Cwestiynau Cyffredin - Llety

• Gallwch ddechrau eich cais cyn gynted ag y bydd gennych chi rif myfyriwr Prifysgol Abertawe. 
• Gallwch greu cyfrif llety drwy ein gwefan a sicrhau eich bod chi’n dilyn y cyfarwyddiadau ar bob cam.  Dylech ystyried eich opsiynau’n ofalus a darllen am ein preswylfeydd cyn i chi ddechrau. 
• Gallwch fewngofnodi i’ch cyfrif llety a newid eich dewisiadau ar unrhyw adeg cyn i chi dderbyn cynnig  ystafell. 
• Os bydd ‘No student record available, please try later...’ yn ymddangos, e-bostiwch accommodation@abertawe.ac.uk. 

• Gallwch wneud cais nawr.
• Rydym yn eich cynghori chi i beidio ag oedi. Efallai y bydd ystafelloedd ar gael o hyd, ond nid oes modd gwarantu hyn. 

• Mae dy rif myfyriwr ar frig gohebiaeth gan UCAS y dylet ti fod wedi’i derbyn drwy e-bost.
• Cysyllta â ni gan ddefnyddio dy Rif Adnabod Personol UCAS os bydd angen rhagor o gymorth arnat ti.

• Mae ein llety yn amrywio o ran pris (gan ddechrau o £95 yr wythnos) gan ddibynnu ar ba lety rydych chi’n ei ddewis, a’r cyfleusterau perthynol.
• Er mwyn dysgu rhagor, ewch i'n tudalennau ffioedd llety

• Mae hyn wir yn dibynnu ar eich gofynion, a’r campws lle byddwch yn astudio. Rydym yn cynnig cyfleusterau ystafell ymolchi a rennir (sy’n cael ei alw’n “safonol”) ac ystafelloedd ensuite. Yn ogystal, mae gennym amrywiaeth o ardaloedd penodol, gan gynnwys fflatiau tawelach, un rhyw, dim alcohol a llety yn benodol i siaradwyr Cymraeg – gallwch nodi eich dewisiadau wrth wneud cais ar-lein. 
• Rydym yn awgrymu i chi edrych ar ein hopsiynau llety i’ch helpu i nodi’r hyn sydd orau i chi. 
• Mae ein teithiau fideo hefyd yn ddefnyddiol i chi gael syniad o’r ystafelloedd cyn i chi wneud

Os oes gennych chi gynnig amodol i astudio, byddwn yn cadarnhau  eich llety pan fydd eich lle yn Abertawe yn cael ei gadarnhau. I’r rhan fwyaf o fyfyrwyr, golyga hyn yn hwyr ym mis Awst. 

• Gallwch weld y tu mewn i’n fflatiau yn ystod Diwrnodau Agored y Brifysgol, ar Gampws Singleton, Campws y Bae a Phentref Myfyrwyr Hendrefoelan.
• Bydd llysgenhadon myfyrwyr yn eich tywys chi ac maent yn hapus i ateb cwestiynau. Yn ogystal, mae gennym fideos o deithiau rhithwir a delweddau 360 gradd ar ein gwefan.

• Oes. Rydyn ni’n ceisio dyrannu’r un llety i fyfyrwyr sy’n astudio nyrsio a gofal iechyd a fydd yn astudio am dros 40 wythnos.

• Gweler ein tudalen llety hyd cwrs ansafonol am ragor o wybodaeth. 

• Gallwch, mae hyn yn bosib.  
• Dylai’r ddau ohonoch gynnwys enwau eich gilydd a’ch rhifau myfyrwyr yn  rhan ceisiadau’r ffurflen. 
• Rhaid i’ch dewisiadau fod yr un peth. 
• Byddwn yn gwneud ein gorau glas i’ch rhoi chi gyda’ch gilydd ond ni allwn warantu hyn. 

Cysylltwch â’r tîm Gwasanaethau Preswyl a fydd yn gallu ail-gychwyn cais a wnaed yn y gorffennol. Byddwn yn ceisio dyrannu ystafell, yn amodol ar argaeledd. Gallwch weld y statws a gwneud newidiadau drwy fewngofnodi i’ch cyfrif llety. 

• Pan fyddwch wedi derbyn cynnig o lety, bydd y statws ar eich cyfrif yn newid i: Statws: 'You have a pending offer of accommodation'. 
• Bydd gennych 7 niwrnod o ddyddiad y cynnig i dderbyn a thalu Blaendal Cadw Ystafell o £50. 
• Os na fyddwch yn derbyn o fewn 7 niwrnod, bydd eich cynnig yn dod i ben a chaiff yr ystafell ei chynnig i fyfyriwr arall.

• Cwblhewch y Ffurflen Gwneud Cais i a’i dychwelyd, ac os oes llety ar gael gennym sy’n addas i’ch anghenion, byddwn yn eich adleoli.
• Lle bo’n bosib, byddwn yn ceisio cydlynu’r symud cyn gynted â phosib.
• Sylwer bod tâl gweinyddu yn daladwy ar gyfer yr holl drosglwyddiadau llwyddiannus.

