mae’r cyfyngiadau hyn yn berthnasol hefyd os yw'ch rhieni yn talu eich ffioedd.

Credwn ein bod yn cynnig cynllun teg iawn ar gyfer talu ffioedd mewn rhandaliadau, ond rydym yn disgwyl i daliadau gael eu gwneud ar y dyddiadau talu a nodwyd. Os ydych mewn trafferthion ariannol, fe'ch cynghorir yn gryf i gysylltu â thîm Arian@BywydCampws yn yr Adran Gwasanaethau Myfyrwyr a allai eich helpu drwy gyngor a Chronfeydd Caledi.

Yn y sefyllfa waethaf o ran methu talu ffioedd, dan Reoliadau’r Brifysgol, efallai y bydd yn rhaid i chi ohirio’ch astudiaethau ac ail-gofrestru ar gyfer y Flwyddyn Academaidd nesaf (pan fydd yr holl ffioedd sy’n ddyledus wedi’u talu).  Felly, mae’n bwysig nad ydych yn anwybyddu unrhyw ohebiaeth y byddwch yn ei derbyn gan yr Adran Gyllid.

Dylech gysylltu â’r Adran Incwm ar lawr gwaelod yr Adeilad Cyllid.

income.tuition@swansea.ac.uk

Neu ewch i un o'r sesiynau galw heibio a hysbysebir ar waelod y dudalen.

Sylwer: Os oes arnoch unrhyw ffioedd dysgu o unrhyw gyfnod astudio blaenorol yn y Brifysgol hon, mae'n bosib na chaniateir i chi ailgofrestru tan i chi dalu'r ddyled yn llawn.