Trosolwg
Mae Ellen yn Athro Cysylltiol ym Mhrifysgol Abertawe mewn cyfrifeg ac yn gydlynydd modiwl ar gyfer sawl modiwl israddedig ac ôl-raddedig ac Ellen hefyd yw Arweinydd Ymgysylltu â Myfyrwyr yr Ysgol Reolaeth. Mae Ellen yn Gymrawd yr Academi Addysg Uwch.
Yn ystod ei hamser yn Abertawe, mae Ellen wedi cael ei hanrhydeddu i dderbyn sawl cymeradwyaeth gan fyfyrwyr am ansawdd ei haddysgu. Yn wir, mae ei gyrfa fel darlithydd proffesiynol wedi canolbwyntio'n helaeth ar y dysgwr, ac mae ei hymagwedd adeileddol at addysgu yn estyniad o'i diddordeb personol-broffesiynol mewn ymgysylltu â myfyrwyr a'i hangerdd drosto. Mae adborth gan fyfyrwyr ym Mhrifysgol Abertawe wedi bod yn galonogol ac yn gadarnhaol, gan atgyfnerthu ei methodolegau addysgu.
Ymgysylltu â myfyrwyr yw prif waith ymchwil Ellen gan ganolbwyntio ar wella profiad y myfyrwyr drwy gyflwyno addysgu o safon ac ymgysylltu'n llwyddiannus â myfyrwyr i'w hysgogi i gyflawni eu potensial addysgol unigol. Yn 2021, cafod Ellen ei hanrhydeddu gyda Gwobr Athrawes y Flwyddyn gan yr Ysgol Reolaeth.
Cwblhaodd Ellen ei Thystysgrif Ôl-raddedig mewn Addysg ym 1997 ac yn ystod gyrfa Ellen fel darlithydd cymwys mae wedi cyflwyno amrywiaeth o bynciau mewn sawl sefydliad addysgol.