• Rydym ni’n ymrwymedig i wneud mynediad yn bosib i’r holl fyfyrwyr. 
• Rydym yn cynnig llety wedi’i addasu i fyfyrwyr y mae ei angen arnynt. Byddai angen i chi ein hysbysu o’ch gofynion wrth gwblhau eich cais.
• I gael gwybod rhagor, ewch i’n tudalen we Cymorth. 

Mae nifer gyfyngedig o fflatiau un ystafell wely ar Gampws y Bae (i un person ac i gyplau). Gallwch weld ein hopsiynau llety ar ein gwefan.

Cer i’n tudalennau symud i mewn.

• Os ydych chi’n mynd i fyw ym Mhentref Myfyrwyr Hendrefoelan neu Dŷ Beck, mae digon o le i barcio am ddim ar gael yn y preswylfeydd hyn (ar gyfer preswylwyr yn unig).
• Yn unol â’n Strategaeth Gynaliadwyedd, rydym yn annog myfyrwyr a staff i ddewis opsiynau teithio actif a chynaliadwy lle bynnag y bo modd.
• Yn anffodus, nid oes lle parcio ar y naill gampws na’r llall i fyfyrwyr rhwng 8am a 4pm o ddydd Llun i ddydd Gwener. I’r rhan fwyaf o fyfyrwyr, mae beicio, cerdded  a theithio ar y bws yn opsiynau cyfleus a fforddiadwy ar gyfer teithio o amgylch Abertawe. 
• Os oes angen addasiadau rhesymol arnoch oherwydd rhesymau meddygol, rydych yn byw y tu allan i ardal parth bysus Prifysgol Abertawe, mae gennych chi blant yn ein meithrinfa neu rydych chi wedi dod ar ysgoloriaeth chwaraeon, efallai y byddwn chi’n gymwys am hawlen barcio.
• I gael rhagor o wybodaeth a gweld y meini prawf er mwyn bod yn gymwys am hawlen lawn, cer i’n tudalennau parcio neu cysyllta â: estates-carparking@abertawe.ac.uk gydag ymholiadau pellach.

• Mae Clicio a Chasglu’r Gegin yn cynnig gwasanaeth archebu a thalu o flaen llaw i fyfyrwyr a staff, a gallwch ddewis amser casglu o’r ddau gampws; Campws Parc Singleton (y Ffreutur, Tŷ Fulton) a Champws y Bae (The Core).
• Mae gwasanaeth dosbarthu ar gael ar y campws hefyd.
• Gweler Arlwyo ar y Campws i gael yr wybodaeth a’r amseroedd agor diweddaraf. Yn gyffredinol, caiff bwyd ei weini amser brecwast, cinio a the gyda’r hwyr. 

• Cilfái a Rhosili yw’r unig lety sy’n darparu e-waled arlwyo wedi’i ragdalu fel rhan o’r pecyn llety.
• Mae modd cael mynediad at yr e-waled drwy ap UniFoodHub – lawrlwythwch yma
• Mae’r e-waled yn cynnig lwfans wythnosol sydd gyfwerth â £43.00 yr wythnos (2024/25) sydd wedi’i gynnwys yn y ffioedd llety.
• Mae’r lwfans arlwyo’n rhan o’ch pecyn llety ac nid oes ganddo WERTH ARIANNOL. Ni fydd unrhyw ad-daliadau ariannol o dan UNRHYW AMGYLCHIADAU.
• Gall yr e-waled gael ei ddefnyddio i brynu bwyd, byrbrydau, a diodydd di- alcohol o’r mannau arlwyo canlynol:

Campws Parc Singleton

• Harbwr Fulton, Tortilla, Cafe Glas, Taliesin, Callaghans, Blas ym Mhwll Cenedlaethol Cymru

Campws y Bae

• Cuddfan Gymdeithasol Abertawe, Costa yn Y Coleg, Coffeeopolis, Tafarn Tawe

Defnydd 

• Nid oes modd defnyddio’r cerdyn mewn unrhyw un o fannau arlwyo Undeb y Myfyrwyr neu drydydd parti gan gynnwys Costcutter, JCs a Tesco.
• Nid oes unrhyw amseroedd bwyta penodol – gallwch wario eich lwfans e-waled pryd bynnag yr hoffech.
• Bydd eich cyfrif yn dangos eich mis cyntaf o gredyd. Bydd credyd y misoedd canlynol yn cael eu lanlwytho’n fisol. Caniatewch 5 niwrnod gwaith i’r credyd ddangos ar eich cyfrif.
• Gallwch ddefnyddio lwfans eich e-waled unrhyw bryd (hyd nes i chi ddefnyddio eich lwfans cyfan) hyd at ddiwrnod olaf y flwyddyn academaidd.
• Ar ddiwrnod olaf eich blwyddyn academaidd / Cytundeb Tenantiaeth preswyl, bydd unrhyw lwfans e-waled sy’n weddill yn cael ei drosglwyddo i chi ei ddefnyddio yn eich blwyddyn ganlynol o astudio yn y Brifysgol, os yw’n berthnasol. h.y., os oeddech wedi derbyn y lwfans yn ystod eich blwyddyn gyntaf o astudio, bydd unrhyw lwfans sy’n weddill yn cael ei drosglwyddo i chi yn ystod eich ail flwyddyn  Ni fydd unrhyw lwfans ychwanegol yn cael ei ychwanegu’n awtomatig ar ôl dyddiad y daw eich  Cytundeb Tenantiaeth i ben. 
• Os ydych yn symud allan o’ch preswylfa sydd wedi’i harlwyo’n rhannol, yn gorffen eich astudiaethau a/neu’n gadael y Brifysgol, bydd eich e-waled yn cael ei ganslo, a bydd unrhyw lwfans sy’n weddill yn cael ei golli.

