Gwyddor Data Gymhwysol, MSc / PGDip

 Bydd y rhaglen yn cynnwys 60 credyd o fodiwlau Mathemateg, a fydd yn sylfaen gref ar gyfer dadansoddi data. Yn benodol, bydd y modiwlau hyn yn cynnwys lefel sylfaen Calcwlws, Algebra Llinol, Tebygolrwydd ac Ystadegau a Modelu. Bydd sgiliau ac ieithoedd rhaglennu sylfaenol sydd â pherthynas uniongyrchol â Gwyddor Data yn rhan annatod o lawer o'r modiwlau hyn.

Bydd 60 credyd o fodiwlau perthnasol mewn Cyfrifiadureg hefyd, megis Delweddu Data a Data Mawr. Bydd y rhain yn gwella gwybodaeth ymhellach wrth ddadansoddi data. Bydd y rhaglen hefyd yn cynnwys prosiect terfynol 60-credyd a fydd yn canolbwyntio ar roi ar waith wybodaeth a sgiliau gwyddor data. Lle bynnag y bo'n bosib, caiff pynciau'r prosiect eu teilwra at ddiddordebau’r myfyrwyr.

Gradd anrhydedd ail ddosbarth y DU neu gyfwerth mewn UNRHYW radd nad yw'n cynnwys cydran fathemategol neu wyddor data gref, ynghyd â TGAU mewn Mathemateg gradd B (neu gyfwerth).Caiff ceisiadau eu hystyried gan ymgeiswyr eraill fesul achos.

IELTS 6.0 (gydag o leiaf 5.5 ymhob elfen) neu brawf Saesneg cyfatebol.

• Cewch eich addysgu trwy gyfuniad o ddarlithoedd, dosbarthiadau ymarferol a gwaith labordy.
• Cewch eich asesu drwy gyfuniad o arholiadau ysgrifenedig, gwaith cwrs, asesiadau labordy a thraethawd hir.

Mae ein hadran Fathemateg wrthi'n cyfrannu at Nodau Datblygu Cynaliadwy'r Cenhedloedd Unedig drwy ymchwil o'r radd flaenaf, mewn meysydd megis Ymchwil Canser, Mathemateg Bellach mewn ysgolion, cyfrifiadura perfformiad uchel a modelu mathemategol ac ystadegol.

• Yr Athro Elaine Crooks Pennaeth yr Ysgol Mathemateg a Chyfrifiadureg
• Yr Athro Vitaly Moroz Pennaeth yr Adran
• Dr Kristian Evans Cyfarwyddwr y Rhaglen

Gweler yr holl staff Mathemateg a Chyfrifiadureg

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.