Côd Llety Myfyrwyr

Ym Mhrifysgol Abertawe, rydym yn ymrwymedig i ddarparu llety myfyrwyr o safon uchel sy'n bodloni'r gofynion a amlinellwyd gan Gôd Ymarfer UUK ar gyfer Llety Myfyrwyr. Ein nod yw sicrhau bod gan bob myfyriwr amgylchedd diogel, cyfforddus a chefnogol i fyw ynddo. Mae'r polisi hwn yn amlinellu ein hymagwedd at reoli llety, ymateb i gwynion, diogelu preifatrwydd ac ymgysylltu â myfyrwyr.

Mae eich llety'n dylanwadu'n fawr ar eich profiad fel myfyriwr. Dyma pam rydyn ni'n sicrhau bod ein holl lety'n bodloni'r safonau uchaf a amlinellwyd gan  Gôd Llety Myfyrwyr y DU.

Caiff y polisi hwn ei adolygu bob blwyddyn yn unol â Chôd Llety Prifysgolion y DU, gan sicrhau cydymffurfiaeth ag arferion gorau a chan ddiwallu anghenion datblygol myfyrwyr.

Gweler: Ein Storfa Ddogfennau ar-lein ar gyfer Adrodd am Faterion Cynnal a Chadw, Polisïau, Gweithdrefnau, Rheoliadau, Ceisiadau am Drosglwyddo Ystafell a Llawlyfrau.

Fel rhan o'n hymrwymiad i les myfyrwyr, mae Prifysgol Abertawe'n gwarantu'r canlynol:

• Amgylchedd diogel ac iach i fyw ynddo
• Gwaith atgyweirio a chynnal a chadw prydlon ar gyfer eich llety
• Man glân a dymunol i fyw ynddo
• Cytundeb ffurfiol, tryloyw gyda’ch landlord
• Mynediad at wasanaethau iechyd a lles
• Amgylchedd byw sydd heb ymddygiad gwrthgymdeithasol

Rydyn ni am i chi fwynhau eich amser yn y Brifysgol yn ddi-straen. Am ragor o wybodaeth, darllenwch y  Côd Llety Myfyrwyr i gael gwybod sut mae llety myfyrwyr â chymeradwyaeth UUK yn gwella eich profiad bywyd.

Rydyn ni bob amser yn ceisio gwella profiad llety'r myfyrwyr. Mae ein Harolygon Blynyddol i Breswylwyr yn gyfle i chi roi adborth a helpu i lywio dyfodol byw yn llety'r Brifysgol.

Manylion am yr Arolwg

• Ar agor rhwng 1 Ebrill a 30 Mai bob blwyddyn
• Mae'n cymryd ychydig funudau'n unig i'w gwblhau
• Rhoddir gwobrau!

Gallwch chi gwblhau'r arolwg drwy ddewis y lleoliad rydych chi’n byw ynddo isod:
Campws y Bae
Tŷ Beck
Campws Parc Singleton

Mae eich adborth yn hanfodol wrth ein helpu ni i wella ein gwasanaethau a sicrhau cydymffurfiaeth â rheoliadau llety myfyrwyr y DU.

Rydyn ni'n ymdrechu i ddarparu'r profiad myfyrwyr gorau. Mae eich adborth yn amhrisiadwy ac rydyn ni'n cymryd pob sylw o ddifrif. P'un a oes gennych awgrym, canmoliaeth neu bryder, rydyn ni yma i wrando arnoch.

Rydym yn ymrwymedig i:

• Wrando'n ofalus ar yr holl adborth
• Ymateb i gwynion yn brydlon ac yn broffesiynol
• Cynnig esboniadau neu ymddiheuriadau pan fo angen
• Gwneud yn siŵr bod myfyrwyr yn ymwybodol drwy gydol y broses datrys anghenion
• Ymdrin â phryderon mewn modd tryloyw

Sut i godi pryder

• Datrysiad anffurfiol: Siaradwch yn uniongyrchol ag aelod o staff neu eich tîm llety.
• Problemau o ran llety: Gallwch chi adrodd am broblemau glanhau, cynnal a chadw neu broblemau eraill o ran llety i Dderbynfa eich Preswylfa neu ar-lein yma.
• Pryderon o ran dyrannu llety: E-bostiwch y Gwasanaethau Preswyl yn llety@abertawe.ac.uk.
• Cwynion ffurfiol: Dilynwch ein Gweithdrefn ar gyfer Cwynion Llety.
• Adolygiad annibynnol: Os na fydd cwyn yn cael ei datrys, dylech gysylltu â Swyddfa'r Beirniad Annibynnol ar gyfer Addysg Uwch.

Am ragor o gyngor, mae Undeb Myfyrwyr Prifysgol Abertawe ar gael i gefnogi myfyrwyr gyda phroblemau o ran llety.

Rydyn ni'n cymryd eich preifatrwydd o ddifrif. Mae Gwasanaethau Preswyl Prifysgol Abertawe yn cydymffurfio â Deddf Diogelu Data a GDPR, gan sicrhau bod eich data personol yn cael ei drin yn ddiogel.

Efallai byddwn ni'n casglu ac yn prosesu data personol megis:

• Manylion cyswllt
• Gwybodaeth feddygol (os oes angen hon ar gyfer addasiadau llety)
• Cofnodion llety
• Data ariannol sy'n berthnasol i daliadau llety

Rydyn ni'n rhannu eich data gyda darparwyr gwasanaethau hanfodol yn unig, gan gynnwys partneriaid rheoli llety megis UPP, at ddibenion archebu a chynnal a chadw.

Ym Mhrifysgol Abertawe, eich diogelwch a'ch lles yw ein blaenoriaethau pennaf. Rydyn ni'n ymroddedig i'ch cadw'n ymwybodol am faterion ynghylch diogelwch adeiladau, gwaith cynnal a chadw a materion llety pwysig eraill.

Mae ein Strategaeth Ymgysylltu â Phreswylwyr yn canolbwyntio ar:

1. Ymgysylltu: Cysylltu â myfyrwyr drwy e-bost, ein gwefan, y cyfryngau cymdeithasol, sgriniau digidol a chyfarfodydd wyneb yn wyneb.
2. Gwybodaeth: Rhoi'r wybodaeth ddiweddaraf yn brydlon ynghylch mesurau diogelwch a gwaith cynnal a chadw.
3. Grymuso: Sicrhau bod gan fyfyrwyr fynediad at wybodaeth am ddiogelwch a ffyrdd amlwg o godi pryderon.
4. Adborth: Annog myfyrwyr i gymryd rhan yn ein Harolwg Preswylwyr Blynyddol i wella ein gwasanaethau llety'n barhaus.

• Rhaid i chi gwblhau'r Gweithgarwch Sefydlu cyn Cyrraedd, sy'n rhoi gwybodaeth allweddol cyn i chi symud i mewn.
• Rydyn ni'n cynnal gwiriadau diogelwch rheolaidd, gan gynnwys arolygiadau diogelwch tân ac asesiadau o'r adeiladau.
• Os bydd angen gwaith atgyweirio neu darfu, byddwn ni'n rhoi gwybod i chi am hyn ar bob adeg.

Os oes gennych ragor o ymholiadau, e-bostiwch Wasanaethau Preswyl Prifysgol Abertawe yn llety@abertawe.ac.uk.

Edrychwn ymlaen at eich croesawu chi i lety â chymeradwyaeth UUK ym Mhrifysgol Abertawe!