Cysylltwch ag Estates-CustomerServices@abertawe.ac.uk gydag ymholiadau

Wrth arwyddo eich cytundeb tenantiaeth, rydych yn cytuno eich bod wedi darllen a deall y daflen wybodaeth a’r amodau a nodwyd uchod.

• Rydym yn deall nad yw byw mewn preswylfeydd ar y campws yn addas i bawb ac felly rydym ni’n cynnig cymorth wrth ddod o hyd i dai preifat.
• Mae SAS Lettings yma i roi help a chymorth i chi ddod o hyd i lety oddi ar y campws, gan hwyluso’r broses ar eich cyfer.
• I gael rhagor o wybodaeth, ewch i dudalennau gwe SAS Lettings.

• Bydd apwyntiadau cyrraedd ar gael yn ystod y prif gyfnod cyrraedd ym mis Medi.
• Byddwch yn gallu dewis dyddiad ac amser addas i gyrraedd a dadlwytho eich pethau.
• Anfonir rhagor o wybodaeth atoch drwy e-bost.

• Mae llety’r Brifysgol yn parhau i fod ar agor a bydd yn parhau i groesawu myfyrwyr sy’n  
• Rydym yn adolygu gwasanaethau ac yn rhoi prosesau ar waith sy’n cydymffurfio â chyngor y llywodraeth mewn perthynas â phellter cymdeithasol i sicrhau llety diogel i fyfyrwyr.
• Os nad ydych chi’n gallu symud i mewn i’ch ystafell oherwydd cyfyngiadau’r Coronafeirws, gallwch fod yn sicr y caiff eich Blaendal Cadw Ystafell ei ddal a’i ddefnyddio pan fyddwch yn gallu ymuno â ni yn llety’r Brifysgol.

MyUniSupport yw’r pwynt cyswllt cyntaf ar gyfer ymholiadau sy’n ymwneud â’r Coronafeirws.

• I fyfyrwyr sydd wedi cadw llety gyda ni ac sy’n teithio o’r tu allan i’r DU ac o wlad ar y rhestr oren, byddwch yn gallu gwneud cais am lety â chymorth ar gyfer y cyfnod cwarantin 10 niwrnod.
• Y Brifysgol fydd yn talu’r gost felly ni fydd cost ychwanegol i chi. O ganlyniad i natur cyfyngiadau’r llywodraeth, sy’n newid yn gyflym, gofynnwn yn garedig i chi gyflwyno eich cais am lety Cwarantin bythefnos cyn y dyddiad rydych chi’n disgwyl cyrraedd yn y DU (nid yn gynharach na hyn).
• Dylech wirio rhestrau coch, oren a gwyrdd llywodraeth y DUar gyfer y wlad rydych chi’n teithio ohoni i ddeall y rheolau ar adeg teithio. Mae hyn yn sicrhau y gallwn ddyrannu’r llety priodol.
• Gallwch wneud cais ar-lein. Dewiswch ‘TAB 1 QUARANTINE ACCOMMODATION’ a chategori myfyrwyr ‘09. QUARANTINE ACCOMMODATION’. Mae cymorth yn cynnwys:
  • Arlwyo a chymorth gyda dosbarthu bwyd a nwyddau
  • Cymorth gyda dosbarthu a chasglu pecynnau profi cwarantin, meddygaeth a pharseli eraill
  • Cymorth a gweithgareddau lles ar gyfer iechyd meddwl a chorfforol
  • Gwybodaeth bwrpasol, cyngor a chymorth drwy’r tîm MyUniSupport 
  • Cyfleusterau ensuite, dillad gwely a blancedi a thywelion ar gyfer hyd eich arhosiad

Mae’n rhaid i fyfyrwyr sy’n dod o wledydd ar y rhestr goch gadw llety ar gyfer cwarantin mewn gwesty a gymeradwywyd gan y llywodraeth am 10 niwrnod yn ôl y gyfraith. Caiff gwybodaeth am hyn ei hanfon atoch pan fyddwch yn cadw ystafell drwy’r ddolen ganlynol: www.gov.uk/guidance/booking-and-staying-in-a-quarantine-hotel-when-you-arrive-in-england.