Teithio Mewn Car

Graphic showing a car and a parking sign

Rydym yn cyflwyno system Adnabod Rhifau Rhif Awtomatig (ANPR) o 1 Mehefin

Darganfyddwch fwy yma

Multiple images of students opting for active methods of transport

Os nad yw'n bell - rhowch y gorau i'r car!

Teithio Llesol

Meysydd Parcio Cyngor Abertawe

TEITHIO MEWN CAR

Fel rhan o'n hymdrechion i fod yn brifysgol ddi-garbon erbyn 2035, rydyn ni'n annog myfyrwyr a staff i ddewis opsiynau teithio llesol a chynaliadwy pryd bynnag y bo modd. Ar gyfer y rhai sy'n byw bellach i ffwrdd, rydyn ni'n argymell y gwasanaethau bws lleol.

Os ydych chi'n fyfyriwr ac mae arnoch angen addasiadau rhesymol am resymau meddygol, os ydych chi'n byw y tu allan i ardal parth bysus Prifysgol Abertawe neu os oes gennych blant dibynnol yn ein meithrinfa, efallai byddwch yn gymwys am hawlen barcio.

SYLWER - Mae'r parcio ar y campws rhwng 8am a 4pm o ddydd Llun i ddydd Gwener (Oriau Craidd) ar gyfer deiliaid hawlenni 'talu i barcio' a hawlenni blynyddol yn unig. Gall ymwelwyr barcio ar y campws y tu allan i'r oriau craidd, a rhaid iddynt dalu i barcio.

Cyflwyno system Adnabod Rhifau Cerbydau yn Awtomatig (ANPR) ar draws ein campysau

O 1 Mehefin 2023, bydd System Adnabod Rhifau Cerbydau yn Awtomatig ar waith ar Gampws y Bae a Champws Parc Singleton.

Ni chaniateir i fyfyrwyr barcio ar y campws rhwng 8am a 4pm o ddydd Llun i ddydd Gwener (ac eithrio’r rhai sydd â hawlen ddilys - gweler isod)
Gall myfyrwyr brynu hawlenni parcio y tu allan i oriau craidd am £20 y flwyddyn, sy'n galluogi myfyrwyr i barcio ar y campws rhwng 4pm ac 8am, o ddydd Llun i ddydd Gwener ac ar y penwythnos am ddim.
Rhwng 4pm ac 8am o ddydd Llun i ddydd Gwener ac ar y penwythnos, gall y rhai nad oes ganddynt hawlenni dalu i barcio.

Myfyrwyr

Students walking near Computational Foundry

Ymwelwyr

Contractwyr

Image of building works to computational foundry

Staff

BLE I BARCIO OS NAD OES GENNYCH HAWLEN

Cliciwch ar y penawdau isod i ddarganfod lle cewch chi barcio os nad oes gennych hawlen.

Cofiwch barcio mewn mannau penodedig ar y safle a pharcio mewn modd cyfrifol oddi ar y safle, yn enwedig mewn mannau yn y gymuned leol.

Parcio ger Campws Parc Singleton

Maes Parcio’r Cae Hamdden (y ‘Rec’)

Mae nifer o leoedd parcio Talu ac Arddangos ar gael i fyfyrwyr ac ymwelwyr ar y Cae Hamdden sy’n cael ei reoli gan Gyngor Abertawe, yn agos at ffin ddwyreiniol Campws Parc Singleton (tua 5 munud wrth gerdded). Os oes gennych hawlen barcio staff neu fyfyriwr, cewch barcio yma am ddim. Os nad oes hawlen gennych, bydd rhaid i chi dalu ac arddangos.

Y Cae Hamdden

Heol y Mwmbwls

Brynmill

Abertawe

SA2 OAU

Maes Parcio Tafarn The Pub on The Pond

Mae nifer o leoedd talu ac arddangos ar gael ym maes Parcio’r Pub on The Pond i’r gorllewin i’r campws (tua 2 funud wrth gerdded). Nid yw hawlenni parcio staff a myfyrwyr yn ddilys yn y maes parcio hwn - dylech dalu ac arddangos os ydych chi’n parcio yma.

The Pub on The Pond

Parc Singleton

Heol y Mwmbwls

Sgeti

Abertawe

SA2 8PY

Gallwch weld y meysydd parcio yma (weithiau bydd pobl yn cyfeirio at faes parcio’r Pub on the Pond fel ‘Maes Parcio’r Llyn Cychod’)

Parcio ger Campws Y Bae

Rydym yn annog staff sy’n gorfod gyrru i’r Brifysgol i ddefnyddio cyfleuster Parcio a Theithio “mwy diogel trwy ddyluniad” Ffordd Fabian.

O Barcio a Theithio Ffordd Fabian, mae gwasanaeth 93 First Cymru yn ymweld â Champws y Bae, sy'n codi ac yn gollwng ar Ffordd Fabian. Os yw’n well gennych beidio â mynd ar y bws, gallwch godi Beic Santander o’r Parcio a Theithio a’i docio yng nghanolfan Campws y Bae.

Faint mae'n ei gostio i ddefnyddio Parcio a Theithio Ffordd Fabian?

Yn ystod y tymor mae'n costio £1 i barcio yn y Parcio a Theithio a thal ychwanegol ar y bws.

Gallwch gael rhagor o wybodaeth am y gwasanaeth Parcio a Theithio drwy fynd i wefan Cyngor Abertawe a First Cymru.

Cyfeiriad:

Parcio a Theithio Ffordd Fabian

Ffordd Fabian

Abertawe

SA1 8LD